19-05-2017, 04:58 PM
19-05-2017, 05:26 PM
|
المشاركة الأصلية كتبت بواسطة بنت طيبة الطيبه
لأنك أصيلة وبنت ناس حاسة بتأنيب الضمير ياسمورة اللي سويتيه غصبا عنك وهو اللي وصلك لهذي الحالة لاتشيلي هم ولايأنبك ضميرك زوجك يحتاج له درس ودرس قوي كفاية لحد هنا لأنه زودها تماما عموما وارتاحي ياقلبي وخلي نفسيتك تهدا وبعدين لكل حادث حديث .
|
19-05-2017, 06:02 PM
|
المشاركة الأصلية كتبت بواسطة سموره ☆
مشكوره حبيبتي مهره ... مو قادره اوقف تفكير ... حاسه بتأنيب ضمير عشان عمي .. خجلانه كثير باللي صار ... مو ندمانه لاني من زمان ابي اعطيه درس ... بس خايفه اني غلطت باللي سويته امس ... حتى كل ماتذكر وربي قلبي يعورني على منظر عمي وزوجته ... وخجلانه من اخو زوجي وعمي لما وصلوني 4 ساعات رايحين و4 راجعين ... متفشله .. وفوق هذا تو ارسل لي انه قد كلمته ومارح يحصل لي بسبب اللي صار امس .. أحاول انسى واقول كله خيره من ربي ... بس مدري شلون ... الحين قاعده أحاول اقنع نفسي اني على صح ... ودي اقول لامي على اللي صار بس وعدت عمي اني مابقول لأهلي ... ولا أنا ودي افضفض لها من الليل عشان ارتاح ..
|
19-05-2017, 06:56 PM
|
المشاركة الأصلية كتبت بواسطة مهره
أكيد الموقف اللي صار مب حلو .. بس مثل ما قالت بنت طيبة اللي صار غصب عنج .. وإنتي ما كنتي مخططة ولا ناوية تتكلمين جدام عمج .. ولو إن زوجج ما صغّر عقله كان ما رحتي لعمج ولا قلتي اللي قلتيه.
أنا مريت بالإجهاض مرتين .. وعارفة شو يعني فقدان جنين .. صح نقول الأم لازم تكون متماسكة وتستعوض الله في اللي راح لكن نفسية الوحدة تكون سيئة وتحتاج ولو شوية مراعاة ودعم معنوي على الأقل .. وبدل ما زوجج يقدر هالظرف قام يتصرف بطريقة طفولية وخالية من المسؤولية .. وإلا محد يقول لوحدة توها طالعة من حالة إجهاض وفقدان جنين اطلعي عند أهلي وإلا باقول لهم إنج مب مرتاحة عندهم! .. عيب هالتصرف ترا وما فيه أي تقدير. بخصوص عمج ما أعتقد إنه متضايق منج .. لكن إذا كنتي لازلتي خجلانة منه كلميه واعتذري منه .. وقولي له إنج ما كنتي حابة إنه يشوف مثل هالموقف السيء .. لكن زوجج للأسف ما ترك لج خيار أفضل. وبخصوص أمج فأنا فاهمة شكثر إنتي محتاجة لحضنها واحتواءها .. لكن ما أدري كلامج معاها هل ممكن يكبّر المشكلة أو لا .. وهل ممكن تسمع منج ويتم الكلام بينج وبينها وإلا ممكن تروح تقول لإخوانج والموضوع يكبر .. فانتي استخيري حبيبتي وأخري هالجزئية شوي على قدر استطاعتج وتحملج. أما زوجج فمب إنتي اللي صغّرتيه .. هو اللي صغّر نفسه بتصرفاته الطفولية .. وبالنسبة لتهديداته فلا تردين عليها أبداً .. لا تسألينه على شو ناوي مثلاً؟ .. ولا حتى تقولين له: ما يهمني وسوي اللي تباه ...... تجاهلي هالجزئية تماماً تماماً ولا تردين بأي كلمة عليها. |
19-05-2017, 07:21 PM
19-05-2017, 08:20 PM
19-05-2017, 08:51 PM
|
المشاركة الأصلية كتبت بواسطة محب السنة
زوجك لازال في غفلة لازم
ويحتاج له مواقف مثل هذا الموقف ليصحى و يفهم الدنيا تابعي مع الأخت مهره بإذن الله بتعدين كل مشاكلك بفضل الله ثم بوقفت الأخت مهره معك وفقك الله |
19-05-2017, 08:57 PM
|
المشاركة الأصلية كتبت بواسطة عميد البلوت
للأسف الكثير من الرجال لاتوجد لديه معلومات كافية عن الهرمونات وتأثيرها الكبير على نفسية المرأة
فزوجك بهذه الحالة بيثبت انه قوي شخصية وانتي الهرمونات مأثرة عليك وهذا سبب انفجار المشكلة.. أنا من رأيي لاتطنشين زوجك زيادة..أرسلي له رسالة وضحي له سبب ماقمتي به وان تصرفاته السلبية ونفسيتك السيئة هي السبب في ماحدث وانك مقتنعه ان فعلك غلط كذلك اتصلي على والد ووالدة زوجك واعتذري منهما |
19-05-2017, 09:07 PM
19-05-2017, 11:40 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
