اقري هالعبارة يا أحبه مرة ثانية.


بصراحة ما أدري من فيكم اللي المفروض يتعب من هالحياة!

__________________


اللهم طِيبَ الأثر .. وحُسْنَ الرحيل.

سبحان الله الرجال حاب يكرم امه ويبرها قدر استطاعته
كلها كم ليلة بتنام بغرفة النوم الي احسها صارت غرفة حياة او موت من كثر ما قرات كلمة خصوصية بالردود
اختي احبه زوجك قالك من البداية امه بتنام في غرفة النوم خلاص احتسبي الاجر عند الله
واعتبري هالشيء من باب اكرام الضيف والإحسان الى ام زوجك
وأيضا علشان لا تكبر الفجوة بينكم حاولي تكوني المبادرة بالخير
يمكن زوجك ما ينسى لك معروفك واحترامك لامه
الله يصلح حالك يا رب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

الله يعين زوجك
للامانة انا اتعب لما اقرا ردودك
و طريقتك تحليلك للمواقف و حساسيتك
و زعلك المبااااالغ فيه
والله العظيم احيي زوجك على صبره

احبه ، اختي في الله
لازم وقفة جادة
انتبهي لنفسك
حياتك تنهار بسبب شخصيتك و افكارك
بالذات قرارك في الخروج من منزلك
انا اشوف جا الوقت تستعينين بعد الله بمعالج سلوكي!

حبيبتي مو سالفة خصوصيات السالفة نقل الأغراض والعفسه اللي راح اتصير .. وانا مااشوفها مشكلة اذا جهزت غرفة لخالتي بالعكس احس ان ضيوفي يرتاحوا أكثر اذا جوا وشافوا غرفتهم جاهزة..على العموم الشخصيات تختلف يمكن انتي عادي عندك ضيوفك مثلا يناموا على سرير الزوجية ..ولكن في ناس يعتبروا سرير الزوجية شي مقدس وخاص للزوجين ..وفي النهاية الله يوفقهم ويسعدهم وكل واحد ينام ع الجنب اللي يريحه

ليه اختار غرفة النوم تحديدا ؟ لأن البيت صغير او ليه ؟

و غير كذا مو ضارتك هالكم يوم بالعكس م تدرين يمكن تفتح بوجهك ابواب كانت مغلقه بسبب حسن استضافتك
و يمكن زوجك يشوفك زينة مع امه ف يتأثر و يصير زين مع اهلك


لا تأخذين المواضيع بحساسية هو ولدها ومحتاج يبرها مو هي محتاجته

الله و الخصوصيات حسستوني ان اللي بيجيها ابو زوجها مو امه

كلهم حريم و عادي و اذا شافت ؟ مستحيل وحدة تنثر اشياء الخاصة
و اذا طلع شيء بالغلط وين المشكلة ؟

شنو الي بالغرفة ما تقدر تخبيه بدولاب الملابس و تقفل عليها

تطلع الي تحتاجه للتجهيز للدوام من عصر و ام زوجها اكيد ما راح تتضايق من دخول احبه لغرفتها

تشتري مفرش جديد للسرير لامه ... وين المشكله

صعبتوها عليها و هي ما تستاهل

امه غير والضيوف غير .... وامه مريضه ما تنفع تنام بالمجلس
و يمكن اخر شي ما تجي بعد
و ساعتها احبه تكون طلعت بصورة مو حلوة قدام زوجها
وعلى شي ما يسوى

....

لا تطلعي من بيتك و زوجك زعلان منك
لا تكبري الموضوع ... ترا الطلعه مافي اسهل منها
بس الرجعه صعبه وايد

الله يهديج

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

لا تطلعي حبيبتي بالعكس ظلي وحاولي تكلميه وتراضيه وتشوفي ليه زعلان صدقيني بالحوار والكلام الطيب والمسايسه
يصير كل شي وشوفي ايش اللي يرضيه وطبقيه والله يسهل أموركم..

زينب
اشك ان كلامك عن قداسة سرير الزوجية يكون نفسه لو اهلك كانو الضيوف ببيتكم

ياجماعه
ترى ماتسوى الازعاج
واللجه كلها
كلها يومين وتروح