رد: تجميل .... قمتي فيه
يمه منك مسرع جحدتي الهديه😩😩😭😂
هذي التفاصيل ياستي
الكرستالي والنظاره :: فعلا حسيتها خرابيط
واصلا لما سويتها زوجي يقول فلانه اش سويتي اليوم بالعياده يوم رحتي اقول بس تنظيف لان عارفه لو قلت له بيقول مافي فرق بس تضيعون الفلوس ، طبعا مو مع بعض سويتها
اما البلازما سويتها مكان بظهري فيه خطوط بيضاء طلعت بعد ماولدت قبل سنه
كلمه تجنن قليله لاحظت فرق كبير مع اني سويت انبوبه وحده بجلسه وحده ووقفت ( يعني لما تناظري فيها تحسين فيه ومافيه )
قالت سوي كمان جلستين وتختفي نهائي وبكمل ان شاءالله
الفركشنال من دخلت عند الدكتوره قالت ماني مسويتلك مافيك شيء
ومع الكلام اخذ وعطاء واصريت قالت طيب يلا خليهم يحضرونك
وليتهم ماحضروني
انحرق وجهي اسبوع وبعد الاسبوع نعومه ونظاره ورديه واختفت والمسامات ماشفت نتيجه زي ماهي ، انا احس انها طبيعه من الشخص من ينولد
حتى الكريمات فكرت ابطل منها الين متى استخدمها !!
الشيء اللي عجبني على الاقل مايضرني ويمكن اشتريه الديرما رولر مناسب جميع انواع البشره اضافه الى انه يعطيك لون وردي جميل وعادي تستخدميه على طول من دون ضرر
الحقيقه ركبي ماتحتاج وماقد استخدمت لها شيء بس اهتم بالفازلين كل مااستحم اغطسها به وكوعي وماشاءالله لون جسمي وناعمه وكمان احط بالقدم
بس المقشر بيجمانورم موجود بالصيدليه استخدمته بعد ماولدت على البطن والاماكن ذيك
لان حصل لها تصبغات والدكتوره هي اللي قالت لي عليه لو ابي نتيجه سريعه يعني من كلامها لو تصبرين تروح من حالها
لكن قالت استخدميه مسحه بسيطه علشان ماتتسلخين
هو شوي خطير وبعد ماتغسلين نشفي نفسك وحطي كريم الاسد فيوسيدين
شهروانت لون واحد والبعض لازم شهرين
تبين تستخدمين للركب جربي بس زيدي حطي معاه مرطب على الاقل عشان ماتنشف وتجرحك انا والله ماجربت الا اللي كتبته والنتيجه كانت اكثر من رائعه بس زي ماقلت مسحه بسيطه جدا
يعني افتكر مدحته الدكتوره كمان لاثار حبوب
اذا الموضوع بيكون مفتوح بجرب بعد شهرين اشياء وبحط تجاربي فيها
نبي نستفيد يابنات من بعض
انت قولي يامبتعثه كيف البوتكس معاك وكم مرا بالسنه ابي اجربه قبل تظهر تجاعيد دام قربت ادخل ثلاثين باقي سنه بس 🤓✋🏻