السلام عليكم ورحمة الله وبركاته
الشهر عليكم مبارك
والله يتقبل منا ومنكم صالح الاعمال يارب

اولا اشكر اختي مجنونة انها عطتني اليوزر تبعها
والله يساعدها ويطلعها من محنتها اللب هي فيه تكفون ادعولها تراهي بحاجة الدعاء



ثانيا انا جديده هنا ومجنونة انصحتني اكتب مشكلتي هنا
انا متملكه لي مده طويله
بس اللس صاير لي غير كل بنت
اولا خطيبي يتلفظ علي بالفاظ تقهر مريضه الله يشفيك الحمدالله ع نعمة العقل
ماتستحين وماتفهمين وانتي من وين تفهمين ومن هالحكي كثير
المهم خطيبي انا
حكيت معاه انو ليه ماتهتم فيني تسال عني تحسسني بحبك وبحنانك تطمني عليك
المهم كل مره يوعدني وكنت امشي وكره قال اذا صار هالموضوع خلاص بطمنك وكذا
طبعا انا اياست وماعاد أتحمل سبيني اهتم واسأل واسوي وهو لا
طيب مو من حقي احس بهالشي منك
مو من حقي احس بحنانك وبحبك مو من حقي اني اطمن عليك ابداً
يقول تعدلي ومن هالحكي تيب لتعدل واحطه فوق راسي بس اذا سويت كذا احس انه يطنشيني ويبعد عني
واذا انا بعدت قرب وطلب مني ماابتعد انا اعرف انه يحبني بس اي حب وهو يتلفظ ويطنش
تخيلوا يقول حياتي جحيم وانا من يوم تملكت وانا تجيني الامراض
انتي دمرتيني نكدتي علي
حتي بالمشاعر يمن علي فيها
والله اني ماطلبت شي منه غير هالشي في كل شي مريحته
يبيني امشي ع كيفه
ويتضايق اذا قلت بكلم صحباتي وكذا
يكذبني كثير وربي تعبت
لنا احبه وهو يحبني يس خلاص
قلت له انا تعبت من اهاناتك لي وانت مو متحمل انك ترتبط مغي
انت تحسسني انك مجبور
وقلت له ابقفل جوالي
قال ان قفلتيه انسيني
انا حذرته انه يمسك لسانه كم مره ويحترمني
ورجع تكلم قلت له انا اسفه ماراح أتحمل اهاناتك لي

تكفون ساعدوني ابي أوقف هالشي
وريي نفسيتي تعبت وتعبت اهلي معي
ومو قادره ارتاح وربي دموعي تهل
اناني سبيني امشي وراه وهو له
وكلما حكي قال انا ربي محلل ان الزوج يكذب ع زوجته بس الزوجة لا
ويحب يرجع في الماضي يعني يشبك الامور ع بعض مع للمشكله الجديده
وربي اني بهم مايعلم في الا الله
وربي مايبين بعينه شي
تكفون ساعدوني
لكم دعوه بهالشهر الفضيل
لا تقولون انفصلي او اتركيه لان هذا أبداً مو حل
ولا راح ارضي فيه وانا ماابي اتعب أبوي. واخواني اكثر
ابي اريحه انا احبه ةابيه ستعدل
اعتبروني أختكم وصارحتكم
تكفون تكفون ساعدوني

انتو بس كناري!!
ماشاء الله الله يصونكم
الرجل يثقل لتخف انثاه
فتوسطي الثقل ليتوسط هو ثقله
وهمسه اخرى من اختك: (الرجل لا يحب ان يكون الرجل كل اولوياتها) لانه يشعر بانها تحاصره وانها فارغه تماما لذلك هي متوفره متوفره
والدليل انك اذا بعدتي اقترب واسالك عدم الابتعاد
لذلك اعيد لك توسطي الثقل فيتوسط الثقل

الله اكبر
انا انشغلت دقيقه وماطمنته انجن بس هو عادي مايطمني
مايبيني ابعد عنه يبيني اطمنه وهو لا يخليني
انا تيب ابي حل لالفاظه وربي اني صرت أخاف من بعدين
كيف يحبني ويتلفظ علي قولولي كيف
بس انا لما قفلت جوالي وبعدت ابيه يحس بقيمتي واتو تحملت كثير وعطيته فرصه
كثير وهو اللي خسرني
انا لما ادور ع حل وابعد فكرة الطلاق لأني احبه وعارفه انه يحبني
لأني بجد شاريته وابيه وماابي حركات مالها داعي تفرقنا
بس لازم يعرف ان وراه زوجه تخاف عليه وتقلق عليه ولازم يطمنها
لازم يحسسها بحبه
الفاظه هذي تخليني اكرهه مع الوقت
مشكوره اختي او اخوي
بس بجد ابي حل يخليه يتأدب وماعاد يتلفظ علي
انا صغيره بالعمر وللامانه ماقد واجهت اثنين متملكين كذا علشان استفيد من خبرتهم
تكفون ساعدوني
انا مااقدر اصارح امي وأقولها عن مشاكلي انا وياه
ولا ابي اهلي يكرهونه هو زوجي خلاص
ولازم مااقول كل شي بحياتي

زواج بدون احترام يساوي حياة لا تطاق
فالحب وحده لايكفي كا اساس. للحياة الزوجية

واذا ماحترمك وانتي ببيت ابوك
وبفترة الخطوبة الي اصلا
الانسان فيها يعطي احلى صورة عنده
فاكيف وانتي بيبته ويصرف عليك
وبعد ما يدخل الروتين الزوجي
لوين بيتمادى؟؟؟؟

بصراحة خلي الحب على جنب
وحطي خطوط حمرا لتعامله
معك اما يحترمك ويعاملك كازوجة وشريكة حياة
يا الانفصال من الحين احسن لك

اذا قلل من احترامك ازعلي منه ولا تكلميه فترة
وبيني له انه اذا ماتعدل فا بتوصلي الكلام لابوك


بصراحة
اختي اكرهه النصيحة بالانفصال
لكن الاحترام عندي اهم من اي شي ثااني
لانه هو الباقي وهو الي بيودي للمودة والرحمة
وللعلاقة الناجحة

كان الله في عونك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اول حاجه الله يوفقك وييسر امرك ويهدي قلبك الى مايحب ويرضى
وشكلكم مستعجلين على الغثى ماادري بس احس كأنكم متزوجين مو متملكين
يعني القلق وطمني ويتكلم عليك مع اني احسه مايقصد لان الكلمات اللي قلتيها الشباب يستخدمونها كثير اذا مااعجبهم الكلام وغالبا اذا صار متعالي على الشخص
بس احس انك مندفعه له كثير وهذا اللي مخليه يسوي كذا
حسي بقيمتك قدامه ولاتهينين نفسك ولاكن لاتتعالين عليه تخسرينه
خليك وسط في بوحك بمشاعرك.

موفقه

مهما يصير مفروض يمسك لسانه انا مو خويه
انا زوجته لازم يحترمني
انا هو ينجن اذا بعدت عنه والحين انا قفلت وبعدا عنه
جلس يدق بحوال امي ومارديت
وقلت له احترمني وراح تلقي مني اللي يسرك بس كذا ماراح تشوف شي
مني يتمكنا الطريق اللي بديناه ياخلاص
هو يبيني اغرقه حب ورومنسيه
طيب فيه أمور بعد لازم نحكي فيها ونتلكم عنها
هو قال اذا انا قلت لك ماابي منك شي فاني بلقاه عند غيرك
وبعدها ع طول قال ماابي منك شي
هو يقلدني لان انا قلت له خلاص انا ماراح اعاتبك ولا راح اطلب شي
اذا انت تحبني راحوتسوي هالشي بدون ماانا اطلب او اقول

صلي ركعتين وامسكي المصحف واطلبي ربك وماراح يردك
واهدأي وفكري زين ولاتفكرين بطريقه سلبيه
موفقه

لا تشحتي منه الحب و الاهتمام

خليك غامضة

ادعي برمضان باللي تبغيه

لاتكوني جدا صريحة

انا قفلت حوالي
وراح أبعد وماراح افتحه الا اذا وعدني انه يحترمني
ويمسك لسانه
وان كرر هالشي راح يخسرني
قلت له ماابي شي دامك ماتحترمني
قلت هذا أسلوبك مع خويك مع اهلك بكيفك هم راضين
بس انا أبدا ماارضي هالشي ومومجبوره أتحمل حتي وانا احبك
يمكن هوو ينصدم أكثر اذا شافني كذا فاسيه
وأتكلم جد
يس ماابي اجرحه او اضايقه اكثر
أخاف ربي يعاقبني وتعرفون رضي ربي من رضي الزوج
بس والله العظيم اني ماطلبت منه شي مايقدر عليه
والله هو اللي يخليني اعصب واتضايق
واذا عاتبته تضايق
واقوله والله او اني ادري انه مو من حقي اني اعاتبك كان مااعاتبتك
احيان يرجع لي ويطيرني فوق واحيان لا
اناوعندي اهم شي يحترمني يحترمني غيره ماابي
ولا ابيه يمن علي بمشاعره وباللي سواه
هو أخذني زوجه له مووعبده عنده
يجلس يهين ثم يجي يبيني ارضي ع طول ومو من حقي أزعل
ابي راي يساعدني اكثر

ياحبيبتي الرأي انتِ قلتيه..قلتِ انك مو عبده عنده ..
بس دام هذا اولها صراحه ينعاف تاليها..
ولما قالك ان قفلتي جوالك انسيني كان قلتِ له اذا على اتفه سبب تقولي انسيني سوي اللي يريحك وكان وقفتي عند كلمتك وقفلتي جوالك مو من تهديد انه يتركك خفتي ورضختي له..
الموضوع كله بيدك عندك خيارين :
الاول ترضي فيه زي ماهو ولاتكوني على امل انه بكرا يتغير وتقبليه بكل حالاته وتتحملي بكرا لسانه لما الميانه تتوسع بينكم .
الثاني انك من بدري تحطي حد للموضوع وانا لو مكانك بطنشه فترة طويله الين يعتذر ويعتدل ان ما اعتذر بدخل احد حكيم بالسالفه يكلمه ويتفاهم معاه وان ما اعتدل خلاص "يغني الله كلن من سعته "

الله يهديه ويصلحه ويوفقك باللي فيه خير لك يارب