السلام عليكم ورحمة الله وبركاته
يالله حي الحزين
ياخي تصدق لو أنتي جنبي كان صفقتك بعلبة ديو مثلجه
ياخي أنت غلطان والله وبعنف .. أسلوبك خطاء يالغلا
أنا حاس فيك و أعرف شعورك وحبك لها و أكثر اللي مملكين يمرون بهذي المواقف
بس نقطة نظام : -
انا و انت تفكيرنا غير والبنات تفكيرهم غير ياخي صعب أن البنت تصرح لك بحبها حتى وان كانت تحبك وتموت فيك "خجووله "
هذي نقطه .
النقطه الثانيه : لا تضغط ع البنت ترى أنت أول واحد تتكلم معاه من غير ابوها و اخوانها وطبعاً انت غير عن اخوانها تعتبر بالنسبه لها غريب وصعبه انها تتكلم معاك في أمور ماتكون الا مع المعاشره .
يعني بالله فكر مع نفسك وقول " زوجتي الحين أسلوبها معايه مثل أسلوبها مع اخوانها ولا ابوها "
اكيد لا .. ماهي متعوده عليك وماهي عايشه معاك صعب ياخي صدقني
انا طلعت روحي وترى انا زيك مملك لي تقريباً 9 شهور وزواجي قريب بس يوم فهمت وفهموني
اهلي وقالو البنت تستحي خجوله يعني حللتها في راسي وفعلاً
وانت قلت مازرتها الا مرتين ترى هذي لها دور في عدم كسر بعض الحواجز بينكم
اتمنى انك ماتستعجل في تفكيرك و قراراتك ترى أنت رجل يحكمك عقلك ماتحكمك عواطفك
لا تسوي شي تندم عليه طول حياتك ترى زوجتك تنشرى وصدقني باقي تجي بعد الزواج وتقول
ابغى حل أسكت زوجتي
الله يسعدك ويوفقك ياحبيبي
الله يتمم لك ع خير
فمان الله