بسم الله الرحمن الرحيم
السلام عليكم ورحمة الله وبركاته ,,
كيف الحال [ أخواني وأخواتي ] ؟؟
بدايه حبيت اشكر ادارى منتدى [ عالم الاسره والمجتمع ] على الذوق الرفيع في المنتدى ,,
وأشكرك كل من بصم في هالمنتدى الغالي ..
بصراحه انا مريت في حياتي وانا شايله فوق ظهري معاناه وهم كبييييييييير في دنيتي
صحيح ان الشكوى لله بس انا حبيت اني انقل لكم هالقصه وابي منكم مساعده واتمنى اني احصل احد
يساعدني انا فتاه ابلغ من العمر 20 سنه [فقدت عذريتي] قبل 6 سنوات وفي هالوقت انا ماكنت اعرف شو عذريه البنت ولا كنت ادري شو يعني . ؟
يعني انا ارتبكت غلطة عمر وانا ماكنت ادري شي على العموم بعد 3 سنوات اكتشف اني فتاه بدون عذريتي
واللي خلاني ارتكب هالجريمه مب شخص لا كنت امارس العاده وانا صغيره وماكنت اعرف هالسوالف
بس السبب اعتقد انه الماء المتدفق القوي اللي فقد لي عذريتي ؟؟
بعد مرور هالسنوات الحمد لله انا عرفت غلطتي وكنت كل يوم اتقرب من ربي واستغفره وعلاقتي في ربي
الحمدلله ممتازه وكنت اتذكر هاللحظات واندم عليها المشكله احين اتذكر واضايق وايد
لكن المشكله انه انا كل مايتقدم لي واحد ارفضه وهالسبب اني فتاه غير عذراء
اخاف من ردت الفعل لكن قبل اسبوع انا انخطبت من واحد من اهلي وللحين في فتره الخطوبه ماكان بينا
شي حتى ما رمسنا بعض ولا كلمنا بعض نهائيا ونبي نرمس بعض بعد عقد القران وانا خايفه من ردت فعله
عقب وهالشي بيضرني وايد لكن المشكله شو اللي اقدر اسويه علشان اقوله انه انا
بدون عذريه والسبب كانت في طفولتي وانا كنت غافله عن هالشي وانا خيفانه وايد وايد وكل يوم ادعي
ربي واخاف وايد وايد ارجوكم ابي حل كيف اعترف له؟
هل اتركه وافصخ خطوبتي واقعد بدون زواج ؟
ولا شو اسوي ارجوكم ساعدوني ف انا بأمس الحاجه لكم ؟
واتمنى منكم كل يوم تدعولي من الخاطر والله اني وايد خيفانه على حياتي انا اعرف اني غلطت وهالشي
كان غلط اسويه بس انا ماكنت اعرف شي في طفولتي ابدا ,,
03-11-2009, 01:06 PM
ضوابط المشاركة
العرض الشجري