رد : هناك شعور لايحكى ولا يبكى ولا يكتب..هو يؤلم فقط!
حابة أشكر كل من رد كل واحد بأسمه
الله يجزاكم خير يارب ماقصرتوا..
اقتباس:
|
مليت حبيبتي ... سبب أنه حالكم مرة طيب ومرة متوتر هو حالك أنتي .. لازم تغيري نظرتك وطريقة تفكيرك حتى ترتاحي وتريحي زوجك .
|
كيف أغير نظرتي إذا كنت أواجه أسلوب متذمر مستمر متكرر!
إذا في كل فرصة يجدد عدم رضاه عني كيف أكون مثالية!
لما ترمين الكورة بشدة على الجدار بترجع لك بنفس الشدة!
تعبت أحاول الصمود وأواجه نفس ردة الفعل!
اقتباس:
|
ممكن لو سمحتي على الأقل موضوع الأولاد تكوني فيه على الحياد ... صدقيني وعن تجربة أقول لك وجودك بينهم يوتر علاقتهم ولو بعدتي بتلاقينه يحن ويرحمهم .
|
في هذي صدقتي!
أبد ماقد فكرت في الموضوع بمثل ماذكرتي!
أنا منيب أدافع عنهم دايماً بس يجي أوقات بعفوية أتعذر عنهم مثلاً بأي مبرر..
يمكن تصرفي غلط بنتبه من اليوم ورايح مالي أي علاقة لو صار أي كلام
مع العلم أولادي كلهم تلقائي من يعصب أو ينصح يصنمون ويسكتون
يخافون منه بشده ويخافون عقابه لأنه شديد معهم..
عكسي
أنا شديدة عليهم بس معي يناقشون ويتحايلون ويترجون فـ أتنازل عن عقابي ماقدرت أكون صارمة للأسف هالشي مو عاجبني...
يعني لاتحسبونهم يردون عليه..أبداً...وينفذون أوامره بخضوع تام...
وللأمانه هو يحبهم جداً ويهمه سعادتهم بس صارم بزيادة ويعاملهم زيي..
اقتباس:
|
فأنصحهم يروحوا من وجهه ويبعدوا ذيك الساعة .
|
طيب حركتي في إسكات الولد وإن كانت غلط مني فعلاً..!
هل كانت تستحق كل هذي الضجة!
اقتباس:
|
لكن مهما صار ما أكون بينهم وبينه أبدا لا بكلمة ولا بنظره ولا بحركة .. ولما يبدأ بأحد محاضراته أطلع من الغرفة عشان يحف توتره .. انتي عارفه أنه يزيد عليهم بوجودك بس عشان يستفزك ؟؟
|
كلام سليم وأعجبني وأفادني كثير..
اقتباس:
|
مهما قسى عليهم يا مليت يظل أبوهم وحبه بقلبهم فطري ومن ربنا ما يقدروا يسيطروا عليه مهما انتقدوه أمامك ومهما اشتكولك منه .. بداخلهم حب كبير له يخليهم يغفرون له كل شيء ويتحملوا منه كل شيء وبالنهاية الشدة على الأولاد الذكور كويسه وتقوي عودهم حتى لو كانت ظلم .. الحياة مو سهله وخلهم يجمدوا
|
فعلاً زوجي حريص من هالناحية
صح فيه مبالغة أحياناً في شدته بس يبقى أحسن وفي صالحهم إن شاء الله..
اقتباس:
تقولين بأنك خاضعه له وعملتي كل شي حتى تكسبيه ... مع أنه ردك عليه لما قال أنه وجهك ودر كان ردك عليه رد ند لند يا مليت ... ما ينفع تراددينه .. شخصيته مو من الشخصيات اللي تترادد أبدا ..
|
صادقة بس حرقتني هالكلمة من كثر ماقالها
تراه يقولها كثير وكني ماأسمع
بس أوقات أعجز أمسك أعصابي
ياخي وجهي ودر وش لك فيه أفصل ثاني غيره مثلاً!
وجهي وانا حره فيه!
اقتباس:
بخصوص نقد شغلك مثل ما قال لك البليغ خلي ردك دائما ان شاء الله ويصير خير .. لا تشرحي ولا تبرري .. الرجل الشمالي الشرقي ما يفهم التبرير ولا يقنعه .. يسمعه بلابلابلا  الشيء الوحيد اللي يفهمه كلمة حاضر .
|
طيب أنا أصلا تبلدت كثير الفترة الأخيرة
والغالب مايسمع الا هالكلميتن
ومع ذلك نفس سلوكه المشين وعصبيته كأن بيني وبينه ثار أو محلوف عليه يجلطني!
شوفي بصدق..أسكت كثير وكني ماأسمع..ماأرد...صمت مطبق...
بس أحياناً كلامه يكون قاسي ونفسيتي تعبت وش أسوي تعبت أقسم بربي تعبت..
اقتباس:
|
ليش تحاولي تبرري وتشرحي فرنسي لرجل عربي ما يعرف اللغة الفرنسية .. لغة التبرير هذي ما يفهمها زوجك مهما شرحتيها . انتي قاعدة تشرحي وتعددي أعذارك وهو أذنه مسكره وعقله مقفل ولو طالعتي بعيونه راح تشوفي أنه كلامي صحيح .. بتلاقيه مو مركز بكلامك أصلا وقاعد يفكر .
|
جبتيها ع الجرح يافاهمتني..
اقتباس:
باقي النقطة الأخيرة اللي قلت لك لو ما نفعت نصيحة أونا ترجعيلي هنا عندي كلام لك .
وهذي النقطة متداخل فيها شيئين .. واحد أنتي خايفة ومرعوبة من الطلاق وهو حاس بهذا وقاعد يدق على نقطة ضعفك هذي .
|
بذكرك انه سبق في خلاف من خلافاتنا التافهه ((( طلقني )))
فاللي يطلق مره بيطلق ثانية!
صرت أتوقع كل شي منه , ماعاد أثق فيه..!
وبكون صريحة وواضحة..
أنا شخصيتي صعبة أبين إنكساري وحاجتي..
صعب أبين ضعفي...
حتى لو كنت هشة من الداخل ظاهري قوي!
فدايماً لما يهدد بالطلاق أبين أن هالشي ممكن في صالحي
وإن رزقي مو عنده
وإن يمكن ربي كاتب لي حياة أفضل بدونه
وإن حياتي مو واقفه عليه
وإن عسى أن تكرهوا شيئ وهو خير لكم
وإني مو ضايعه
وإني فقط متخوفة على أطفالي لأني ماأقدر أخذهم لكن لو كان سعادتي بعيد عنه أدوس عليهم!
هذي ردودي عليه مع كثر تهديده , يمكن تذمون كلامي وردي عليه
بس ماأقدر أسمعه يهدد وأسكت..مع إني أحياناً أسكت بس أحياناً أرد لمن يتمادى...
صعب إني دايماً أسكت أنا بعد أبي أبين عدم إهتمامي عشان ماياخذها نقطة ضعف..
بس مانفع يمكن لأنه عارف وضعي وحاجتي له! فيه أمور ماتتخبى!
اقتباس:
|
والثاني موضوع قذفك انتي وبنتكم واللي أساسه وسوسته ووضعه الجسدي معك .. يخليه موسوس ويخليه يتجرأ على هذا النوع من الكلام من باب استفزازك ولأنه يرتاح لما يقوله ( يفش غله ويطلع حرته منك بهذا الكلام )
|
لامنه..ولا من كفاية شره!
اقتباس:
الان ما يجوز أن تسكتي له على هذا النوع من الكلام .. وما يجوز يحس بنقطة ضعفك وخوفك من الطلاق
المره الجايه لما تسمعي منه هيك ألفاظ عليكِ أو على بنتكم بكل هدوء وبكل حزم وبكل حرقه تقولي له هذي اخر مرة أسمح لك تقول مثل هذي التلميحات .. أنا أشرف من كل أنثى عرفتها بحياتك . أنت تفهم ؟؟؟
|
مره لمن طلعت وياه وركبنا السيارة أصر ولدي ابو كم سنة أنه يناديني ويقولي باي ويبوسني في الهواء ويناديني ويقولي باي بإصرار وتكرار ينتظر ردي..قلت بصوت عالي شي بسيط باي! وركبت ودخل الولد ومعي بنتي الكبيرة في السيارة
قال وين حنا فيه شغل سرابيت ومدري ايش أحنا في الشارع
طبعاً الشارع فاضي تماماَ وكان جارنا شايب لسى بيدخل مع الباب حقه
أنا سكت!
قعد يتكلم وين صلاتك وركوعك تلعبين على ربي تمثيل
هنا طق عرق فيني قلت لو سمحت اللي بيني وبين ربي مالك علاقة فيه!
عصب وقال أنزلوا مو لازم نروح ومو كفو ومدري ايش..فورا نزلت وبنتي وراي وعاد نفس الكلام وعدت نفس الرد!
مو كل رد يعجب سيدي الفاضل ويخليه يعيد حساباته ويتراجع أصلاً دايماً يكرر لي نفس الجمله أعلاه
وأنا مثل هالكلام يجيب أجلي
أنا ماأحب أحد يتدخل في كل تصرفاتي أكثر من اللازم!
اقتباس:
|
واتركيه .. ولو تكررت لا تترددي بأن تطلبي الطلاق ... انتي ليه خايفه من الطلاق ؟؟؟ ممكن أفهم شو راح تخسري مقابل اللي راح تكسبيه من راحة بال ؟؟؟؟
|
بإختصار لو أبوي عايش أبد ماترددت في طلب الطلاق ..
اقتباس:
لا تقولي لي أهلي وأمي ولا تقولي لي المجتمع وتعبي وسنين عمري ... حافظي على الباقي من عمرك والباقي من صحتك .. ولا يهمك أحد بهالدنيا .. كل بني ادم ورزقه من ربنا مو من البشر .. والنس تتكلم وبعدين تسكت والأهل يزعلوا وينسوا .. ما احد تستمر معاناته إلا انتي
حتى الأولاد أفضل لهم يعيشوا مع ام مطلقة من أن يعيشوا جو الكآبة هذا .
|
ماعلي من زعل أحد لو أبوي عايش
بس ماعندي رجال!
اقتباس:
لو بيوم شاف منك طلب طلاق بسبب مقنع هو عارف أنه فعلا غلطان فيه مثل قذفك ويكون طلبك جاد وعن قناعة وإصرار راح يعرف أنه خسر الورقة الرابحة اللي يظل يلوحها بوجهك وراح تشوفي منه وجه ثاني غير اللي تشوفينه الحين .. بتشوفين ما أقول كل لكن نص ذيك الشخصية اللي يكون فيها مع أصحابه وأحبابه .
وما راح يطلق .. صدقيني ما راح يطلق لو مسكتي سكين وذبحتيه فيها .. ما يهون عليه مظهره ومركزه بين الناس.
راح يقعد يخوفك ويقول لك انه وده يطلق لولا انه شهم وكريم وما وده يبهدلك .. وبيسألك كيف بتدبرين نفسك .. قولي له ما عليك .. أنا ادبر نفسي وحسبت كل شي .. ولو ما طلقت أنا بخلعك بالمحكمة ..
وخلي الموضوع معلق لا تكملي نقاش فيه .. وانتظري وراقبي كيف شخصيته بتتعدل .
|
ماأناقش مهبول إلا لو كنت فعلاً جادة واموري تمام
أما أحط نفسي بموقف صعب على أساس يمشي سيناريو في بالي هالشي غير عقلاني أبداً..
أنا مجبره ماأطلب الطلاق والتزم الصمت إذا حسيت علم الطلاق بدأ يرفرف! والله يستر..!
اقتباس:
|
لكن انتبهي يا مليت .. طلبك للطلاق بدون الخضوع اللي قلنا عليه بالأول وبدون ما يحس أنك فعلا سلمتيه قيادة البيت ما راح ينفع ... يعني ساعديه بخضوعك عشان يتغير لأنه راح يكون مستعد يتغير فعلا
|
مستعدة أطبق الخضوع التام طوال هالشهر
وكل نصايح الأخوان والأخوات
وأجزم إن زوجي أصلي بعلامة الجودة مايتغير
لأني كل شي طبقته وماشفت أبد ولا بوادر تحسسني إن الرجال شاريني!
اقتباس:
|
أعتذر على طول الرد .. حاولت أحط فيه كل اللي ببالي حتى ما ارجع وأزعجك مرة ثانية .. وحاولت ألونه أعرفك تحبي الألوان
|
شفتي كيف..من متى عنك..وفهمتيني وعرفتي مزاجي..
مو زوجي لمن أكتب له أشياء بخاطري يقول مو من كتاباتك!
حلو تواجه نفسك تفهمك ببساطة بدون تعقيدات..
اقتباس:
|
هذا اجتهاد مني ممكن يصيب وممكن يخيب ولو صاحبة الموضوع أحد غيرك يمكن ما كنت أعطيت رأيي بكل صراحة لكني أعرف أنك تسمعي للكل وتفكري وبعدها بتشوفي الأنسب .. لأنك بالنهاية انتي اللي عايشه الوضع مو احنا وعارفه التفاصيل كلها
|
فديتك كلامك وذاتك كلكم على رأسي
محد كتب حرف لو قسى لو قال إني أنا غلطانة إلا قصده يساعدني
أنا ممنونة قد السمآء لك..
30-01-2013, 12:28 AM
ضوابط المشاركة
العرض الشجري