عيالك مساكين
عيشي عشانهم
لذلك جامليه و اتركي المقارنات
و بكيفه هو معها
جامليه فقط و عيالك اذا شافوك مبسوطة بيستانسون 🙂ريحي دماغك من المشاكل و المقارنات
ارحميٌ عيالك ونفسك وجااااامليه. وبس

واضح ياأختي مكانتك الكبيرة في قلبه والدليل رغبته فيك وعصبيته عليك اذا تغيرتي من ناحيته..انصحك بالصبر واطلبي منه ان
يتوقف عن مقارنتك معها وأبدا لايذكر اسمها ولا طاريها عندك ..وانتي بعد توقفي عن مراقبة رسائلها وانسييها...وايضاً انتي محتاجه
تغيري جو فانصحك كثري روحات للنادي ,اهتمي بنفسك وابنائك , اذا جاء ابتسمي له ولاتتكلمي في موضوع زواجه.. واذا ذهب لاتسألي عنه ..اجعلي لنفسك الأولويه ..وبعدين ليه تمنعي نفسك من المصروف والسوق.. بالعكس اطلبي حقوقك وابنائك اولاُ بأول ودلعي نفسك ..تذكري ياأختي انه يُحبك وباقي عليك..

الله يجبر قلبك و يفرج همك

لا يلعب عليك الشيطان و يحثك ع الطلاق صدقيني وضعك الان ما راح يكون أسوأ من وضعك بعد الطلاق
استهدي بالله و شيلي فكرة الطلاق من رأسك نهائيًّا و للأبد

زوجك غني دلعي نفسك بفلوسه لا تحرمين نفسك بسبب أسباب ممكن تجاهلها


إنتي الخسرانة اذا تطلقتي
إنتي الخسرانة اذا تنازلتي عن مصروفك
إنتي الخسرانة اذا اهملتي صحتك

القائمة تطول و الخاسر الأكبر هو إنتي .. لهذا فكري بعقل و حاولي تسيطرين على حياتك باقل الخسائر

..

حبيبتي أمل
الانفصال راح يتعبك
الطلاق راح يتعبك

اللي فيك ألم ما تمحيه الخيارات اللي كتبتيها
مقارناته بطليقاته ولو بغاهم ماطلقهم حطيها ببالك

ثقتك بنفسك مهزوزة
لما تكوني بحضنه تتخيليها هي
ليش ماتعيشي اللحظة
ادري كثير صعبة لكن حاولي
ابسألك ليش ماصرتي تطلبي مصروف ؟؟ ليش تقنني من هالشي ومن احياجاتك

هل لو ما رضيتي راح تغيري من واقعك

أثرت بي كلماتك اللي كتبتيها هو يسلك لنفسه هو عند بيتين لو مالقى الراحة في بيت راح للثاني
بس المشكلة في مشاعرك والضغط النفسي اللي تعيشيه وخلاك عايشه بلا روح

كل الافكار السلبية اطرديها لا تمتنعي عنه وعيشي لحظاتك معه لو يبي يطلقك كان طلقك تعرفي شعور المطلقة ؟؟ ان خلاص زهد فيني ما عاد يبني لقى من اللي يعوضه هذا مؤلم يظل مرافقك طيلة حياتك
كلامك ابي اعيش لعيالي .. ترى لنفسك عليك حق وليه ماتعيشي لنفسك وعيالك ؟ ليش ماتبدي حياة جديدة \
ادعي ربي ان لا يحملك مالا تطيقي
ادعي ربي الحاح في السجود ان يغير حالك وينسيك وضعك
اكثري من الذكر وقراءة القران والله بأنها سلوى تغنيك عن الكل
بتشوفي حياتك تتغيري
خلي اهتمامك بعيالك منفذ
لو في سفره معه ومع عيالك ليش ماتطلعي
ليش تخليها تتمتع بزوجك وانت تحترقي

وهو يتقي الله في مقارنتك بها ليش الواحد لما يتزوج يستخف ويصير يقارن
الغيها من حياتك وعيشي حياتك استمتعي كم من العمر بنعيش ؟؟؟؟ معقولة اقضيه في نفسية متعبة وقلب مكلوم واقارن نفسي بغير ليش انا كذا وليش وليش

استزيدي من النوافل عليك بقيام الليل
وعليك بالذكر
فالذكر أوله كلفة واخره ألفه

اعانك الله وسددك

__________________
يا رب خاتمة حســنة ، وزلفى ، وحسن مآب ..

ربي يصبرك ويريح بالك ..
من كلامك وردودك حسيت ان زوجك يبغاكي ومايبغى يطلق لكن ما اعرف هل هو حب او عشان الاولاد .. هدا الشي انت تعرفيه من كلامه معاكي ...

--------------

ع العموم اذا كنت ماحترتاحي للطلاق وحابه تستمري معاه .. اول شي اجلسي مع نفسك بمكان لوحدك خارج البيت وهدي نفسك وريحي اعصابك .. وبعد ماتهدأ اعصابك اتكلمي مع زوجك وانت في داخلك مطمنه وهاااديه مو مشوشه والافضل لو يكون تتفاهمو براالبيت .. اطلبي منه بكل احترام انه مايجيب طاري زوجته الثانيه على لسانه قدامك لا بطيب ولا بسيء وان هذا الشي يضايقك وانك انسانه ولك احاسيس والغيره موجوده بقلبك وقلب كل الحريم .. فقوليله لو سمحت تجنبا للمشاكل لاتجيب طاريها ابدا ابدا قدامي لاني انسانه ومااتحمل ولي طاقه ..

وترا ربي بيحاسبه بسبب عدم العدل
واخر شي رددي رددي لاحول ولاقوة الا بالله والله والله راح تشوفي الفرج بعيييينك صدقيني <<< مجربه ...

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

الله يجزاكم خير ....اللي تقول ثقتك مهزوزة انا اقولها لك من تزوجته نسف ثقتي مقارنات كنت وحدة تخاف الله وطيبة وحاطة نصب عيني بعاملة بما يرضي الله مد يده اول ليلة بسبب الفراش وبعدها جاني شد مهبلي ماساعدني ماخلاني اطمئن له ماراعى اني تعرضت لصدمة ....صار كل شيء بالقوة بالقوة وصار يقارني بالحريم ورغبتهم بأزواجهم كان ذهني صافي لا إنترنت ولا غيره فصدقته انه الغلط مني وظليت مكسورة بسبب هالشيء وقلت حتى لو تطلقت ماراح اتزوج غيره لاني مو مثل الحريم ......لما قرات صرت اواجهه انه صاحب الغلط وانه ماعرف يكسبني ومقاراناته السابقة اكتشفت انه مطلق اكثر من مرة وانا ماكنت اعرف ....
مسحت الماضي وقلنا نبدأ صفحة جديدة مافي فايدة كم سنة وراح تزوج هو طبعه كذا مهما اتفق معاه وقت مايزعل ينسى كل شيء واهم شيء يبرد على قلبه وياخذ حقه بلسانه لما يزعل يقارني فيها عشان ينتقم مني وبعدها يرجع يقولي ماكنت اقصد بس تعرفين مااحب أسكت عن حقي لازم ارد عليك

الآن تذكرت موضوعك
يقارنك بغيرك عشان يقهرك
طيب اختي مرات تحسي بمحبتك بقلبه ؟؟

الواضح من ردودك ان يحبك مقدرنك

ضربه لك من اول يوم زواج ماتقدري تنسيه انا اقول اللي سواه غلط وغلط وماكان هين ولين
لكن ماسوى شي بعدها حلو ويشفع له ؟

__________________
يا رب خاتمة حســنة ، وزلفى ، وحسن مآب ..

هذا رجل عشت معاه سنين كان معاملته لي بشدة لحد ماحسيت انه صار بيننا عشرة اختلف وضعنا

لكن هذي المرأة من يوم دخلت حياته ماعاملها بقسوة من قبل يعرف خيرها وشرها ناوي فيها خير ويشوفها طيبة وانا يقولي كنت مااعرف خيرك من شرك لما عرفت غيرت معاملتي معاك



زين كنت لو ارسل رسالة وهو مشغوول يصدني او اتصل عليه يعطيني رفض ويقولي ماتعيدي الاتصال هي شفت يعيني يكون مشغوول ترسل عشرين رسالة يرد عليها الله يعطيك العافية انا بعزاء مثلا او مشغوول انا كان لو مزحت معاه وقلت كلمة شبابية يصرخ علي وان الحرمة لما تتكلم مع زوجها لازم توزن الفاظها اذكر مرة رديت بالجوال وقلت هلا عصب علي وحسسني انها كلمة حق صايعات هي من لسى عروسة عطاها الامان تمزح تضحك وهو يبادلها نفس الشيء يعني ماصدها ماأرعبها بتقوله يامجنون وبعطيك بوكس اصحيك من نومك يقولها خليني نايم عاشق وولهان .....هذا شفته اول زواجه وبعدها طلبت يسكر جواله وسكره برمز لأني ماحبيت اشوف اكثر


كنت ارسل رسالة اتمنى القى رد اذا رد بكلمتين وهي تعلم وصار يبحث بقوقل صور رومنسية وحب ويرسلها ويتفاعل معاها بالمقابل هي صارت طول الوقت ترسله مايهمها اي وقت لحد انا ماطلبت يوقفها لما يكون عندي وكان يقولي بعلمها بس شوي شوي

انا بيوم وهو راجع من الحج انصربت وكان يطردني من البيت عشان كان يبغاني اتنقش ومالقيت احد وممنوع اروح لاحد في بيت او مشغل وانقذني الله بوحدة جت من الحج متعجلة فوصلت قبل مجيئه بيوم ونقشتني ومع هذا مارضي

وهي شالها بنفسه وهي عروسه ووداها لبيت النقاشة الشيء اللي ماسمح لي اسويه الا بعد سنين من زواجنا وخلاها تتنقش وبيقولها انا بنتظرك عند الباب وانا طوول عمري اخواني يودوني ويرجعوني ويا كم صار مشاكل على هالنقش لازم اجيب وحده لعندي ببيتي



ملابسي وأغراضي في الغالب يعطيني فلوس ومع اخواني هي اشوفه راح راجع السوق طبعا اشوف الفواتير يصير مع الاوراق عالدرج وايش يقولي هي بذمتي لازم اجيب اغراضها ماراح اخلي احد يجيبلها ولما اناقشه يحولها انتي انا اطلعك بس هي ماتطلع السوق انا اجيب لها لعندها


لما يقارني انا لما خطبني شرطت ماأتحمل مسؤولية العيال وماخدعته كان المفروض يرفض شرطي وكل واحد بحال ...تمم الزواج وبعدها كانه ينتقم على هذا الشرط ورغم اني كنت دايما انصحه عليهم ولا يقصر في حقهم وبالنهاية كنت اقوله اذا ماراح تظلمني لانه يقلب شخص ثاني بوجود اهله جيبهم بعد ماصارت مشاكل على العيال مع اهله كان يقولي مالك دخل انا بشوف حل وشوي يقولي بدور بيت اكبر واشيلهم بس ماكان يعطيني قرار معين وبالاخير تزوج وشرط تمسك عياله وهي اصلا هذا المدخل اللي اهله شجعوه يتزوج من خلاله وبنتنا بتشيل عيالك وامك وابوك فالحين كل شوي يعيدها انتي رفضتي عيالي وهي شايلتهم وتذاكر لهم وطلعوا متفوقين وقايمه فيهم



هي جت من وضع حرب ولقت زوج حنون وبيت كامل وشهر عسل واحتراااااام فشايفته ملاك انا دخلت بيته وهو حاط براسه اني متربية بالسعودية فأكيد متدلعه بيربيني ....ظرفي وظرفها مختلفين تماما مو حاس


احيانا حتى بالحمل انا تاخرت سنة وبعدها احط فاثل سنتين ونص بين عيالي وهي حنلت من اول يوم والحمل الثاني عالأربعين على طوول ومستعدة تحمل عشانه ورى بعض يقولي سنتين ثلاث ومعي كم واحد وانتي مانعه الحمل لاني الحين رافضه العلاقة ورافضة الحمل انا مو مستقرة اصلا عشان افكر بالحمل


يعني اغلب مقارنته لي انها شايله عياله وتدور تسعده وماتقوله لا

نصيحتي لك هو اخذ فترة استراحه مع نفسك.
حاولوا تبعدوا عن بعض فترة ..ادرسي فيها هل تقدري تكملي وياه او لا.
لاتتخذين القرار الحين عشان مارتجعين تندمين

لذلك أنا أقوله طالما مرتاح بحياتك وكل شيء عندك وانا مااقدر اصير نسخه منها عشان ارضيه ولا راح ادخل معاها في سباق عالخلفة والرسايل عشان ارضيه فخلاص اعيش لعيالي احسن


للأمانة الحين لو راح ارسله بيرد علي وبيطلعلي صور من النت ويرسلها بس متى بعد ماكسرني وجرحني وجاب لي شريكة الحين يبغاني اتمتع بكرمه وحنانه واقول والله صار احسن بعد الزواج ...ليه هي انسانة وانثى وانا كنت صديقه عوضين
كان يقولي مو مرتاح معاك مو تعلم مني الحياة ويقولي احتسبي الاجر لغيرك انك علمتيني ....يعني انا ذبحت عمري وسنين انام ودمعتي على خدي ووقفت اطالب بحقوقي وافهمه ان المراة كائن له حق عشان يشوفني القوية المستبدة ويروح يسوي كل اللي طالبته للضعيفة المسكينة اللي لقت كل شيء جاهز ومايحتاح تطالب اصلا كل شيء يي لعندها اصلا