خواتي واخواني بالذات
اذا مافيه ازعاج لكم .................. هل الزوج يكون مزاجه سيء ايام الدوام يعني وسط الاسبوع
او نهايه الاسبوع الخميس والجمعه اضافه الى يوم الاربعاء
انا من تزوجت الى ان اكتب هالموضوع
كل اربعاء زوجي يتنرفز ويعصب ويقلب الدنيا علي مع اني افرح اذا جت نهايه الاسبوع لانه تعب طول الاسبوع دراسه
فاذا جا الاربعاء افرررررررح كثير لاني اكون مشتاقه لزوجي ونفسي اكون اطول فتره معه
وهو لايروح لاصدقاء او اماكن ثانيه يعني بيتوتي
بس مادري كل اربعاء وخميس وجمعه يعمل مشاكل فظيعه من لا شيء
والان اخذ اجازة 20 يوم وبدا من يوم الاربعاء بالمشاكل مع اني مانرزفته او سببت له ازعاج
واذا طلبت منه نطلع نتمشى يرفض يقول وش له نتمشى اقوله يمكن انت نفسيتك تعبانه من الدوام وش رايك نسافر يقلب الدنيا علي ويعصب
والان له من يوم الثلاثاء بالليل وهو سافهني ولا يكلمني مع اني ماسويت له شيء يذكر خادمته بعيوني
وانفذ اوامره وصايره مؤدبه عشان مايعصب ولانفع عصب وقلب الدنيا علي
قولوا لي وش الحل معه وكيف اقلب هالايام النكديه<الاربعاء والخميس والجمعه>
الى ايام فرح وسعاده
والله ماكذب وربي انه من سنه و3 شهور يعني من تزوجت ما مر علي اخر ايام الاسبوع وناسه كلها طقاق وصراخ
وهالكلام حتى قبل زواجنا ايام الملكه حتى بالتلفون يصارخ علي ويعصب
ساعدوني كيف اغير مزاج زوجي انا بصراحه طفشت ومليت من هالوضع يعني الواحد يستحمل شهر شهرين انا صبرت سنه
ابي مشورتكم ورايكم

__________________

// اختي انتي بنفسكـ قلتيهـا ان زوجك بيتوتي يعني هو يقلك وشوله نخرج تقولي له نسافر !! //

×× حبيبتي انا مااعرف كيف زوجـك بس حاولي تعملي له مثلا عشاء رومنسي لا تكلميه عن الخرجات ××

^^ قولي له انك مبسوطه انه معاكي وان احلى الايام عندك هو يوم اجازته ^^

** والله يوفقكم **

اقولك مايترك لي فرصه اعمل عشاء رومانسي
من يجي من دوامه يوم الاربعاء عاقد حواجبه ومعصب
واذا سالته بهدووووووووء وخصوصا يوم السبت يكون رايق اقوله ليش انت تخلي ايام العطل مقرفه
يقول بس كذا مزاجي فاضي وابي انرزفك واقهرك
مدري هذا كره او تسلط او مدري وش طريقه تفكيره الغريبه
مدري كيف اقنعه يغير طريقته الغريبه
انا تعبت منه واذا طلبته انام عند اهلي حتى ماتكون بينا مشاكل يقول لا لاتتركيني بروحي
مع ذلك اذا جابني بيتنا يجلس يهاوش ويصارخ ويعصب

لدرجه مرة كنت مصلحه فطائر وانا اطلعها من الفرن ماسكه صحن زجاج
طاح غصب عني وانكسر بدال مايقول بسم الله عليك او سلامات ما انجرحتي من الصحن
دخل المطبخ وعصب وصارخ علي وقالي بطلقك وارميك بيت اهلك
وانا من تزوجتك وانا طفشان
وهذا الكلام يوم خميس
لما جا يوم الاحد سالته عن هاالكلام قالي كنت معصب وانا احبك واموت فيك
؟؟؟؟
شي يقهر ومايدخل العقل

__________________

// والله اذا هذا الشيء انا زوجي احيانا يموتني قهر وفي الاخير يقول احب اشوفك معصبه مدري وش الفايده//

* طيب جربي يوم عشا رومنسي حتى لوكنتي شاكه انه بيكون معصب يمكن يهدا الله يعينك اختي *

^ بس هذي مومشكلة كبيرة لسه اول سنه بدري تقولي كراهيه ومدري وشو ^

أحب أقول لك على شي أن هموم العمل للرجل تأخذ منه الشي الكبير من تفكيره

فربما كان يوم الأربعاء ضغط عليه فيأتي قرفان من نفسه , فالأجدر بك أن تعيشي

همومه وتواسيه , لا أن تغيري من مجرى تفكيره , فبعض الرجال يحب التغيير ولا يحب

أن يتذكر هموم العمل , والبعض مثل زوجك يريد من يهون عليه الهموم ولا يريد أن يهرب

منها , ولا يريد من زوجته أن تكون زوجة من الخارج بل تعيش كل هم له حتى يقنع نفسه

أنك أنت مثل روحه لا تنفك عنه , فلهذا بعض الرجال يشكي همومه لصديقه أكثر من زوجته

لأن صديقه أكثر تنفيسا له من زوجته فهو يشعر به ويجاريه ويشجعه ويدفعه للبذل والعطاء

فالرجل اذا لم يثبت نفسه في ساحة العمل التي هي محط نفوس الرجال فسوف يأثر في

حياته ككل حتى الزوجية , والعكس صحيح ..

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

اخي جمر انا معاك
وهو دوامه ضغط
بس كل اربعاء كل اربعاء كل اربعاء
مو حل هذا انا انسانه وتعبت الاثنين اللي راح انا بالاسعاف ظغطي مرتفع وتخطيط قلب ومادري وشو
اوانا تتوني 18 سنه
كله من هالمشكله

__________________

كنت مثلك يا عزيزتي واكتشفت السبب........بيني وبين زوجي كان فيه مشاكل معلقه ما حليناها.....فلما يجي الاربعاء والخميس والجمعه يجي الفراغ وغصبا عنا نتذكر مشاكلنا ونقرف من عيشتنا.........استمرينا على كذا تقريبا خمس سنوات .......والان الحمد لله نتفاجأان الاسبوع خلص واحنا ما حسينا به.....صرنا ما نمل من بعض مثل اول........يعني حلي مشاكلكم بالهدوء واصبري ولازم على طول يكون بينكم نقاش خصوصا اوقات ما يكون زوجك رااااايق....

__________________
[/IMG]

مشكورة اختي مشكلتي اصدق
بس بصراحه خوفتيني يعني بجلس خمس سنين اتعذب معه هذا العذاب كل اربعاء
الله يستر

__________________

عزيزتي
الرجل ((كالصندوق المقفول))لعلها تكون رواسب في نفسه لأشياء سويتيها وضايقته

راجعي طريقتك وتعاملك معاه وحاولي تحتوي وتدلعيه
وتهتمي في نفسك أكتر

وخليكي تقيلة ولاتجري وراه


تحياتي وتقديري
الله يسعدك ويفرج همك
أختك
عاصفة

لا ابدا بس احنا ما تنازلنا الا بعد خمس سنوات........استشيروا الكبار وكلمي احد من اهله هو يسمع منهم كلام.......وبيستحي منهم........وسلامتكم من العذاب.......

__________________
[/IMG]