إيه تبينه وبتلحقينه لأنه زوجك وأبو عيالك ومالك غنى عنه وصدقيني إنه قاعد على جمر الحين ينتظر رجعتك فنصيحه لا تطولين السالفه إرجعي وبيطيح الحطب بإذن الله ، الله يصلح مابينكم ويجعلكم قرة عين لبعض .

__________________
الحمدلله حمدا جزيلا ...

استنكار لا متعني ولا شي ... بعد مامشى سوالي رساله قال لي فيها ... انا جيت عند اخوي " هو عنده اخ متزوج في نفس المدينة اللي ساكنين فيها اهلي " قال ان كان معه شغل مع اخوه ولما خلص جا عشان يعطيني الفلوس ويعقلني عشان اشيل الحظر .. واللي يزعل بروحه يرضى بروحه .. كل شوي ويكررها ... عشان كذا اقولكم اسلوبه مستفز ومتناقض ... لان لما جا وتكلمت معه قال لي ننسى اللي صار وكل شي مقدر ومكتوب يعني قاعد يبرر غلطته ... وبعدين كأنه يقول مو جاي اراضيك ! مابيه يراضيني والله بس ابيه يحترمني ويعاملني كزوجه ويخلي اسلوبه وتعامله ارقى من كذا ... ودي اقولكم كل اللي قاله لي لما جا ولما راح ... بس مابي اعطي كلامه اي اهميه حتى مارديت على رسايله ... وقاعده اكتب من الجوال عشان كذا احاول اختصر لكم

__________________
-

فأجبر خَاطري .. بفيّض نعَمك ❤ ....

اخي الرسمي جزاك الله خير على نصايحك ... وانا والله مو مصعده المشكله ... بالعكس انا راجعه راجعه ... بس ادور الاحترام اللي فاقدته بحياتنا ... ادور التعامل الحسن ... ابيه يتغير ... عجزت اتكلم معه واقوله على كل اللي بقلبي ... بس مافي فايده ... اذا تكلمت معه نطلع بمشكله جديده ... عنده نفس طويل بالمشاكل ... مثلا ... كنت اتكلم معه ان لازن يكون بينا احترام وهالشي يخلي الزواج يدوم ... كان مستعد يسمعني ومستعد اكثر انه يتكلم معي ويتناقش وباﻷخير بشنو اطلع ! اطلع انا الغلطانه انا الفاشله بالحياة الزوجيه انا وانا وتذكرين كذا وكذا وكذا .. مواضيع مال امها دخل بالموضوع اللي بدينا نتناقش فيه ... وبالاخير اعصب شي يطلعني من طوري غصب عني ... يقول لي شفتي هذا انتي ماتحترميني وين الاحترام اللي قاعده تتكلمين عنه !!! بالله يا اخي هذا شخص عاقل اقدر اتفاهم معه ! ؟ مع اني بالبدايه قسم بالله اني اتكلم معه وامسح على راسه وظهره واتكلم بكل حنيه وأدب ... مايبين بعينه هذا كله ... يبين بعينه بس بعد مايطلعني من طوري واعصب وهو اللي يخليني كذا

__________________
-

فأجبر خَاطري .. بفيّض نعَمك ❤ ....

الوفا ياقلبي ... ابيه ماقلت لا ومالي غنى عنه .. مادري احس مو فاهميني ... مو فاهمين انا وش ابي ... تراني مو زعلانه والله ... بس ابي الاحترام والتقدير ... تخيلي توك طالعه من المشفى بحالة اجهاض وحالتك حاله .. ويقولك انتي السبب وهو اللي اساسا السبب ... ولما طلبت حقي اني اروح عند امي ارتاح يرفض مو بأدب لا يرفض بتهديد ... اشيا كثير بقلبي تراكم علي ... صعب اقوله لكم بيوم وليله ... ماقلت اني ابي اتطلق بس ابيه يحس فيني واني ادميه مو طوفه وملطشه ..

__________________
-

فأجبر خَاطري .. بفيّض نعَمك ❤ ....

لو اول مره وثاني مره وعاشر مره ... كنت بقول معليه اعديها له ... بس طول مانا عايشه معه هذي حياتنا ... قاعد يستنزف طاقتي .. صرت اكره وجوده بالبيت بسببه ... جا فتره اقوله اطلع مع اصحابك لان وجوده صاير قلق بالنسبه لي ... يتعمد يفتح مواضيع عشان يخلق مشكله ... الين اكتشفت انه يروح القهوه يشيش وهو اساسا يكره الشيشه ... ولاني السبب في هذا حاولت الين قدرت اخليه يتركه والحمدلله .. صرت اجبر نفسي على وجوده وادخل معاه بنقاش عقيم ... وادري انه ماله فايده بس عشان ابعده عن اصحابه

__________________
-

فأجبر خَاطري .. بفيّض نعَمك ❤ ....

الله يعينك يا سموره ويهدي زوجك
احنا في رمضان الحين شهر الخير
ادعي ربك كثير ولا تفكري الا برضا ربك
والله قادر يغير زوجك للاحسن
انتي اذا رجعتي قومي بواجباتك على اكمل وجه وكوني بشوشة و زوري اهله انبسطي معهم
و ابتعدي عن النقاشات العقيمة معه يعني ترفعي عن سفاسف الامور و الله يفرجها

امين يارب .. شكرا لك حبيبتي استنكار ... والله اني ادعي له بالهدايه ... ويارب يتغير للأحسن ... لاني جد ابغاه يتغير .. عشاني احبه .. ابي تكون حياتنا افضل من كذا .. ان شاء الله ربي يجزاك الجنه .. وانا دايما اكون مبسوطه معهم بس هالمره كنت تعبانه ومو طايقه احد ... شكرا لك استنكار

__________________
-

فأجبر خَاطري .. بفيّض نعَمك ❤ ....

أختي الزمي الحوقله والصلاة ع النبي ففيها العجب العجاب

هل زوجك على علم بوعدك لعمك؟ اذا كان ايوه. فطبيعي انه متوقع انك بترجعين مع احد اخوانك, لكن اذا ممكن توضحين جملة "كنت اقصد ان بكره يعني اليوم".

وبما ان رده مستفز, فطبيعي هالشي يصير لانه متضايق منك كما انتي متضايقه منه, وكان خروجك رغما عنه, فليش هو اللي يطلب رجوعك معه وليس انتي؟

كيف يعرف هو عن رغبتك بالرجوع بدون الطلب؟

.

__________________
الجنس: ذكر

الله يجزاك خير ياعبير ... ان شاء الله ... شكرا لك حبيبتي ..

امس راسلته وتكلمنا عادي .. يعني كيفك وكيف العيال وكذا .. المهم بالاخير قال لي بعطيك مهله يومين اذا مارجعتي خلاص مالك رجعه .. ماعبرت رسالته ابدا ولا رديت بحرف .. وقلت دام يهدد كذا بمدد لي كمان كم يوم ... المهم الفجر اليوم اخوي ارسل لي رساله ... قال لي جهزي نفسك وعيالك بوديك بعد الفطور مباشره ... طبعا انا كلمتهم مره وحده بس انهم اذا فاضيين يودوني .. وهذا كان قبل امس ... رديت عليه .. اني مش مستعجله وعادي لما تفضى حتى لو بعد اسبوع .. قال لي لا عادي اصلا انا معزوم عالسحور عندكم زوجك عزمني !!!! يبي يمششي تهديده علي .. يعني كذا ولا كذا انا ماشيه اليوم ... يأست واستسلمت .. احس احيانا وكأني بحرب بسبب تصرفاته ... استغفر الله واتوب اليه

__________________
-

فأجبر خَاطري .. بفيّض نعَمك ❤ ....