السلام عليكم ورحمة الله وبركاته

اخوتي الكرام أريد منكم في موضوعي هذا نصائح للمقبلة على الزواج من معدد
سأكون الثانية إن اراد الله وتم كل شيء

أريد رأي إخوتي الرجال "خاااااصة " ثم رأي العاقلات من أخواتي الكريمات
..............................
...............................
...............................
...............................
..............................

افيدوني وانصحوني ماهي حقوقي عن ماذا اتنازل وبماذا اتشبث من حقوقي
وكيف اعرف هل انا من النوع الذي يحتمل الزواج من معدد ام لا
اريد رأيكم اخوتي الرجال ف والله قد خصصتكم حينما لمست رجاحة التفكير ومنطقيته من قبل الكثير من الآراء الرجالية
ولا يهونون بقيت اخواتي العاقلات هنا ولكوني جديده لا اعرف اسمائكم لذكرتكم بالاسم نساء او رجال



اختكم تنتظركم ف أرشدوها واعتبروا انفسكم تنصحون لاختكم من النسب واخوت الاسلام اعظم




جزاكم الله عني خيرا..

اختي وفقك الله وجعل حياتك سعيده
شوفي انا رافض فكره الواحده تاخذ متزوج
لكن الظروف عند البعض تختلف فانتي اذا
اللي متقدم لك رجل طيب واخلاقه حلوه وماديته كويسه (لان اغلب المشاكل اللي تقع باللي يتزوج من ثانيه هي النفقه صعبه ينفق ع بيتين فتظهر المشااكل بينهن )
توكلي ع الله واستخيري لان ماتدرين وين الخيره فيه
اعرف نااس كثااار متزوجين بزوجه ثانيه والزوجه الثانيه
عااايشه كانها ملكه بسبب انو عوضته عن اشياء كاان
فاقدهن اذا انتي اهتميتي به والله ليعيشك ملكه
واهممممم شي الاستخااااااااره
والله يوفقك يا اختي

افيدوني وانصحوني ماهي حقوقي عن ماذا اتنازل وبماذا اتشبث من حقوقي؟
اهم شي يعدل بينكم والاهم يكون لك بيت مستقل عن الزوجه الثانيه .

تم نقل الموضوع لمكانه اﻷنسب

__________________

فهم شخصيته والتحلي باالصبر والمكر الجميل ذكرتي ان فيه صفة الحنان وهذا شي جميل في زوجك
ربي يكتب لك اللي فيه الخير ويوفقك معه

ويوفقك اخوي المهموم ويفرج همنا وهمك
كل خوفي انه يحسب نفسه قادر على التعدد ثم بعد الزواج يقولي ما قدرت يا بنت الناس ارجعي لاهلك وسامحيني
والله ما اسامحه وبدعي عليه باقي عمري

اخوي راتبه تقريبا 10 آلاف تقول تكفي يفتح بيتين من رأيك كرجل

شي ثاني انت ك رجل حين يعدد الرجل ماذا ينتظر او يتمنى من الزوجة الثانية..؟

حبيبتي انتي خلاص متملكة يعني لا تفكرين بالتراجع الان سواء راتبه 10 ولا 50 ..
حطي في بالك إنك مش داخلة منافسة أو حرب ..
شيليها من بالك ولا تفكرين فيها ..
ابتعدي عن الغيرة منها ترا بتتعبين ..
ولا تتقصين وتتسائلين ليش خذاك على راسها ..
مشاكلهم بينهم مالك حق تعرفينها .. ولو جاك زعلان ومتضايق منها لا تسألين ..
خلي زوجك يفهم انه مايتكلم عنها قدامك ولا يتكلم عنك قدامها ..
والوقت المخصص لها ماتتصلين له إلا للضرورة .. وهي نفس الشيء ..
إذا عندها اطفال فمن الطبيعي يقضي وقت عندهم أكثر من الوقت اللي يقضيه معاك ..
من ناحية الصرف .. ماعليك منها هو كم عطاها وكم عطاك .. أساسا مو لازم تعرفين ..
المهم إنه مايقصر عليك ومايقصرك شي ..
عياله عيالك تحبينهم وتعاملينهم بود ..
اللي متوقعه زوجك منك هو اللي يتوقعه أي زوج من زوجته سواء أولى أو رابعة:
لا تقصري في حقه وأهتمي فيه وحبيه ودلعيه ..

والله يوفقك ..

أول شي الله يوفقك ويتمم لك على خير التوفيق بالزواج ماله دخل بكون الرجل عزوبي أو متزوج

_ إدعي ربك إنه يسخرك لزوجك ويسخره لك وحطي الله قدام عينك بكل تصرف تسوينه

_ لاتدققين كثير ولاتسألين كثير وطنشي كبري دماغك على قولة أخوانا المصريين أكظمي غيضك وأعفي وأصلحي لو صار شي من طرف زوجته أو عياله

_ لو صارت لاقدر الله مشاكل بينك وبينهم لاتدخلين زوجك فيها دخلي أطراف ثانيه محايده

_ لاتكثرين الشكوى والتذمر

_ أكسبي عياله وأهله وزوجته بحسن أخلاقك وتعاملك الطيب وصلي لهم رساله بشكل غير مباشر إنك مو جايه تاخذينه منهم

_ زوجك لاتخلينه محور حياتك لك أهلك وصديقاتك وجيرانك خليك إجتماعيه

_ إذا جاء زوجك عندك تعاملي معه وكأنك زوجته الوحيده يعني تصرفي طبيعي مو تتركين كل شي وتقابلينه تواصلي مع أهلك أطلعي زوري الناس حتى بيومك وخليه هو يوصلك أو أعزمي أحد عندك وخليه يستقبلهم معك

_ لازم تكونين نظيفه في بيتك ونفسك وتأدين واجباتك على أكمل وجه وتبيضين وجهه قدام ضيوفه

_ بيته الأول لاتقارنين نفسك فيه من كل النواحي هم أكثر منك وأحتياجاتهم تختلف عنك

_ المبيت لاتتنازلين عنه إلا بأشد الظروف الله لايقدر والمصروف أتفقي إنتي وياه عليه يعطيك مصروف للبيت ومصروف لك

_ خليك مرحه بشوشه إنسانه تحبين الحياه متجدده إذا عندك وظيفه أو دراسه أو حتى تجاره ماشيه فيها لاتتركينها

_ لاتستعجلين بالحمل إلا لو هو طلب منك أجلي الموضوع أقصى حد سنه

_ يكون سكنك مستقل عن زوجته وإذا هو ماطلب منك تزورينها لاتطلبين منه هالشي وإذا كلمتيها كلميها كأنها أختك عامليها بإحترام
بالأول يمكن تكون كارهتك لكن مع الوقت إذا عرفت معدنك بتتغير معك

_ خليك حنونه على أولاده لأنهم بيكونون إن شاء الله أخوان عيالك بالمستقبل

_ أصبري على أي أذى يجيك وقبل تشتكن لأحد أفرشي سجادتك وإدعي ربي يألف بين قلوبكم إنتي وزوجته وعياله وهو وأهله

_ لاتشتكين لأي أحد لو صارت لك مشاكل الناس بيحرضونك محد بينصحك بالخير إلا القلّه القليله شوفي أحد حكيم ورجل لأن الحريم الله يهديهم يزيدون الطين بلّه

وفي النهايه زي ماقلت لك حطي الله قدام عينك وأعرفي إن المشاكل مالها دخل بكون الرجل متزوج أو عزابي وكثير شفنا زوجات وحيدات يشتكون من أهل الزوج نفسهم ويمكن حتى تسببوا في طلاقهم والزواج من معدد لاهو عيب ولا هو حرام

إسألي الله التوفيق دايماً بكل صلاة وتقربي لربك عشان يوفقك بكل أمور حياتك مو بس زواجك و خليك على أستعداد نفسي دائماً إنه بياخذ الثالثه

وأكثر حاجه تملكين فيها الشخص التعااااااامل واللسان الحلو مو بس معاه مع أهله وعياله و زوجته

والله يسعدك

شوفي اغلب اللي يعدد تحصلين زوجته مهملته او اخلاقها مو حلوه او ناقصها شي او مشااكل بينهم وحاول يحلها لكن تعقدت ومايبي يطلقها عشان الاولاد بينهم
اعرف واحد من قرايبي متزوج بثنتين الاولى كبيره بالعمر واخذ له صغيره بالعمر اقسم بالله قصتهم ع كل لسان انو الرجال يحب زوجته الثانيه بشكل جنون ماكانه شاايب كل ذا بسبب انو زوجته الثانيه اهتمت به الرجال يبي وحده تهتم به
والله يوفقك

داماس
شكرا لك مع اني ما اشوف له داعي تعديل الموضوع من حقي افضفض ما دام ما آذيت احد بعينه
لكن بيكون لي موضوع اخر يتكلم عما حررتيه ان شاء الله
وشكرا لك

الم الحنين
شاكره اضافتك جزاك الله خير


ام الدانه
لا والله حبيبتي ماني داخله حرب بالعكس دايما ادعي واقول يارب انك تعلم نيتي ابي بيت وزوج صالح وعيال
مابدخل لأحد اخذه من عياله فأعطني احسن من نيتي
وان كان شفتيني انفعلت في الموضوع ف من الحريم وشراستهم يوم يعرفون وحده بتاخذ متزوج تقولين اخذت ازواجهم كلهم

ضيعتني العاطفه
انا مبسوووووطه بردك لين خربتيها وقلتي تأقلمي نفسيا انه بياخذ الثالثه
ان كنتي اقول ان كنتي قلتي هذا من باب اللي اسمعه من الحريم بيجيك اللي جاها وزي ما حرقتي قلبها بيحرق ربي قلبك بوحده
اقول التعدد رحمة وليس حرقة قلب هي بنفسها لو تطلقت ما بياخذها غير متزوج يعني زي اللي يسب ثوب هو لابسه ولا بيلبسه يوم من الايام
اعذريني شفت من الحريم هواااااايل تشيب الراس "قطيعه تقطعهم " خخخخخ طبعا مو الكل



على اي اساس حكمتي انتي تعرفين زوجي او تعرفين شخصيته او شخصية كل الرجال
مو شرط انه اخذ الثانية اذن يلا ارعداد يعد ولازم يوصل الثالثه والرابعه