يوميــــات ( ابتسامه ) في نيوزلندا ارض الكيوي و رحلة مصورة و شيقه - الصفحة 2 - منتدى عالم الأسرة والمجتمع
logo

الملاحظات

أرشيف السياحة والسفر والرحلات موضوعات مفيدة في السفر والسياحة

 
قديم 15-11-2009, 06:32 PM
  #11
جداوية و أفتخر
عضو مميز
تاريخ التسجيل: Feb 2008
المشاركات: 2,089
جداوية و أفتخر غير متصل  
متحمسين
الرجاء عدم التأخير
__________________
ليتني طفلة أكبر همي لعبتي
قديم 15-11-2009, 09:47 PM
  #12
Mr.Smile
عضو مميز
 الصورة الرمزية Mr.Smile
تاريخ التسجيل: Jul 2009
المشاركات: 406
Mr.Smile غير متصل  
نكمل القصة


طبعاً ما ادري الا وواحد يقومني من النوم
( موهمد ) قلت خييييير
قال : يو ونت ايت دينر
يعني ودك بالعشاء
قلت : اقلب وجهك
قال : وت
قلت : اي ونت سليب
تركني في حالي


يااخوان ماتتصورون التعب اللي فيني الى درجة اني ماقمت الا الصباح
طبعاً لمن قومني كانت اخلاقي ( *** )

واقول ايش اللي خلاني اترك بلادي الحبيبة و الاكس بوكس والفيفا واجي عند هؤلاء
(( بعدين تغيرت نظرتي ))


قمت الصباح صليت فروضي واحس اني زعلان من نفسي
اخذت ( دش ) يامويتهم مش ممكن
تشرب منها
و تغتسل منها
و تتروش منها
و تستحم منها
و + 18 منها <<< القصه لا تعبر عن الكاتب فقط
يعني عذذذذذذذذبه بكل معاني العذوبه << راح اسمي بنتي بكره عذبه
-
-
اخذت دش و على بالي اني بروح للمدرسه اللي في جده
لقيت صاحب البيت قدامي عيونه حمراء << اخذت جوالي وقمت اتصل على الجوازات

نسيت اني انا في نيوزلندا
قال : قود موريينغ مايك <<< مدلعني
قلت : قد موريينغ
-
-
اعطاني ورقة
قال : هنا تجد ارقام الباصات و المواصلات التي تودك من هنا الى المدرسة ومن المدرسة الى البيت
اخذت الارقام و طلعت برا و على اقرب ( محل انتظار الباصات )
الشوارع مليانه بالطالبين والطالبات
وكل واحد في حال سبيله
كل الاجناس و الاعراق موجوده
صحيح انه فيه مسلمين وشي يبعث في النفس الراحة لاشفت وحده محجبه
طبعاً في الشارع تشوف انواع و اشكال
نرجع لمحور حديثنا
-
-
استقليت الباص وعلى شارع ( البرت 63 )
على بالي اني راح اجد المعهد بالسهوله هذه
ماادري ان المعهد منخش في احد الزوايا
جالس ادور و اسأل وحاول الكثير مساعدتي ولكن للاسف
كل ما اسأل واحد يقول شارع البرت على الامتداد هذا
عنوان المدرسه ايش بالضبط
(( بصراحة تنظيم الطرق و الشوارع عندهم غير ))
كل الشوارع مرقمه
كل المنازل و الطرق لها اسماء و ارقام
مو زي بيتنا اللي في بحره نقول
خلف بقالة حمدان البقمي واللي يبيع فيه واحد اسمه كمال << اسأله وراح يدلك على البيت
-
-

بصراحة اول يوم فشلت في اني احصل المعهد
رجعت للباص مرة اخرى و على البيت <<< مدري كيف وصلت البيت
قابلني لورانس <<< هو صاحب البيت
وقال وشبك يامحمد مارحت المعهد
قلت مالقيت العنوان
وتأخذه الشهامه في ذلك ثم ينقض الى سيارته و يركبني بها و ننطلق الى المعهد
^^^
انبسط حينما تأتيني حمية اللغة العربية
-
-
-
-

رحنا المعهد وقابلتني هناك معلمة
-
قالت هااااااااااي مايك
قلت : هاي ستسر << حسبت نفسي داخل مستشفى
اخذت و اعطت معاي في الكلام
قالت مستواك في التحدث نمبر 3
وفي القرامر و الرايتنغ نمبر 1
قلت طيب وش السواة
قالت : نرفع القرامر والرايتنغ لديك الى نمبر 3
وان كنت شاد حيلك راح ترفع نفسك للمستوى نمبر 4

قلت يافرحة ماتمت
طيب وش الحل ايضاً
قالت من الان تدرس
------

دخلت الفصل و كل الطلاب بصوت واحد
وااااااااااااااااو <<< بصراحة توقعت انهم يقولون شكلك حلو
طلعت ملابسي اللي حلوه
الطلاب عباره عن
3 يابانيات
2 اسبان << قلت لواحد منهم تعرف واحد اسمه انس
1 الماني
1 سويسري
2 سعوديين مصفين من الشرقية

بصراحة ما اخفي عليكم يحسبوني من الهند واللي يقول من البرازيل
حتى المعلمة تقول شكلك من الهند <<< مايقصدون هنودنا اللي عندنا
يقصدون الهنود الحلويين <<< رقع رقع

طبعاً وزعونا في اخر الحصة الى مجموعتين

والمدرس الخبل اللي يقطع بطون الطلاب من الضحك
المدرس الاول



المدرس الثاني


طبعا يوجد مدرسات

بصراحة المعلم فعلاً معلم يعرف كيف ينشر راسك ويحط المعلومة

خلصت من المعهد واخذت كتبي و شنطتي و كل حاجة
وخرجت وقت البريك الى الشارع واجد امامي مطعم مكتوب عليها
مستر . كباب ( حلال )
قلت حلو .. واطق لي واحد سانتدوش شاورما + كوكا كولا
واركب الباص و على البيت

رحت اليوم الثاني و احس اني لخبطت في الروحة ولكن وصلت المدرسه
واخذت الدروس الانجليزية
-

-
-

طبعاً على بال ماراح اكتب التقرير الخامس
حبيت اذكر بعض النقاط

1- لا يغركم اللي يقول هناك في الغرب مشاكل و ما ادري ايش
اللي يبغى الخير يروح له
واللي يبغى الشر يورح له
يعني الشي يعتمد عليك انت فقط

2- كل شي في نيوزلندا منظم وبشكل ممتاز

المواصلات

وانت جالس في مكان الانتظار تعرف متى يوصلك الباص

الشوراع
رغم كمية الامطار الهائلة التي تصب عليهم الا ان سفلتاتهم نظيفة وتصريف مياة الامطار انظف

الامان
عندهم مشاكل زي ماعندنا
وعندهم السرقة زي ماعندنا
ولكن اهتمامهم في القضاء عليها بشكل ممتاز
يعني الكاميرات في كل بيت و في كل محل
اي حرامي تتوزع صورته في التلفزيون و الصفحة الاولى من الجرائد

المدارس
ليست كل المدارس مختلطه توجد مدارس خاصة بالنساء وجنبها مدارس خاصة بالرجال
وهذه المدارس بجانب البيت اللي ساكن فيه
يعني لا تسمعون من اذن وتقفلون عين

اذكر لكم الايجابيات والسلبيات بشكل مختصر


السلبيات
كل شي مفتوح عندهم
يعني الوسكي محلات ياكبرها تبيعها وفي كل مكان تجدها
تشوف في الشوارع نساء الله لا يوريك

تلبس لبس ماباقي الا تكون عريانه فقط << طبعاً بشكل قليل ومع البرد بشكل اقل
-

-
غالبية الافراد يعملون لدنياهم فقط لا دين لا ملة
والله اني احزن عليهم احس انهم تايهيين يعشيون لحظاتهم فقط ولا يعلمون او يتجاهلون ماهو آت غداً

-
-
الضرائب على الشعب 20% والبنزين اللتر تقريباً 3 ريال و نص يعني غالي


بس عندهم بـ 1.30 دولار نيوزلندي
ومرتباتهم هناك تصل من 2500 دولار وانت طالع
يعني مافرقت

الايجابيات
بصراحة العيش في مدينة مثل اوكلاند بحد ذاته علم
عندهم افكار جميلة جداً
يعني قالوا بدلاً مما نحرم المطاعم و الاكل على الناس ونقفلها بدري
عملوا مجمع كبير اسمه ( مدينة الطعام )
وحاطين فيه الامن و كل المطاعم مفتوحة فيه 24 ساعة

-
-
العلم هناك شي مقدس .. وهذا الشي ينقصنا بصراحة
وخصوصاً الجامعات والمدارس في كل شارع تجد جامعة او مدرسه
كل واحد في حال سبيلة ماحد يطالع فيك

مو مثل شعبنا الكريم لو واحد ماشي بالطريق و في اخر السكه لازم تعرف من يكون
هذا اذا هو ماتعرف عليك
-
-
يعني طول ما اخرج من البيت الى المدرسه ما اكلم احد الا اذا انا بادرت
وهناك الشعب ودود جداً و خدوم
-
-
العرب هناك قلة بين الشعوب الاخرى ولكنهم رجال والله يساعدوك في اشياء كثير مع تحفظي لبعض الاشياء التي تصدر منهم
ولكن ليست بالدرجة السلبية جداُ


قاعدة
ماحد يجيك في بيتك ويعرض عليك خير او شر
انت يابني ادم اللي تختار طريقك اللى راح تمشي عليه




وفي الختام

هذا مخرج البيت اللي انا ساكن فيه



شي يفتح النفس مو اخرج والا البياره الله يعزكم طافحة



والى حلقة اخرى ان شاء الله

-------------------------------------------------------------------

اي احد عنده اسئلة يطرحها من الان على بال ما اكتب التقرير الخامس
وياريت تضعون اقتراحاتكم عن ماذا تريدون ان يكون في التقرير الخامس
تروني جاهز و الكاميرا تبعي اجهز

يعني لا تشيلون هم ان شاء الله راح اوصل لكم كل شي

محبكم
ابتسامه
__________________
ياااارب احفظ لي زوجتي واجعلنا تحت حفظك و لطفك
قديم 15-11-2009, 11:14 PM
  #13
غموض السنين
عضو مميز
تاريخ التسجيل: May 2007
المشاركات: 2,173
غموض السنين غير متصل  
متابعه
__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك
قديم 15-11-2009, 11:26 PM
  #14
sabra2009
عضو مثالي
 الصورة الرمزية sabra2009
تاريخ التسجيل: Mar 2009
المشاركات: 1,412
sabra2009 غير متصل  
والله موتني من الضحك خاصة في:

وما القى الا هذاك الرجل الذي يقول لي يور ار مهمد ..
قلت له لا . اما محمد ولست مهمد قال ثانكيو ,, وراح ..
قلت هيه تعال انا مهمد و مجمد و مخمد .. بس انقذني واللي يرحم والديك


متابعين...
__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين
قديم 16-11-2009, 03:41 AM
  #15
شبيه السيل
عضو نشيط
تاريخ التسجيل: Jan 2004
المشاركات: 146
شبيه السيل غير متصل  
يوميات رائعة وبالفعل نيوزلاندا فيه الطبيعة الساحرة فانصحك تاخذ كاميراتك ومع الياباني وتطلعون تتمشون او استاجروا سيارة

إضافة

عطنا موضوع عن الاكل .. لان اكتشفت واحد من الشباب الله يهديه يطلب البيتزا بدون هام "ham " ويطلبها اكسترا بيبروني مايدري ان البيبروني من لحم الخنزير وانتم بكرامة

التعديل الأخير تم بواسطة gawlp ; 17-11-2009 الساعة 08:06 AM
قديم 16-11-2009, 04:43 AM
  #16
محرومه 2006
عضو نشيط
تاريخ التسجيل: Apr 2006
المشاركات: 173
محرومه 2006 غير متصل  
تقرير رائع متابعين
__________________
مقبله على تلقيح صناعي دعوتكم بنجاحها فهي التجربه الثالثه بعد عمليتين انابيب فاشله
قديم 16-11-2009, 07:41 AM
  #17
Mr.Smile
عضو مميز
 الصورة الرمزية Mr.Smile
تاريخ التسجيل: Jul 2009
المشاركات: 406
Mr.Smile غير متصل  
شكرا لجميع المتابعين ..


اقتباس:
المشاركة الأصلية كتبت بواسطة شبيه السيل مشاهدة المشاركة
إضافة

عطنا موضوع عن الاكل .. لان اكتشفت واحد من الشباب الله يهديه يطلب البيتزا بدون هام "ham " ويطلبها اكسترا بيبروني مايدري ان البيبروني من لحم الخنزير وانتم بكرامة
من ناحية المأكولات .. بصراحة لم اجد صعوبه جداُ جداُ في توفر الاكل الحلال
لان الاكل الحلال يوجد في اماكن كثير ما كنت اتوقعها كذا ..

يوجد لجنة اللحوم الاسلاميه .. وبصراحة صاحب البيت عشان اني مسلم
يقدر هذا الظرف ويجيب لك لحم حلال
__________________
ياااارب احفظ لي زوجتي واجعلنا تحت حفظك و لطفك
قديم 16-11-2009, 07:49 AM
  #18
Mr.Smile
عضو مميز
 الصورة الرمزية Mr.Smile
تاريخ التسجيل: Jul 2009
المشاركات: 406
Mr.Smile غير متصل  


-
-
بصراحة
والله وانا وقت ماكتبت هذه الكلمات
ان دموعي قد سالت
ولم ابكي منذ فتره
ولكن يااخوان تذكرت موقف طبعاً ماحصل الموقف الا بسبب
والسبب هو !!


لعبت في وقت العصرية كرة قدم مع اللي ساكن معاه ومع ناس اخرين
طبعاً بعد ما انتهيت من اللعب ووصلت البيت
اخذت دش خفيف وجلست اذاكر
-
-
شوي والا حسيت بحرارة في احدى اصابعي
لقيت احدى اصابع قدمي صار له حرارة من الاحتكاك على شكل خفيف
قمت من مذاكرتي و فتحت دولابي ادور على اي كريم او مرطب
ماحصلت شي

فتحت شنطة السفر
والقى شي ماكان في بالي
-
-
والله يا اخوان تذكرت اللحظة لمن اخذت هذا الشي من امي
-

-
قبل السفر بيوم وقتها خلصت كل اموري
واشتريت كل شي
الملابس و ادوات النظافة و العناية من الصيدلية
وكنت جالس في غرفتي ارتبها و احطها في شنطة السفر
شوي دخلت علي امي و انا ارتب وقالت محمد
ناقص عليك شي ؟؟
نسيت شي ؟؟
-
-
وانا بكل ثقه اقول
يمة ارتاحي كل شي جبته معاي
-
-
راحت ورجعت وجابت لي هذا الكريم



قالت خليه معاك احتياط
يمكن تحتاجه
بصراحة انا اخذتها من باب اني ماني حاب اكسفها
وماتوقعت فعلاً اني راح احتاجه في يوم من الايام
ولكن فعلا احتجت هذا الكريم

-
-
يالله
ما ادري كيف قلب امي دلها على هذا الشي
ما ادري ليش راحت و جابت لي هالكريم
على اني قلت لها كل شي موجود
ما دري كيف حست اني راح احتاجه في يوم من الايام
-
-
-
اخذت الكريم وحطيته على الاصبع
وقمت ابغى اذاكر
وهبت عواصف الذكريات في بالي
تذكرت ايامي الحلوه
مع امي
مع ابي
مع اهلي
مع اخواني
مع اخواتي
مع اصحابي
مع كل الناس
-
-
عواصف من الذكريات اجتاحت مخيلتي
التي كانت قبل قليل بها بضع كلمات انجليزية
-
-
على طول مسكت الاب توب
وقلت خليني ابث ولو القليل من ركام العاصفة
بين اسطر من الحروف
-
-
-
كل شي يهون
الا
أمي
-
-
-
ماني متخيل كيف من فقد امه
لسى عايش بعدها ؟
-
-
-
يارب
يارب
يارب
لا تجعلني في يوم احس بفقدانها
-

-
-
ما ادري كيف كل من سافر او ابتعث يكون بعيد عن والديه ايش احساسه من الناحية هذه
صحيح هي شهرين
لكن والله كنها سنتين

-
-
-
يارب اغفرلي ان كانوا محتاجين في شي
وسفرتي هذه كانت السبب في الغائها

-
-
-
الحمد لله اني فعلا مستفيد من سفرتي هذه في تعلم اللغة الانجليزية
وابشركم اني تحسنت كثير من اول اسبوع
وراح اواصل على هذا الشي ان شاء الله
-
-
-
(( قاعد امسح دموعي ))
صبرني يارب

-
-
-
طبعاً المدرسه اللي انا فيها في وسط مدينة اوكلاند
وبالتحديد في شارع
Queen Street
الشارع الاكاديمي اسميه
لكثرة المدارس و الجامعات به
طبعاً برج نيوزلندا
اكون واقف تحته كل يوم
وهذه صورته





طبعاً اوقف تحته عشان اركب الباص اللي يوصلني للمنزل
بيني و بين المدرسة 35 دقيقة بالضبط
بعد معرفة اقرب خط باص يوصلني له
-
-
البرج اللي في الصورة اعلاه
تستطيع ان تطلعه وتاخذ جوله عليه
وان شاء الله راح اطلعه لاني الى الان ماطلعته
واكتب عنه التقرير الكامل
-
-
-
طبعاً اسلوب التدريس جميل جدا في المدرسة
من الاثنين الى الجمعة
(( يوم الجمعة يسمحوا لنا الصلاة في الجامع ))


اتمنى حاجة يعرفها الكل
وخاصة لمن لم يخرج الى الخارج
دام انك مسلم
في اي دولة تستطيع ان تمارس عباداتك بشكل كامل وحريه كامله
بل تجد كل مايختص بدينك
من المحلات التي تبيع اللحوم الحلال والمساجد و المصليات وغيرها
-
-
لانه بصراحة قبل ما اسافر كنت اسمع كلام كثير عن المسلمين هناك
ولقيت اكثر الكلام عكس اللي نسمعه
والله يااخوان لمن رحت اصلي الجمعة
هذا وانا رايح بدري
اني صليت بالخارج
الجامع مزدحم بالطلبه السعوديين وغيرهم
والله ان فيهم خير
صحيح ان من هناك شذ لكن والله قليل
-
-
-
على فكرة المدرسة هي اللي قالت لي
انه في يوم الجمعة لك الاحقية انك تصلي
من اول يوم رحت له
-
-
-
غالبية الغير مسلمين يعرفون عن الاسلام كثير
الى درجة ان اللي ساكن عنده
نصراني و عارف كل شي عن الاسلام
الصلاة - الصيام - الحج
عارف ايش الحلال والحرام عند المسلمين
ولكن تحس انهم مؤمنين ايمان كامل
بأن الدين المسيحي مازال صحيح
وانهم بإمكانهم اداء العبادات المسيحية
-
-
-
طبعاً احياناً تجيك احراجات وفي نفس الوقت ماتحب تسوي حزازية بينك و بين صاحب البيت
يعني مثلاً قال لي مرة
ايش رايك تجي معاي تشوف الكنيسة
قلت لها قد شفتها مع واحد فلبيني في سنغافوره
بصراحة انا ماشفت ولا شي
ولكن عشان اخارج نفسي من الحاحه بطريقة ذكية
اقتنع وقال اوكية
-
-
-
بالنسبة للمعيشة في نيوزلندا
هذه اكتبها والا اخليها في تقرير اخر ؟؟

انا من رأيي وبما انني صاحب القصة <<< اسلوب السيطره
راح اخليها في التقرير السادس وبشكل مفصل


لا تنسوني يااحبائي من صالح دعواتكم

وهذه هدية لكم





اخوكم
ابتسامه

__________________
ياااارب احفظ لي زوجتي واجعلنا تحت حفظك و لطفك
قديم 16-11-2009, 08:43 AM
  #19
مشكلتي اصدق
قلب المنتدى النابض
 الصورة الرمزية مشكلتي اصدق
تاريخ التسجيل: Jan 2006
المشاركات: 3,893
مشكلتي اصدق غير متصل  
روعه يامسيو سمايل
الله يتمم عليك ويوفقك
في انتظار الباقي يا مسيطر
__________________
[/IMG]
قديم 17-11-2009, 07:37 AM
  #20
Mr.Smile
عضو مميز
 الصورة الرمزية Mr.Smile
تاريخ التسجيل: Jul 2009
المشاركات: 406
Mr.Smile غير متصل  
السلام عليكم ورحمة الله وبركاته

اتمنى ان تكونوا في خير صحة و حال

نبداً معاكم في هذا التقرير واللي هو مخصص عن الحياة المعيشية في
نيوزلندا

ما ادري كيف راح اوضح النقاط
ولكن راح أبدأ بأسعار العملات





الدولار النيوزلندي = 2 ريال سعودي
ومرات يصفق 2.2 كحد اعلى
ومرات ينزل 1.8 لحد ادنى
ولكن في الغالب يكون دائما
1$ = 2 ريال
-------------------------------------------------------
رواتب الموظفين والايدي العاملة

طبعاً رواتب الموظفين بالاسبوع
( يعني الواحد مايطفر )
خخخخخخخخخخخخخخخخخخ


كل اسبوع وراتبك نازل
طبعاً نظام العقود لديهم
يقولك انت تشتغل عندي في السنه مثلا

لمن نجي نقسمها على عدد الاسابيع في السنه
يصير

نقسم الـ 40 الف على 48 اسبوع
الناتج

يعني الموظف هذا اللي عقده في السنه بـ 40 الف دولار
ياخذ في الاسبوع 833 دولار
40 الف دولار 48 اسبوع في السنه 833 ريال

------------------------------------------------------------------
اسعار المأكولات و المشروبات
طبعاً بالنسبة لديهم قد تكون متوسطه نوعاً ما
ولكن بالنسبة لي انا كسعودي فهي دبل علي

يعني اضرب لكم مثال

علبة الببسي عندهم بـ 1.5 دولار
بالنسبة لي كسعودي
راح تحسب علي بـ 3 ريال
ولكن بالنسبة لهم زي


الوجبات
بصراحة ماهي بذيك الغلا
يعني بـ 10 دولار تشبع مع العصير
وبعض المطاعم 13 دولار
انا اتكلم من ناحية الوجبات

بالنسبة للمواد الغذائية
بالنسبة للمستورد قد يكون غالي بعض الشي
ولكن للمحلي يعني اللي نيوزلندا تسويه
يكون رخيص جداً

اضرب لكم مثال
عصيرات نادك و المراعي و غيرها

هناك لا
تكون 2.3 دولار
وفي هذه الحدود
طبعاً بالنسبة لي كسعودي وعشان العملة تبعي
راح احسبها بـ 5 ريال
ولكن كنيوزلندي راح يحسبها بـ 2.3 دولار
1.5 عندنا 2 لتر تكون عندنا من 7 ريال وطالع

-----------------------------------------------------------------
المواد البترولية

واقصد بها البنزين

سعر اللتر بـ 1.5 دولار
اي بما يقارب 3 ريال سعودي
ولكن قلت لصاحب البيت على اسعار البنزين اللي عندنا
كان راح يغمى عليه مو مصدق
يقول لو اسعار البنزين حقتكم عندنا كان تلقى الشعب يفرفر 24 ساعة في الشوارع
طبعاً عندهم نوعين بنزين مثلنا

سعر اللتر 91 بـ 1.37
وسعر اللتر 95 بـ 1.63

طبعاً يعتبر غالي
ولكن لان البلاد لاتملك البترول و هي في اخر الدنيا
يكثر خير الحكومة اللي خلته بهذا السعر
والا في دول اخرى يكون اغلى بكثيــــر
95 - 91

---------------------------------------------------
السيارات

بصراحة نظام السيارات عندهم يختلف عن اللي عندنا
من ناحية القيادة فهي الجهه اليمنى
يعني السواق يكون على اليمين و الراكب على اليسار
عكس ماهو عندنا

انا اعجبتني عدة اشياء من ناحية سوق السيارات

سياره تمشي و جنبها محكوك
واللي الصدام الخلفي مصودم
ولا الرفرف يرفرف

واتوقع هذا الشي ناتج من نظام ممتاز في التأمين
((( مو شيخ الورش )))


ماعندهم حراج و مكرفون و شريطية
مافيش دا الكلام
عباره عن محلات تبيع السيارات المستعملة والسعر فيها
يعني على زجاج السيارة سعرها مكتوب و انتهى
وهذا الشي اجباري عندهم
انك تضع سعر الشي واضح امام الكل
سواء سياره ولا كوكا كولا
وبصراحة اسعارهم في السيارات ارخص من اسعارنا
يعني تحصل سيارات نظيفة جداً بـ 5 الاف دولار نيوزلندي
مايقارب 10 الاف ريال سعودي
ولكن نظيفة وموديلها 2000 الى 2003

ومثل مانحن نستورد السيارات الامريكية
هناك يستوردون السيارات اليابانية و الاستراليه

لذلك تجد السيارات اليابانية و الاسترالية زي ماتشوف السيارات الامريكية عندنا واكثر


اللومينا - الكابريس - الابيكا
كلها تصنعها شركة ( هولدن )
والشعار عليها شعار ( هولدن )
ما ادري ايش الحكمة في اللي عندنا شفروليه
1- كل السيارات نظيفة يعني ماقد حصلت الى الان وعلى ماقد من اشوفه من سيارات يومية 2- بيع السيارات المستعلمة 3 - اللي مستغرب منه


------------------------------------------------------------------------

الحياة اليومية

طبعاً كمدينة مثل اوكلاند قد تخلتف الحياة فيها عن مدن اخرى
ولكن في الاخير كلها نفس الشكل
لان مدينة اوكلاند مدينه مفتوحه
تارة تقول انا في اليابان
وتارة تقول انا في بريطانيا
وتارة تقول انا في الهند

والمقصد من هذا الكلام
ان كل الجنسيات متواجده في اوكلاند بالتحديد
وفي عامة المدن عامة

طبعاً غالبية الشعب مقسمين حياتهم الى جزئين

من الاثنين الى الجمعة - عمل - نوم - عمل
السبت و الاحد - نايت كلوب << وهذا شبه اساسي في حياة الفرد النيوزلندي

يعني طول ماانا اسأل و اراقب
الى الوضع هناك زي كذا


------------------------------------------------------------------

من هم النيوزلندين ؟؟

طبعاً الشعب النيوزلندي الاصلي
عبارة عن شعب يسمى ( الماوري )
وهم اشكالهم شبه متشابه
يعني تعرف الماوري من بين 1000 واحد
لهم شكل غريب يعني ماتقول فلبيني ولا تقول مغولي
وهذه صور منهم مستوحاه من الشيخ قوقل



الشعب الاخر
هم الشعب البريطاني تقريباً ومن على شاكلتهم
لان الدولة كانت احدى مستعمرات الانجليز الى فتره قريبة
لذلك تجد فيها الشعب الانجليزي و الاكست الانجليزي هو السائد
بل حتى نظام الدوله
وانت كان ودكم بالصراحة
ترون الانجليز بالذات ما استعمرت دوله الا ولها شأن الان
سواء من ناحية التعليم او التنظيم
طبعاً انا ما اعمم على جميع المستعمرات ولكن اقول غالبية المستعمرات الانجليزية



ولان الدولة مفتوحة على مصراعيها لمجال العمل
فتجد هناك تقريباً جميع الجنسيات
والسبب الاخر انه لا يوجد للدوله مشاكل سياسية او غير ذلك
فهي دولة هادئة و ساكنه


-------------------------------------------------------------------------------------
كيف تصل الى ؟؟

بصراحة مايميز هذه الدولة بحد ذاتها هو التنظيم
نظام الموصلات عن طريق الباص
شبكة كاملة حول مدينة اوكلاند
يعني اقدر اروح لاي مكان في اوكلاند عن طريق الباص
هذا غير القطار اللي يقطع لك من شمال البلاد الى جنوبها
يعني منت في حاجة سيارة بالعربي



انا في غنى كامل عن السيارة
فقط مشترك اشتراك شهري مفتوح عن طريق بطاقة
بـ 170 دولار في الشهر
وتفرفر فيها مدينة اوكلاند الكبيره حيثما شئت
طبعاً البطاقة فيها شريحة مثل بطاقة الاحوال
اول مايوقف الباص وتركب الباص تعطي السائق هذه البطاقة
هو يضعها بشكل سريع في جهاز معين و يقول فين تبغى تروح
قول المنطقة الفلانية يضغط زر و يعطيك البطاقة و الورقه
وانت اجلس في الباص الين المكان اللي وصلت فيه و اضغط زي من الداخل يوقف لك الباص

فيه ميزه حلللللوه جداً
طبعاً مقسمين المدينه الى
شرق و غرب
الباص رقم .. ( ....... )
هذا يصل الى منطقة كذا وكذا
والباص رقم ( ..... ) هذا يوصلك الى كذا و كذا

ولهم موقع على الانترنت تعرف وجهات الباصات وتحركاتها

هذا غير لمن تكون واقف في نقطة وصول الباص حتى يأتي اليك
عندك لوحة فيها عد تنازلي
متى يوصلك الباص رقم كذا
والباص رقم كذا

يعني منت في حاجة سؤال احد الباص جاء هنا او لا

---------------------------------------------------------------






واي اسئلة لا تترددو في طرحها

ابتسامه
__________________
ياااارب احفظ لي زوجتي واجعلنا تحت حفظك و لطفك
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:05 PM.


images