أختي توكلي على الله وأجزمي، تراها فرصة جميلة لا تتعوض، تسافرين وتعيشين لوحدكما بعيداً عن كافة الأجواء وتجعلكما أكثر تفاهم، وهذه فرصة جميلة تطورين تعليمك ودراستك، وترى السنين تمشي بسرعة، وفيها مميزات كثيرة.

أنا أيضاً مبتعث، وبقى لي سنة ونصف واخلص إن شاء الله، ومع ذلك خاطب وأبي خطيبتي تجي وتكمل دراستها، وراح انتظرها حتى تخلص دراستها من هنا حتى لو خلصت قبلها، رغم أنه الآن فيه شوية ضروف تمنعنا من الزواج، الله يفرجها.

العلم والشهادة جزء من بنائكما فلا تفرطي في هذه المرحلة، ووافقي بلا تردد بعد أن تتأكدي من دين وأخلاق المتقدم لكم، خصوصاً أنه طالب طب و رجل جاد في حياته غالباً

وجهة نظري وانا اختك
اذا كان الرجال كفو ومشهود له بالصلاح
وتوفرت فيه اغلب الصفات اللي تأهله كزوج
فماشوف مسألة _السفر للخارج _ عائق
لأسباب :
اولًا :نسبة كبيرة من الشباب لما يتوظفون ما يكون مقر وظيفتهم بنفس مكان سكن اهلهم
فتلقينهم هم بمدينه واهلهم بمدينه (يعني اغلب اللي يتوظفون كذا )وهذا اصبح بمثابة الوضع العام
يعني تلاقين البنت تحط في بالها انها ممكن بعد زواجها ماتكون ساكنه بنفس المدينه اللي اهلها ساكنين فيه او حتى اللي اهل زوجها ساكنين فيها بسبب العمل ,, وهذه الحاله مقاربة جدًا لوضعك
لكن اللي يفرق انهم داخل الدوله وانتي خارجها لكن لو قارنتي بين الوضعين ترا النتيجة وحده ,, واكيد ان شاء الله راح يكون لكم زيارات بين فتره وفتره ,,

ثانيًا: وجودكم في معزل عن الاهل وببلاد غير في اول حياتكم بيشكل نوع كبير من الانسجام ,لانه بتكونين انتي بالنسبه له الزوجه والاهل والعزوة وكل شيء ,وهو كذلك بيكون بالنسبة لك .


ثالثًا:يوجد ناك نقطة تصب في مصلحتك إذا كنتِ من النوع الذي يحب التعلم ,فراح تستفيدين بفرصه تعليمية .
وانتي بعد شوفي الايجابيات بمنظورك الخاص قبل منظورنا لكن انا شفتها من وجهة نظري ,,

واحب اقولك تجربة لأحد خواتي :

تزوجت اختي وانتقلت مع زوجها لمدينة غير المدينة اللي احنا واهله نسكن فيها,وكانت تجي تزورنا تقريبًا مرتين بالسنة الى ثلاث مرات
ولاحظي انها كانت في مدينه داخليه يعني مو خارج الدولة ,واستمر هذا الوضع لخمس سنوات ,,وبعدها تمت عودتهم النهائية _مع الاخذ بالاعتبار انها كانت موافقه على الزواج وهي تجهل المده اللتي ستقيم فيها بعيد عن مقر الاهل ,لان ماكان في مده محدده وكان يوجد احتمال ان تبقى بعيدة ابد الدهر لكن ربي سمح امورها ولله الحمد _

وكنت اسئلها كيف كان وضعها وايش الافضل من وجة نظرها ووجودها بجدة ام بالرياض
فكانت تقول بجده احس بجو اسري كثير مع زوجي وبنتي ,يعني وكانت غير مقيدة بمناسبات اجتماعية وزيارات
وكونت علاقات اجتماعية مع جاراتها

لما جت هنا تقول حلو صرت قريبه من اهلي ولكن مو زي بجده احسني هناك افضل !,,

فيعني يا اختي انتي ان شاء الله وان طولت هذه الدراسة ماراح تتعدى الـ 7 سنوات
وراح ترجعين ان شاء الله


واسأل الله ان يكتب لك الخير
ويوفقك فيه

ياا اختي الغربة مررره ..

انتي استخيري اكتر من مرره وشووفي ..

دمتي بوود =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

عزيزتي..

الله يختارلك الخير إن شاء الله..
إذا كانت مواصفات الشاب ممتازة وأخلاقه عالية..
ليش ترفضي؟؟
عشان الغربة؟؟! كلها فترة وتعدي
وحتتعلمي لغة .. وتتقربي من زوجك اكتر
صحيح ممكن تتعبي أول الأيام بس تتعودي
حتشوفي بيئة وثقافة جديدة .. وإن شاء الله تنبسطي..
وفي الإجازات تشوفي أهلك..

أهم شي تكوني مرتاحة مع زوجك.. وبعدها حترتاحي معاه في أي مكان
استخيري..

__________________

>> لا إله إلا أنت سبحانك إني كنت من الظالمين <<

طيب انتي مقتنعه بالشخص؟؟


اذا مقتنعه وموافقه عليه


سافري وتوكلي على رب العالمين



والحين الناس تطامر عشان تدرس برى

وهل اذا ماسافرتي معه هذا معناه ان مافي زواج؟؟؟


الله يوفقك ويكتب لك الصالح

من غير تفكير روحي
انا خطيبي الاول كان يحضر الماستر برى وكنت بروح
لكن ما لله كتب
اهم شيء ادرسي وطوري نفسك لاتجلسين كذا
وعلى فكرة الغربة بتقربلكم من بعض
توكلي على الله وخلي تفكيرك لبعيد

يا أختي وفقك الله ... إن كنت غيورة بزيادة ففكري بعمق حتي تتاكدين إن الغربة مع الانفتاح ما راح ياثر عليكم ....

و إن لم يكن عندك صبر و نفس طويل ... فأعلمي أنه سيكون طالب يعني يدرس بالجامعة ... حتي ولو يرجع البيت يحتاج يدرس ... فالله الله بالصبر و العون له علي تحقيق هدفة و هدفك ... وتذكري تري بيكون وجهك بوجهه 24 ساعة لمدة سنة يعني ممكن تطفشون من بعض لو كانت هناك مشاكل و اختلافات فكرية ... أنا للآسف مجرب و الضحية طلاق وهدم بيت من بيوت المسلمين ... المهم إن وافقتي فكوني علي قد كلامك ... و إن شفتي انك متعلقة باهلك و راح تكون الغربة صعبة فالله يرزقك ويرزقه بكل ما تتمنون ....

__________________
أنتم رائعون بجمال روعة القمر ... وهذه أولى الثمرات و النجاحات قادمه و بحول الله سأخبركم بكل نجاح كما أخبرتكم بكل ألم ... أنتم تستحقون أعلى وسام في العطاء و التآخي ... كم أحبكم ...

أهم شي انج مقتنعــه فيه ومرتاحه
واذا على الأهل وشوقج لهم..تقدرون ترجعون في الإجازات
وترا الأيام تمشي بسرعــه ماراح تحسين فيها إذا ماكان عندج وقت فراااغ
موفقـــه أختي

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

أهم ما في الموضوع :
1= هل ستدرسين معه أم لا ؟
2- كم مدة الدراسة ؟
3= ما هي الدولة والمنطقة ؟
إذا كنتي ما راح تدرسي معه فبيكون الوضع صعب مثل ما قال الأخ حياة أفضل ؛ لأنه هو طالب وعليه جهد كبير ويكون مشغول في الجامعة وفي البيت بالدراسة والبحث ، وانتي ما تعرفي أحد هناك وما في شيء تقضي به وقتك إلا الجلوس أمامه وهو يدرس ، لكن اذا كنتي بتدرسي معه حتى لو لغة فقط فهذا شيء جيد وتكوني مشغولة معه في الدراسة وكلكم تستفيدون .
بالنسبة لمدة الدراسة ، المعروف أنه الطب في أكثر الدول توصل لست سنوات تقريبا إلا إذا كانت غير البكالوريوس فتأكدي انتي لأنها نقطة مهمة ، فاذا كان الرجال يستاهل وكانت مدة دراسته سنة أو سنتين فهي سهلة إن شاء الله ويستاهل أنك تغتربي من أجله هذه المدة القصيرة ، أما إذا كانت سنوات طويلة وانتي ما راح تدرسين بعد فبيكون الوضع متعب .
وبالنسبة للدولة لازم تنتبهين لهذا الشيء ، فالابتعاث لبعض الدول أريح من غيرها ، فمثلا الغربة في بولندا ما تقارن ببريطانيا اللي مليانة مسلمين وعرب واجتماعات كثيرة وكأنك في دولة مسلمة ..
ففي دول تكون الغربة فيها أهون بكثير من بعض الدول .

__________________