السلام عليكم ..

بادش بالموضوع على طول
من 10 ايام بدأ شعري بالتساقط بشكل جنوني
طبعا اليوم عاشر
قبل شوي كنت آخذ شور بعد الشامبو فتحت عيني
لقيت الحمام وانتوا بكرامة قلب اسود من غير مبالغة
كأني طالعة من هوشة!
شعري بكل مكان
ما كملت حتى الشاور من الخوف
ياريت اللي عندهم حل سريع لا يبخلون علي فيه

__________________

حاجة الناس إليكم من نعم الله عليكم ، فـ لا تملوا النِعم ☁✨

اهلًا زين
سوي تحاليل
فيتامين د
و الهيموجلوبين

__________________

سلامتك زين
يمكن سببه خلل هرموني او فقر الدم
الي بعرفة انه الثوم جيد لوقف تساقط الشعر
اهرسي الثوم وحطيهه في زيت الززيتون وقفلي عليه لمدة اسبوع
بعدين استعمليه كحمام زيتي
انصحك تعمليه في اليوم يكون زوجك موجود لانه ريحته تجنن

__________________
ربنا هب لنا من ازواجنا وذرياتنا قرة اعين واجعلنا للمتقين اماما

هلا زيون 🌹

اعملي فحص دم

لهذول الاربعة

مخزون الحديد Ferritin

فيتامين دال Vitamin D

زنك Zinc

الغدة الدرقية TFT

النقص فيهم يسبب التساقط

واذا تبين شعرك يتحسن لازم يكون مراحل فوق الحد الطبيعي

اول شي انتبهي لاكلك حاليا وزيتي شعرك.. جسمك وشعر وبشرتك مراية للي تاكلينه

ولاتروحين لاخصائي جلدية وفحوصاتك هذول مو معاك

بالتوفيق جميلتي 💜

__________________

اختلافي عنك لا يعني اختلافي معك

وايوه صح

اختاري شامبو مناسب.. احيانا يكون وحدة من الاسباب

ابتعدي عن الشامبوات االي فيها رغوة

استخدمي شي مناسب لطبيعة شعرك والافضل شامبوات طبية 💜

__________________

اختلافي عنك لا يعني اختلافي معك

مسز وميمي وفانتي
حبايبي مشكورين جدا جدا
في نص الشهر اللي فات كنت مسويه تحاليل من ضمنها هذي الاشياء
وكانت كلها سليمة الحمدلله
كانت دكتورتي طالبه مني تحاليل شاملة حق كل شيء

باجرب خلطة ميمي وابشرج زوجي ما يشم منذ الولادة فاقد هالحاسة ...
ميمي شكثر لازم استخدم هالخلطة ؟ ونتايجها سريعة ؟
و راح اشتريلي شامبو طبي مثل ما قالت فانتي...


متغبنة عدل .. طريقة تساقطه جدا مخيفة

__________________

حاجة الناس إليكم من نعم الله عليكم ، فـ لا تملوا النِعم ☁✨

انصحك بمرهم الشعر فيرموكال ... مفيدة جداااال

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الطريقة بالضبط لا اتذكرها لكن ابحثي عنها تلاقيها هي معروفة ومتداولة عاليوتيوب
عندك دوا تشربيه حاليا؟

__________________
ربنا هب لنا من ازواجنا وذرياتنا قرة اعين واجعلنا للمتقين اماما

جت فتره طاح شعري خصل خصل
وضاق صدري كنتي مسويه فرد ياباني
والحين كليت حبوب ممتازه للشعر من اول عليه حسيت بتاثيرها
اذا تبغي اعطيك اسمها فيه زنك وماده ثانيه
اكليها ثلاث شهور
وغيري الشامبو
انا استخدم لوريال ومرتاحه عليه
واكلي بيوتين هو الي يحافظ على الشعره
والدعاء قبل كل شي

عندك صوره له لوفتي