حبيبتي ماحد حيحس فيكي قدي
اديش الك متزوجة؟؟؟
سؤال خطر عبالي
المهم
انا زيك متغربة في بلد عربي بس ماتفرق صدقيني
المعارف قلال جدا وكل واحد منعزل بحاله هيك الناس هون
والبلد فيها ملل شوي وهدوء و حتى الناس بس يسافرو برة ويرجعولها بقولو حاسين برة البلد دوشة وعنا هدوء ههه
المهم مابعرف ازا انت فاكراني او لا ولا فاكرة قصة زواجي
بس المهم انا الي سنة و 8 شهور متغربة
والادهى والامر اهلي لانهم في غزة المعبر(الطريق)مسكرة ولا انا قادرة اروح ولا هم قادرين ييجو
يعني انت اهون اكيد مش محبوسين زينا
المهم و دوام زوجي صعب من 7 لل6 او 7 برضو
بس انا يوم ميكون هيك الدوام بحمد الله وبشكرو عارفة ليش
لانو السنة الي راحت كانت كلها سفرات
وتعب
وكنت لسة عروس ولوحدي وسافر بعد شهر
وانا لحالي صرت انزل البلد واكتشفها
شو اعمل هي نصيبي اقعد اندب حظي؟؟؟
يعني و بس كانت التاخيرات كتيرة
والله العيد الي فات 2007 اجز اول يوم وتاني يوم داوم ورجع 3 الفجر
وهيك العيد الي بعدو
بس السنة الحمدلله اجز اجازة العيد
وكتير بتيجي ايام تاخيرات
وبعد حملي سائت ظروف الشغل جدا
قعدنا شهور من 5 ل 9 بداية كان يجي عالبيت يرتاح ويرجع عالشغل ويجي البيت عال11
بعدين تطورنا صار 1
بعدين لل2
بعدين 4
بعدين وصل التطور والتدرج اني ماعدت اشوفو ابدا
يجي عال6 المغرب يرتاح يقعد معي نص ساعة ولا ساعة بالكتير ويرجع الدوام ويرجع منو 7 او 6 الصبح تاني يوم
و يغير ملابسه ويرجع
متخيلة حالتي حامل وزي هيك؟؟؟
صابتني مش بوادر اكتئاب بس حالات بكا هستيرية
لكن مرات هيك ومرات هيك
وانا برضا بايي شي فكان زوجي يحتويني ويحن علية و يخفف عني ارتاح وافضفضلو
اكم يوم راحة وبعدين انفجر
وهيك مرات راحة ومرات انقهر
يعني كتير كنت اصبر بس بالاخر انفجر
وايش بدنا نعمل احكيلي هي نصيبنا...
والحمدلله ماشاءالله لاقوة إلا بالله تبارك الله(بديش احسد حالي) الايام هاي خف الامر كتير كتير
بداية زواجي كنت لما يرجع 7 ولا 6 انقهر واحس بالوحدة
بس هلأ لاني دقت الي امر من هيك
صرت لما يرجع عال6 ولا 7 وااااااااو خير وبركة واحس بالسعادة
واخليه ينام ويرتاح ساعة ونص او ساعتين
يعني اشوفو من ال9 لل12 او 1 بالكتير
بس صدقيني بشوفهم قد الدنيا
ولو مثلا يوم داوم للفجر وتاني يوم اجا 6 المغرب عادي مابزعل وبحس انو شوية توازن
سبحان الله الواحد لما يجرب الاصعب بصير يشوف الامور الاخرى سهلة
صدقي عادي لو ايام الدوام 6 2 منهم اجا البيت بدري و 4 تاخر
يعني بحس انو اشي اهون من اشي
المهم احمدي الله اهون مني
بس ماتخلي حالك في دائرة الاكتئاب
اتعرفي عناس انا يعني تعرفت عاكم ناس صحيح مابشوفهم كتير لكن احسن من بلاش
بطلع السوق عادي ماتقعدي تقولي اطلع لحالي شو اعمل
خليكي عملية انا اغلب طلعات السوق لحالي والله وصرت مابحب اروح السوق الا لحالي برتاح اكتر
اتسوقي للبيت
خدي دورة
اطبعي مقالات من النت ودورات واتعلميهم
اقعدي عالنت احكي مع صحباتك واهلك
اعمليلك حياة
اعملي سهرة مميزة الك و لزوجك اخر الاسبوع عشا و سهرة وهيك حجات حلوة
بتنبسطي
وحتيجي ايام تحسي بالقرف والملل
بس خلص بترجعي عالوضع الاول وتهونيها عحالك
اشغلي وقتك باي شي
وانا حاسة فيكي انو حتى لو شغلتي وقتك حترجعي تحسي بالفراغ والوحدة والملل
لانك بحاجة لناس بحاجة لحياة اجتماعية
والله نفس الي بحسو
بس خلللللص هادا القدر
وكل اشي مقابله اشي
ماتقنعيني انو حياتك مع زوجك مش عاجباكي
صحيح في مساوئ الغربة
لكن الها في المقابل مميزات كتيييييييير
انا عن نفسي مبسوطة اني بغربة
بس بفتقد اهلي ولو انهم عندي كان صارت حياتي كاملة
لكن سبحان الله الكمال لله وحده ،،،
وانتو في الغربة عايشين ومرتاحين من كتير اشياء في الوطن
وفي الوطن كان حيكون الك حياة اجتماعية وهيك
لكن مقابلها اشياء سيئة اخرى
حطي في بالك قاعدة كل اشي مقابلو اشي
انا مثلا مبسوطة ماشاءالله مع زوجي ومستقرة معاه وحققت حلمي معاه
مالنا غير بعض
متخلصة ومتريحة من تدخل وتقلة دم الناس و سؤالهم و حشريتهم
واول الزواج اجلنا الحمل بكيفنا وماسالنا في حد
وماخدة راحتي في بيتي وبعمل كل الي بعجبني انا وبس
والغربة بتربط كتير مع الشريك وبتخليكي تحسي بحب كبير وهوة نفس الاشي
بس في المقابل بحس بمرارة الغربة بمل بزهق
هيني حولد لحالي وماعندي حد من اهلي
كمان احنا اهل فلسطين حالة خاصة يعني فوق الغربة في السجن والحبسة بسبب الظروف السياسية
فكل شي مقابله شي
لو انا هلأ جمب اهلي ماكان حتكون حياتي سعيدة مع زوجي
كان حيكون وضعو المادي مش بزيادة
وبشتغل شغلين وبتعب عشان يوفر حياة كريمة الي
وهادا كان حيأثر عنفسيته
مابقول حيكون انسان سيء
لكن الاستقرار المادي كتير باثر
بقول هيك برضو لانو ظروف الحياة في بلدي صعبة جدا وكان في فترة الرواتب مقطوعة وماحد معاه فلوس
والسبب سياسي وخارجي وداخلي وبلاوي سودة
وعدم امن وامان وقصف وممكن اي حد ماشي في الشارع يكونو بدهم يغتالو ناشط سياسي في السيارة الي مار منها
فيروح الشخص الي قدره يكون بجانب هالسيارة يروح ويموت وهوة مالوش دخل في حاجة
وحالة وشو مااحكي مابوفي
لهيك بالنسبة الي سعيدة بالغربة وجدت فيها عالاقل الامن بمشي بالشارع مش خايفة صاروخ ينزل ياخدني معاه
ولا خايفة من انقطاع السلع او الملابس من الاسواق
ولا خايفة انو اروح اولد وتقطع الكهربا او السيارة مايكون فيها بنزين و اتكون الحالة صعبة
فالغربة الي احسن اشي
يعني لو احنا او انتي ظروفك في بلدك سامحة ترجعو وتعيشو حياة سعيدة
كان الواحد انتظر لحظة وحدة بالغربة؟
اكيد لا
نفسي اكون ببلدي لاني بحبها وفيها قضيت احلامي وايامي الحلوة
واكون جمب اهلي
ومافي احلا من ارض بلادي وكل اشي هناك بحبو وبموت فيه
وذرة تراب من بلادي عندي بكل الدنيا
بس الرجعة هناك مقابلها اشياء كتيرة
مافي شغل مافي راحة نفسية
لهيك الواحد بهرب وبطلع برة ليكون حياته ويعيش بشوية راحة وسعادة
طولت عليكي كتير
لكن حبيت اقلك كل اشي في الحلو وفي المر
انبسطي مع زوجك
والله يرزقك الذرية الصالحة قريب
سامحيني عالاطالة بس إن شاء الله يكون كلامي اثر فيكي ايجابي
عفكرة والله تمنيت تكوني ساكنة جمبي لانو ظروفك ومشاعرك نفسي تماما
لسة متزوجة جديد وماعندك اطفال
ونفس ظروف الشغل وهيك
بس عاد شو نقول
كنا حنكون صحبات
واحلا صديقات صح