الله يسعدك 💙

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

يعني اذا ما قبلت القرار .. بننفصل !
على فكره صديقه خاض تجربه وطلق لان زوجته ماتحملة الغربه .. يعني توه يفكر .. كنه متحسف
انا هذا اللي فهمته
من كلامه مابي مشاكل وقرري وفكري ..
هو بدال يقربني منه يخوفني ..
احنا مابعد عرفنا بعض صح واحس متردد طيب اذا مايبي تكاليف ومشاكل ليه اخذ وحده من منطقه ثانيه !
اذكر اول ما تقدم لي كان يبي اجتماعيه ومتفتحه ..
وش صار الحين ؟ يقول احس بظلمك وانا مابي احس اني مقصر معك مقدر على تكاليف السفر .. وانت ماتقدرين تتركين اهلك وصديقاتك .. ادري انه يفكر فيني ويخاف اني احن .. بس ليه توه يفكر لما عقدنا
طبيعي احن واشتاق لكن اذا فيه زيارات بيكون الوضع طبيعي .. بس اذا لا هنا المفروض فكر قبل لا يخطب
ا الغربه تقرب الاثنين من بعض وانا كنت حابه يكون زوجي قريب مني ومحد يتدخل فينا .. هو قبل لا نقرب صار يخوفني بحجة انا انسان واضح وما ابي مشاكل .. من يبي مشاكل !
مافيه حياة عسل كل يوم
اذا على التزاماته انا ما اجبره يجي معي
انا خفت منه حسيته ممكن يتخلى عني باي وقت
صرت افكر بالاسوء كخوف واحساسي من كلامه..
قراري انه ما يحرمني وماعندي كلام غيره
بس كلمته فكري وفكري .. يعني انفصل بس الانفصال مو حل ولو رضيت اهلي ماراح يرضون .. بكل الحالتين .. حيرني دايم حلوله الهرب رمى الكوره بملعبي واساس محد قاعد يلعب غيري

اهلاااا... الله ييسر لك و يسهل لك امورك..

يعني ممكن تكون قصه صديقه مأثره عليه.. و قالك الكلام هذا..

حتى عذره.. موضوع التكاليف.. ' مايقدر. !
وانتي عارفه انه هذا غير مقنع.. لان مافي تكاليف.. او موضوع الماده ما يشكل عندك فارق
تقدرين تدبرين امورك... اذا مايقدر يوديك.. طياره..

يعني هذا معناهااا.. مو معارض كمبدأ.. لكن تكلم عن التكاليف.. وهذا لصالحك.
حتى بعدين.. تمسكين عليه كلمته..

شوووفي خليك ذكيه..
مثلااا اذا الحين قلتي قرارك.. هو اهم شي ما يحرمك من اهلك ..
خلص..
عندي لك خطه..
اقبلي كلااامه.. ووافقيه.. وقولي له ما عندي مانع.. اهم شي اكون عندك..
من لي غيرك..! وين ما تبي تاخذني.. خذني.. اهم شي معك..
و هنا تستخدمي ذكائك.. تبينين له انه هو الوحيد... اهم شي..
قربي منه اكثر.. وحاولي تدخلين معه بقووه.. حتى لو مايعطيك مجال..
ادخلي من باب المزح و الضحك.. هذا طبعاااا مكالمه مو واتسس..
الهدف... منها اكسبيه.. ادخلي عالمه بدل ما انتي بمكانك بعيده.
حتى لو مايسمح لك... ادخلي غصب عنه..
خلي عندك بلاده.. قدامه.. لا تدققين على كل كلمه..
اضحكي وخليك مانتي فاهمه وش يقصد...
لانه اول بسسس يقولك كلمتين ووانتي من نفسك تستنتجين..... بطلي هالشغله..
خلص حطي ببالك فتره.. مثلا عشر ايام..
اما الامور تمشي مثل ما تبين او... بعدين تستخدمي خطه ثانيه... مثلااا مصارحه..
وهذي هي الخطه اللي بتستخدميهااا الحين صح؟ .. لكن اجليهااا لبعدين..
مانتي خسرانه شي..

الخطه اللي قلتها لك.... هدفهاا تقربي منه كثيرررر و بعدين تشوفين
تمونين عليه او لاااا... ينفذ اللي تبين او لااا....
لانك الان هو مرتب نفسه.. ومستقبله.. و حاط خطط.. ومبادئ..
انتي تقدري تلخبطي كل هالامور.. مجرد ما تدخلي له..
خطه بسيطه...
لازم تخلصين من كل مشاعر الزعل و العتب والضيق و و
و تظهري له شخصيه حتى لو تمثيل... مرحه و ضحوكه و مايهمك شي
بالدنيااا غيره.. وخلي بك غباء مع بلاده... اي شي يقوله لك
لازم يفصل لك.. مو تستنتجي لاااا...
وخلي ردت فعلك... ضحكه.. قولي عااادي بكيفك... اللي تبي..
ولااا يهمك... وادخلي بموضوع ثااني..
مانتي خسرانه شي... جربي.. لو ع سبيل التجربه...
لااان هذا نوع البنت اللي يبيهاااااااا.....
..
اذا طبقتيهااا صح... رح تكسبيه على طول...
...
هااااا
رح تقدري تنفذيهاااا....؟

__________________

::
♤¤ مااضيق العيش لولا فسحه الأمل ¤♤
::

سهله لان اصلا انا من هالنوع بس مو بليده مشاعر لا .. بس احب امزح وجريئه ولا احب النكد .. بس هو مره قال انتي اجرى منى فخفيت 😹🙊 ..
هو جا كلمني اليوم وسأل ان كنت زعلانه بس ما قلت لا ايه ولا لا .. حكيت بموضوع ثاني وبعدين قلت بنام ..
انا اخاف ان قلت له ابكون معك وموافقه هو يمسكها علي وفعلا ما يخليني ازور اهلي .. يمكن هذي نقطة ضعفي في موضوعي كله ولا الحمدلله اقدر ادبر اموري .. بس لاحظت انه يحس انه هو بيحرمني من اهلي وصديقاتي لاني قد قلت اني متعلقه فيهم .. وعلى فكره دايم المح له انه غالي علي بس مو كلام جدي مزح و واتس ومره جربتها بالفون وصرفنننني غير الموضوع خجل و استحيت والله 😂
هو طيب ولا ودي اخسره وهو يقول اني دلوعه ويحس دايم انه بيقصر علي وانا والله مجرد محاولته انه يرضيني يكفيني .. وسالفة التكاليف اوكي هو قالها وصرح بس قال بعدها مو بس التكاليف فيه اشياء ثانيه التزمات .. و سالفه صاحبه هذي ثاني مره يحكيها لي .. كان ردي دامها مشتاقه ليه ماخلها تزور اهلها .. ترتاح وترجع له الطلاق مو حل . اتفق معي ..
Imalonأحس تعبتك معي بس احسك تعرف خطيبي ف معليش تحملني والله يسعدك ويوفقك يارب ويسخر لك خلقه

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

انتي بتعيشين حياة مستقله اذا ماتأقلمتي معها بتتعبين وبعدين نعم كثرة السفر تعب وارهاق وخطر الواحد يالله يرتاح من دوامه يجيه مسافة خط يوصل متفكك وحالة حاله اما اذا الديرة قريب اقل من 300 كيلوا اقول معك حق بس اذا اكثر تعب من جد انا اداوم مسافة 240 كيلوا رايح جاي ولو بتزوج من بعيد اوديها لهلها مره بالسنه او مناسبات مهمه حيل بس تأقلم نفسها ع هالشي هذا زواج وعايله وحياه مستقله منتي ساكنه مع اخوك ولاعمك اهلها ع العين والراس بس مو لهدرجة

اجل خذ لك من نفس الديره اللي فيها دوامك .. ليه تاخذ بنت الناس وتقطعها من اهلها !
عائله وبيت وزوج على عيني وراسي ماراح اقصر انا ماوافقت الا عارفه اني بتأقلم .. وزيارتي لاهلي ماراح تدمر لا بيتي ولا استقلاليتنا ولا حياتنا ولا ميزانيتنا .. بالعكس اذا مازرتهم نفسيتي بتندمر وراح اتعب وبذلك راح اقصر ومشاكل وهموم ..
واللي ابي اوصله لك ..
ترا اهلك لهم حق عليك تزورهم .. صلة الرحم (واجبه ) امك وابوك لهم حق عليك ..
اما اذا هذي فكرتك لازم تعلم اللي بتخطبها قبل تعقدون لان السالفه مو بسيطه .. تقطعها من اهلها .. اللي ربوها كل عمرها معهم وانت لو تخليت عنها بيوم او حصل لك شي مالها الا هم بعد ربي ..

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

نعم لهم حق لكن اذا مسافه طويله معذور ماني مهبول امغط خط كل فتره سفريات تقص الظهر

ونفس الكلام موجهه لك دامك ماتتحملين بعد اهلك من الاساس ليه وافقتي
جالسه تناقضين نفسك تقولين وافقت لاني عارفه بتأقلم على الوضع ثم تقولين بالعكس نفسيتي بتتدمر اذا مازرتهم ! تناقض
ونعم كثرة الزيارات خصوصاً اذا اهلك بعيد بيتعب وبتسبب مشاكل ممكن بالبدايه يرضى ثم بيطفش مع الوقت انا مجرب سفريات لما طفشت تهد الحيل

انا اشوف زياره بالاعياد فقط احمدي ربك ان التزم بهالشي
نصيحه لك افضل شي حلي مشكلتك ذي قبل الزواج لاتأجلينها لبعد الزواج مثل مايقولك الاخ
ياما ناس اجلوا من طقت بتزين الامور وبالاخير خلاف وطلاق
حلي الموضوع من الحين واتفقوا على شي ومفروض هالشي حاطته من شروطك بالملكه دامه شي مهم
وبعدين اكثر انسان بيبقى معك زوجك اهم من اهلك حتى اهلك ماهم عايشين لك عمرهم كله بعد عمرً طويل ان شاء الله محد بيبقى لك غير زوجك واعيالك مستقبلاً والباقي كلن منشغل بعايلته الخاصه.
اصلحي زواجك تصلح حياتك والله يوفقكم

ياخي فيه اختراع اسمه طياره ..
ليه احسك معصب !
للاسف لو ادري ان السالفه بتقطعني من اهلي والله ما اوافق .. بس اللي بيكبرها تكبر واللي يصغرها تصغر اولا هو من نفس منطقتي لكن دوامه هناك فبالشوفه سالته اذا ممكن يجي لرياض قال ايه وبعد الملكه قال مستحيل ارجع لرياض ..
هذا شي ..
الشي الثاني انا اعرف كثير تزوجو وراحو (لبلد) ثاني مو منطقه محد قال لهم لا تروحين لاهلك الا بالسنه مره بالعكس ماكنها متغربه ماشاءالله تحضر المناسبات وتزور اهله كل فتره .. وثانيه وثالثه الحياه سهله بس اللي يبي يصعبها بيحط الف عذر
بعدين سالفة الزوج هو اللي بيديم لك وبينفعك الله ينفع به و يجعل فيه خير كثير .. ولايحرمني من زوجي ولا من اهلي
بس مو كل الازواج ينفعون .. فيه اللي ينكر و اللي يمكر واللي يحسر ويبيع بعد عشرة عمر واقرب مثال ادخل لقسم المتزوجين او الارامل والمطلقات وشف الازواج ..
بعدين سالفة اتاقلم مافيه اي تناقض .. ايه عادي اعيش بمنطقه ثانيه وازور اهلي .. وش فيها ! يعني اذا بتزوج من منطقه ثانيه انسى اهلي ! وما اشوفهم وانحرم منهم وماعرفهم الا بالسنه حسنه ! اعوذ بالله وش هالانانيه وبعدين اللي يسمعكم تقولون اعياد يحسها كثيره ترا كلها عيدين .. اهلي مهمين وزوجي مهم كلن له مكانته ..
..
انا لو بيدي حل كان حليته اذا عندك حل فيدني .. انا مابي انفصل ولا ابي انقطع ..وش ممكن يكون الحل !

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

اولاً حكمتي علي بأني معصب من اسلوبي مع اني اكلمك بكل برود واصلاً اكتب واسولف عن الدوام مع شخص جنبي والله هذي اول غلطه انتبهي تغلطينها مع خطيبك الاسلوب لايعبر عن المزاج
من اكثر الغلطات الي يطيحون فيها الناس المقارنة لاتقارنين نفسك بغيرك اذا فيه ناس امورهم ضابطه مو شرط تضبط معك

على كل حال انا ماراح اتفلسف بشخصية خطيبك لأن مهما نقلتي كلامه لنا او وصفتيه مستحيل نفهم شخصيته او نعطيك حلول تناسب شخصيته مقدر اعلمك شي عن شخص ماعشت معه ولا اختلطت معه ابد هالشي محد يقدر عليه بالانترنت هالشي بيدك انتي تفهمينه وتحلين لغزه وشفراته انا ماعندي حل لك
لكن مثل ماقلت لك اهم شي فكري وحاولي تلقين حل يناسبكم وتتفقون عليه لاتأجلين اي خلاف لبعد الزواج ولاتقارنين نفسك بغيرك ابداً ولاترفعين طموحاتك بزياده خليك واقعيه دايم حطي توقعك متوسط علشان ان صار شي دون المتوسط ماتنفرين وتنصدمين مافي احد بالدنيا كامل مهما سعى للكمال الكامل الله وحده سبحانه

اختي انا ماني معصب ولابي احطمك بشي او انزل معنوياتك انا فرق بس اني اكلمك بدون مجامله واسلوب حاد يهيئك لنقاش قد يحتد عليك ولا اقدر اجاملك بالنصايح واعطيك مثاليات ونصائح عاديه
اتمنى نفعتك ولو بشعره وربي يسعدك ويوفقك

واقول لمن يعطي نصائح هنا احذروا من التخبيب قد تقعون فيه من غير قصد بعض الناس اشوفه مسترسل وخاش معها بالعميق بالموضوع ويتكلم عن خطيبها لدرجة شكيت انه احد اصدقاءه محد يقدر يحكم على شخصية احد من خلال كلام او وصف او رسائل خصوصاً فترة الخطبه يكثر فيها التصنع والغالب يعكس طبعه فأن كان حساس يدعي قوة الشخصية علشان يثبت لخطيبته قوته المثل يقول الي ماتعرفه ماتثمنه ماتقدر تحكم على شخص ماعاشرته او عشته معه او خاويته الرسائل لاتثبت شخصية الانسان الحقيقية وطبعه
لحد يتدخل بقراراتها او يعطي تلميحات عن الي تسويه هي انسانه واعيه وفاهمه وذكيه وذهينه تلمح ادق التفاصيل ما اظنها تحتاج نصائح بهذا الشكل لحد يدخل بالعميق خلوا نصائحكم وتوجيهاتكم باساليب التعامل فقط بدون تفاصيل واظن الموضوع واضح من العنوان ماله داعي تدخلون بعمق المشكلة وش قال ووش سوا ذا شي بينهم مفروض يحلونه بينهم بدون اي تدخل خارجي ولاكارثه كذا اي خلاف ولامشكله يتدخل فيها طرف ثالث
ماهم اطفال هم قد تحرضها بنصيحه تبي فيها الخير وهي فيها الشر لها
محد يعلم بمصلحتهم غيرهم لأنك انت وياه لستم ملمين بطبيعة حياتهم والبيئه الي عاشوا فيها وظروفه وظروفها كل هالاشياء لها تأثير عميق ومن يدرس علم النفس يعرف هذا الشي
افضل شي اذا تبين الفايده وتتعلمين شوفي اخطاء الناس وكيف حلوها واعتبريها دروس وعبره وتجنبي تقعين بنفس الاخطاء
والمنتديات مليانه للأسف