السلام عليكم
كل سنه وانتو طيبين
قبل اطرح موضوعي انا زعلانه على الاداره
لانها مافعلت عضويتي الا بعدمارفعت ضغطي
المهم طلال هذا صديق زوجي بس صراحه انا ماعتبره صديقه احسه شريكتي ضرتي
اربع وعشرين ساعه زوجي معه اذا قلت طفشانه ابي اتمشى قال من عيوني
وحذفني في اي مجمع علشان يروح مع طلال قلنا مايخالف
اذا قلت نبي نسافر قال ابشري وحجز لنا وحجز لطلال وزوجته معنا قلت مايخالف
قلت له ابي خدامه قال اذا طلال بيقدم لزوجته ابشري بجيبلك >>>> وانا وش دخلني فيه مدري وش يحس فيه زوجي
اذا رجع زوجي البيت مسك التلفون وجلس يكلم طلال وهو توه كان معه قلت مايخالف
اخر الليل وانا نايمه يكلم طلال بالغرفه جنبي ويسبب لي ازعاج ويصحي ولدي علشان يكلم طلال
اشيا كثيره يسويها لدرجه والله اني شكيت في علاقته بطلال
لاكن الحمد لله زوجي يخاف من ربي
اذا استشرته بشغله راح يعلم لطلال اذا سويت اكله له علم طلال
اذا سويت له ليله رومنسيه علم طلال
قلت في نفسي مالي الا اناقشه
المهم اني ناقشته وفهمته على كل شي يضايقني منه
وصارت بينى مشاده بالكلام
فقالي لو تموتيني ماقاطع طلال علشانك قلت له انا ماقلت قاطعه انا قلت خصوصيات حياتي مابي طلال يعرف فيها وهذا شي من حقي
وكلمه مني وكلمه منه لين قال ان طلال يسواني ويسوى عشره من اهلي >>>>> مدري وش دخل اهلي ساعتها
قال اذا مو عاجبك هالشي الباب يفوت عشرة حمير
قلت ابشر وانا واحد من هالحمير احجزلي الحين ووصلني بيت ابوي
قال خلي احد من اهلك يجي ياخذك قلت لا والله توديني انت مثل ماخذتني منه يوم الزواج ترجعني له
المهم وانا قاعده اجهز اغراضي واغراض ولدي كان يبي يلوي يدي قالي ولدي مايطلع من بيت ابوه
قلت ابشر والله ماخذه
المهم انه وصلني بيت ابوي من بداية العشر
طبعا نزلني وراح مايقدر يقابل ابوي
واول ماشافني ابوي سالني عن ولدي قلت له على السالفه عصب ابوي وقالي ليه تخلين ولدك
وسوالي سالفه لاني ماخذت ولدي >>>> ابوي رحوم ومتعلق بشكل مايتصور على احفاده
وكان بيتصل على زوجي المهم اني طلبت ابوي وقلت له اصبر هاليومين بس والله ان يجيبه هو بنفسه
لاني اعرف ولدي متعلق فيني بشكل غريب يعني كنت متاكده انه بيبهذله من البكاء
وفعلا بعد يومين جاب لي ولدي وفوقه مصروف له ولي وارسلي مسج يقولي انا بتركك تريحين اعصابك هاليومين
طبعا انا طلبت ابوي انه مايتدخل الحين
وانا الى الحين عند اهلي ارسلي يوم العيد مسج يعايد طبعا بعد ماتصل وانا مارديت عليه
واتصل بعدها ثلاث مرات وانا مارديت عليه ويرسلي مسجات يشرحلي فيها سبب تصرفه
واخر رساله كان كاتب فيها انا اسفه متى بتسامحيني ولا رديت عليه
لاتلومني والله جرحني بكلامه وطردتي من البيت
مدري ايش اسوي دلوني وابوي للحين ساكت وينتظر ويقولي ماني بتدخل لين تجين بنفسك وتقولين
جا دورك