السلام عليكم
لا ادري كيف يمكن البدء بكتابة شيء مثل هذا وشلون اقدر اوصل لكم الحرقه اللي فيني على امي
لكن بذكر لكم السالقه مختصره واتمنى منكم تساعدوني واشوف لها حل لانها بجد بدت تأثر على نفسياتنا

انا الحمدلله تربيت في بيت الكل كان يحسدني عليه من جو التفاهم اللي فيه وكبرت على هالشي ان امي وابوي بينهم علاقة حب واحترام وامي ماعمرها زعلته ولا رفضت له طلب حتى لو كان على حساب نفسها
لكن الشي هذا ما كان صحيح .. صحيح ان كان الهدوء كان يعم الوضع لكن لازم فيه بعض الاشياء حالهم حال اي زوجين وهالشي طبيعي لكن الشي اللي مو طبيعي اللي اكتشفته بعد ما وصلت سن العشرين .. القصه باختصار

امي ما تعودت ترفض لابوي شي او تواجهه وانا واخواني نفس الشي .. كنا نشوف ابوي شي ممنوع الاقتراب يعني ما نقدر نصارحه او نقول له شي هو طيب معانا لكنه شديد جدا ومحد فينا كان يقدر يرفع عينه بعين ابوي وهالشي كبرنا عليه لان ابوي طبيعته هادئ كثييييير يعني نادر نادر يتكلم وما يحب احد يناقشه في قراراته او اشياءه اللي يسويها ولا احنا نسوي اي شي بدون اذنه
المهم .. امي كانت لما يصير لها شي مع ابوي كانت ما تقدر تشكي الا لاخته واخته كانت تكلمه بطريقة ذكيه وتلين قلبه شوي وأمي كانت تراعي اخته وتسوي لها كل شي لانها كبيره وحتى امه ما تركتها يوم انها كانت بالمستشفى لحد ما توفت وكان قبل وفاتهم هم اللي كانوا يساندون امي ويوقفون معاها لو ابوي زعلها بشي او ثقل عليها وصلت مره انهم هددوه يطردونه من البيت لو ضرها لانهم يعرفون ان امي مسكينه وما تقدر تسوي شي
مو تفهمون من كلامي ان ابوي يضربها او يضربنا او كذا لا حرام بس كانت تصرفاته جافه معانا اوقات ومن النوع القديم اللي لازم كل شي يمشي حسب رايه وهالشي عقدنا واحنا نكبر حتى يمكن لو تسألوني الحين ماقدر اخذ قراري لحالي
ما اطول عليكم .. بعد ما توفوا جدتي وعمتي الله يرحمهم .. طلعت شخصيته وجاها بعد كم شهر يقولها انا ناوي اتزوج !!! بس كذا سبحان الله وبس قال لها هالكلمتين وسافر وخلاها في حال ما يعلم به الا رب العالمين
طيب هي في شنو قصرت معك ؟؟ سوت لك شي ؟؟ ليش تبي تتزوج ؟؟ وليش الحين بالذات ؟؟ محد كان يدري وامي مسكينه طبيعتها ما تتكلم لاحد ولولا انهم الله يرحمهم كانوا يصرون عليها كان ما تكلمت .. وحتى احنا ما قالت لنا وربي انا قلت خلاص امي بتروح فيها وما كنا عارفين شنو السبب وكلمنا الوالد وخليناه يرجع بس كانت الفكره بباله
بعدها لما شفت حالة امي تتدهور حلفت عليها الا تخبرني وخبرتني وياليتها ماخبرتني ما تعرفون شصار لي وقتها كيف اتصرف وشلون .. ادري بتقولون ان هالشي من حقه بس امي ما قصرت معاه وربي وحده غيره ما بتصبر على اطباعه وماقدر اوقف بوجهه لكن هذي امي !!!!
وظلت امي على هالحال والوالد مثل الصنم يطلع ويدخل لحد اللي رحم حالها وقال لها خلاص انا صرفت النظر عن الموضوع هذا بعد شهرين يمكن .. وشوي شوي رجعت الامور على ماهي عليه لكن مع بعض الحزازيات وعادت حياتنا شوي لوضعها الطبيعي
لكن اللي صار الحين من فتره جفاء بينهم مو طبيعي لدرجة انه يدخل ويطلع بس يسلم والسفره صار لها ايام ما يجلس معانا دايم بعدنا ويطلع ويدخل ولا يكلمها ولا كأنها موجوده بالبيت ومن شهرين قرر انه ياخذ اجازه ويسافر بدون سبب بس كذا راحه وتغيير جو مع ان احنا كنا نصر عليه نبي نسافر لكنه كل مره يتعذر بعذر وسافر وحتى ما كان يتصل لنا ولا يتطمن الا لما احنا نتصل له .. صحيح امي في البدايه اللي ابتعدت شوي لكن من حرقة قلبها على اللي صار وبعدها رجعت عادي .. ليش هو يسوي كل هذا
لدرجة انه يسوي اشياء يدري ان امي لازم تدري بالموضوع قبل لا يسويه وعادي يسويه بدون اهتمام وبدون لا يخبرها ع الاقل وحتى ما يخبرها لما يسويها .. بس تسمع بالاخبار من الغريب .. هذا واشياء كثيره يسويها من حركات الجفاء
وربي الوضع في البيت يزعل .. امي تعبانه حيييل والمشكله انها ما تتكلم لكن الشي والله كثير عليها انه تشوفه داخل وطالع ولا كأنها موجوده بالبيت .. ايام قبل كان يحكي لها كل شي صار معه من الصبح للظهر الحين زين نسمع صوته اذا سلم .. وربي تصرفاته جاااافه حيل معانا ومعاها .. امي اللي يشوفها ما يعرفها من اثار التعب والهم
والله انا تجيني اوقات اقول بوقف بوجهه وبكلمه لكن هذا ابوي وانا احترمه واخاف منه ولا عمري واجهته ولا كلمته بموضوع كذا .. ادري بتقولون اني كبيره وافهم لكن هالشي مؤرقني اخاف امي وابوي يقترقون بعد هالعمر وعندي اخوان صغار .. واخاف اخسر امي ،، انا ابي اسوي اي شي عشان امي ولا اشوف دمعتها ولا انكسارها
خبروني الله يجزاه خير اللي يساعدني .. وش اسوي وشلون اتصرف وشلون اخلي ابوي يحن قلبه عليها ويرجع بيتنا مثل قبل لان كل البيت تأثر
انا والله مالي الا ربي ثم انتوا
وما راح يخيب ظني فيكم
اعذروني على كلماتي المبعثره لكن والله مو عارفه شلون اكتب وشنو اكتب واكتب لكم وقلبي محترق على امي

افااا
حتى رد واحد مافي !!
وانا اللي جايه اطلبكم وابي مساعدتكم

تكفون احد يشير علي بشي لاني جد مو عارفه شلون اتصرف واساعد امي
انا حتى زواج مو قادره اخذ قرار فيه لاني خايفه من الشي هذا وجد تعقدت اخاف كل الرجال يسوون بحريمهم مثل اللي صار لأمي

اخر المواقف واللي صار يتكرر كثير
قال لواحد من اخواني .. هاه وش رايك نروح المكان الفلاني .. قاله اخوي بكل براءه .. وامي؟ - مع العلم ان اخواني ما يدرون بشي -
رد عليه بصوت عاااالي كلنا خفنا منه .. وش دخل امك الحين ؟؟؟؟
وهو مسكين اخوي ما كان قصده شي بس كان يسأله اذا امي بتروح او لا
وهذا ابسط مثال على ان كل شي لما ينذكر فيه اسم امي يعصب ويصرخ

الله المستعااان

ياقلبي أدعي له داائماً بالهدايه والله يصبر قلب امك عليه ياارب ..

ويرزقك بالزوج الصالح =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

ابنتي الكريمة
وعليكم السلام ورحمة الله وبركاته:
ماشاء الله تبارك الله عليكم وعلى جمعتكم وعلى قلبك الحي وبرك والدتك ووالدك فيظهر حسن تربيتكم مما كتبتي .
التحليل العام:
1- فرقي بين العلاقة الزوجية والعلاقة الأبوية فوالدك بالنسبة لك أب حنون مؤدب موجه عطوف رحوم
وبالنسبة لوالدتك زوج له حقوق وله أمور أحلها الله له وإن كان فيها ما يجرح زوجته ولها طرق تستطيع بها التصرف معه ولها حقوق تجاهه تنازلت عنها أو طالبت بها هذا شأنها هي.
3- هو يتصرف بما يراه في مصلحة الجميع ومنها كهربة الجو قليلاً ولو لم يكن ينوى أن يعمل وليس مطلوباً منه كأب أعطاه الله القوامة على زوجته والأبوة على أولاده أن يبرر لهم قراراته أو يستأذنهم في شيء.
الزواج بأمرأة أخرى أو الحديث عن ذلك شأن زوجي بينهما لا علاقة لك ِ فيه من حيث صناعة القرار ورفضه.
4- مشاعرك تجاه زوجته كأم لك هذا باب آخر تستطيعين التعامل فيه معها من باب الحنان والتلطف في التعبير عن رأيك فيه معه أو معها بهدوء وأدب فالتدخل فيما بينهما كزوجين لا ح ق لك فيه.
5- إن رغبتي استعادة التوازن النفسي لمنزلكم فأخبري والدتك عما في قلبك واسأليها لماذا لا تقف في وجهه وتمنعه من الزواج بأخرى وما هي المصالح التي توازن بينها لتصنع مثل هذا القرار.
6- صفحة العلاقة الخاصة بينهما ( الحب القلبي والجماع وما حوله ) ليست مكشوفة لك وهي مؤشر قوي لصناعة مثل قرار والدك بالزواج من أخرى أو التراجع عنه وقد تكون والدتك تعلم أن له الحق في ذلك.
7- يجب تقييم تجربة أي زوجين ( ومنهم والداك) على النمط الشخصي لكل منهما في العلاقة مثل لو كانت إحدى خالاتك محل والدتك لتفاعلت معه بشكل غير تفاعل والدتك من حيث القوة ولكن قد تكون النتائج سيئة لأن قوة اندفاعها جعلته يعاند ويكابر ولكن حسن إدارة والدتمك للموقف وامتصاصها حماس والدك جعل الموضوع يقف عند ما رأيتي.
8- الفقرة رقم 7 أقصد منها أن لا تربطي حياتك شخصيتك ونظرتك للزواج على أن كل الرجال مثل والدك وكل النساء مثل أمك, ولا تربطي الحياة الواقعية بتصوير المسلسلات لشرع الله في التعدد فلو لم يناسب التعدد حاجات النساء أولاً ما وافقت أنثى أن تكون زوجة ثانية وليس التعدد موضوعنا هنا.
النصيحة :
1- أطلبي من والدتك أن تتعامل بمواضيعها الزوجية مع والدك دون إشراككم بذلك.
2- تعاملي مع والدتك ووالدك بما لهما من حقوق البر وإن سمحت لك الوالدة بالحديث عن هذا الجانب فتفاعلي بامتصاص أحزانها ولا تكوني معها ضد والدك ولا مع والدك ضدها,’ وليس ضرورياً أن يكون رأي والدك بوالدتك أو رأيها فيها كما تحبين ولكنهما يتفقان على أن تعيشو تحت جناحيهما بسلام حتى تطيروا مع أزواجكم مهما كانت بينهم من أمور كأي زوجين وشجعيها على حسن الحوار معه بهدوء والابحث عن نقاط الاختلاف وقلبها للاتفاق..
تلميحة :
التعدد منحة من الله للرجل لعلاج أموره مع أهله ومصيبة على المرأة ومن يشكر الله على المنحة يؤجر ومن يصبر على المكصيبة يؤجر وكله من شرع الله ومن يعبث بشرع الله يأثم ومن يصبر على من يعبث بشرع الله يؤجر.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

لعلك فيما كتبت ازلت كثيرا من الثقل الذي كنت احس به
اسمح لي ان اناديك أبي - فكلماتك كانت لي مثل البلسم هونت علي بعض مما انا فيه
شكرا لك من الاعماق
ولكني لازلت حائره في بعض الامور اتمنى توضيحها واعذرني ان اثقلت

صحيح ان علاقتهم الزوجيه لا علم لي بها ولا اعلم ما وراء الابواب المغلقه من وئام او عدمه
ولا ادري ما الذي بينهم ودفعهم لمثل هذه التصرفات
ولكن يكفي انهم والداي وتحتهم ابناء على الاقل يتجنبون مثل هذه التصرفات امامنا
انا كبيره وكملت سن العشرين وممكن احط اعذار او اتحمل لكن ما ذنب اخواني الصغار في رؤيتهم لمثل هذه التصرفات احيانا
والله ان هالشي بدا يأثر على نفسياتهم وهم كل شوي يجوني ويسألوني شفيهم امي وابوي .. ليش ابوي ما يرد علي امي ؟ .. وليش اليوم ما نام بالغرفه فيهم شي ؟ ليش ابوي لما يطلع برا يضحك ويستانس ويسولف وكأنه شخص ثاني واول ما يدخل البيت يظل طول اليوم ساكت - على فكره هو كذا من الاول لكنه كان اخف من كذا بس الحين من يدخل البيت يكشر وجهه ويظل ساكت حتى معنا - والكثير من هالتساؤلات البريئه !!
كان المفروض المشاكل اللي بينهم تظل بينهم وما يحسسون الاطفال بها

وربي انا اهملت كل شي بحياتي وبس قاعده افكر واحاتي .. وش بيصير لو ولو ولو ولو .. اشياء كثيره مالها جواب عندي وانعكس هالشي على شخصيتي صرت انطوائيه وماحب اتكلم مع احد وصح انا مو المفروض ان احط اجوبه لكن هذي امي وذاك ابوي مابي اشوف اليوم اللي يفترقون فيه بعد 25 سنة زواج لا سمح الله حتى لو انا كبيره وحتى لو

امي كانت ما تتكلم لكن انا اجبرتها في البدايه تقول لي اللي مضايقها وكان بيذبحها من الهم
ويمكن هي ترتاح لما تتكلم لكن انا وربي نفسيتي تصير زفت حتى لو ما بينت لهم لكن وربي تعبت من هالوضع
وصارت تجي تتكلم وتفضفض لي وانا مو بيدي شي اسويه ولا اساعدها بشي

لمحه عشان تفهمون شخصية الوالد معي ومع اخواني وعموما
هو باختصار سي السيد .. اوامره مجابه بدون مناقشه ولا رد .. صارم في التعامل معنا .. قلييييل الكلام جدا مع اني مثل ما قلت برا البيت يكون شخصيه مختلفه مليون بالمئه .. ماعمره جانا وقال لنا تكلموا عن نفسكم او شصار معكم بالمدرسه او غيرها .. عنده مجموعه من القوانين خط احمر مستحيل احد يتكلم فيها .. عنيد ويثبت على رايه .. تعامله جاف مع اخواني المراهقين خصوصا مع انه المفروض بهالفتره ياخذ بيدهم ويعلمهم ويرشدهم .. لكن ماشفت منه الا المزيد من الشده والجفاف وياخوفي اخواني يضيعون
اتوقع خذتوا فكره عن هالنوع من الشخصيات

دلووني على طريقة اقدر اتعامل فيها مع وضعي
طلبتك أبي رجل الرجال لا تضيعني

حبيبتي دعا كان وضعه اخون البليغ لاحد اخواتنا

وهو : اينما تكونو يأتي بكم الله

دعيت به ليل نهار وكل الوقت وسبحانه الله العظيم ها ولدي من امس في الببيت

اقول لك وقت والدي ووالدتي يتزاعلو وابي كان قاسي كتيررر كنت اانا اللي اصالحهم على بعض

انتي وقت يدخل ابوكي البيت اهتمي فيه والابتسامه على وجهك وفكري شو اللي يحبو واعمليه شويه شويه

وامك ازيدي الاهتمام بها مع شوية دلال وغنج وكلام عسل يا عسل اسأليها : اين بريق عينيكي
مشطي لها شعرها مثلا اشتري كريم وضعيه بيديكي على وجهها مع التدليك

ابوكي وقت يجلس مساج على اكتافه

ووقت تاكلي اي شي خبي منه حبه او ضعي مثلا حبه بيدك في فم امك ولا تعطيها بيدها ووقت يكون ابوكي بالبيت نفس الشي وقولي له غصيت لك بهذه حبيبي

وابي بسم الله حتى الآن ما حد بيقدر عليه غيري مهما عملو شو اعمل عم يغارو بس يفرحو وقت احل القصه

الحل بيدك انتي صرتي صبيه وعقلك كبير وتفكري منيح وهذا من انواع البر

يا رب كون افدتك

واي شي من عيوني

__________________
http://live.gph.gov.sa/
اللهم اني استودعك اولادي

حببيبتي ابوكي صعب كتيررررررر وانا ما حبه يكون لي رد وامشي لا


ممكن حبيبتي نتفق انا وانتي على شي ونمشي فيه مع ابوكي وامك

مثلا ارسلي مسج لابوكي : حبيبي اشتقنا لك

اول مره ما رح يتقبل يمكن الوضع ثاني مره رح يفرح ثالث مره رح ينتظر ويقول ليه ما ارسلت لي خير


اضربي على الوتر الحساس

امك نفس الكللام مسج ولو انتي معها بنفس الغرفه هناك مسجااااات جميله جدا ترسل للام


ادخلي عليهم من العاطفه التي تزبل في جسدهم ويبحثو عنها ويجدوها فيكي

__________________
http://live.gph.gov.sa/
اللهم اني استودعك اولادي

اختي زهرة الرمان
الف شكر لك على دعواتك والله يستجيب منك يارب

اختي GREEN222
شكرا ع الرد والحلول الجميله
لكن للاسف انا اعتبر تحقيقها من عالم الاحلام بالنسبه لنا
لان ابوي مثل ما ذكرت لج شخصيته صعبه كثير وهالحركات ابدا ما تنفع معاه
ما يضبط معاه الا اللي براسه اما غيره لا والف لا
اشكر لك تواجدك مرة ثانية واحتاج دعواتك

أبي رجل الرجال
ما زلت انتظر توجيهك لي مع خالص شكري وامتناني

هل هكذا تستقبلون من اتاكم طالبا للنصح والمشوره
وضاقت به الدنيا فلم يجد غيركم ولا افضل منكم .. عله يجد ما يستريح به قلبه وتطمئن به نفسه
ثم ينتظر بلا رد ولا مشوره !!

عموما .. سأستمر بالكلام علني القى من يحن قلبه لي ويرد علي

لا زال الوضع مثل ما هو عليه وربما اكثر
مع تهديدات الوالده ان الوضع سيسوء اكثر وان احنا ما شفنا شي لحد الحين
وانا لحد اليوم مو فاهمه ليش التعميم .. ليش "ماشفنا" ليش "ماشاف"

انا تقريبا بديت افهم سبب المشكله اللي بينهم وهي خلافهم على طريقة التربية
امي تحاول تقنع ابوي يغر طريقته معانا وابوي تقليدي مو قادر يتقبل ومن هنا بدت المشاكل

ابوي ما يحسسنا ان في مشكله ابدا .. عدا ملاحظتنا ان هو ما يكلم امي
لكن امي الله يهديها .. حتى لو ما تتكلم لكن تحسسنا بالشي هذا
ما تتكلم وعلى طول ساكته ومعصبه ونفسها بخشمها من احد يكلمها ترد عليه برد استهزائي يتعلق بموضوعها هي والوالد
انا حاولت افهمها ان مشاكلكم تظل بينكم وان مالنا علاقه وبكيفكم تحلونها او لا
لكن لا تحسسونا بالشي حتى لو احنا كبار
لكنها بدون فايده .. لدرجة انها اليوم رمت علي صحن !!!!!

ليش انا لازم اتحمل مشاكلهم واصبر على اللي اشوفه واتحمل طريقتهم وطريقة تعاملهم بس لاني كبيره ولازم افهم ؟؟
حتى لو وصلت الخمسين ما يعطيهم الحق يحاسبوني على اخطائهم كأني انا اللي تسببت بالشي هذا

وربي تعبت حياتي الطبيعيه مو قادره ارجع لها
نفسيتي تعبانه افيدوني :"(

حبيبتي ابوك رجل يستطيع انه يكتم مشاعره امك امراه لاتحمليها فوق طاقتها هي تفرغ الزعل في هذا الاشياء
انتي البنت الكبيره لازم لك دور وتحاولين ان تلطفين الجو بينهما

* احببت ان اخبرك عن شي ابي كان فيه كثير من اطباع ابيك كان شديد علي أتعلمين متى تغير تغير عندما تزوجت اختي الكبرى اخذ يراجع حساباته وهو يعلم اننا نخاف منه ولانناقشه والان الحمدالله تغير الوضع اصبحت اتحدث معه واناقشه واعترض
وكان لأبي ملاحظات ع اشياء بالمنزل وكان يلمح لها وانا كنت افهم قصده واخبر امي بطريقه لاتجرح احد
وبذالك ساعدت ان وضع الاسره يستقر


اناكتبت لكي تجربتي يمكن تستفيدين منها


والله يصلح الاموار بينهما وانتي لاتنسينهم من دعواتك