حبيبتي ام الشبل
الله يخلي لك شبلك ويبلغك فيه عريس ويرزقك بره❤️
اسمعي مني:
طريقة التعامل مع زوجك مستقبلا ح تكون المسايرة في كل شي يقوله او يأمر فيه حتى تتفادي الضرب، اذا أنتِ مستعدة تتبعي هالمنهج في تعاملك معه طول عمرك وطريقة الخضوع تناسب شخصيتك هنا نقول ارجعي وابدأي عامليه بطريقك التابع الذي لا يعصي لمتبوع أمرا. لكن لو حسيتي ولو للحظة انك ما رح تتحملي هالطريقة استخيري وفكري بالانفصال. تعرفي انت اش تبغين واش اللي يناسب شخصيتك وتخيلي حياتك معه مستقبلا. وتخيلي يمكن الطفل تتكون عنده نفس عقدة السيطرة اللي عند ابوه..

الله يلهمك الصواب

__________________
ربي احفظ لي ابنتي ..

تضررت نعمت .. كدمات في كذا منطقه بجسمي
غير الالم في مكان الضرب
اتوقع يا مهره تحليلك صحيح
لاني فاهمه شخصيته
مكابر بدرجة
و لا يعترف بخطأه اعتراف حقيقي
و يرى ان ضربه كان بسبب عنادي او عصياني كما يقول

اكيد و بإذن الله ما ابادر
لاني اذا بادرت فمعناته اني رضيت بضربه انا و اهلي



مو اصرار .. بس انا طلعت من بيتي ع اساس مالي رجعه
لكن اهلي و اهله لما تناقشوا وقتها بنفس اليوم
كانوا ع امل الاصلاح
و اهله وعدوا اهلي انه مالنا الا الرضا ووو
انا اخاف اهلي متعشمين بالرجعه و الاعتذار و العلوم الطيبة
ثميصدمنا بالطلاق من نفسه
كذا بيكون اكثر اهانه لي
لذلك ابيها مني مو منه
ولدي .. ما ادري و الله
حتى افكر بأمور الحضانة ووو واخاف يلعب بذيله وياخذه مني لانه واصل و له اقارب بالقضاء الله المستعان

شكرا ع رفع معنوياتي
انا اشوف ان الامهات يقومون بالواجب اكثر من الاباء
لكن برضو اخاف من اللي جاي

عمري 28 و اول الزواج كان من اروع ما يكون
صحيح كان يمنعني و يرفض اشياء ابيها
بس كان اسلوبه كويس و انا اتحمل
ازعل احيان بس كنت ما اطول
من ايام الملكة و كان يتأمر و احسه متسلط بس ما كنت فاهمه شخصيته كويس
الحين بعدين سنتين استفحل الموضوع و قل الادب و الحياء
و الاشياء اللي كان يسكت عنهاصار يتبجح و يسويها

فيه لحظات سعيده كثييير عشان ما اظلمه و تتعبني هالفترة لما اشوف اي شي يجمعنا او نحبه سوا
مثل مطعم او شوكلت او عصير او فيلم او محل و اشياء كثيييير بيننا
و انا لا زلت احبه لكن احاول قدر الامكان محبتي له ما تقودني للاهانه اكثر و اكثر

و انا مو ملاك
لا بالعكس مع المشاكل على صوتي و تحديته خاصة لما يحلف بالطلاق فارفض الطلب
ثم يخرج من الغرفه و يرجع يترجاني اسوي اللي طلبه مني عشان ما يوقع الطلاق

انا تزوجت و انا ناضجة و فاهمه دوري و واجباتي
لكن صدمت بالرجال اللي يبي يعيشني عيشه الاجداد



شكرا لك اختي ايمان .. هو يقول لي دائما انا اجلس اطارد اللي ما يبيني
حتى اذا زعلت ما يراضيني زي باقي العالم
عمره رغم المشاكل ما راضاني بشي مادي او حتى معنوي
هذا اللي يقلقني







شكرا حبايبي كلكم ياللي رديتوا علي
شكرا ع وقتكم و جهدكم
الله يحفظ لكم احبابكم

__________________
ي رب رضاك و الجنة

اللهم امين
لا ما تناسبني ابدا ابدا
احب و احترم و اقدر
لكن خضوع و اهانه ووو لا
خاصة ما اشوف فيه اللي ابي

__________________
ي رب رضاك و الجنة

__________________

__________________

بخصوص قولي اني مالقيت فيه اللي ابي
اقصد الأمان و العطف و الرحمة
ما راح اقول حب لانه عركلامه يحبني لكن حب ناشف ان كان فعلا يحبني
انا قبل الزواج كنت حرة نفسي و لي صوت مسموع عند اهلي
مو مدلله لا بالعكس ولا متطلبه

زوجي عمره تقريبا 32 و انا 28
ان كان يحبني فهو حب تملك و تسلط
اذا تزاعلنا نجلس يوم او يومين ثم يجي يناقشني ( هو ع كلامه انه جالس يراضيني)
لكن في الحقيقة نقاشه دائما بس عشان يقول لي انت الغلطانة و اعتذري مني ثم اعتذر

انا احبه و كنت احب حياتي معه احب بيتي و كريمه معه حد البذخ و لا امن اذا اعطيته اي شي
و مشكلتي انتظر منه مقابل . لازم يقدرني و يحترمني و يضحي شوي عشاني لاني ما قصرت معه بشيء

العلاقة انا راضية او زعلانة ما يمتنع عنها
وهذا شي يجرحني كثير
كيف اعرف هو راضي او لا
اذا اخذنا الموضوع على الظاهر فهو راضي تمام الرضا
انا لا
لأني لو كنت تعبانة او مالي خلق زعل و خاصم و اعطاني الحديث المعروف للجميع
ثم ارضخ لأمره و انا فعلا اكون تعبانه ما اتدلع


زوجي من ناحية العلاقات ما ادري
انا ما اثق فيه .. للأسف نادر تلقى رجل ماله علاقات او خرابيط او او


الانفاق كما ذكرت انا بالبداية
انا من عائلة غنية و لي مصروف من اهلي من قبل الزواج اضعاف اضعاف ما يعطيني
وهو لا من عائلة بسيطة
و كنت بالبداية اراعيه كثير
و انزل السوق و اصرف من مالي الخاص ع نفسي
لاني ماكان هدفي من الزواج المال ووو الحمدلله

الهدايا حتى امه و اهله اذا بهديهم ادفعها انا و بدون ما يدري ثم افاجأه هو وهم
لكن بعد الولد صرت اشوفه اعتمد فعلا علي
و لما نتزل نشتري لبس له يصير يستقعد لي بكل قطعه غالي و مدري ايش
يعني معقوله ابخل ع ولدي و اصير البسه لبس ما يعجبني و انا ربي معطيني. ؟
المصروف الشهري استحي اقوله لأحد لانه مبلغ بسيط لو بعزم اهلي ع عشوه دفعت اكثر منه
لو بشتري عطر ما كفاه
بس رضيت فيه من باب انه لازم يكون لي مصروف
و صار بعد كل هذا يعتذر كل شهر انه ما يقدر يعطيني عنده مصاريف ثانية !
بعدها اعترف لي و قال انت اغنى مني مو محتاجه مني شي
معقول كلامه ؟
انا حتى البيت الاثاث المطبخ اطلع اشتري له من نفسي
حتى لو اشياء ثانوية

طلباتي و احتياجاتي
يأجلها دااائما
و اذا نفذ لي شي منها صار يذكرني فيها يمن بقوة

الصلاة 💔
يصلي لكن في البيت
و اذا نام ممكن يجمع 4 فروض ثم يصليها اذا صحى



شكرا لك ع متابعتك لمشكلتي

__________________
ي رب رضاك و الجنة

__________________

كل شيء ممكن اتجاوزه منه عدا الضرب
و كل شيء ممكن اتغاضى عنه و اكمل معه

__________________
ي رب رضاك و الجنة

تذكرتك , كنتِ مريحة ولطيفة ..
مبارك هذا الشبل في حياتك كم سيضفي لها نورا سواء كملتي الزواج ولا انفصلتي ..
تمنيت أن ترجعي بأخبار أفضل , لكن نتذكر أن المحن كم تحمل في طياتها من المنح !

عزيزتي ..
فيه ردود فعل قمت بها غير انك تقاومينه لما يعصب؟

__________________
{ اللهم صلي وسلم على محمد وآله وصحبه تسليما كثيرا }

شكرا شيهانه على كلامك الجميل .. الحمدلله لسى باقي احد يذكرني
و ربي يبارك بحياتك و يملاها افراح و افراح
فعلا ولدي الحين لما تضيق فيني الدنيا ثم اشوفه سواء يضحك لي او او او وربي كن الدنيا تضحك لي

ردود فعلي ... عادية يعني ما اذكر ان سويت شي مستفز للغاية
ارفض امر له اخبيه شي يخصني عنه و يقوم يدوره
حتى اذا رفضت اجلس بالمكان اللي هو جالس فيه وهو معصب تصير مشكلة
هو يحب وقت المشاكل اصير قدامه
وانا اللي اعرفه المفروض الواحد يترك الثاني لين يروق شوي و يهدا

__________________
ي رب رضاك و الجنة