اهل زوجي و نفسي .. مهرة/ لماذا نتزوج - الصفحة 5 - منتدى عالم الأسرة والمجتمع
logo

الملاحظات

ساعدني لطلب مساعدة أحد الأعضاء في حل المشاكل الزوجية والاجتماعية

إضافة رد
قديم 28-07-2015, 06:30 AM
  #41
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مُثابِر مشاهدة المشاركة
حلو

طيب خليني اسأل السؤال مرة اخرى

س- ليش تبغي تتواصلي معاهم؟
من جد ، ما أعرف سبب محدد بالضبط ؟؟؟

هل من اجل فطرة الانسان العادي اللي يحب اللمة والجمعه
لا ، ما أعتقد إنه السبب الأساسي ..
مع إني بطبعي اجتماعية و أحب اللهمة .. لكن معاهم أو بدونهم ..
يعني ماني بحاجة لهم ,,
.
.

خليني أقول النقاط هذه ..
1 - زوجي زمان كانت شخصيته ضعيفة ، فكان لازم أنا اللي أضع حد بنفسي للجميع ..
لكن هو الآن ، تغير و صار يتكلم و ما يخاف من أحد ..

2 - أهل زوجي بشكل عام ، اتربوا إنه - زوجة الإبن - ، هي مجرد كائن أقل مستوى و درجة من أهل الزوج ..
يعني هما اتربوا على كذا ، لكن مو إنه طبيعة الشر بداخلهم ( هذا اللي استنتجته بالفترة الحالية و الأخيرة )

3 - أنا جيت ، و كسرت القاعدة هذه ،. برفضي للظلم ، و رفضي للاستغلال و الإهانة و الديكتاتورية
و اللي ساعدهم على فرض هذه الأمور ، إنه زوجة ولدهم عاشت معاهم سنوات و كانت مضطهدة منهم ..
و على بالهم إنه خلاص ، زوجة ولدهم التاني .. راح تكون مثلها و إنه هما راح يربوها و يعجنوها على كيفهم ..
لكن للأسف ، طلعت أنا عكس توقعاتهم .. ( فصارت الحرب الباردة بيني و بينهم ) ..

و اللي ساعدني أكثر ، استقلالي بوظيفتي و امتلاكي للشي اللي يفتقدوه و راتبي و الحمد لله أولادي ,,
و العامل الأكبر ، وقوف زوجي معاي .. و فقدانهم الأمل فيه و عدم تأثره بكلامهم عني و عنه ..

4 - طيب أهل زوجي شافوا لما أنا و زوجي و أولادي بعدنا عنهم ، فيه شي ناقص صار بالعائلة ..
ما نحضر اجتماعاتهم و لا حفلاتهم و لا اعيادهم ، و أولادي ما يعرفوهم .. و زوجي من زمان بعيد عنهم ..
يعني هما الخسرانين .. و أنا ما تفرق معايا ، لإني ما أسمح لأي شي يكسرني و خاصة إني ما غلطت على أحد.

5 - أهل زوجي ما شافوا مني أي عيب أو تقصير و الحمد لله .. هما لما يتعدوا حدودهم ..
أنا بأرسم لهم الحدود المسموحة لهم ، و أرسم لنفسي أيضا حدود ..
و الشي هذا المفترض ما يزعل أي شخص عاقل ..

.
.


طيب نجي للأسباب الي خلتني أفكر بالتواصل معاهم ؟؟
و اعتذر عن الإطالة و التأخير ..

التعديل الأخير تم بواسطة روح الطير ; 28-07-2015 الساعة 06:38 AM
رد مع اقتباس
قديم 29-07-2015, 02:05 PM
  #42
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

الأسباب :

1. قلت قبل كذا ، إني ما شفت من أخوات زوجي أي شي .. و انهم حالهم حال نفسهم ..

2. لما كانت تصير اي مواقف بيني و بينهم ( و أرد عليهم من وقتها خلاص ) ..
و يكون السبب أمهم و تكذيبها عليهم بالدموع ..

أو يكون بسبب تقصير زوجي معاهم ، أو كذبه عليهم .. فيحسبوا اني اكذب و ولدهم صادق .. و انا احسب مرات
إنه السبب منهم ، و يطلع بالأخير بسبب زوجي و أكاذيبه علي و عليهم ..

اهل زوجي فيهم ميزة - حسب اللي شفته - ، انهم ما يحقدوا و لا يفكروا انهم ينتقموا ..
ينسوا خلاص الإساءة و يفتحوا صفحة جديدة ..

أهل أبوي الله يرحمه ، شديدين .. ما يسامحوا اللي يزعلوا منه ، حتى لو سنوات و يشيلوا في نفسهم ..
عشان كذا ، كانت أمي الله يرحمها تقارن بينهم و تقول كويس اهل زوجك مو مثل أهل أبوك ..

عشان كذا ، اتصال حماتي .. قدرته لها ..
و حبيت الشي هذا فيهم .. مع إنه ( سلفتي تحذرني كثييييييير منهم ) .. بس أنا بأحكم عقلي ..

.
.

3. الفترة اللي انقطعنا فيها عن بعض ..
كنت بعض المرات ، اقرا رسايل أخوات زوجي .. لزوجي ،،

نفسهم اننا نتصالح و تتصلح العلاقات ، و يكلموا زوجي إنه لازم يسعى لمحاولة الإصلاح بيني و بين أهله ..
و كانوا منصفين بصراحة مع أخوهم ، و ما تكلموا عني بسوء ..

و وحدة من أخواته قالت للبقية ، ترى السبب أخونا .. و زوجته مالها ذنب ..
و كانوا منصفين ، مع إنهم ما شافوا مني لا خير ، و لا شر ..

4. المبادرة كانت منهم ، و شايفتهم كويسين دحين الحمد لله و مبسوطين إنه العلاقات تحسنت ..
فما يصير إني أكون سبب للقطيعة ، أنا قاطعت المرة الأولى بسبب اذيتهم و بالتحديد حماتي و تماديها علي ..

و المرة التانية ، حماتي اللي غلطت علي و ما كنت أنا السبب ..
و شفت رسايلهم لزوجي ، أخواته يبغوا علاقتنا تتحسن ببعض ..
و زوجي مطنششششششششهم ، أشوفهم يكلموه بالواتس و هو خاصرهم ..

5. لإنه أهل أبوي أقوياء مرة ، أبوي الله يرحمه كانت شخصيته قوية و كان يبعد أمي عنهم و عن اذيتهم ..
فصارت علاقتنا بأهل أبوي الله يرحمه .. رسمية ( و كان أفضل لنا الصراحة ) ،، لإنهم يظلموا أمي الله يرحمها ..
و ما أبغى أولادي يصير لهم نفس الشي .. و لا أبغى أولادي يعيشوا منقطعين عن أهل أبوهم ..
لإني ما راح أعيش لأولادي طول العمر ،. و أولادهم ماشاء الله مرة كثيرين و أغلبهم في نفس أعمار أولادي ..

حلو لما يكبروا يكونوا متداخلين مع بعضهم من صغرهم ، و تكون بينهم ذكريات ..
و ما أبغى أضيعها على أولادي ( طالما أهل أبوهم كويسين الآن معايا )

أبغى أولادي يعيشوا مع أقاربهم و أهل أمهم و أبوهم ..
أهل زوجي مافيهم - غرور و تكبر - أهل أبوي ، بسيطين ..
و كنت أرسل أولادي مع أبوهم بعض المرات ، في الفترة اللي ما كنت أروح لهم فيه ..
عشان هذولي أهل أبوهم مهما كان ..

6. السبب الرئيسي بصراحة ..
بعد اللي صار لي من أخواتي ، بعد وفاة أمي الله يرحمها ..
شفت اللي يعملوه أهل زوجي - و لاشي - مقارنة بهم ..

ف خف علي وقع الألم ، لإنه جرحي من أهلي و أخواتي خاصة .. كان أكبر بكثيييييييييير ..
أهلي و أخواتي - شافوا خيري - ، أهل زوجي ما شافوا نص اللي قدمته لأهلي ..
و مع كذا أهل زوجي انصفوني من خلفي و أمام زوجي ..

بينما أخواتي ، طعنوني من خلف ظهري و أمام أخواني .. و ما صدقوا اني طحت وقتها ..

7. ماشاء الله أخوات زوجي - مترابطين - و السبب الرئيسي وجود الأم و الأب ..
و اغبطهم عالشي هذا ، و أتمنى انه يستمر ما بينهم .. و ما يفسروا طيبتي معاهم ( بنوايا سيئة )

عكس اخواتي .. من ورايا اتفاجأ ، إنهم يفسروا تصرفاتي بأشياء عجيبة ..

8. في يوم من الأيام قبل سنة و نص ، حضرت زواج لقريبتي .. و كانوا أهلي و أهل زوجي موجودين ..
و كنت حايسة و تعبانة لوحدي و مافي أحد يساعدني مع أولادي ..

و وقتها جات أخت زوجي و مسكت ولدي اللي كان بيدي ..
بينما أخواتي كانوا يتفرجوا علي .. و ما في أي وحدة منهم تحركت و ساعدتني ..

و أنا أقدر المعروف و ما أنساه ، حتى لو كان صغير ..

9. لما رحنا لهم مدينتهم زمان ، ما قصروا معانا بصراحة .. ( أكيد عشان أخوهم و اللي هو زوجي ، مو ليا )
و بالمقابل ، ما عمرهم دخلوا بيتي هنا ..

و زوجي ما يبغى يفتح الباب علي و عليه ..
لإنه المشكلة لو انفتح الباب ، وقتها أم زوجي و أخو زوجي .. يستحلوا البيت لنفسهم ..

10. وحدة من أخواته ، أهدت لي هدية بسيطة جدا ..
و قبل كذا ارسلت لأولادي كمان هدايا ، صح هدايا رخيصة بس الهدية بمعناها ..
و قدرت لها الشي هذا ..

.
.

ايش رايك أخوي مثابر و أختي مبتعثة ؟

طبعا الى الان ، ما عزمتهم في العيد ..
زوجي ما ناداهم و لا قال لهم يجوا عندنا ..

مع إنه نفسهم ، و كم مرة يسالوا زوجي عن بيتنا كم غرفة ؟
و يسالوا عن البيت .. بس زوجي يعمل حاله مو فاهم .. و مافي اشطر من زوجي بالإستغباء و التمثيل ..
و التطنيش ..

التعديل الأخير تم بواسطة روح الطير ; 29-07-2015 الساعة 02:14 PM
رد مع اقتباس
قديم 29-07-2015, 02:18 PM
  #43
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

و السبب الأخير ..

معاملة أخوان زوجي لأولادي - كويسة - ..

مو معنى كذا ، إني راح أشيل الحدود بتعاملي مع أهل زوجي ..
لإنهم ما يعاملوا سلفتي نفس المعاملة ، و هي تخدمهم مسكينة و ما يرحموها ..

القوة تمشي مع أهل زوجي ..
لكن الضعف و الطيبة ما تمشي معاهم ، عشان كذا هما كويسين معايا ,,

و سلفتي تقول لي ( خليك كذا معاهم ، و لا تفتحي باب على نفسك )
و قالت لي ( ما شفتي لسى أخوات زوجك و لا عرفتييييهم )
قالت لي ( خليك كذا بعيدة ، أفضل لك .. و زوجك فاهم لهم ، و عشان كذا يبعدك عنهم و يبعد نفسه )
و قالت لي إنها شافت كثيييييييييييييييير منهم .. و انهم أشد من أمهم و أخوانهم
رد مع اقتباس
قديم 29-07-2015, 02:31 PM
  #44
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

على فكرة ، هما بشكل عام ..
ما ينعطوا وجه .. لإنهم مباشرة يتغيروا و ينقلبوا ..

و حتى زوجي فيه نفس الطبع ..
يعني يخدمني و يشيلني فوق راسه ، و لما أصير معاه كويسة و ذوق و ادلعه و طيبة مرة ..
يشوف حاله و يبدأ يدعسني و يتعامل معاي معاملة أهله - القديمة - ..
و لازم اعصب عليه ، عشان يرجع يحبني ؟؟؟ هو عكس الرجال ما عرف ليه .. و أمه و أهله نفس الشي فيهم ..

( لكن أنا ماني كذا ، أنا تعودت أعطي و ما انتظر المقابل و أكرم الآخرين ) ..

.
.

يعني سلفتي ، تطبخ لهم كل يوم .. و يعزموا نفسهم عندها كل يوم ..
و ما يرحموها .. و لا يقدروها .. و لا يحترموها ..

مع إني ما عملت لهم ربع اللي هي تعمله لهم ..

.
.

هل استمر كذا معاهم ( وجهي قاسي ،، أو مغسول بمرق مثل ما يقولوا ؟؟؟ ) ؟
لإني ما تعودت ، بس ما تمشي معاهم غير الطريقة هذه للاسف ..

يعني ممكن تتوقع اي شي منهم ، لو اني فتحت الباب هذا ..

و أحس زوجي مبسوط لإنهم محترميننا و صاروا عاملين له مقدار ..
بسبب إنهم صاروا يحسبوا لي حساب .. لاحظت كذا عليه ..

التعديل الأخير تم بواسطة روح الطير ; 29-07-2015 الساعة 02:37 PM
رد مع اقتباس
قديم 29-07-2015, 02:47 PM
  #45
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مبتعثة متفائلة مشاهدة المشاركة
تتواصل معاهم
لانها روح
روح الي ماتحب الحال المايل ولانها طيبه

تدرين روح لو تقاطعين حمولتك بتتعبي نفسيا لانك بتحسي انه وضع ماهو طبيعي لك وللعيال
ينافي اخلاقك ومبادئك
وبنفس الوقت بالتواصل معهم الم
ممكن نقول ضرب تحت الحزام في افضل الحالات

كنت أخاف و انا مقاطعتهم من شي واحد ، لو لا سمح الله توفى أبو زوجي أو أمه ..
كيف راح احضر العزاء ؟ و كيف بنتقابل ؟

و مرة زوجي اختفى يوم كامل و خفت يكون لا سمح الله صار فيه حادث أو شي ..
و صار مخي يوسوس ، لو مات لا سمح الله .. أهله ما راح يقولولي .. و لا راح أقدر أشوفه ..
و كيف و ماعرف إيش ؟؟

.
.

و فعلا الوضع مو طبيعي .. و طالما ام زوجي بدأت بالسلام ..
ما حبيت إني اغلق الباب بوجهها ، لإنه الهدف من القطيعة ، تحقق خلاص و هو وضع حدود ..
و يكون الإحترام ما بيننا ..


الحل
خير الامور اوسطها
لاتواصل مؤلم ولا قطيعه مزعجه
التقنين افضل شي
وخليكي غامضه بخططك وحياتك وتربيه اولادك
ولا يشوفوا منك الا الجانب الي انتي تبغينهم يشوفونه
ولا تتدخلي بينهم وولدهم ابدا
والله يوفقك

بإذن الله ، بأنفذ نصيحتك ..
و جبت الصراحة هدية لأم زوجي و أبو زوجي في العيد ..
بس عشان افرح زوجي ..


روح انتي شفافه وطيبه ونيتك كويسه وربي ان شاء بيرزقك على نيتك
ركزي بحياتك وهم قفلي كل الملفات الخاصه فيهم
يسعدك ربي ، و يارب أكون عند حسن ظنك ..

مو أخونا مثابر ، يتهمني إني ظالمة و اعمل حالي مظلومة ؟؟؟؟
رد مع اقتباس
قديم 29-07-2015, 02:52 PM
  #46
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مُثابِر مشاهدة المشاركة
ماكان يهمني رنانية الأسم

وانما كان يهمني :

1- انطباق الاسم او الصفه علي وعلى توجهاتي

2- سهولة النطق

3- فيه ايجابيه

4- حلاوة المعنى

والحمد لله انطبقت هذه المواصفات على هذا الاسم

حلو الواحد يمدح حاله ..
دوعابة معليه .. ^_^

-----

دكتورة روح الطير

لماذا معطيتنا الخامس؟
مادري ايش معنى ( الخامس ) ..
بس الي فهمته ، تطنيش صح ؟

و الله انشغلت عشان إجازة زوجي القصيرة ..
و قلت نستغلها بسفرة صغيرة في وسط ربوع بلادي ..

و ما قصدت التطنيش و لا قصدت الخامس ..
رد مع اقتباس
قديم 29-07-2015, 02:58 PM
  #47
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

نسيت أقول ..

إنه شخصيتي القديمة ( كانت شخصية هبلة ) .. كنت طيبة بزيادة و واضحة بزيادة و اخجل بزيادة ..
فكنت أفتح لهم المجال انهم يتدخلوا بحياتنا .. لإنهم كانوا يسالوني عن كل شي ..
و كنت أجاوبهم بكل التفاصيل و ما كنت مثل ما أنا ( الآن ) ..

شخصيتي القديمة ، سببت لي مشاكل مع أهل زوجي و حتى مع أهلي ..
لإني كنت واضحة جدا جدا جدا ، و أوراقي مكشوفة تقريبا ..

حاليا ، صرت اعطيهم اجابات ذكية و الشي اللي أبغى أوصله لهم أقوله ،..
و أعرف متى اسكت و متى اتكلم ، و أيش اقول .. و ايش اكتم ..

و صرت اقدر ارد لو احد غلط علي ..
و ما أعطيهم كل التفاصيل ..

.
.

أهل أبوي كانوا أقوياء ويستقووووا على أمي الله يرحمها ..
و كنت انقهر عليها ، و ارفض انها تخاف منهم .. و كم مرة كنت أكلمها و أقويها ..

و حاليا أنا متواصلة مع أهل أبوي .. و شخصيتي قوية معاهم ،. و طيبة نفس الوقت معاهم ..
و يعاملوني بكل احترام و محبة و تقدير .. و من صغري ، اللي يتكبر علي منهم ، أتكبر عليه ..
و دايم أمدح في أمي و تربيتها لنا أمامهم ..

فمستحيل ، إني راح أضيع عمري تحت تسلط أهل زوجي ..
لإني كنت رافضة الشي هذا لأمي ، فما راح أكرر اللي شافته أمي ..

التعديل الأخير تم بواسطة روح الطير ; 29-07-2015 الساعة 03:07 PM
رد مع اقتباس
قديم 29-07-2015, 03:11 PM
  #48
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مُثابِر مشاهدة المشاركة
لكي كامل الحرية بمناداتي بالإسم الذي ينطبق علي وقت كتابة اي رد من ردودك علي

-

ترجعي لنا بالسلامة ان شاء الله
-
منتظر اجوبتك لنفسك



-
حلو كل شوي تسألي نفسك انا ماشيه فين والى اين؟

-

اوه ماشاء الله كسبنا ثقتك لدرجة انك رسيتي مشروع اخوات زوجك علينا انا ومبتعثة متفائلة

جزاكي الله خير

والله يقدرنا اننا نكون عند حسن ظنك
الله يجزاكم خير ، و تحملوني معليه ..

حابة اقفل الصفحة هذه على خير ..
و اتفرغ خلاص للبحث عن قبول دكتوراة ..
رد مع اقتباس
قديم 29-07-2015, 04:10 PM
  #49
مُثابِر
موقوف
تاريخ التسجيل: Mar 2015
المشاركات: 1,388
مُثابِر غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة روح الطير مشاهدة المشاركة
الله يجزاكم خير ، و تحملوني معليه ..

حابة اقفل الصفحة هذه على خير ..
و اتفرغ خلاص للبحث عن قبول دكتوراة ..
مافهمت

اي صفحه اللي تبي تقفليها؟

تقصدي موضوعك هذا بالمنتدى؟

ام تقصدي قصتك مع اهل زوجك في الحياة؟
رد مع اقتباس
قديم 29-07-2015, 10:15 PM
  #50
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مبتعثة متفائلة مشاهدة المشاركة
من بين احرفك احس فعلا تغيرتي

من الاشياء الي خلتك تتغيرين
ان غضبك خف على اهل زوجك
كنتي دايما تلوميهم على تصرفات زوجك
وان هم سبب الحاله الي وصلها
مشاكلك الاخيره فتحت عيونك على اشياء كثيره

بالفعل ..
و ماني عارفة ليه ؟ و كيف ؟

بس أقارن بين نفسي الآن و قبل سنة تقريبا ، ما كنت مثل الآن ..
خلعت ثوب اخر كنت ارتديه ..


خلتك تعاملينه كزوجه مش ام تدور له عذر
خلتك تعاملينه كرجل عاقل بالغ لازم يتحمل نتيجه غلطه
وصك المحكمه اكبر دليل
هذا خلاه ينصدم واهله ينصدموا وانتي برضو
صحيح اهله لهم دور بس خلاص وصل لمرحله يتحمل اغلاطه
صادقة ،.
و ترى الفضل لله ثم لأعضاء و عضوات المنتدى ، كلماتكم و نصايحكم كانت تنير لي الطريق ..
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:44 AM.


images