زوجي يريد السكن في منطقة اهله وانا رافضة - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 20-04-2016, 04:01 PM
  #1
shoug3031
عضو جديد
تاريخ التسجيل: Apr 2016
المشاركات: 5
shoug3031 غير متصل  
زوجي يريد السكن في منطقة اهله وانا رافضة

السلام عليكم ورحمة الله
بقول لكم اللي صاير معي بعد ما اهلنكي التفكير وعجزت القى لنفسي حل مع زوجي
فعلا احتاج مشوره
وبداية قبل ما اقول شي وبصراحة من الاخر انا يستفزني خضوع المرأه للذل او المهانه لأنها امرأه فقط
لا اقبل ابدا ولا هذي شخصيتي اني اتحمل واعيش جحيم عشان هو رجال لازم اتحمله لأني امرأه
ما بحط بذمتي كلمه وحده و لا راح اتبلى على احد
انا متزوجه من سنه ونص , انا من الشرقيه بيئه محافظه نوعا ما وزوجي يشتغل بالشرقيه وهو من جده واهله هناك , انا عايشه هنا مع اهلي , اهلي مايتدخلون بأتفه شي بيننا ولا كني حتى عايشه معهم بنفس المنطقه
زوجي انسان خلوق وحبوب وكريم و طيب واعرف انه يحبني وحياتي معه كويسه وبإذن الله اعرف اني مو مقصره معه
كللللللللللل هذذذاا يتحول لما نزور اهله بجده . امه انسانه متسلطه علي انا بس مع اني اقسم بالله اعاملها احسن من امي وما اروح الا بهدايا لها , الغيره ذبحتها , اذا رحت تموت اذا شافتني قاعده معه , لدرجة انها سوت حكاية و زعلت على ولدها عشان تبي تسافر معنا شهر العسل ايه ايه تبي تسافر معنا شهر العسل وقبل ما اسافر قالت لي بوجهي انا قلت لولدي رجلي على رجلكم وين ماتسافرون بكيفها زوجتك رضت ولا مارضت ..!
تكرفني ببيتها وانا ما اقول شي عادي من عيوني , واخر شي تروح تألف سالفه تظلمني عند ولدها تقول مخليتني اشتغل بالمطبخ وهي قاعده بالصاله وانا والله العظيم ماقعدت بالصاله ورحت لها المطبخ اساعدك بشي خالتي ؟ قالت لا مافيه شي بطلع الحين
طبعا انا الحين حامل بالخامس الى يومكم هذا مارفعت السماعه سألت عني ولا حتى قالت مبروك , واخر مره رحت جده كنت ماشفتهم 6 شهور ويوم رحت انصدمت من الاستقبال تقول لي وش جابك !! تناديني قدام الناس بطريقة مو كويسه بـ ( يا بنت ) , على سفرة الاكل بسس انا ترمي على الملعقه رمي كني جايه من جايتهم جايعه من الشارع ,,
و زوجي ضعيف شخصيه عند اهله بشكل مقرف , كان موجود على السفره ويتفرج عادي عنده , انا مابيه يقول لامه شي لا حشى , لكن تعال طيب خاطري بكلمتين بعدين
يشوفني ابكي يعصب علي زياده
يصدق امه بشكل خررررررااافي حتى لو تظلمني عنده هي صح وانتي غلط بدون كلمة تطيب الخاطر
اذا رحت معه جده يصير زي الطفل كل همه امه واخوانه ينسى نفسه ينساني لدرجة انام بروحي وهو ينام بالصاله !!! اذا رحت جده مايبي يوديني مشاوير ابد كله مع اهله واذا طلعت مكان كل اهله يعرفون ويتدخلون وامه ماتخلينا نطلع بروحنا
حتى اذا شافتنا نايمين يجيها جني براسها لين تخليه يصحى ويقوم عني تدق عليه 24 ساعه قوم ودني وجيبني مع ان عندها عيال كثار ماشاءالله وزوجها و سياراتها واقفه عند الباب
زوجي حتى وانا بالشرقيه يتأثر بأمه تكلمه تقلب راسه علي وانا قاعده في سلام الله ماسويت شي ويجيني شاااااايش
يشاور اهله بكل شي مايشاورني كزوجه يشاورهم حتى متى ياخذ اجازاته و وين يروح فيها وانا يجي قبلها بكم يوم يعطيني خبر فجججأه !!
اقسم بالله من تزوجت للحين ماشفت زوجي يكلم امه قدامي يقوم عني كنه يكلم بنت ثانيه , الا يمكن مرتين عشان حلفي يكون بيقول لها شي سريع ويقفل
تصدقون اقسم بالله اني مره من المرات بجده كنت توي عروسه دخلت غرفه لقيته واقف يم امه احسبها يكلمها بإذنها لكن تفاجأت وعذرا مره عاللي بقوله .. لقيت علامه برقبة امه ولما دخلت عليهم قال لي جاات الحكومه وعلى نياتي احسبها يكلمها وهي مبسوطه تناظرني بخبث وتضحك !!!!!!!!!!!!!!!

ولما كلمته عن هالموضوع بعدين كيف فطرتك تخليك تسوي كذا طيب انا زوجتك انا عندك !!!
رد علي بأسلوب همجي وانفعال قال عادي نمزح وهذي امي وبسوي فيها اللي ابي ببوسها وبـمـ ..... ( اترفع عن قولها)
المهم المواقف كثيره كثيره مادري ايش اقول وايش اخلي
خلاصتها ان زوجي عديم الشخصيه مع اهله مايشك خيط بإبره الا لما يقول لهم و اهله يتدخلون بشكل فظيع
كل هذا راضيه اتحمله دام اني بعيده عنهم اتحملهم فترة الزياره وارجع

للمعلوميه انا وافقت على زوجي فقط لانه ساكن بالشرقيه لو اعرف انه بينقل عند اهله على جثتي ما اوافق
اللي صار انه فاجأني قبل الملكه بيومين قال لي انه راح ينقل بعد الزواج وهو عارف اني وافقت عشانه بالشرقيه !!
ملكتي كانت عن زواج للرجال فاجأني والدنيا كلها انعزمت واللي حاجز طيران من برا ماقدرت اسوي شي وحتى لو نقل ما توقعت هذا وضع اهله ولا توقعت هذي شخصيته عند اهله
لا اهله يقدروني هناك ولا هو يقدرني
المجتمع هناك جدا مختلف علي وما اقدر اتقبله وهو هناك مايرضا لي اطلع مكان لانه عارف ان البيئه هناك مختلفه جدا عن بيئة منطقتني ماعمره قال لا على اي طلعه وبأي وقت

وكل فترة الزواج وهو يجيب موضوع النقل وانه قريب
انا مو محتاره اذا انقل ولا لا ابدا انا ما اقدر اعيش ولا اتعايش هناك لاسباب كثيره ماذكرتها زياده على اللي قلته والله العظيم ان ماعمري رحت جده ورجعت الا وانا نااحفه من الهم وعيوني طالعه من البكا الساعه تمر علي سنه , هو مايحترمني ابدا هناك ويعاملني معامله سيئه ماكنه زوجي اللي اعرفه يتحول حتى مخه يتغير افكاره تتغير , الكلمه الطيبه مايعرفها , ينسى كل شي ينساني حتى صلاته ينساها هناك , مايرحمني مهما يشوفني تعبانه مهما يشوفني ابكي مهما يشوفني متضايقه عااااااااااادي ولا كلمه
وانا ما اعرف ولا بني ادم هناك اروح لمين واتضايق عند مين
موافقه يروح اي منطقه ثانيه مافيها لا اهلي ولا اهله بس مو جده

وعلى فكره النقل هو مقدم عليه مو اجباري
حاولت اقنعه يجلس ما اقتنع وبحاول ثانيه لما يجي النقل الاكيد
حاولت اقنعه ينقل اي منطقه ثانيه ما اقتنع وبقنعه ثانيه بعد

لكن اذا ما اقتنع ! جده اكرهها كرهتها وكرهت بيئتها وكرهت اللي فيها كرهت ريحتها

الحل ؟؟!!

تم تعديل العنوان ليتناسب مع المضمون

التعديل الأخير تم بواسطة ويبقى الحنين ; 20-04-2016 الساعة 04:34 PM
رد مع اقتباس
قديم 20-04-2016, 04:53 PM
  #2
Mooon12345
عضو دائم
تاريخ التسجيل: Apr 2013
المشاركات: 95
Mooon12345 غير متصل  
رد: زوجي يريد السكن في منطقة اهله وانا رافضة

الله يعينك فعلا الزوجه تتعب بنقل زوجها وتتغير حياتها ولاتتأقلم بسهوله الحل ياعزيزتي من رأي ادخلي معهد ولادبلوم سنتين ولا قدمي وظيفه بالشرقيه عشان يصير لك عذر انكم مستقرين بالشرقيه ويمكن يشيل فكرة النقل من راسه
رد مع اقتباس
قديم 20-04-2016, 10:42 PM
  #3
دُجى الليل
موقوف
تاريخ التسجيل: Oct 2011
المشاركات: 2,349
دُجى الليل غير متصل  
رد: زوجي يريد السكن في منطقة اهله وانا رافضة

اختي ،،، كلامك ما يدخل المخ ، يعني ممكن هي تغار ، وهو يحاول يعوض و يرضيها بالاهتمام باهله كثير ويحاول يُبين ذلك عند ذهابه لهم ، واهمالك ، لكن أجدك تذكرين كلام غير موزون ، يعني هي سافرت معك شهر العسل ؟ لا ، الموقف اللي ذكرتيه عند امّه وعلامه ، أكيد ليست بالصوره اللي تظهر من كلامك

التعديل الأخير تم بواسطة دُجى الليل ; 20-04-2016 الساعة 10:47 PM
رد مع اقتباس
قديم 20-04-2016, 11:01 PM
  #4
دُجى الليل
موقوف
تاريخ التسجيل: Oct 2011
المشاركات: 2,349
دُجى الليل غير متصل  
رد: زوجي يريد السكن في منطقة اهله وانا رافضة

عموما ، حاولي تفهميه ان المشاكل راح تزيد اذا انتقلت للسكن عندهم ، من خصام وزعل وغيره ، وجربي الحيله معه ، ولا تقول له بالصربح أمك فيها و اهلك فيهم ، لانه راح يعاند ويتمسك اكثر ، هو يمكن يعمل كذا بس عشان ما يضرك ، لانه ممكن هي تتصرف و تزيد اكثر من معاملتها السيئة ، فيحاول انه يُبين العكس أمامها و امام أهله ➕راجعي تصرفاتك و تعاملك معها لأنك ممكن انت ما تحسي بها ، وبعض من تصرفاتك تزيد غيرتها او عدم تقبلها لك ، ممكن انت ما تكون متبه عليها ، وهذا واضح من طريقة كلامك هنا

التعديل الأخير تم بواسطة دُجى الليل ; 20-04-2016 الساعة 11:06 PM
رد مع اقتباس
قديم 21-04-2016, 09:35 AM
  #5
shoug3031
عضو جديد
تاريخ التسجيل: Apr 2016
المشاركات: 5
shoug3031 غير متصل  
icon49 رد: زوجي يريد السكن في منطقة اهله وانا رافضة

اقتباس:
المشاركة الأصلية كتبت بواسطة ومض القمر مشاهدة المشاركة
عموما ، حاولي تفهميه ان المشاكل راح تزيد اذا انتقلت للسكن عندهم ، من خصام وزعل وغيره ، وجربي الحيله معه ، ولا تقول له بالصربح أمك فيها و اهلك فيهم ، لانه راح يعاند ويتمسك اكثر ، هو يمكن يعمل كذا بس عشان ما يضرك ، لانه ممكن هي تتصرف و تزيد اكثر من معاملتها السيئة ، فيحاول انه يُبين العكس أمامها و امام أهله ➕راجعي تصرفاتك و تعاملك معها لأنك ممكن انت ما تحسي بها ، وبعض من تصرفاتك تزيد غيرتها او عدم تقبلها لك ، ممكن انت ما تكون متبه عليها ، وهذا واضح من طريقة كلامك هنا

حبييتي اذا قصدك بالعلامه اني اكذب او ابالغ غلطانه مو طفله ولا صغيره عمري 28 سنه وفاهمه وعارفه وش اقول و وش اشوف مابألف قصص هذا اللي صاير بالضبط واعرف انه مايدخل المخ لانه شي مو طبيعي
وبالنسبه لتعاملي معها احسن من تعاملي مع امي لا بخدمه لا بابتسامه لا بأدب معها وحتى ولدها اتجاهله قدامها
ما اعرف على اي اساس قلتي كلامي مايدخل المخ و واضح من كلامي لكن أأكد لك انك غلطانه ياعمري لا تحطي شي بذمتك لان اللي عايش الشي غير اللي يسمعه ، انا كتبت الموضوع بداخلي ضيق و براسي مليون موقف و موقف ، كتبت اللي طلع معي وافكاري مخربطه ، سنه ونص مابتنكتب بدقيقتين بكل ترتيب وجزاله
عالعموم مشكوره كثير ع النصيحه جزاك الله خير
رد مع اقتباس
قديم 21-04-2016, 09:38 AM
  #6
shoug3031
عضو جديد
تاريخ التسجيل: Apr 2016
المشاركات: 5
shoug3031 غير متصل  
رد: زوجي يريد السكن في منطقة اهله وانا رافضة

الله يجزاك خير ، لي فتره ادور وظيفه سايعه لهالشي لعل وعسى يكون لي عذر

يعطيك العافيه يارب
رد مع اقتباس
قديم 21-04-2016, 10:33 AM
  #7
أدمنتك بعنف
عضو نشيط جدا
 الصورة الرمزية أدمنتك بعنف
تاريخ التسجيل: Feb 2016
المشاركات: 279
أدمنتك بعنف غير متصل  
رد: زوجي يريد السكن في منطقة اهله وانا رافضة

اختي صارحتيه بأهماله لك لما تكونوا عند اهله؟ صارحتيه لما يكون في وضعه الطبيعي أقصد تكونوا في الشرقيه؟

..
رد مع اقتباس
قديم 21-04-2016, 10:17 PM
  #8
shoug3031
عضو جديد
تاريخ التسجيل: Apr 2016
المشاركات: 5
shoug3031 غير متصل  
رد: زوجي يريد السكن في منطقة اهله وانا رافضة

صارحته .. يعصب علي مادري ليه ولا يتقبل اي كلمه عنه هو يشوف نفسه دايم صح.
اي شي له دخل بجده او فيه طاري جده يتوحش علي حتى وانا بالشرقيه ، اجل هناك وش بيسوي فيني
رد مع اقتباس
قديم 22-04-2016, 12:35 AM
  #9
تحملتك كفاية
عضو نشيط جدا
تاريخ التسجيل: Dec 2014
المشاركات: 1,059
تحملتك كفاية غير متصل  
رد: زوجي يريد السكن في منطقة اهله وانا رافضة

زوجك كل كم يزور اهله بمعنى كل 3 اشهر او 6 اشهر ؟

واذا زرتوا اهله كم تقعدون من يوم ؟
رد مع اقتباس
قديم 22-04-2016, 04:22 AM
  #10
shoug3031
عضو جديد
تاريخ التسجيل: Apr 2016
المشاركات: 5
shoug3031 غير متصل  
رد: زوجي يريد السكن في منطقة اهله وانا رافضة

اقتباس:
المشاركة الأصلية كتبت بواسطة أدمنتك بعنف مشاهدة المشاركة
اختي صارحتيه بأهماله لك لما تكونوا عند اهله؟ صارحتيه لما يكون في وضعه الطبيعي أقصد تكونوا في الشرقيه؟

..
اقتباس:
المشاركة الأصلية كتبت بواسطة تحملتك كفاية مشاهدة المشاركة
زوجك كل كم يزور اهله بمعنى كل 3 اشهر او 6 اشهر ؟

واذا زرتوا اهله كم تقعدون من يوم ؟




زوجي يروح كل شهر رسمي 5 ايام تجي اجازته لا اقعد معه ولا اطلع معه ولا اشوفه لازم يروح كل شهر حتى لو علمته اني احتاج وجوده ، انا كنت اروح معه كل شهر لين تعبت وصرت اروح كل شهرين كل ثلاث شهور اجلس 5 ايام مره جلست اسبوعين بإجازه عنده ، وبعد اسبوع عنده الاجازه الشهريه 5 ايام بيروح وبيرجع يداوم كم يوم بس بعدين عنده اجازه شهر كلها بيقضيها هناك ، وصدمني انه مافكر فيني ولا فكر يقعد معي او يسفرني مكان قريب او يداوي خاطري وجابرني حاليا اروح معه الشهر كامل وبيتهم صغير وكل اخوانه رجال لو اطلع من الغرفه لدورة المياه لازم امر من الصاله وانا متغطيه ، غير معاملة امه غير تعب حملي غير اهماله لي
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:26 AM.


images