هناك شعور لايحكى ولا يبكى ولا يكتب..هو يؤلم فقط! - الصفحة 4 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 30-01-2013, 06:04 PM
  #31
صعبة المنال
قلم مبدع
تاريخ التسجيل: Jan 2004
المشاركات: 349
صعبة المنال غير متصل  
رد : هناك شعور لايحكى ولا يبكى ولا يكتب..هو يؤلم فقط!

الله يعوضك بالجنة ويصبرك
رد مع اقتباس
قديم 30-01-2013, 10:46 PM
  #32
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

اقتباس:
المشاركة الأصلية كتبت بواسطة لينة العريکة مشاهدة المشاركة
مليت حبيبتي للاسف ماعندي وقت لاقرا ردك على الخاله بيتا،
انا بكل صراحه لو ما لمسني اطالب بحقي و اقول له بدلع و حنيه و ليس كمن يريد ان يفرض رايه.
لا تتصوري اخيتي اني اتكلم من خيال انا افعل هذا فعلا

عارفة منطقك حبيبتي
كنت كذا زيك..
وممكن ماأطالب..بل أبادر..

الظروف والمواقف تختلف وتفرض أمور ماكنا نتصورها تمر علينا..أو نتصور يكون رد فعلنا مختلف!
رد مع اقتباس
قديم 30-01-2013, 11:29 PM
  #33
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

بيتا..
يعجبني في المنتدى تواجدك
أنتي أخت مخلصة جداَ وحنونة ومعطاءة ياحبي لك..

اقتباس:
موضوع النظافة والترتيب حجة بس .. هو يعرف تماما أنها امور تصير بكل بيت وما احد يعلق عليها لهذي الدرجة أو يعطيها هذا الحجم ... ما يقدر يظل يكرر انها ما تحترمني وتجادلني خاصة قدام أخوانك الرجال لأنه هذا معناه أنه فاقد للسيطرة عليك وكونك ما تحترمنيه فهذا شيء يسيء له قبل ما يسيء لك .. ولما توصل معاه الأمور لأن يشتكي هذي الشكوى ويقولها علنا لأمك فمعناها أنه يحسها بقوة ويدور حل ومعصب ومثار طول الوقت بسبب هذا الوضع اللي فشل بحله .
شوفي أنا مايشوش علي إلا أني أخذ حلول مبنية على الظن!
يعني هل فعلاً المشكلة انه يتضايق من تبريري وردي عليه!
أو فيه مشكلة أصلاً خلف ستار النقد؟

إذا تجزمين بأن هذي المشكلة فقط فأنا تحت أمرك باللي تبين..

أنا لاحظت أشياء عليه ماكانت فيه
حتى لمن نكون في مكان عام ويأخذ ويعطي بالكلام مع البائع
فيه تزمت وسيطرة حتى إني الاحظ هالشي بردودهم أو بنظراتهم لبعض!

أنا أقول هالكلام مو للتنقيص فيه أبداَ..أنا كذا أذكر أي شي ممكن يوضح!

بقصد أن أسلوبه كذا قاسي ومتزمت
بس أنا ماقدرت اتأقلم
،حساسيتي مفرطة مثل تشدده!

اقتباس:
طول ما هو حاسس (سواء معاه حق بشعوره هذا أو لأ ) بأنك ما تحترمينه راح يظل يكره أي نجاح لك وبيحاول يحطمه .. اذا نظيفة ببيتك معناها بيظل ينتقد ويدور الغلطة .. تعتني بنفسك وجسمك راح يهمله .. نجحتي بعمل اجتماعي راح يهمشه ويذم فيه ويصغر من حجم نجاحك ويبدأ يقول انه كان على حساب بيتك .
بالمختصر راح يظل يحطمك معننويا إلى أن تثبتي له بأنك تشعري بأنه الكلمة له حتى لو كانت غلط وبأن الأمر النهائي له .. هذا من جهة .. ومن جهة ثانية أنك تشوفينه ناجح ورائع وفخورة فيه وتمدحيه أمامه وأمام الناس .. وكمان أنك من غيره ما تقدري تربي عيالكم وأنك تحتاجينه دائما وتعتمدي عليه ..

طيب والله هذا اللي صاير!
أنا أحب أشعره بأهميته بس مو راضي
يتقول شي ماقلته!
مثلاَ ماعمري قلت له مو أنت اللي ببالي بس دايم يردد إني مو أنا اللي ببالك!
أبين حاجتنا له أعطيه الاسلوب اللي يحبه الشمالي الشرقي
بس مدري وش مطلوب أكثر..

معقولة طريقتي غلط!

على فكرة قريب تناقشنا بمثل هالكلام..
قال كلامي وقت الغضب لاتاخذين به!


ومره سمع الأولاد محمقين على بعض هاوشهم قال لاتطلعون زيي!

يعني هو عارف نفسه طبيعته كذا

الأولاد منصاعين له تماماً ومايردون بكلمه
بس ينهرهم مثلي ويسبهم زيي ويحتقرهم مثلي تماماَ

كمان اليوم عشاني قريت ردك وطلعنا مشوار
عشان سيارة ضيعت علينا موقفين لعن صاحبها بشكل متكرر تذكرتك لحظتها

زوجي شخص إنفعالي رديت أو مارديت

حمقيته حتى لو ماردينا عليها تخليه شخص متقوقع عني لين يهدأ

ولاحظته يلعن خيري ويطلع كم ساعة ويرجع ماكنه مسمم بدني!

مواقف توضح شخصيته أبيك تفهمينه أكثر مني..

اقتباس:
انتي تفكري أنه مبسوط لأنك قايمة بامور البيت كلها على راسك لحالك ؟؟؟؟ لا يا مليت ..
بصراحه أنا أبي أريحه هو يحب شخصيتي قوية وأتحمل وأقدر أدير البيت في غيابه ولأاني الاحظه بدأ يطفش من المسؤولية..فمدري وش مطلوب مني!


هذا كله مو رأيي أنا .. أنا قاعدة أشرح لك طريقة تفكيره وأشيل الغمة عن عيونك .

والقرار بالنهاية لك .. هل مستعدة تتأقلمي معاه وتكوني نوع الزوجة اللي يرغب فيها وللا تكملي حياتك بطريقتكم الحالية وترضين فيها كثمن تدفعيه مقابل التمسك بقناعاتك ؟
[/QUOTE]



أنا أبي هالشي والا ليش معطيه تفاصيل خاصة هنا!
بس أنا مدري لو هنا أساس المشكلة
أنا مدري وش برأسه

قلت لك حاولت أتقبله
ورفضتي محاولتي
أنا ماأقدر أمثل وأتصنع شي أفتقده!

كيف!
رد مع اقتباس
قديم 30-01-2013, 11:41 PM
  #34
RENOL
عضو متألق
 الصورة الرمزية RENOL
تاريخ التسجيل: Apr 2012
المشاركات: 1,081
RENOL غير متصل  
رد : هناك شعور لايحكى ولا يبكى ولا يكتب..هو يؤلم فقط!

سؤال: هل هو عنده عجز جنسي من زمان او في الفترة الاخيرة؟؟

سؤال: هل هو مصلي؟؟

سؤال: هل هو سليط اللسان من ناحية السب و اللعن ؟؟؟

سؤال: هل هو مقصر في المصروف؟؟

سؤال: هل يتعاطي اي نوع من انواع المخدرات ؟؟؟

سؤال : هل هو محبوب من قبل والديه؟؟ اي هل هم راضيين عنه؟؟
__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك


[img]http://im33.***********/edShu.gif[/img]
رد مع اقتباس
قديم 31-01-2013, 01:33 AM
  #35
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

اقتباس:
سؤال: هل هو عنده عجز جنسي من زمان او في الفترة الاخيرة؟؟
من حدود 8 سنوات..

اقتباس:
سؤال: هل هو مصلي؟؟
نعم..

اقتباس:
سؤال: هل هو سليط اللسان من ناحية السب و اللعن ؟؟؟
جداً

اقتباس:
سؤال: هل هو مقصر في المصروف؟؟
لا


اقتباس:
سؤال: هل يتعاطي اي نوع من انواع المخدرات ؟؟؟
مااظن...زوجي مركز ومحترم وعمله حساس وسمعته تهمه كثير!

اقتباس:
سؤال : هل هو محبوب من قبل والديه؟؟ اي هل هم راضيين عنه؟؟
غامضين لكنه اكيد محبوب كان حريص على رضاهم وراحتهم
رد مع اقتباس
قديم 31-01-2013, 02:02 AM
  #36
RENOL
عضو متألق
 الصورة الرمزية RENOL
تاريخ التسجيل: Apr 2012
المشاركات: 1,081
RENOL غير متصل  
رد : هناك شعور لايحكى ولا يبكى ولا يكتب..هو يؤلم فقط!

اذن يا اختي انتي في سعادة لا تدركينها حتى تفقديها....

بالله عليك دربي نفسك على ان تتجاهلي دربيها فالعلم بالتعلم...

نصائح اختنا بيتا رائعة جدا و باذن الله سينصلح حالك و حاله

و لا تنسي ما اوردته الاخوات سورة البقرة
__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك


[img]http://im33.***********/edShu.gif[/img]
رد مع اقتباس
قديم 31-01-2013, 02:08 AM
  #37
خاله بيتا
عضو المنتدى الفخري
تاريخ التسجيل: Jun 2010
المشاركات: 9,516
خاله بيتا غير متصل  
رد : هناك شعور لايحكى ولا يبكى ولا يكتب..هو يؤلم فقط!

اقتباس:
المشاركة الأصلية كتبت بواسطة مليت! مشاهدة المشاركة
بيتا..
يعجبني في المنتدى تواجدك
أنتي أخت مخلصة جداَ وحنونة ومعطاءة ياحبي لك..
أشكرك .. أحيانا احس نفسي لحوحة وثقيلة دم ... بأي لحظة تحسي أني زودتها عليك قوليلي بكل أريحية

شوفي أنا مايشوش علي إلا أني أخذ حلول مبنية على الظن!
يعني هل فعلاً المشكلة انه يتضايق من تبريري وردي عليه!
أو فيه مشكلة أصلاً خلف ستار النقد؟

إذا تجزمين بأن هذي المشكلة فقط فأنا تحت أمرك باللي تبين..

أقدر أجزم بمقدار المعلومات المتوفرة لي لحد الان

أنا لاحظت أشياء عليه ماكانت فيه
حتى لمن نكون في مكان عام ويأخذ ويعطي بالكلام مع البائع
فيه تزمت وسيطرة حتى إني الاحظ هالشي بردودهم أو بنظراتهم لبعض!

أنا أقول هالكلام مو للتنقيص فيه أبداَ..أنا كذا أذكر أي شي ممكن يوضح!

بقصد أن أسلوبه كذا قاسي ومتزمت
بس أنا ماقدرت اتأقلم
،حساسيتي مفرطة مثل تشدده!




طيب والله هذا اللي صاير!
أنا أحب أشعره بأهميته بس مو راضي
يتقول شي ماقلته!
مثلاَ ماعمري قلت له مو أنت اللي ببالي بس دايم يردد إني مو أنا اللي ببالك!
أبين حاجتنا له أعطيه الاسلوب اللي يحبه الشمالي الشرقي
بس مدري وش مطلوب أكثر..

معقولة طريقتي غلط!

على فكرة قريب تناقشنا بمثل هالكلام..
قال كلامي وقت الغضب لاتاخذين به!


ومره سمع الأولاد محمقين على بعض هاوشهم قال لاتطلعون زيي!

يعني هو عارف نفسه طبيعته كذا

الأولاد منصاعين له تماماً ومايردون بكلمه
بس ينهرهم مثلي ويسبهم زيي ويحتقرهم مثلي تماماَ
فرق بين يحتقرهم وبين يقسى عليهم لأنه يظن انه هذي الطريقة اللي لمصلحتهم .. ما اتوقع أو أجزم بأنه لا يحتقرهم ولا يحتقرك حبيبتي

كمان اليوم عشاني قريت ردك وطلعنا مشوار
عشان سيارة ضيعت علينا موقفين لعن صاحبها بشكل متكرر تذكرتك لحظتها

زوجي شخص إنفعالي رديت أو مارديت

حمقيته حتى لو ماردينا عليها تخليه شخص متقوقع عني لين يهدأ

ولاحظته يلعن خيري ويطلع كم ساعة ويرجع ماكنه مسمم بدني!

مواقف توضح شخصيته أبيك تفهمينه أكثر مني..

واضحة شخصيته مليت

بصراحه أنا أبي أريحه هو يحب شخصيتي قوية وأتحمل وأقدر أدير البيت في غيابه ولأاني الاحظه بدأ يطفش من المسؤولية..فمدري وش مطلوب مني!
تحملي المسؤولية وبنفس الوقت خل يحس بحاجتك له .. بشرح لك تحت الاقتباس

هذا كله مو رأيي أنا .. أنا قاعدة أشرح لك طريقة تفكيره وأشيل الغمة عن عيونك .

والقرار بالنهاية لك .. هل مستعدة تتأقلمي معاه وتكوني نوع الزوجة اللي يرغب فيها وللا تكملي حياتك بطريقتكم الحالية وترضين فيها كثمن تدفعيه مقابل التمسك بقناعاتك ؟




أنا أبي هالشي والا ليش معطيه تفاصيل خاصة هنا!
بس أنا مدري لو هنا أساس المشكلة
أنا مدري وش برأسه

قلت لك حاولت أتقبله
ورفضتي محاولتي
أنا ماأقدر أمثل وأتصنع شي أفتقده!

كيف!
[/QUOTE]

أوك .. ما دام اتفقنا بقول لك كيف

عندك 3 حالات يكون فيها مشروع نقاش وجدال .. تخيلي بأن حياتكم عبارة عن 100& جدال .. ولكل حالة من الحالات نسبة 33% من هذا الجدال .. وتخيلي بأنك قدرتي تتخلصي من 70% منها
هل راح يكون الوضع أحسن ؟

1- أول حالة ... موقف مع ناس خارج عائلتكم ( أغراب) مثل البقال والجيران ووووو

هذي المواقف لا تتدخلي فيها نهائي ولا تشعري بحرج عنه أو من تصرفه .. حطي ببالك وتذكري أنه زوجك شخص أكبر منك عمرا وأكثر منك خبره مع الناس وبالتالي أكيد موقفه وعصبيته عليهم مبرره حتى لو أنتي ما قدرتي تشوفي صحتها وشايفتها غلط .. كم من الأشياء اللي كنا نظن نفسنا واثقين ومتأكدين انها صح وطلعت غلط ؟؟
ممكن تقولي بأنه المبدأ نفسه غلط .. مبدأ السب واللعن . صح كلامك لكن هل أنت الشخص الصح عشان تقنعيه بهذا ؟؟ أكيد لأ .. انتي اخر شخص مناسب لنصح زوجك .. بشكل غالب وعام الزوجة هي اخر شخص مناسب لنصح الزوج .. صعب يتقبل منها .
وبالتالي أفضل شيء ممكن تعمليه من أجل الوصول لأهدى وضع ممكن هو سكوتك .سكوت الراضي مو الساخط
يعني مثلا زوجك معصب على ابن الجيران لأنه يمشي على رصيف بيتكم وهو رايح عالمدرسة ويطلب منه أن ينزل يمشي بالشارع عشان ما يخرب الشجر المزروع على الرصيف . وانتي واقفه تراقبيه وهو يصرخ على الولد ابن الابتدائي وساكته وما تدخلتي .. لف وجهه ولاحظ تعبير وجهك وجا دورك يسألك مو عاجبك ؟؟ ليش تطالعيني جذي ؟؟ تجاوبيه أنه متضايقه من الولد .. كيف يتجرأ يطلع عالرصيف .

بهذي الحالات اطلعي منها نهائي ... ريحي ضميرك لأنه انتي مو مسؤوله عنه ولا عن أخطاؤه .. مو مسؤوليتك أن تقولي له بأنه ممكن يكسب اثم لو غلط على الزبال مثلا أو انه السب واللعن مو من شيم المؤمن .. الحمد لله أن ربنا عارفنا ولأنه عارفنا ما كلف الزوجة بإصلاح زوجها ولا حاسبها عليه مثل ما حاسبها على ولدها مثلا

لو قدرتي تريحي حالك بهذه المواقف تكوني خلصتي من 33% من الجدال .

2-موقف مع اولادكم ... واحنا سبق واتفقنا انه ما تتدخلي
وهذي 33% ثانية

يعني تخلصنا من 66% من المواقف اللي ممكن تجادليه فيها

مع العلم أنه أمر مو سهل وراح تواجهي كبوات وتراجع أحيانا .. مو سهل تتركي له الأولاد عن طيب خاطر وتعطيه حرية التعامل معاهم . لكن ظلي حاولي وكل ما وجدتي نفسك رجعتي تتدخلي بينهم امسكي حالك وابعدي.
وحطي ببالك أن تذكريها له صريحة باكثر من مناسبه أنك محتاجة لمساعدته بتربية الأولاد لأنهم وصلوا مرحلة المراهقة .. ما تغير فيهم شي ولا زالوا طيبين ومتربيين لكن وصلوا لمرحلة المراهقة وهذي مرحلة يحتاج الولد فيها لأب يوجهه ..
خليه لحاله يحاول ويحاول يوصل لتفاهم معاهم وراح تلاقينه بعد فترة رجع يطلب مشورتك ورأيك .. خليكي متحفظة بردك ولا تنفعلي وتتحمسي كثير .. انصحيه بهدوء وباختصار .

كونك تشاوريه وتطلبي منه مشاركتك مسؤولية تربيتهم أمر مهم جدا .. مع أنه ممكن تفكري أنك قاعدة تريحيه وتساعديه لكن العكس هو اللي صاير .. انتي قاعدة تقصيه وتبعديه عنكم أكثر ما أنك تساعدي .
خل يتعب معاهم .. أحسن لنفسيته من أن يحس أنه خارج العيله .


3- مواقفه معك انتي ..
هنا ما راح نقدر نختصر كثير وأنا متأكدة انك تراعي الوقت المناسب لمناقشته .. وأكيد فهمتي الان بما انه قالها لك صريحه .. لما يكون معصب لا تاخذي بكلامه .. لما يعصب ما يدرك وش يقول فلما تشوفيه معصب اعملي مثل ما هو يعمل وتعلمي منه التطنيش .. تذكري كيف هو يكون سارح ومو سامعك وانتي تبرري وتقولي أعذارك ؟؟؟ نفس الشي .. قفلي أذونك وما تركزي بكلماته ونزلي عيونك حتى ما يشوف نظرتك وقولي كلمات قليلة مثل ان شاء الله خير وحاضر .

عندي اقتراح وتجربة جربتها أحب أقولك عليها

هل في مجال أن تكوني انتي واياه لحالكم بالبيت لفترة كم يوم ؟؟

المدارس عطلة كمان كم يوم ولمدة شهر .. صح؟ هل في مجال يروحوا الأولاد لزيارة جدتهم أو عمره مثلا؟؟

لأني لاحظت أنه يكون حنون جدا لما تبعدي عن أولادكم . أتوقع لأنه يحس أنك بغيابهم تجردتي من سلاحك وصرتي ضعيفة فيحن عليكي .


ما انصح لأي مبادرة عاطفية أو حسية منك الان .. وما اتوقع عندك القدرة النفسية لأي مبادرات من هالنوع أصلا

بكل الأحوال مو وقتها الحين ولا راح تجيب نتيجة بدون إصلاح نظرته لك بالأول .



ونصيحة أخيرة .. احنا البنات اللي حاملين المسؤولية ما عندنا مهارة المدح .. ما نعرف كيف ننفخ الرجال
ونمدحه .. لازم وضروري كل كم يوم تمدحي بسلوك عجبك فيه سواء معك أو مع الأولاد أو بالعمل تظهري اندهاشك من صعوبة العمل وتمكنه من أداؤه بالرغم من هذي الصعوبات ... أو تصرف شهم شفتيه منه .. المدح ممكن يكون بذكر الفعل نفسه وذكر ايجابياته أو بدعوة حلوه على التصرف اللطيف .

كل ما سبق لا تنتظري منه نتيجة مباشره واضحه .. لكن راح تلاقي تغيير بنفسيته ونظرته لك بالتدريج .. ومثل ما الموضوع اخذ سنين حتى وصل لهالدرجة من التردي فاكيد بياخذ كم شهر حتى ينعكس الحال .
__________________
رد مع اقتباس
قديم 31-01-2013, 02:58 PM
  #38
سماء العدالة
عضو مثالي
تاريخ التسجيل: Jul 2012
المشاركات: 817
سماء العدالة غير متصل  
رد : هناك شعور لايحكى ولا يبكى ولا يكتب..هو يؤلم فقط!

مليت

زوجك كان كذا أسلوبه من أول زواجكم ؟؟
رد مع اقتباس
قديم 31-01-2013, 07:58 PM
  #39
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

بيتا يابعد قلبي
ردك حكيم وجميل جداً ويوزن بالذهب وبصراحة أستفدت من نقاط كثيرة..

لكن مدري ليش أحس انو مو هذي القضية الأساسية..
أدري طفشتوا مني
أنا قلت من البداية أنو مدري وش السالفة ولا من مين الخطأ ..
يمكن فعلاً أنا أساس المشكلة ماأقول لا وأبري نفسي
بس أنا في قضية ماني فاهمتها


يعني الشخص اللي يدور عليه الكلام يتصرف تصرفات هو فقط يعرف سببها وليه
أما أنا فأنقل اللي هو يقوله لكن ممكن بصدره شي مدري عنه..أتمنى فهمتي علي

بس ارجع لردك صح كلامك سليم مليون في المية
وأن المرأة ماتصير ند للرجل وماترد عليه الا بكلام يحبه
وماتتصرف تصرفات تثير غضبه ووو..........الخ

يعني أتعامل معه بآليه معينة بعيدة عن ذاتي عشان يكون رد الفعل رضاه بغض النظر إذا بيرضى أو لا
تخف المشاكل وتختفي أو لا!!

زوجي سبق وخانني وشفت هالشي بعيوني وماجبته من ضمن كلامي لأني ماأبي أتوسع
كنت بفضفض وبس بس ماأبي أرجع أقتل نفسي بذكريات سيئة

لما يكون فيه خيانة وبعد روحي عني وعاطفي وجسدي
أكون مطالبة أرضيه وبس!

طيب هو بالأساس ليش زعلان ومتوتر!
ليش يعاملني بنديه وحاطني تحت المجهر
وإني أمشي بشكل ألي معه
ولو تخطيته خطوة ينسف كل تعبي!

حتى وأنا أتصرف بطيبة وحنية وتقدير له أكون خايفة أغلط بكلمة بتصرف بحركة تخلق لي مشكلة أبدأ معها من جديد!

فيه خلافات واضحة
المشكلة بحد ذاتها واضحة..والمشكلة الواضحة مهما كانت صعبة سعل التعامل معها

أحنا هنا نتكلم عن مجهول
شي بصدر زوجي
مخفي عنا
ماندري وشو خلف الكواليس


مادري ليش فجأة زوجي اللي كان ينبسط من الفراش معي ويثني علي

فجأة مو قادر يشتهيني!

شهور وسنين مو قادر يشتهيني

تخيلي الموقف

اكون بعيده عنه أشهر طويلة وأي رجل مكانه إذا له شهوه لازم يفرغها
هو مايقدر يفرغها أصلاَ بلحظات ينتهي كل شي قبل يبدأ

أتركوا شعوري لحظتها

لكن هالمشكلة ماتعني شي!
عاديه جداً!

غير الكلام القاسي اللي يصدر منه والمعاملة الباردة

يعني واجهت خيانته وواجهت بروده الجنسي وواجهت قسوة كلامه وأجي أقول المشكلة ردودي عليه ومدري ايش!

ردودي ماكانت بعنف معه الا بعد ماصار عنيف

خلافاتنا كانت عادية وماكبرت إلا لما صار ماينام معي

صار يضخم كل شي مني واضخم كل شي منه

أنا ماعاد أدري الآن إذا لسى يخونني أو وش نوع خياناته وإن كنت لآخر لحظة أتمنى أنها نزوة ومجرد مكالمات عابرة

أنا مشكلتي معقدة وإن انحلت من جهة فيه جهات كثيرة تبي لها حل

أصلا أنا متأكدة إننا للطلاق أنسب بس أحنا متمسكين عشان العيال وعرفنا إن هذا نصيبنا

فدايما لما أقعد مع حالي أحاول أحلل الوضع لعلي أجد الخلل

أتشتت مع كل مواقف حياتي وأحتار ...
رد مع اقتباس
قديم 31-01-2013, 08:01 PM
  #40
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

اقتباس:
المشاركة الأصلية كتبت بواسطة سماء العدالة مشاهدة المشاركة
مليت

زوجك كان كذا أسلوبه من أول زواجكم ؟؟
وش قاطع قلبي غير انه ماكان كذا..

تغييير حيييييل...حييييييييييييييييييل!
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:42 PM.


images