السلام عليكم ورحمة الله وبركاته


سؤالي لكم ... لو توظفت الزوجة
هل تعطي للزوج نصف الراتب مثلا لانه سمح لها بالخروج للعمل ؟

كيف يتم التفاهم على هذا الأمر مع العلم ان عملها بالبيت كاااامل

للموظفات . أتمنى تفيدوني كيف تتفاهمون مع ازواجكم على هالراتب

اميرة وين الخروج قلتي بتشتغل في البيت

وش طبيعة الشغل و هل ايراداته تساوي ايرادات وظيفة

__________________

أهلا هاجر

بدأت في العمل في مركز تخفيظ يومين بالأسبوع فترة المساء .
و الراتب جيد بالنسبة ليومين
يعتبر ربع راتب زوجي

لكني تفاجات فيه يقولي يريد طريقة مساهمة
قلتله مصاريفي اتمفل فيها واكيد ان طلعت باخذ لبنتي و لو ظرف طارئ بساهم .
لكنه يقول ادفع له نص الراتب مساهمة مني

قلتله طيب اعطيك الربع ووتحطه بجهه بدون ما تخلطه بفلوسك وفي حال شرينا بيت او احتجنا لشي تدفع منه . يعني ما يخلطه بفلوسه
يقول .. لا مااريد شي بذمتي وكاني مدين
احطهن بحسابي و كيف ما صرفتهن

كنت متحمسة جدا اداوم فترة الصبح 5 ايام .. ووراتبي راح يكون مساوي لراتبه .. لكن بعد كلامه كنسلت .
شو الفايدة اطلع من الصبح و ادفع لحضانه بنتي و ارد اطبخ و اشوف امور البيت و هو ياخذ نص الراتب
شو بيبقى لي .. و ليش هالكرف يكفيني يومين اشوف الناس و اطور من قدراتي
و اخذ شهادة خبرة .

حاول معاه باللين قولي له انا مستعددة اساعدك واعينك لكن باني اعطيك فلوس ما اقدر
لكن بتكفل بمصاريف نفسي واساهم في مساعدة الاسرة

جربي تكلمينه بصراحة انه هو مو بحاجة لهالمبلغ .. والشيء الثاني قوليله مافي مشكلة اعطيك الريع لكن بشرط دفعك لمصروفي ومصروف البنت ..
ولو رفض الله يعينك صراحة انتي اللي تتعبين وهو اللي ياخذ منك وهو مرتاح !

خليك علي موقفك مصاريفك الشخصية و اذا اشتريتي لبنتك و بس و كذا بتكوني بتساعديه
و يومين بالاسبوع ما يعتبر غياب و تقصير

__________________

قلتله انه مب محتاج وحالتنا ميسورة
يقول يعني لو احتجت بتساهمي . مااريد هالطريقة

و قال .. ان كنت ما بعطيه بنفس طيبة فراتبي لي لكن في حال السفر او احتجت علاج او مستشفى ما يخصه فيني .
الحين محتارة

طيب لو عطيته .. بصراحة ما تعجبني هالطريقة .. و اعرف اني ممكن اشل بقلبي و يقل مقداره عندي و ما عاد اامن له مرة 2
اصلا من البدايةةاختي نصحتني اقوله انه راتبي اقل من اللي اخذه ب500
لكن خبرته لانه زوجي و ما خبيت شي
لكنها ااااخر مرة باذن الله

ماأريد نفوسنا تتغير من هالمبلغ
وشغلي في بيتي كااامل . اصلا هالوقت اللي اروح للدوام هو وقت فرااغ عندي .
بس هو يقول الموظفة لازم تساهم .


طيب مصاريفي تتضمن ملابسي وكريماتي وو شو عن الاعياد ؟

اختي كم راتبك
وكم راتبه

زوجك بدون وظيفة بخيل؟

مااحب اذكر الرواتب

امممم
لكن بذكرها
راتبي 2000
راتبه 7000
لكن حالتنا ميسورة .

زوجي حريص .. يدفع للشي المهم و اللي يقتنع فيه
الفترة الاخيرة علاقتنا تحسنت واشترا لي تلفون نوت5 . ودفع لي جلسات الليزر
لكنه بشكل عام حريص و كسوول

يعني الملابس تقريبا ثياب العيد وولو في مناسبات .. بشكل عام انا ما اتشرط ولااثقل عليه