.................................
والله انا سمعت فتوى شخص يقول زوجتي كانت موظفه واخذت منها فلوس مقابل وظيفتها
ونمت عندي هالفلوس
وزوجتي مره طيبه تعين اخواتها، وودي اعطيها هذي الفلوس هديه ولكن اخاف تصرفها
قاله الشيخ هذي في الحقيقة فلوسها ورجعها له موب كهديه هي حق لها

اختي انا عندما اتكلم عن مثل هذه الامور انا لا اشجع عليها و لا ارضاها على نفسي بل فقط ابين ان ذلك جائز شرعا بما يخص الوظيفة و ليس بالمثال الذي ذكرتيه لاني لا اعرف ان كان في مثالك جائز شرعا ان يشرط عليها ذلك (عشرين ريال على كل ساعة في زيارة اهلها)
الشرع شرع مع انه قد لا يوافق هوانا او ما نعتقده

اي شرط لا يخالف الشرع هو جائز.

بس شرط الفلوس حلو. عشان كذا كثر عليه السؤال
شرط يدل على الطمع و الاستخفاف بجهد الزوجة و كأنها رايحة تستجم
ماشاء الله وش بيصير لو أتحمل تقصيرها و تلطف معها و ساندها
و هي من عيونها بتساعد من غير شروط.

__________________

لكن اخي الكريم
لما نقول الشرع شرع
احسب هذه الجملة تقال في الأمر الواجب شرعا و مفروض
و الناس تأنف من تأديته

مثل أن يقال لفتاة سافرة. ترفض الحجاب
الشرع شرع
شيء مفروض وواجب

والله أعلم

__________________

لا معليش هذا شرط واضح استغلال المرأة فيه ، واستغلال ضعفها
واتمنى من علماء الشريعة نقده والوقوف عليه
يعني على ايش تأخذ من زوجتك نصف راتبها او ربعه ، مقابل خروجها من البيت
يجيك الرد لانها قصرت في حقي
اشرح لنا كيف قصرت في حقك ؟
طالعة طول الصباح ورجعت ونامت
طيب انت راح تجي الصباح للبيت ؟ لا
انت متأكد انها بتنام اذا رجعت من الدوام ؟ لا
طيب متأكد انها ماراح تصحى بدري وهي عاطله وقت دوامك ولما ترجع تنام؟ لا
طيب انت متأكد حتى لو كانت عاطله ونايمه الصباح ما تنام العصر!
بعد لا

اما تعويض النقص المحتمل في اداء المهام ان حصل منها تقصير
من خادمه مثلا للغسيل والطبخ
فعلا هذا تتحمله المرأة
اما شغل جيبي خادمه وسايق وعطاني راتب ، وش هذا ؟؟
صار هو اللي يشتغل عندها؟؟ طبعا وظيفته وشو زوج للإنجاب والبرستيج وإشباع الغريزي!!!

تخيل زوج دوامة من 8 الصباح الى 5
ودوام زوجته من 8 الصباح الى 2

بينها وبين عودته3 ساعات يمديها تنام وتصلح غدا
وبعد تروح لأبو ريالين
على ايش ياخذ منها مقابل !!!
وين التقصير بالموضوع

وش فيك علي وش قلت انا😁😁
طيب انا دارية انه فيه استغلال


بس نعم يمكن تقصر الموظفة بسبب الجهد المبذول خارج المنزل
بس ليش الفلوس. بتعوضه عن الرغبة اللي فاتته😫

__________________

انفعلت شوي ، لان بجد احس المسألة مفروض تتناقش من العلماء

طيب انا بقولك مثلا ، الان الزوجات الشابات ، غالبا يسهرون
وغالبا تأخذ لها اقل شيء ثلاث ساعات زي الجني لحالها ع النت
او ع التلفزيون وكلها أوقات مهدوره ومايستفيد منها الزوج ، وتأثر على جهدها ع قولتهم
المهم ممكن تتابع فيلم ، او برنامج ، او تدور فستان ع الانستقرام

يعني اعرف متزوجة حديثا تقول انام اذا طلع زوجي الدوام ، اصحى 2 عشان اصلح الغدا
راح وقتها في النوم ، وجهدها ع السهر والانستغرام والافلام ، وتويتر ، ومحد خذا منها فلوس
ومقدار الساعات اللي تنامها8 ساعات في النهار ما تسوى شيء عند نومة الليل والجهد المشحون ع اصوله

لأن ما ورآها فلوس😁وش بيطلب يا حسرة
الموظفة ورآها ذهب. و الحجة. مقصرة😃👍

__________________

توي انتبه ان راتبك الفين فقط وبعد يبي ياخذ منهم!! انتي أدرى بزوجك اذا هو يستاهل وماراح يقصر معك بشي عطيه على كيفك..مع اني احس الفين يالله تكفي احتياجاتك الخاصة واحتياجات البنت..