السلام عليكم ورحمة الله وبركاته ..
عندي موضوع او بالاصح مشكله حابه اتكلم فيها
احتااج مسسااعدتكم وربي تعبت من التفكيير والحيره
وبكون واضحه لأبعد درجه
ممكن تلوموني على اشياء بس والله احتاج الحل مو اللووم
الموضوع ..
انا مطلقه وعندي ولد سنتين تقريبا لي سنه منفصله ..
بعد انفصالي بشهر تعرفت على شاب وضعه نفس وضعي منفصل وعنده بنت
ف البدايه كنت ارفض الكلام معاه ما اعطيه وجه وكان يحاول يراسلني ع الواتس
بتقولو كيف عرفكي ( عرفني لاني كنت مسوقه عقاريه وكان عندي مجموعة قروبات وكان تعاملي مع الرجال اكثر لكن كلو بحدووود ) ماكنت اعطي اي شخص مجال للكلام معايا
لكن شويه شويه بدأت اتكلم مع ذا الشخص ملت للكلام معاه .. كنت وقتها امر بظروف صعبه من ناحية الطلاق ونفسيتي تأثرت بشكل كبير جدا جدا تعبت نفسييييا واكيد اغلب المطلقات حسو دا الاحساس
واعترف صرت احس بفراغ عاطفي كبييييير جدا , صرت اتكلم مع ذا الشخص طبعا كلو رسائل ع الواتس الين صرت احس بإرتياح كبير للكلام وكثر التواصل بيننا وبدأت الاتصالات
معاه وكنت افضفض له وبأي وقت اتضايق او اعاني من اي مشكله على طول اروح له واشكيله كان يفهمني كثثير وربي يعرف الي بداخلي قبل انطق واتكلم وكنت انجذب لتفكيره واسلوبه
تعجبني وجهات نظره واستشيره بحاجات كثير واقتنع بكلامه
الين جا وقتها وقالي انه يحبني ومتعلق فيا بشكل كبيير بادلته انا هذا الاحساس
لكن بداخلي ما اعرف هل الي بداخلي اتجاهه حب ؟؟ او مجرد الفراغ العاطفي الي حسيت فيه اهتميت فيه وحسيت انه حب ؟؟
استمر تواصلي معاه لمدة سنه >>> الى الان
وطول الفتره ذي وانا اسأل نفسي هل انا صادقه بحبه ؟؟ هل فعلا الي احس فيه هو حب ؟ والا بسبب الفراغ العاطفي ؟؟ واذا فراغ عاطفي ليش اقوله انه احبه واموت بحبه وماقدر اعيش بدونه ؟؟
بعد ما استمرينا سنه , جا شخص وتقدملي الان اهلي مؤيدين وظيفه حلوه انسان سمعته طيبه منفصل بدون اطفال ..
فكرت واحترت هل اوافق او ابقى مع الشخص الي حببني وحبيته ؟؟
استخرت كثير ..
لكن .. اكتشفت ان الي بداخلي له بسبب الفراغ العاطفي لاني لو احبه صدق صدق ماكان فكرت بالخاطب وكان رفضت فورا ..
قلت لهذا الشخص بالخاطب وبلغته ان اهلي مصرين على زواجي منه >>> قلتله انهم مصرين عشان يفقد الامل وبعدها حبعد عنه
لكن تفاجئت بأنه يتصل عليا ويبكي وقالي شوفيلي طريقه اجي اخطبك انا ابغاااكي ليا بسس ما حبيتك وتعلقت فيكي عشان تكوني لأنسان غيري
انا حبيتك من قلبي وما ابغى احد معايا بحياتي الا انت ومستعد اسوي المستحيل والي تبغيه بس اتقدملك
انا اشفقت عليه قبل اشفق على نفسي .. معقوله بالسهوله ذي لما انخطبت بتخلى عنه ؟؟
فكرت بموضوع رغبته بالزواج مني وقارنت بينه وبين الخاطب ..
الشخص الي يحبني .. اول حاجه هو عسكري ويروح للحرب في الحد الجنوبي
ويبغاني اروح معاه واعيش هناك يعني حضر ما اشوف ولدي لانه ابوه طالبه بالمحكمه واتفقنا انه بعد زواجي يروح يعيش عنده ..
وبيعيشني هناك في اقصى الجنوب ويروح للحرب وما اعرف ممكن يرجع بالسلامه ويمكن ....... غير وضعه المادي قليل ما احس راتبه يكفي لمتطلباتي لأني اعرف نفسي انسانه اصرف وما احب احرم نفسي من شيء الي الوحيد الي مقتنعه فيه هو حبببه وتعلقه فيا
اما الخاطب وضعه المادي ممتاز والسكن بجده وما اعرف اي شي ثاني عنه ..لكن حقدر اشوف ولدي بأي وقت
اسفه اذا طولت عليكم بالكلام لكن محتااره محتااره اكمل حياتي بأي طريقه .. مع الانسان الي يحبني >>> وعندي نظره ان الحب مايدوووم طول العمر مثل بدايته
ساعدووووني احتررررررررت
وال اتزوج الشخص الثاني الي ما اعرف عنه شي
مستجدات
الرد 32
http://www.66n.com/forums/showpost.p...7&postcount=32