معك يا استنكار
انت محقة
المراة هي من تقف للمراة

لانه قد يعجب احدهم بفتاة ويتمناها زوجة ويتضح فيما بعد انها مطلقة بعد شهرين زواج
بعد تفكير يتقبل ويصارح امه فتقوم القيامة
وتقول له مستحيل لو اخذتها لا اننا امك ولا اعرفك
هذا ما احدث لاحد الاقارب
والاخر اصر واخذها رغما عن الكل فصارت منبوذة
لكن لو كان الرجل عادي باربعة ابناء تروح امه وتخطب بكر ويرحب به
لازم تغير هذه النظرة
فكما للرجل حق في اعادة بناء حياته فللمراة كذلك هذا الحق

يا اهلا ومية سهلا بالغالية استنكار
وجهة نظري بشوف المراة هي الاساس وخاصة الام لانو هي اللي بتربي اجيال وهي اللي بتغرس فيهن المبادئ والقيم وبتتوارث من جيل لجيل
ومتى ما الام ربت صح على انو ابنها ينظر لامه واخته وزوجته وبناته وكل نساء العالم بانسانية ويحترمهن ويخدمهن ويكرمهن وانهم شريك في الحياة مش ملكية ما الها اي رأي او اهتمام
ومتى ما ابتعدت عن تربية ثقافة العيب وعن الاهتمام لكلام الناس
بشوف نظرة المجتمع كليا رح تتغير وما عاد نسمع بمجتمع ذكوري ولا جفاف عاطفي ولا المرأة ناقصة عقل ولا امراة مضطهدة وما عاد نشوف تمييز ولا تقليل من اي امرأة سواء مطلقة متاخرة عازبة متزوجة كبيرة صغيرة كلهم سواسية
الفاصل بيناتهم الاخلاق

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الرجل ان اخطاء عرف بخطاءه عند الناس ويعرف فلان مين ومين
لكن البنت اذا اخطات جابت العار لعائلتها إن عرفت
تخيلي انا كرجل وتعبان في تربيه بناتي طول عمري تجي وحدة منهن تجيب لي العار؟ ماذنبي؟ وكل التعب اللي اتعبه طول حياتي وين راح. لهذا يحصل تضييق على البنت
واﻻن مع اﻻنفتاح جالسين نشوف "مقاطع غير اخلاقيه" لبنات وﻻ همهم احد وبعدها تبي تتوب وتغش زوجها بحجة ان العيال كلهم يذهبون الى مراقص والخ وهي غلطتها بسيطة
تدرين ليه الرجال مايحبون جمعات البنات؟
ﻻن اغلبكم كلمه توديها وتجيبها
كم من بيت خرب او مشكلة حصلت بعد جمعه في كوفي او مناسبه؟

يعني كل واحد له الحق بخياراته ومحد مجبور على احد
لكن سالفه ان المراه ينخاف من تركها مع مجموعه حريم لان كلمه توديها وتجيبها
وش الحل يحطها بصندوق يعني ويسجنها
يمكن حتى امها تقلب راسها
فالاحسن يخشها بالثلاجه
وبالنسبه الى ان الواحد يتعب بتربيه البنات عقب مايندرى تفضحه ولا تجيب له بلا

العدو اللدود للمرأه هي المرأه ، والمجتمع اصبح يتجه نحو سيطرة المرأه على الرجل بسن قوانيين تزاحم المرأه في مهام الرجل بل تتساوى معه ..! حتى اصبح الرجل يخشى أن تكون العصمه بيد المرأه لا للرجل وهذا الي ناقص فقط ...! ، والله المستعان ..!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

المقاطع اللاأخلاقية اللي تشوفوها من البنات بسبب التضييق
لو لاقت البنت التفهم و الثقة والحرية وماتحس نفسها مقيدة ماراح تعمل هذي
التصرفات المخزية.

وبالنسبة للسبب اللي يخليكم ماتحبوا جمعات البنات
فالبنات مو مثل بعض
مثل ما الرجال مو مثل بعض
فيه اللي عقلها صغير كلمة توديها وكلمة تجيبها
و فيه اللي عقلها كبير ما تتأثر
وطبعا تعامل الرجل معها له دور ، لو كان متفهم و مرن معها وعطوف ومريحها
و مايقصر عليها بشي ومعطيها الثقة بيصير مستودع أسرارها وبيعرف عنها كل شي
وحتى أهلها مايقدروا يأثروا عليها ما بال صديقاتها !

تطالبون بالمساوة وفي نفس الوقت اي خطا ترتكبه الحرمه تحطون له سبب
زنت اكيد زوجها مايعفها او مدرستها في ثاني متوسط ضربتها وصرخت عليها
تطلع مع رجال ديت اكييد اهلها مايسمعونها كلام حلو
اي شي خطا تفعله يكون خطا غيرها لكن اي شي صح تسويه يكون منها تعجبووووني
فيه من الرجال من لقا تضييق وضرب والخ وﻻ زنى وﻻ طلعت مع بنات

اﻻهل مو ملزوميين يسموعن البنت كلام حلو للبينت عشان ما تزني او تدوره في الشارع المفروض تكون مسلمه عفيفه وتخاف ربها من نفسها ماتحتاج دعم المجتمع واﻻمه كامله لها اﻻ اذا تبينا نعاملها كطفل ؟
واي حريه وثقه تتكلمين عنها تبي اﻻهل يعطونها؟ تطلع تالي اللي مع صديقاتها؟ اي حريه؟

ونجي للمقطع الثاني لكلامك احب اللي عايش هههههه الرجل هو السبب لعهمر زوجته وﻻزم يكون متفهم يخليها تسافر لحالها. تطلع كوفي بكامل زيناتها والخ
مشكله ياصديق مجتمع ذكووووووري

أنا عن نفسي ما أطالب بالمساواة
أطالب بالعدل فقط !
بأي حق نتعامل مع أخطاء البنت كجريمة و أخطاء الولد كشيء عادي ( بكرة يكبر و يعقل و لا زوجوه يعقل)
بأي حق نضيق على البنت في حياتها و الولد مفلوت في الشارع على كيفه يروح و يجي !!!
عشان مابيجيب العار لأهله ؟!
عشان ماعنده شرف يحافظ عليه ؟!
أصلا مفهوم العار و الشرف مو خاص بالبنت
المجتمع الذكوري هو اللي خلاه خاص فيها!
ولا الغلط غلط سواء كان من أنثى و لا ذكر .

وبعدين انا ماجبت سيرة الاهل و لازم يسمعوا بناتهم كلام حلو (مع انه مافيها شي)، انا قلت لازم يعاملها الرجل معاملة حلوة عشان تنشأ بينهم مودة و ثقة
ومحد يضحك عليها ويأثر في علاقتها الزوجية
( اذا كان عقلها صغير) اما اذا كان عقلها كبير
فالامر مختلف.

وبالنسبة لجمعات البنات و الله ما اتوقع تخرب
زي جمعات الرجال و تحريش بعضهم على زوجات بعض
والمشكلة الواحد فيهم يرجع البيت دايركت و يطبق
نصايح اصحابه الذهبيه.
تأثير جمعات البنات على بعضهم مو مثل تأثير جمعات الرجال على بعض، لأننا ما نجتمع مع بعض إلا بالشهور او بالشهر مرة نظرا لظروفنا ( لازم ناخذ الاذن و لازم احد يوصلنا و يرجعنا و مانتأخر وووو ) أما الرجال كل يومين متجمعين لو مو كل يوم فالتأثير أقوى : )

بالعكس تأثير جمعات البنات اشوفه اكثر لان في جمعات ومجالس الرجال نادر ما تشوف الرجل يتكلم عن خصوصيات اهل صاحبة او زوجته .. ممكن يكون الكلام عام والنقد عام لكن ان يحكي الرجل خصوصية علاقته مع زوجته او كيف يعاملها فهذا لا يحدث الا نادر

وانا مع جمعاتي مع الرجال لم اسمع قط رجل يتكلم عن خصوصيات اهل غيره وطريقة التعامل معهم الا فيما ندر

على مايبدو إنك رجل من عالم آخر أو إنك من الجيل القديم العاقل
معروف في جمعات الرجال التحريش والكلام في خصوصيات بعض
والنصائح الذهبية : )