السلام عليكم
ماابغى اطول عليكم
ابغى حل لمشكلتي وجواب صريح على اسالتي
انا زوجي يشتغل اختلاط في السعوديه في مستشفى
لكن هذا يضايقني جدا لان اخذ راحته شوي مع الموظفات يعني يطلع شوي بالسوالف عن العمل
يضحك اذا صار موقف يضحك
وانا انبهه ان هاشيء يضاقني ويقول غلطت ومو قصدي اضحك لها ومابيننا شيء طلعت الضحكه غصب ومن هالكلام
وانا اثق ان مافيه شيء بينهم غير كذا بس ولو كل ماتذكر هالمواقف يضيق صدري واخاف يصير عادي عنده بسبب انه تعود هو واخوياه على هالوضع في المستشفى رغم انه يواعدني انه خلاص ماراح يعيدها بس يرجع يغلط مره ثانيه
بس ودي اسال الرجال اللي يشتغلون اختلاط
شو الشعور اذا تكلم مع موظفه مع بالشغل هل يحس انها انثى ويميل لها وهل يستمتع ويوسع صدره اذا تكلم معها لو بحدود العمل؟؟
الله يخليكم جاوبوني بكل صراحه
وحلو مشكلتي لاني مو قادره انسى االمواقف اللي صارت رغم انه وعدني للمره المليون انه خلاص يبي يتغير وبيكون جاد جدا ويحاول انه مايزل او يغلط
ملاحظه <<زوجي مستحيل يغلط هالغلطات بالسوق او اي مكان ثاني غير شغله وهذي قاهرني انه بمكان شغله يصير حلال وغير كذا حرام
مدري شالسبب هم تعودوا كذا يعني مافيه قيود مره او مدري ليه
الله يكون بالعون
الله يخليكم جاوبوني لاتخلوني ضايق صدري وكرهت زوجي وصارت مشاكل كثير بيننا

معليش بزيد سؤال
هل تحس ان الموظفه كانه واحد من اخوياك يعني ماتحس انه انثى يعني عادي سوا كانت رجل ام امراة ماتفرق مشاعرك وانتي تكلم معها ياريت تردون
وادري ان هالشيء حسب شخصية الشخص وحسب وازعه الديني
بس ودس اعرف عشان ياليت ارتاح

لاتشيلين هم وانا اخوك

اشتغلت سابقا في مستشفى

هناك النساء جميعهم زملاء عمل لا اكثر ولا اقل

وحديثنا معاهم عادي جدا ولافي ميول اذا كان الطرفين جاي للعمل وبسسسس


تصير تحرشات هناك لكن صدقيني موو كلهم يعني ممكن يكون في كم موظف وموظفة مغازلجية

لكن الاغلب علاقتهم عادية جدا ويكون متعود على الكلام يعني يقط الكلمة بدون اي تحفظ والكل يعرف ان الكلمة عادية مو قاصد فيها شي بطال ....

صدقيني وثقي ثقة تامة في كلامي اذا زوجك انسان يخاف الله وانتي مو مقصرة بحقة ما راح يلتفت لاي زميلة



اما حديثة مع النساء هناك فهو مجبر علية بحكم الزمالة في العمل
ولقفشات والحديث الجانبي شي(( طبيعي)) هناك عشان كسر الروتين اليومي والدوام الممل جدااا


ونصيحة خاصة لكل رجل يشتغل في مكان مختلط
من اول موقف تتعرض فية لمضايقة من بنت لاترخي نفسك ولا تطنش عصب عليها وخليها تشوف العين الحمراء وصدقني ما عاد تقرب لك على طرف

__________________
اليوم .. انا الشخص الذي كنت انتقده بالأمس، تصرفاته ، أفكاره ، اسلوبه ..ولا أعلم من أكون بالمستقبل !!

انتي بغيرتك الزايدة راح تلفتين انتباهه

ويمكن تفتحين عيونه عليهم وهو في الاساس يشوفهم عاديات

دائم خلي ثقتك كبيرة في نفسك ..,,

ولاتخلي موضوع حديثه وعلاقاته في العمل تكون طاغية في حديثك معاه

جوري
اشدراك عن سوالف زوجك مع الموظفات هو يقولج

__________________
اللهم احفظ لي زوجي وسخره لي واحفظ لي اولادي

انتبهي تراها مو عدله هذا مصدر رزقه

انا زوجي فني سجلات طبيه وربي ماضايقه بالعكس يجي ويحكي لي اللي يصير من المواقف المضحكه واضحك معاه وبعض الاحيان اغير بس ما اوضح له عشان لا افتح عينه ع هالشغلات واذا راح نطيع هالشغلات الصغير صرنا بزران

ولا يهمك

انا كنت موظفه في مركز طبي وفيه اطباء

وكنا نضحك ونمزح عادي

حتي تعرفت على زوجات طبيبين واصبحنا اصدقاء


علاقة العمل بالعمل لا تتعدى حدود العمل


انا انثي واخبرك

ما تغيري زياده علي زوجك

اصلا الاطباء لن يفضحو نفسهم بعلاقه مشبوه مع اي موظفه مهما كانت

حفاظا على شرفهم ومهنتهم وعلاقتهم الاستقراطيه

الناس مقامات


نامي وارتاحي

لا يمكن ان يكون ثم سوالف بين رجل وأنثى بدون ميول 00وخاصه اذا كانت المرأه عازبه 00

اشد وأنكا وهذا الميول موجود مهما انكره الناس ولأجل هذا حرم الله الاختلاط بجميع اشكاله 00

والسوالف والضحك لا يبررها كسرها لروتين العمل والدوام بل هي محرمه 00

وتجر الى محرم بلاشك 00

ومن العجب ان ترى بعض من ينتسبون الى الالتزام من الاطباء يتساهلون في ذلك 00

متعللين بالعمل واذا ذكرتهم واخبرتهم بفتوا المشايخ يقول الشيخ مايعرف !!!

سبحان الله 00 اجل انت اللي تعرف 00 لكن الهوى والنفس الأماره بالسوء 00

ولا حول ولا قوة الا بالله 00

لا 00 ويجادلك وكأنه احد الأئمه الاربعه 00

ولكن بالباطل يجادل 00ونسي قوله تعالى 00

(( وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَرِيدٍ (3)
كُتِبَ عَلَيْهِ أَنَّهُ مَنْ تَوَلَّاهُ فَأَنَّهُ يُضِلُّهُ وَيَهْدِيهِ إِلَىٰ عَذَابِ السَّعِيرِ (4)))

(( وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُنِيرٍ (8)
ثَانِيَ عِطْفِهِ لِيُضِلَّ عَنْ سَبِيلِ اللَّهِ ۖ لَهُ فِي الدُّنْيَا خِزْيٌ ۖ وَنُذِيقُهُ يَوْمَ الْقِيَامَةِ عَذَابَ الْحَرِيقِ ))(9)ولكن الى الله المشتكى 00

ونصيحتي لك اختى مع زوجك ان تستخدمي الاسلوب غير المباشر في نصحه بالاشرطه والكتيبات 00

وتشجيعه على التمسك بالصحبه الصالحه 00

وستعيني على هدايته بدعاء الله له 00

وفقك الله وأصلح شأنك 00

__________________
*********

الذنوب جراحات ورُبَ جرح وقع في مقتل 00

**********

السلام عليكم اختي

انا وظيفتي فيها اختلاط وازيدك بعد اختلاط في افضل حالاته لابسه الطرحة على راسها يعني يا قلب لا تحزن

نقطتين بجاوبك عليهم وواضحين بدون اي رتوش

1- مافيه شي اسمه أتكلم مع بنت كأنها رجال ... ما اقول انه ميول "جنسية" او "شيطانية" لا ميول كونها جنس لطيف وكونها بنت وليست رجال ...

2- نتكلم ونضحك ... الجواب نعم .. وكلنا نعرف ان ما يجوز لكن والله اختلط الحابل بالنابل "اسأل الله لنا المغفرة والصلاح" ومو من المنطق ان حتى لو كان الكلام بالشغل بيكون الجو مجرد سؤال وجواب برسميه ... العمل وان كان عمل يلفه جو من الالفه والمحبه بسبب التواجد اليومي بالمكان يعني زملاء واللي يكون للزميل الرجال يكون للزميله المرأة مع مراعاه عدم تجاوز خطوط حمراء مع المرأه يمكن اني اتجاوزها مع الرجال

يعني يا اختي ريحي بالك مو معناه زميلتي قالت شي يضحك اكون حجر عشان ما يصير اضحك ... ولا معناه كل كلام مع زميله قله حياء منها او مني ... صحيح في جنس من الجنسين يكون راعي سوالف شينه ... بس هذا يرجع للرجل او البنت انها تقدر تصد هالتحرشات

ودمتي اخيتي

مشكورين اخواني
ريحتوني شوي بس انا ابي افهم اكثر
يعني ليه اذا تكلم عن الشغل لايكون رسميا مالمانع من ذالك اين الحياء من اللي عينه لاتغادرك
ولماذا تكون الرسميه بغير الدوام سهله بينما في الشغل لا؟؟
ولا اظن ان هناك شيء من الشغل يضحك او يدعي انه يخرج عن موضوع والعمل""
كيف اقنعه انه يكون رسمي فهذا يرفع من قدره امام الله والناس
المشكله غرس الرسميه فيه صعبه لانه تعود على الوضع 5سنين قبل الزواج وجميع من يشتغل في هالمجال معه عادي عندهم..
ودي تجاوبني اذا ضحك وطلع عن موضوع العمل هل يكون هناك ميول او متعه اوسعة صدر او ماهو الشعور اللي تشعر به عندما تحادثها بكل صراحه
المشكله انه يستحقرهن جدا جدا ولايمكن ان تكون زوجه له حتى لو مايبقى غيرها على كلامه..
واذا قلت له هل ترضى اسوي زيك او تخيل اشتغل مثلك واخذ راحتي شوي هل ترضى او في السوق او اي مكان
يقول لا المراة اضعف وينخاف عليها حتى لو انتي ماعندك خرابيط ممكن اللي ضحكتي معه يكون نيته شينه ومن هالكلام
لدرجة اني احيانا اسوي مثل مايسوي اذا انقهرت منه مره
واخوي اللي سال وش دراك عنه انه كذا طريقته اقول اذا رحت موعد معه اشوف معاملته كيف
واحيانا العب على نفسي اقول انه احسن من غيره لانه يكون متعود على الحريم فامايلفت نظره حرمه باي مكان
لانه متعود
وماادري متى افتك من هالتفكير مليت مررررررررررررره مليت وتندمت اني اخذت واحد بهالشغله
واحيانا اطلب منه الطلاق
والله اني مو قصدي الغيره بس لو يتعامل رسمي معهن كان عادي مايهمني هن ابدا
خاصه اني ادري قبل اخذه انه يشتغل هالشغله بس اللي ماتوقعته الوضع اللي هم فيه ابدا
حتى اللي لهم لحى الاحظ نفس المعامله مدري ليش
استغفر الله العظيم
واذا على قولة اخوي انه الدوام ممل عادي وسع صدرك مع زملاك الرجال لا بما لايرضي الله ولاخلقه
بالعكس انا زوجي الرجال اللي معه اكثر من النساء بكثير
يعني بختصار حتى لو كان مايناظر نظره شهوانيه ولا قصده شيء سيء انا لا اريد الاريحيه والتساهل والسوالف والضحك الى متى مليييييييييييييييييييييييييت
استغفر الله قمت اخربط من ضيقة الصدر