حياتي على محك بسبب صداقات زوجي - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 06-05-2017, 01:49 PM
  #1
باحثة عن استشار
عضو جديد
تاريخ التسجيل: May 2017
المشاركات: 2
باحثة عن استشار غير متصل  
حياتي على محك بسبب صداقات زوجي

السلام عليكم

بأعطيكم نبذة بسيطة بالبداية، عمري 27 متزوجة وعندي طفلين وموظفة
وزوجي عمره 31 يحبني ويعاملني باحترام وانا احبه وسعيدة معه

السلبية الوحيدة بزوجي انه مايحب يجلس بالبيت، وعذره انه مدخن ومايقدر يدخن عند الأولاد بالإضافة إلى انه عنده فكرة الرجل لازم يطلع مع أصحابه وقعدة البيت للحريم!
بالبداية كان الموضوع مشكلة عندي لدرجة سويت تتبع له وهو مايدري عشان اشوف وين يروح، وصار يروح غالبا مع شلة اعرفها ويجتمعون بملحق بيت اهل واحد منهم لكن له مدخل خاص من الشارع

معليش طولت بالتفاصيل بس عشان تفهمون معي مشكلتي

قبل عدة ايام كان زوجي مسافر، وبعد ما عاد من السفر فتحت جواله ووجدت صديقه ارسل له مقطع صوت بالواتس آب لأغاني وضحك بنت، وصورة لمشروب خمر.
وكان رد زوجي عليه استنكار مع ضحك، ما فهمت رده انه يستنكر كيف تفعلها بدوني ولا كيف تفعلها اصلا !

وقتها جن جنوني وكلمته وقلت قدامك خيارين:
1- تحلف بالطلاق انك ماقد جلست معه بسهرة فيها بنات وشراب
2- تطلقني ولك علي ما اقول لاحد بسبب الطلاق مو عشانك عشان عيالي محد يعايرهم بأبوهم

رده ماكان فيه مكابرة على طول قال معك حق تزعلين، وانا بنفسي انصدمت لانه ماقد في عمره كلمني بموضوع مشابه، لكن ماقبل يحلف بالطلاق مباشرة الا لما شافني ملزمة وإلا اطلع لبيت اهلي ، طلق انه ماقد قابل بنت ولا لمس بنت ولا شرب !

رضيت بعدها ولكن بدأنا بالنقطة الثانية، كيف يتصرف بعدها؟ يترك الشلة اللي يطلع معها كل يوم؟ وفجأة يقاطعهم ؟ اعرف شخصيته مستحيل يقبل انه قدامهم يبان مفروض عليه شي
وانا ما ابغى احط نفسي بموقف اجبره يصير بموقف محرج معهم

ويقول لإنه مدخن فاي شلة شباب يجتمعون وعندهم تدخين فأكيد فيهم ناس حدهم تدخين وناس يكملون السهرة إلى الفجر ويجيبون باستراحتهم بنات وشراب!
وحتى لو غير هالشلة اللي بعدهم بيصيرون مثلهم

يبغاني اقتنع انه مافيه الا هذا الحل، يجلس مع ناس منحطين لكنه مايشاركهم انحطاطهم، بداية الليل يجتمعون كلهم وحدهم بلوت وبنص الليل العاقلين يطلعون واللي بيكملون يكملون مع خرابيطهم

انا صدق مو عارفة أتصرف ، مقتنع تماما انه عادي يجلس معه لإنه ضامن نفسه مايغلط، وإذا صار بجلستها خرابيط بيطلع، وانا ما اقدر اجيب له اصحاب كويسين هذا مب شغلتي!

آخر حل طلعت فيه بما اني عندي لوكيشن ملحق صاحبه اخلي احد يراقب وإذا جاهم بنات ابلغ وينمسكون كلهم سواءا زوجي معهم او لا، وأخليها قرصة يتوب بعدها طول عمره من مصاحبة الشلل الفاسدة

انا صدق احس حياتي على محك ومو عارفة أتصرف ، مستحيل ارضى اشوف زوجي على وشك يخون واتفرج ساكتة، وما ابغى اتطلق بدون ما استنفذ كل الفرص واتأكد انه فعلا خاين مو يصاحبهم ومايشاركهم بكل شي

طولت مرة وعذرا قاعدة اكتب بشكل مرتجل، بس احتاج نصيحة وما اقدر أستشير احد قريب مني لإن الموضوع حساس
قديم 06-05-2017, 01:54 PM
  #2
سديم الذكريات14
عضو نشيط جدا
تاريخ التسجيل: Aug 2014
المشاركات: 2,341
سديم الذكريات14 غير متصل  
رد: حياتي على محك بسبب صداقات

الله يفرج همك ويصلح زوجك
__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه
قديم 06-05-2017, 03:52 PM
  #3
الـــوحيد
عضو نشيط جدا
 الصورة الرمزية الـــوحيد
تاريخ التسجيل: Sep 2014
المشاركات: 2,512
الـــوحيد غير متصل  
رد: حياتي على محك بسبب صداقات

وانا اقراء كلامك رجعت من الاول عشان اتأكد انتي تتكلمين عن زوجك والا ولدك
لان بصراحه تصرفاتك وكلامك كلام اب او ام خايف على ولده يضيع مو عن رجال بالغ راشد متزوج
حطيتي تتبع وهو مايدري وتفتشين جواله وهو مايدري والحين تبين تختارين له مين الكويسين اللي مسموح يجلس معهم ومين الكخه اللي ممنوع يجلس معهم !!!

على العموم الحل بسيط وهو اذا فيه مساحه ببيتكم خليه يبني مشب ويخلي جلساتهم فيه وبكذا يكون تحت عينك على طول
او تحاولين معه يبطل التدخين من باب انك خايفه على صحته وراح يكره جلسات المدخنين لانه راح يتضايق من الدخان
قديم 06-05-2017, 06:46 PM
  #4
سُلَّمُ ألحَانٍ
عضو مثالي
تاريخ التسجيل: May 2014
المشاركات: 887
سُلَّمُ ألحَانٍ غير متصل  
رد: حياتي على محك بسبب صداقات

لا تَقْتَرِبي منهُ فَـــــ يَخْتَنِقْ !!

اتركي لهُ مساحة يتنفس فيها ,, وأعطيه الثقة ,,

أنتِ تهدمينَ بيتك بهذه التصرفات !!

,,

,,
__________________
و في الريح من تعب الراحلين ,, بقايا
,, جُذَيْلُها المُحَكَّك ,, ماستر في تخصصي علم النفس والخدمة الاجتماعية
قديم 06-05-2017, 08:08 PM
  #5
× الرسمي ×
كبار شخصيات المنتدى
 الصورة الرمزية × الرسمي ×
تاريخ التسجيل: Dec 2006
المشاركات: 2,747
× الرسمي × غير متصل  
رد: حياتي على محك بسبب صداقات

بإختصار

إن أردتي أن تخسري حبيبك وأبو أولادك أو تكوني مطلقة

إستمري على الحصار الذي تريدي وضع زوجك فيه وعلى نفس منهجك في التتبع والخوف من الخيانة

وكل ذلك بحجة انك خايفة عليه
قديم 06-05-2017, 10:26 PM
  #6
msfr333221
عضو نشيط
تاريخ التسجيل: Apr 2016
المشاركات: 139
msfr333221 غير متصل  
رد: حياتي على محك بسبب صداقات

الله يعين زوجك
قديم 06-05-2017, 10:40 PM
  #7
جرحي الدامي
عضو نشيط جدا
تاريخ التسجيل: Dec 2014
المشاركات: 381
جرحي الدامي غير متصل  
رد: حياتي على محك بسبب صداقات

اسلوبك غريب اختي ماهكذا تورد الابل ..انتي تحبي زوجك يحط احد يتبعك ولابرامج تجسس
قديم 07-05-2017, 12:01 AM
  #8
باحثة عن استشار
عضو جديد
تاريخ التسجيل: May 2017
المشاركات: 2
باحثة عن استشار غير متصل  
رد: حياتي على محك بسبب صداقات

تركتم اصل المشكلة وعلقتم عن التتبع فقط، يا اعزائي انا أستطيع اتابع كل تطبيقاته كل محادثاته لكن لم أفعل، ولا أفتح جواله اصلا الا نادر جدا لكن هذه المرة صادفت بعد سفر،

وانا متزوجة من عدة سنوات ومافكرت بالتتبع الا بعد ما اصبح عنده شغف غريب للخروج والسهر بشكل يومي وأنا اكره ان اسئله وينك ووش سويت! وبنفس الوقت اكره استغفالي ! ولو كنتوا انتم يالمعلقين الرجال خصوصا في مكاني لفعلتم اكثر بكثير
وللاخ الذي يقول تختارين أصدقائه ارجع اقرا الموضوع انا ماقلت اختار، هذا مو دوري!
انا فقط اتسائل ان كان واقع الشباب فعلا مثل ماقال
قديم 07-05-2017, 12:08 AM
  #9
مسز داني
عضو المنتدى الفخري
تاريخ التسجيل: Aug 2008
المشاركات: 10,079
مسز داني غير متصل  
رد: حياتي على محك بسبب صداقات

انا فقط سأعلق على نقطة
واقع الشباب
لا ليس واقع الشباب كلهم هكذا
بداية السهرة تحمية. ثم شراب و بنات كأنه سهالات!!!
الحين انت خليه يكمل مع هالشلة
لو ارتبت لامر ما قادم لكل حادث حديث.
__________________
[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة
قديم 07-05-2017, 12:34 AM
  #10
عميد البلوت
عضو نشيط
 الصورة الرمزية عميد البلوت
تاريخ التسجيل: Jun 2016
المشاركات: 137
عميد البلوت غير متصل  
رد: حياتي على محك بسبب صداقات

الله يعين زوجك
باقي بس تطلعين صك ولاية عليه
__________________

طعنة العدو تدمي الجسد،وطعنة الحبيب تدمي القلب
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:40 PM.


images