لا لابد من علم الجميع حتى الزوجة

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

أختي قدمتي تنازلات كثير والموضوع ما يسوى
لا عدل ولا يبات ولا ليله ولا اهل يحضرون ويكون
الامر مريح .. انت ماتدرين حتى اذا امه واخواته يدرون
الزواجه ذي واضح انها بتنقلب مسيار... لذلك خذي معدد
من نفس مدينتك وحقوقك كاملة بدل ماتتنازلين وانت
ماتعرفين خير الادمي من شره .. وهو بعد مايساعد نفسه
يعني امه وابوه كبار في السن مايطلعون ولا يدخلون ولا يسافرون
انا اعرف حرمه كبيره في السن درج ماتطلعه ولما خطب ولدها
تحاملت على نفسها وسافرت مشوار طويل وحضرت..
الاصول اصول والواجب واجب .. انت راعيتيه بس مانت قاطه
نفسك لهدرجه .. اقل شي خواته ... اما بس اخوه فأقولك الامر
مقلق للغايه وغير مريح ... اخاف ان الادمي يجرب نفسه فتره
واذا ماعجبه الوضع عطاك ورقتك وماخسر شي ومحد جاب خبره
وحياته ماشيه وانت اللي عفستي نفسك..

والله ان كلامها عين العقل
اختي وايد تنازلتي على شوووه مادري !
يبدو ان طول صبرك مخليك مندفعة مجرد ماحقق لك المسكن المستقل
مع ان لو لاحظتي ان اللي كانوا بيسكنونج مع الزوجة الاولى يعني اعلان وحقوق محفوظة على الرغم من الصعوبة ،،
بصراحة مالج اي ضمانات الا كلامه
لا اهله ولا اعلان ومن ديرة غير ديرتج وبدون بيات

بس انا مستغربة كيف تجرا يقول هالكلام قدام اهلج
هو عن طريقج جاء مثل موقع زواج وفهمج هذا كله ولا بطريقة تقليدية ولا في بينكم وسيط

ارجو انج تكونين صريحة
ولا تخادعين نفسج

__________________
الحمدلله الذي بنعمته تتم الصالحات

بعدين ترى طبيعي يحطج بمسكن مستقل
ترى الزواجة سرية فالمسكن المستقل يخدم مصلحته ورغبته في الزواج السري
انتبهي انتبهي
ولو هو شاريك بيحقق اللي تبين
لا تقولين لو ما وافقت بيخطب غيري
بسالك انا
المراة وش تبي برجل يتخلى عنها لو طالبت بحق بسيط من حقوقها !
يتركك علشان طلبتي اهله
مو عيب !
ومو دليل تخلي مبدئي !

__________________
الحمدلله الذي بنعمته تتم الصالحات

وأكون السبب لمعاناة وحده وهي باﻷصل قاعده اتعاني ويا المرض .. أحس كافي عليها هم المرض وما يندرى ايشلون بتكون حالتها الصحيه عقب ما تسمع شي جذي .. تسلمين ع ردج

اذا على العدل هو قال بس بالوقت الحالي ليما مرته اتصير احسن وتقدر تتقبل خبر زواجنا يعني ما راح يخش عنها شي عقب وهم ذكرت انه راح يمرني كل يوم وبيبات متى ما لقى الفرصه ع حد قوله ..واحنا من نفس المدينه والبلد بس هله كلهم اللي عايشين برا .. وهم اتفق ويا أبوي انه بيجيب أخوه حزة الملجه وأخته يمكن تتواجد بالدوحه حزتها فأكيد بتحضر .. انا اللي امشجعني عليه شيئين انه ما خش عني شيء وكان واضح وصريح ع اللي يقدر عليه واللي ما يقدر والسبب الثاني انه بيكون عندي بيت مستقل عن مرته اﻷوليه اهم شي عندي راحتي النفسيه شبي في ليله لي وانا طول اليوم امجابله وحده اكيد بتنغص علي عيشتي ومشاكل وهم أعتقد حزتها راح أنتحر ابرك لي من عيشه بهالشكل .. جزاج الله خير ع ردج واهتمامج فديتج .

ما أدري اذا انتوا تقرون كل اللي أكتبه أو بس تقرون بالمختصر وتردون علي .. صراحه ما يهمني يبات عندي او لا كثر اني ما أجابل مرته وعياله في بيت واحد أدري اني ما راح اتحمل حياه بشكل جذي ولا راح اخذ راحتي ابدا غير المشاكل اللي بتصير لو كنا ببيت واحد انا وحده مسالمه لاخر درجه اقعد في بيت أبوي ابرك لي من اني اخذ معدد بيحطني ويا مرته ببيت واحد .. وللمره الالف زواجنا راح يكون معلن من الصوبين الا على مرته واحنا من نفس البلد بس هله اللي عايشين برا وأكدنا عليه يجيب حد من هله بوقت الملجه ورضى .. والله اتحسسوني اني قاعده ارتكب جريمه عوده هههه وتحقيق وسالفه اتخرعون الواحد أكثر من ماهو مخترع .. جا عن طريق خطابه وهالخطابه أعرفها وهي الوسيط بينا وهم قعد ويا أبوي وقابله وشافني الشوفه الشرعيه واتفقنا ع كل شي حزتها يعني أغلب تواصله ويا أبوي والخطابه .. مشكوره ع ردج الله يسعدج ويوفقج .

ما طلبت امه وابوه مراعاه لكبر سنهم وهم هو سنه اكبير مب اصغير واللي أشوفه حوالي هالشي عادي الريال يخطب بروحه بس مع ذلك من عقب نصايح العضوات وهم عشان أبوي يرتاح قلت للخطابه يجيب حد من اخوانه حزة الملجه ع اﻷقل .. تسلمين فديتج ع تنبيهج واهتمامج جزاج الله عني كل خير .

السلام عليكم ورحمة الله وبركاته ..
أختي الكريمة دانة ، المهم لابد من حضور أهله ..
لاتتزوجي هكذا على غموض لأنكِ أنتِ من ستتعبين وتندمين ..
لاتنسي الإستخارة كذلك ..
وفقكِ الله لكل خير ..