ارغب بإجابة صريحة .. ليش كيت ؟ - الصفحة 2 - منتدى عالم الأسرة والمجتمع
logo

الملاحظات

سؤال وجواب الأسئلة والاستفسارات العامة

موضوع مغلق
قديم 06-10-2014, 02:49 AM
  #11
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
رد : ارغب بإجابة صريحة .. ليش كيت ؟

نتمنى ونحلم نكون بوزنك


ما لقيو شي فيكي فقالو نازل وزنها يا حرام لانها تتطلق



ثقي بنفسك ووقت يقولو رفعانه اخبريهم انك عامله رجيم
__________________
http://live.gph.gov.sa/
اللهم اني استودعك اولادي
قديم 06-10-2014, 02:52 AM
  #12
*علو الهمه *
VIP
تاريخ التسجيل: Mar 2014
المشاركات: 7,105
*علو الهمه * غير متصل  
رد : ارغب بإجابة صريحة .. ليش كيت ؟

وعليكم السلام ورحمة الله وبركاته ..
لاعليك بكلام اﻵخرين أبدا ، وزنك قريب من وزني المفروض أزيد 19 كيلو للمثالي كثيرا سمعت كلام لكن لا أبالي ،المهم أنت ترين نفسك بجمال فلا تجعلي ثقتك تهتز بأراء اﻷخرين ، وحافظي على الأكل الصحي جدا مهم والحمدلله بدأت منذ فترة وزدت 2 كيلو ..
كلامهم في كلا الحالتين سيكون دوما ..
قديم 06-10-2014, 11:20 AM
  #13
ام يوسف وسما
عضو مثالي
تاريخ التسجيل: Jul 2013
المشاركات: 633
ام يوسف وسما غير متصل  
رد : ارغب بإجابة صريحة .. ليش كيت ؟

باختصار

مالقو بالورد عيب قالو احمر الخدين

سوي الي يريحك ومالك من الناس لا السمينة ولا الضعيفه ارتاحت من كلام
الناس
__________________
سبحانك لا اله الا انت اني كنت من الظالمين
قديم 08-10-2014, 08:53 AM
  #14
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : ارغب بإجابة صريحة .. ليش كيت ؟

معليه تاخرت .. شغالتي كانت في اجازة و انضغطت و رجعت أمس ^_^

قرات كلام الأغلبية ، و انتبهت لنقاط فعلاً كانت غايبة عن بالي
و كنت أخدها بحسن نية تامة ..

راح أكتب بشكل عام الرد ، سامحوني ..
جالسة أحاول أخلص أشغالي قبل لا يبدأ الدوام بعد 4 أيام .. و قبل لا يصحوا الأولاد و انشغل ^_^

.
.

أنا اعترف إنه قبل رمضان و الفترة هذيك ..
انخسسسسسسسفت ( مررررررررة ) بالوزن .. و نزلت نزلة مو طبيعية ..
و كنت فعلا ما أكل و لا أشرب شي ..

.
.

لكن قبلها .. كان وزني تمام و تحسن ..
و الفترة الأخيرة حاليا ، أحس إني أقدر اناام و الحمد لله ، و أكل كويس و حتى لو وزني قليل ..

لكن مو مثل قبل ،.

.
.

اللي خلاني اكتب الموضوع ..
لإنه كل مرة أقابل أحد ، لازم يعلقوا على وزني ..

أوكي ، أول مرة و صدقتهم و قلت صادقين ..
كمان زودتوها ، شهرين .. يوميا كل ما أقابل وحدة تقول لي ( وييييي .. إيش به كذا وزنك نحف ؟ )
و حتى لما أقابل قريباتي ؟؟؟؟؟؟؟؟؟؟

.
.

لما كتبت هنا ، و قرأت الردود ..

بالفعل انتبهت لأمور ،، أنا كنت مغفلة عنها ..
و أجهل الصراحة بكيفية التعامل معها ..

راح أكتبها معليه

.
.

- قبل لا أحمل بولدي الصغنون ، صار وزني تمام و الحمد لله ..
47 .. و ماحد تكلم من أخواتي

بعد ما جبت ولدي و في فترة النفاس ، طبيعي البطن تكون بارزة لسى ..
خاصة أول يومين ..

أخواتي جو زاروني ،، يسخرووووووووووووووووووا و يعلقوا على جسمي ، و وزني ..
و مو بس كذا ..

يصوروني ، و يرسلوا للقروب بينهم ( و كلهم تعليقات علي .. عشان جسمي تشوه و صار عندي بطن أخيرا )

أقول لهم و بحسن نية مني ..
إنه طبيعي أول أسبوع .. بس بعدين يرجع جسمي مثل ما كان ، و يختفي البطن ..

أحس إنهم مثل اللي أخيرا لقيوا شي يتشمتوا فيه علي ، و إنه أخيرا صرنا كلنا مثل بعض ..
أقصد ، لما كنت قبل بوزني الطبيعي ، ما كان أحد يتكلم و لا يعلق و ينتقدوني على نحفي

لما زدت شوي بعد الولادة مباشرة ..
حتى تووووي كنت خارجة من المستشفى !!!؟

مافي غير تعليقات عالوزن و مقارنة مع أوزانهم ,,
مثلا ( أخيرا صرتي دبة مثلنا .. و مافي أحد أحسن من أحد )
وقتها انتبه إنه كان وزني أصلا ملفت للانتباه ..

ما كنت اهتم بتعليقاتهم ، و كنت أضحك معاهم

أنا أخواتي ينقهروا مني ، لما يتريقوا علي و اضحك و انكت معاهم ..
ما أزعل أبدا .. و اتريق معاهم


لكن أزعل بعدين ، لما أكتشف إنه التنكيتات هذه ..
خلفها نوايا مبطنة و مشاعر سلبية تظهر لي مرات بمواقف الشدة ..


و دحين ما صاروا يعلقوا على ، لما وزني تحسن .. و لا أحد يقول لي بطنك اختفت و لاشي
أصلا أهلي يحبوا النحف و حتى أخواني متعقدين من السمنة ..

فما راح يقولوا لي نحفتي ، لإنهم بيعملوا ريجيم ..
مع إنه أوزانهم أحسها مثالية .. لو نقصوا حبتين ..

لكن أنا أنحف وحدة فيهم ..

.
.

نجي لصحباتي أو بالأصج زميلات العمل ..

التعديل الأخير تم بواسطة روح الطير ; 08-10-2014 الساعة 08:57 AM
قديم 08-10-2014, 12:04 PM
  #15
متفائلة بالله35
كبار شخصيات المنتدى
 الصورة الرمزية متفائلة بالله35
تاريخ التسجيل: Jun 2012
المشاركات: 2,501
متفائلة بالله35 غير متصل  
رد : ارغب بإجابة صريحة .. ليش كيت ؟

الحمد لله على الصحه والعافيه والنعمه
الله يفرجها امين
__________________
انا لله وانا اليه راجعون
قديم 08-10-2014, 12:31 PM
  #16
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : ارغب بإجابة صريحة .. ليش كيت ؟

قريباتي ، أهالي أزواج أخواتي ،.

تعليقاتهم ما تتوقف
( إيش فيكي نحفتي ؟
وييييي مرة انخسفتي ؟ )
( يالطيييييف ،، إيش هدا ؟ )

.
.

لكن أنا بأكل كويس دحين و أنام الحمد لله ..

.
.

وحدة في العمل تاخدني على جنب ، تقول ( إيش فيكي نحفتي تكلمي .. سرك في بير )
و أنا أدري إنها شمشمت أخبار من هنا و هنا .. و تستنى تاخد مني أي كلام و تروح تنشره

هذه كان أمرها مكشوف و لإنها معروفة بكذا ..

.
.

لكن البقية ، كنت بحسن نية أصدق كلامهم ..

مع إنه فيه البنات ( المعظظظظظظمات ) و النحاف جدا و ماحد يعلق عليهم !

.
.

ماعرف ، صابني هوس الفترة الأخيرة ( أبغى أصير .. دبــــــــــــــــــة ) ..

.
.

لكن كويس تداركت نفسي و انتبهت ..

.
.

باقي أتعلم كيف أرد عالتعليقات هذه !!!!
قديم 08-10-2014, 12:39 PM
  #17
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : ارغب بإجابة صريحة .. ليش كيت ؟

بالفترة الي كنت بالفعل نحفت فيها في رمضان هذا ..

سلفتي كانت تكلمني عالواتس ، تبغى تاخد أخبار ..
ما أعطيتها أي شي ،، غير إني قلت لها ( نزل وزني و أحاول أزيد )

ضحكت و قالت لي ( إيوة زوجك يحب الحرمة السمينة ) ..

.
.

قلت لها .. 3 أشياء :


1. هو قالك ماشاء الله على مواصفاته الي يبغاها ؟


تلخبطت و قالت لي :
" لا .. بس قبل لا يتزوج كان يمزح مع زوج أخته و يقول أنا أخد وحدة دببببببببببببببببببببة "
و زوج أخته قام يتريق عليه ، و كانوا يتريقوا .. و جلسوا يضحكوا


2.
قلت لها :
هو ما عمره علق على وزني و لا اشتكى ..

و الشي التاني .. :
أنا ما يهمني هو إيش يحب ، و هو إيش يبغى ..

أنا بأزيد عشان نفسي ..
لإنه الملابس ماهي عاجبتني دحين لما ألبسها ..


.
.
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:09 AM.


images