طبيب الأمراض الداخلية والعصبية
تاريخ التسجيل: Jun 2014
المشاركات: 534
رد: مذكرات طبيب مبتعث ..
شيهانة .. ضي
شكر جزيلا لكما ..
السلام عليكم ورحمة الله وبركاته ..
الايام تمضي سريعا ..الان في الشهر الرابع خارج البلد .. بدأ الطقس والجو يتحسن والحمدلله واليوم كان الجو ممطر من الصباح وانا رايح للدوام وحتى عودتي بالمساء للبيت ..طبعا اليوم كان عندي عيادة متواصلة من الصباح ولم اعرف شيء عن الخارج ..
دكتوري الي اشتغل معه بدـأ يعطيني المزيد من العمل والثقة اكثر وصار يعتمد علي في العيادة في العمل اكثر من السابق واليةم مثلا قمت بعمل كل الحالات .. طبعا مايحتاج اقول لكم الارهاق والتعب الي فيني الحين .. خاصة حينما يكون الواحد واقف على رجليه من الصباح وحتى الساعه السادسه مساء يتنقل بين المرضى وكل نصف ساعه مريض جديد..
الوضع اكثر استقرار والحمدلله .. زوجتي واولادي اخذوا على نظام الحياه اكثر..طبعا اليوم هنا ينتهي مساء فبمجرد تكون الساعه العاشرة مساء يكون الاولاد في فراشهم لانه خلاص تعودوا على نظام جديد وهو النوم المبكر والاستيقاظ المبكر ..
طبعا مااخفيكم قد ايش اكون فرحان لما اشوفهم كذا وخاصة الصباح اليوم مثلا وانا اتجهز ورايح للدوام وعند باب البيت اسمع خطواتهم الصغيرة وهم نازلين من الدرج للدور السفلي بعدما استيقظوا يبحثون عن امهم وهي تجهز لهم الافطار قبل ماينطلقون الى دراستهم ..اليوم الاربعاء كان يوم جمع القمامه من الحي الي نحن فيه اكرمكم الله .. طبعا من المزايا في هذا البلد والي ياخسارة كم تمنيت اشوفها في بلادنا هي النظافه بالشوارع والاماكن العامه .. تصدقون بالله مافي عمال نظافه .. ولاعمري شفت احد يرمي شي بالشارع وشوارعهم نظيفه وطبعا مخصصين لكل حي سكني يوم بالاسبوع يقوم اصحاب المنازل باخراج القمامه وتجي سيارات خاصه وتشيل النفايات من امام البيوت .. طبعا مايحتاج اقول انهم طبعا يفرزون كل شي في صندوق خاص وكل بيت مسئول يفرز نفاياته قبل يضعها .. فالاشياء التي يمكن اعادة تدويرها توضع في مكان خاص ووزوائد الطعام وغيرها في مكان اخر وهكذا ..
ياليت تكون بلادنا وشوارعنا في مثل نظافة بلادهم وحفاظهم على البيئة ..
اراكم بخير ...
الاربعاء الثامن من شهر ابريل 2015