اشتر السيارة واجلس بدون زوجة محد غاصبك !!
اكيد سنة الحياة لازم تمشي
انا اقول لك مو المشكله في البنات ولا المهور الحياة صارت مكلفه مو مثل اول كل شي غالي وهذا شي البنت واهلها مالهم دخل حتى لو البنت تطلب مهرها 20الف ماراح يقلل من المبلغ الي انت تحسبه هذا قصدي وبعدين حق على الله يعينه ناكح يريد العفاف الي يبغى يتزوج ربي ييسر له
وقريت لك رد في موضوع الشباب يأجلون زواجهم وعندهم القدره للزواج

اشتر السيارة واجلس بدون زوجة محد غاصبك !!
اروح يمين تروحين يسار اروح يسار تروحين يمين

خلينا نرجع شوي لردك السابق
وانت ذكرت تكلفة السيارة بالزوجه او بدونها راح تشتري سيارة
يوم ارد عليك بتكلفة السياره بينت لك الفرق بتكلفة السياره بالزوجه وبدونها ماقلت ابشتري سياره ولا ابي اتزوج

تكلفة السياره من دون زوجة ابشتري سياره افضل واوسع واللي تعجبني لكن مع زوجه ابشتري سياره ارخص واقل مستوى كثير.

انا اقول لك مو المشكله في البنات ولا المهور الحياة صارت مكلفه مو مثل اول كل شي غالي وهذا شي البنت واهلها مالهم دخل حتى لو البنت تطلب مهرها 20الف ماراح يقلل من المبلغ الي انت تحسبه
المشكله ماخليتها بالبنات ولا العيال. المشكله مشكلة الاهالي اللي مصعبين الزواج
جاري عنده سبع بنات ماشاء الله كلهم مزوجهم واخر وحده زواجها قبل سنه تقريباً
المهر ٣٠ الف ريال والشقه هو اللي مأثثها ماعدا غرفة النوم والاثاث يكون متوسط بحيث الزوج بعدين يغيره اذا حاب
والزواج كان عزيمة باستراحه رجال بس وهو اللي متكفل فيه وماشاء الله موفقهم الله بامورهم ومرتاحين. ولو تشوفين كيف ازواج بناته شايلينه على روسهم.

قريت لك رد في موضوع الشباب يأجلون زواجهم وعندهم القدره للزواج
هذولا الناس اللي طمعانين فقط بالفلوس وانا مؤمن ان الزواج فيه توفيق من الله لكن انا غير عن هذولا الشباب. ماعندي وظيفة تنتظرني عند الباب او اب مستعد يدفع لي ويساعدني وآجلت دراستي لظروف مهمه فتخرجي بيكون متأخر عن غيري. وردي هذاك كان عن الناس اللي تآجل من غير سبب او فقط علشان يجمعون فلوس علشان مصلحة شخصيه

المهر احنا عندنا من أهل نجد وقبايل متحضرة بعد مبدأنا (يدك وماتجود).
اتفهم بعض القبائل المتعارف عندهم ان المهور عاليه لكن في المقابل مهور بناتهم عاليه يعني ( دهننا في مكبتنا)
ومثلا لو وقعت في موقف انك ماتبي بنت الا من النوع الفلاني اذا تحمل ،تحمل مهرها..او تزوج من نفس الطبايع اللي تبي ارمله وإلا مطلقة .. هذا اذا كان المهر فعلا مؤثر قوي في تأخر الشباب..
اما بالنسبة للوظيفة مايخالف ندري انك في بداية حياتك تواجه صعوبات مو لازم تتزوج وعمرك 23 ، اما من ناحية زواج المطلق بمطلقة انا اللي اشوف حولي المطلق غالبا يطرق أبواب اللاتي لم يسبق لهن الزواج، لي زميله متزوجة بمطلق،وايضاً خالة بنات خالي متزوجة بمطلق وايضاً خالهم مطلق تزوج وحده لم يسبق لها وكلهم بالوقت الحالي .
لكن كلامك والله جيد يعطي المطلقات أمل ان حظهم ما طاح بمجرد الطلاق .
اما الزواج عائلي او لاء ، عندنا القبايل المتحضرة بنجد ، الزواج امر يتفق عليه واهم شيء اعلان الزواج في حفل
تزوجت عمتي وأتذكر حفل زواجها في بيت جدي ونادو من يعز عليهم
وايضاً بنت خالي وابن خالتي تزوجو قريبا وكلاهم زواج عائلي للنساء ومعلن للرجال
انا تزوجت وحفل زواج النساء تكفل به ابي والرجال طليقي
ولاتضع أمامك قيود تستطيع ان تقول لأهل الزوجة حفل الزواج سأقوم بحفل رجال فقط وان طلبو نساء هم يتكفلون به
وان رفضو فهذي غنيمة لك لأنهم بيتعبونك ناس مثل كذا ترفض زواج وتكنسله وبدا فيه التوافق بين الرجل والمرأه عشان شكليات مالهم داعي احمد ربك

وأما سؤالك انا كرجل مسؤول عن تجهيز الشقة وزوجتي
أقول لك نعم انت مسؤول شرعا .

اما عن عمرك ودراستك اعتقد انك متخرج من الماجستير لان واخد بعمرك يفترض يكون متوظف اقل شي من سنتين ادا كان دارس زين ، واعتقد ان مرتبك لايقل عن 8000 هذا اذا مازاد
انا اعرف لك رجال فتحو بيوتهم براتب 5000 ووضعك أفضل منهم ماشاء الله
نقول تزوجت وعمرك 28 وش بيصير !
ايضا دور لك مساهمات تشتغل فيها ماجينا لها الدنيا وكلش مدنى لنا..
اما عن سيارتك وين سيارتك يوم كنت بالسعودية يعني بعتها خلاص وين فلوسها لو كنت بعتها وش تستخدم لو جيت هنا؟ وعادي اشتر فكتوريا اعرف انها تكد
وارتاح في وظايف ان شاء الله بس اهم شيء معدلك كويس عشان نقاطك تكون عاليه بجداره .
الان نجي نقسم راتبك لو كان 8000
الان عمرك 25 لو افترضنا صار عمرك 28 وبدأت البحث عن العاروسة في منتصف 27 بتكون جمعت في خلال ثلاث سنوات مبلغ 216 الف
60 الف مهر
10 آلاف تجهيزات العريس مادري اذا مناسبه او لاء
25 الف شقه
15 غرفة نوم
7 الاف مطبخ
5الاف صاله
3 الاف ثلاجة ببرادها وغساله
6 آلاف ثلاث مكيفات سبيلت يعطون معاها هديه براده خخخ
5 آلاف تحف بسيطه وسفره اكل (179 في ايكيا 6 حبات من كل قطعة ) واشياء مطبخ مثل ملاعق كم بياله ومفرش ( حلوه حقات ايكيا،او سنتر بوينت او الاسواق الشعبيه نظامها ناعم ما تتجاوز ال 500)
20 الف حفل زواج رجالي والزوجة اذا بغت اَهلها يسون لها
15 الف سفره مملوحه
يصفالك 45 الف نقول شريت بها سيارة
هذا اذا افترضنا ان حسابك الحالي 0 ، وأنك لم تدخر أبدا اي مبلغ ولم تطرق باب اخر لتوفير دخل اضافي، واعتمدت فقط على الدراسة

بالنسبه زواجي لمطلقة وانا عزوبي وغير مطلق يعكس نظريتك بان المطلق مايتزوج الا مطلقه سواء هذا اللي تشوفينه عن الناس اللي حواليك او لا، لان الموضوع هدفه النقاش وتغيير الفكر وانتي تبين تغيرين الفكر ان المطلق مايتزوج الا مطلق نفس ما انا حاب اغير تغيير فكر المصاريف الزايده للزواجات.
انا جيت اناقش ليش البنت المناسبه اللي ماسبق لها الزواج هذي تكاليف الزواج منها اذا انا شاب ماسبق لي الزواج. فانا اعرف ان فيه مطلقات واعرف ان فيه ارامل. لكن ليش اتحمل واجبر نفسي على تكاليف الزواج الباهظه او اشوف لي مطلقة او ارمله.

اما تجهيز الشقه والزوجه شرعاً انا اعرف عن هذا الشي بس ليش التشرط والتكاليف؟ ليش ماترضى البنت انها تبدا حياة بسيطة ويبدا التكوين؟

اما عن عمرك ودراستك اعتقد انك متخرج من الماجستير لان واخد بعمرك يفترض يكون متوظف اقل شي من سنتين ادا كان دارس زين ، واعتقد ان مرتبك لايقل عن 8000 هذا اذا مازاد
اتمنى لو اني تخرجت بكالوريوس لكن تآخرت بالدراسه لظروف خاصه منها وفاة الوالد الله يرحمه واهتمامي بأمي لانها كبيره بالسن.
وغيري اللي تأخروا بالدراسه لظروف اقسى من ظروفي وش يسوون؟

انا اعرف لك رجال فتحو بيوتهم براتب 5000 ووضعك أفضل منهم ماشاء الله
انا اعرف وانتي تعرفين لكن هذولا يعتبرون من النوادر والاهالي مايرضون غالباً يزوجون بنتهم لرجل راتبه مثل كذا

اما اعتمادي على دخل اضافي ومساهمات فالتجاره ربح وخساره مو كل من دخل التجاره بيربح ومو كل شخص فاهم فيها ومو كل شخص تناسبه التجاره. فيه ناس الله موفقهم بالتجاره وفيه ناس الله موفقهم بالدراسه. وانا شخص مالي بالتجاره اعرف ادرس واجتهد وان شاء الله بحصل الوظيفه المناسبه لي ولطموحي.


ولاتضع أمامك قيود تستطيع ان تقول لأهل الزوجة حفل الزواج سأقوم بحفل رجال فقط وان طلبو نساء هم يتكفلون به
وان رفضو فهذي غنيمة لك لأنهم بيتعبونك ناس مثل كذا ترفض زواج وتكنسله وبدا فيه التوافق بين الرجل والمرأه عشان شكليات مالهم داعي احمد ربك


انا حامد ربي وشاكره على النعمه اللي انا فيها انام وانا مرتاح وبأمان واكل وشارب وغيري الله يعينهم متبهذلين. وسبب ذكري لهذا الشيء انه صار شي سائد. اهل البنت صاروا مايشوفون هل الرجل كفو او لا على كثر مايشوفون كم بيدفع والماديات صارت اهم من غيرها.
اعطيك لك مثال واقعي واعطيني حل ولا تقولين تحمل واصبر لان هذا الشيء اللي انا مسويه وابظل عليه لين مالله يفتحها..
حالياً انا مبتعث وعمري ٢٥ واذا تزوجت بيعطوني راتب لي ولزوجتي ممتاز. لكن اغلب الاهالي مايزوجون المبتعث لان ماعنده وظيفه مضمونه بعد التخرج. طيب الولد اذا تخرج يتوظف بمطعم ولا أي مكان براتب ٥٠٠٠ ريال او حواليها لين مايحصل الوظيفه المناسبه. لكن لا مايرضون براتب مثل كذا لازم يكون راتب حلو ووظيفه كويسه.
انا اعرف واجزم ان كثير بنات يبحثون عن شخص يشاركهم حياتهم بالحلوه والمره فقط لكن الاهالي يبحثون عن الرفاهيه لبناتهم ونظرتهم ماديه اكثر من غيرها. وهالنظره بتنتقل لبناتهم لا اراديا وتصير نظرة البنت للغير نظره ماديه، وانا متأكد انك شفتي بنات حواليك يماشون بعضهم لامور ماديه فقط مثل مانا صرت اشوف هذا الشي بالعيال. صار الواحد اذا كان عنده السياره الفلانيه او شاري الغرض الفلاني عنده اصدقاء اكثر من الشخص اللي محافظ على معايير الصداقه ويقدرها.

^^

اعلم ان لكل ظروف وكل يتمنى
لو ان هذه الحياة تسير بما يتناسب مع ظرفه
أشياء كثيرة ذكرتها انا لا الزمك ولا غيرك بها
انا أقول انت وتقديرك لمشكلتك وظروفك
ولكل مشكله موجود الحل بيدك لكن انت وقبولك به
الله يرحم والدك ويغفر له ، ويرزقك من واسع فضله ويغنيك عن خلقه اجمعين، ويطول بعمر والدتك ويرزقك برها، ويحققلك ماتمنيت من طموحات وزوجة وأولاد وجميع المسلمين والمسلمات

على فكرة للي يقول اخطب وحدة ما يطلبو كثيير وكذا..

انا وكثيير غيري.. لا نتزوج بنظام البطيخة .. الي اخلي امي تروح وتختار كذا مجرد عجبتها جت عندي وقالت لقيت لك فلانة !!
....
انا اذا بتزوج بتزوج باقتناع عن البنت واكون عارف عنها اشياء كثيييرة .. وهذا الي صار معي..
ولدي اصحابي كلهم كانو يعرفون عن البنت..

حتى البنت الي ابيها انا فيها سلبيات مثل وظيفتها وكذا.. لكم انا بتحمل سلبياتها لأنو عاجبني اشياء كثيير فيها وابيها مررة..

هنا المشكلة..

البنت هذي متطلبات اهلها بالزواج كثييرة.. النكبة هنا ..

..........................

لو اقدر اتزوج على قولتهم زواج بطريقة البطيخة يا تطلع كويسة او غير كويسة على قولتهم.. كان الوضع اسهل بكثيير وفيه عوائل يبون الستر ..

لكن انا غير مقتنع نهائيا ابدا ابدا ابدا بالطريقة التقليدية هذي المتبعة من اغلب العوائل الام تروح تسأل وتطيح على بنت وتاخذها لأبنها
والابن ما يدري عن اي شي عنها كويس اذا يعرف اسمها بس,

عليك نور
طيب تحمل
مِن طلب العلا سهر الليالي وذي مثلها
أمرآة عجبتك لخلقها لمالها لحسبها وإلا جمالها وتبيها مصر تحمل
يعني بعد ماله داعي النكبه تلحق كل البنات
وتقولون لنا غلاء مهور وانت اللي حاصر حياتك مع هالبنت

فعلاً الي يبغى بنت بعينها لايضع المشكله ع كل البنات ياكثر العوائل الي يهمها الرجل الصالح فقط ...

استغرب من بعض الرجال الي يتأفف بعد الزواج من تكاليف المهر ويحط الحره في زوجته ولما ينتهي قرض الزواج يطلع قرض ويشتري سياره آخر موديل والضحكه والوناسه تشق الوجه😬😬

اهل زوجي الملكه ع العروسه والفرح بين العروسه والعريس حتى في الذبايح والأب يدفع فوق مهر بنته ومهورهم ماتعدي50 ألف وبناتهم زي القمر الله يحفظهم وحده تزوجت من برى خربت عليهم سوولها اهل زوجها حفلتين للملكه وتكلفو كثير ماهم مصدقين انه مهر الحلوه 30 ألف الله يستر لا يقلدوها باقي بنات العيله ويروحو فيها شبابهم 🙈

ماذكر المشكله الا علشان نشوف حلول جماعيه لمجتمع كل ماله ويزيد بهالمشكله.
والمشكله ماكانت لعائله وحده او اهل بنت وحده لكن صارت شي سائد عند كثير من العوائل والاهالي.
اي واحد يواجه مشكله نقدر نقوله اصبر وتحمل او لا تحصر نفسك على المشكله.
المريض اذا راح للطبيب يروح للعلاج مايتجاهل مرضه
الزوجه اللي زوجها اصبح مدمن تحاول تعالجه اذا فيه امكانيه لانها تحبه مو على طول تطلب الطلاق
الام اللي ولدها عق فيها تكلم ابوه او احد تثق فيه او هي بنفسها علشان يتعدل سلوك الولد لانه ضناها ماتروح تتبرى منه وتقول اجيب غيره.
الزوج اللي زوجته طاحت بعادات سيئه يكلمها ويقولها عن هالعادات السيئه لانه يعشقها مايطلقها على طول
البنت اللي تنخطب من ولد مدمن او عنده اطباع هي ماتحبها ترفضه ما نقولها خوذيه وتحملي واصبري ولا تحصرين نفسك بصفات معينه لان هذا الولد بيكون شريك حياتها
هذولا كلهم عندهم مشاكل لها حلول ما نقول لهم انتم حاصرين انفسكم على هالاشخاص الحل انكم تبحثون عن غيرهم او ترضون بالامر الواقع لكن نعطيهم الحلول والاسباب.

المسئله مو على بنت معينه وخلينا المشكله على كل البنات. لكن المسئله مثل ماذكرتي اللي تزوجت من برى وسوولها اهل الزوج حفلتين وتكلفوا ويجون العوائل يقولون وش ينقص بنتنا عن بنت فلان ونبي مثلها. ونعرف انه كثير عوائل يهمها الرجل الصالح لكن اذا مجتمعهم مايناسبني مو تقصير او ذم فيهم لكن ماراح ارتاح لبنتهم مثل ما ارتاح عند بنت ثانيه وش نسووي؟

من اقاربي القريبين مافيه ولا واحد منهم تزوج بقرض كلهم بمساعدات من اهلهم لين قدروا يوقفون على رجلينهم لكن مو الكل عندهم اهل مثل كذا وانا شخصياً ما اعرف الا اثنين تزوجوا بقروض. واحد عرفت بالصدفه ويقول ان زوجته ماتعرف والثاني انجبر ياخذ قرض زواج وزوجته انجبرت تاخذ قرض لان عندهم الزوجه تتكفل بقسم النساء بليلة الفرح والزوج بالرجال وعلشان عادات سيئه اضطروا ياخذون قاعه كبيره وغاليه والتجيهزات كلفتهم كثير. مع كذا على كلامه يقول كلنا نتحلطم على هذي القروض.