السلام عليكم ورحمة الله وبركاتة ان شالله طيبين
انا بقولكم مشكلتي اللي محيرتني ومضيقة خلقي ابوي يخدعني بلزواج ولو يجي اسفل السافلين عادي يزوجني تخيلو لما انخطب ما يسال عن اللي يخطبني ويكذب علي بمواصفاتة ولم اسالة ليش يجلس ينكر يعني بصراحة ابوي بايعني ومادري ليش ياليت تفهموني هو ليش يتصرف كذا انا خلاص ماعدت اثق فية ابدا ووجهوني شلون اتصرف

هو شايف إنه عارف مصلحتك أكثر منك ..
كانت أمي الله يرحمها تعمل نفس الشي معاي ( على خفيف ) مرات ..

لا تتضايقين كثير الموضوع بسيط
بس اول شي حاولي تخففي من حدة الكلام الي تقولينه عن ابوك ولا يجي في نفسك انه خداع
انا ما ادري عن وضع ابوك واسبابه لكن اشوف كثير من القرايب يكون كبير في السن او من الناس الي تربو
على الفطره ويشوف ان كل الناس صالحين او كبر في مجتمع خالي من المشاكل واهل السوء فتلاقينه متساهل
في الموضوع من حسن نيه مو من تفريط فيك او انك اول بنت في العيله فما يكون عارف طريقة السؤال عن الشخص
, الا اذا كان للموضوع ابعاد ثانيه ما ذكرتيها

لكن الحل بوجهة نظري والي اشوفه مطبق عند اغلب العوائل والناس ماشيه عليه
لما يجي خاطب غالبا الي يسأل اخوان البنت او احد عمانها او اخوالها من النادر نلاقي الأب بنفسه
يروح ويسأل

غير كذا يا اختي الدنيا تغيرت الناس صارت تجامل فيه الموضوع وتتساهل حتى عند السؤال
ما يراعون الذمه والأمانه يعني لو سألتي عن أحد في دوامه 90% من الإجابات بتكون إيجابيه
لو سألتي عنه في المسجد ممكن 50% بالميه إيجابيه والباقي بيقولون لك الحاره كبيره يمكن يصلي في مسجد ثاني
الحين احنا في زمن الجار ما يعرف جاره والناس تساهلت في الكذب والمجاملات على حساب بناتنا
والمبرر عباره تكررت ضحيتها بنت "يمكن اذا تزوج يعقل ويصير رجال"

آسف جدا على الإطاله لكن مثل ما قلت لك وصي احد من قرايبك يروح ويسأل يكون صغير عمر وعارف الدنيا
اسرع واخف من الوالد

تحياتي

الله ياخذ بيدك لما فيه الخير لك

كلام وتحليله الاخ DaReKo رائع.

فيه نقطة أود أن أشير لها ربما تعذرين والدكِ وهي أن الأب عادة قلبه على بناته فهو يشعر أنهن مسؤوليته ويجب أن يطمن عليهن بأنهن تزوجن قبل ماياخذ الله أمانته بعد عمر طويل، خصوصاً لا صار عمره كبير، فمن خلال هالمنطلق تلقينه يفرح بأي شاب يجي، ربما عاطفته تغلبه ولكن هذا لا يعني أنه بايعك أو بيفتك منك، أبداً مو هذا الشعور غالباً.

__________________
ياصبحِ لاتِقبل !!
عط الليل من وقتك..

/

انتي ايش رأيك ليه يعمل كذآ ؟ حاولي تعرفي السبب واحنا بنوجهك ..
بس الظاهر ان ابوك يغطي بعض العيوب الي يشوف من وجهة نظره انها عاديه ومابتضرك
وبنفس الوقت يقول مميزات او يكبرها . عشان توافقي ويزوجك .. من الاخر حسب تفكير الوالد الفاضل
انه يعرف مصلحتك وبيزوجك الي هو يشوفه مناسب ..

ما اعرف اذا فيه اسباب ثانيه .... !

ماشاء الله الاخوة كفو ووفو
لكن بس عشان صحتك ونفسيتك
في اي امر خطبة او نظرة شرعية او.....
صلي استخارة
ودعاء الاستخارة كرريه في سجودك
وتوكلي على الله
قال عليه الصلاة والسلام
ماخاب من استخار

املي قلبك بالتوكل على الله وان ربي رايدلك خير
سواء والدك شكر العريس او لا
اذا فيه صلاح لك ربي يقربه منك واذا مافيه صلاح يصرفه عنك
والله يسهلك

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام