البخل دفعني لطلب الطلاق ! - الصفحة 31 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 23-09-2022, 02:44 AM
  #301
آمال عظيمة
عضو نشيط جدا
تاريخ التسجيل: Oct 2017
المشاركات: 303
آمال عظيمة غير متصل  
رد: البخل دفعني لطلب الطلاق !

اي والله اني ضايق ومرهق ومخنوق وحزين
واما بموت من الغضب ولا بموت من القهر

واللي لعب بحسبة ايامي وخلاها سنين
اني على ذا الحال ياشعري لي اكثر من شهر

بعت المدينه لاجل عين!وقالو:الخافي يبين
ودفنتك بجوفي!وقالو:وش بقى بك ماظهر

ليتك عقب ماغبت غيبت اشتياقي والحنين
او ليتني ماقد دفعت احلام عمري لك مهر

وياصاحبي لاعاد تنشدني عن الحزن الدفين
اقسى الطعون!الطعنه اللي من حبيب وفالظهر

الفضفضة بالشعر تريحني كثيير *
__________________
إذا أحزنك أمر ، ف تعزّ بالجنة !
رد مع اقتباس
قديم 23-09-2022, 02:52 AM
  #302
آمال عظيمة
عضو نشيط جدا
تاريخ التسجيل: Oct 2017
المشاركات: 303
آمال عظيمة غير متصل  
رد: البخل دفعني لطلب الطلاق !

مافي شي جديد
الاحداث جديدة بس المضمون نفسه

" ادمان الامل و الاصلاح " من طرفي
مراوغة و كذب من طرفه

أحس اني هالمرة زعلانة من نفسي
و زعلانة على نفسي

فيه احداث كثيرة مرت فيني
كتبتها هنا بس

لكن اللي صار امس و قبله
حسيت ماقدر اتكلم عنه او اطلعه ولا حتى اناقشه بيني و بين نفسي

نفسي اغمض و افتح و يطلع هالشي كابوس

كل يوم اصحى احزن اكثر من اليوم اللي قبله

مهما حاولت اطول مدة زواجي
مهما حاولت اعطي فرص و استميت
خلاص صارت واضحة النهاية
ماعرف ليش انا الحين لاول مرة بحياتي
بمرحلة صدمة و رفض و عدم تقبل و انهيار

رغم اني عشت سنين متماسكة و متوقعة جية هاليوم
قياساً على مواقفه و اخلاقه معاي

لما جا الجد تقطعت

أحس بداخلي حنييين لبيتي
للاسرة الكاملة من اب و ام و اطفال
لدور الزوجة المحبة
لمشروع الزواج نفسه

حنيت لحبي لزوجي
و للقالب و الصورة الوردية اللي كان عليها
وقت ماكنت اشوف عيوبه
في بدايات زوجي

انا في مرحلة
الغيت كل شي اسود سواه
الغيت المرحلة الاخيرةً
و عايشة بعالم عطاني اياه زماااان

يا الله انك تلطف فيني و في قلبي و شعوري ..
__________________
إذا أحزنك أمر ، ف تعزّ بالجنة !
رد مع اقتباس
قديم 23-09-2022, 07:36 AM
  #303
مبتعثة متفائلة
عضو مثالي
تاريخ التسجيل: Mar 2013
المشاركات: 10,013
مبتعثة متفائلة متصل الآن  
رد: البخل دفعني لطلب الطلاق !

سبحان الله
نهى الاسلام عن وضع المعلقه
اصعب وضع للمراه ان تكون معلقه
كل حزنك وتعطلك الحالي لانك لم تتخذي قرار ولو يحل موضوعك سواء بالعوده او تسريح باحسان
لذلك كل يوم تعرضين شريط احلامك وتجترين احزانك وخيبه املك
نصيحه لانركني لهذا الوضع كثيرا نص عام مضى من عمرك لا انتي الي عدتي لزوجك وحاولتي من جديد
ولا انتي الي بديتي صفحه جديده من حياتك
كوني قويه وكوني قويه بالله
امر كون عندك مشاكل مع زوجك وممكن تنفضلين ليس امر جديد ولا غريب ولا انتي اول او اخر وحده
لكن موضوع انك معطله كل امور حياتك ومو عارفه تتعاملين مع هذا القرار الجديد او تقلبين هذه الصفحه مؤلم وواضعك بدوامه ماتنتهي
مشكلتك ياامال انك مثاليه والي براسك والصوره الي رسمتيها لازم تصير انفصالك عن الواقع احيانا مستفز بشكل
سمعتي بس كلمه زوجك نربي اطفالنا تربيه صالحه وطرتي فيها ورسمتي حياه كامله ماعملتي حساب امور اخرى
كثير عارضوا زواجك ، زوج اجنبي كل هذا مااهتميتي لان خلاص في صوره في ذهنك وحلم بتعيشينه
حتى في موضوع الوظيفه مصره رغم كل المشاكل والحاجه الماديه ان الوظيفه رفاهيه لان عندك مباديء تنص على هالشيء
المباديء تتغير حسب الضروف والدنيا ماتمشي على كيفنا
عندك بنات وعندك نفسك وعليهم عليك حق
ادرسي الوضع واخذي قرار وسيري فيه وحاربي وكافحي لبناتك
عندك بنات اجنبيات انتي مسؤوله عنهم بالكامل
بكره حتى تدريسهم الجامعي انتي مسؤوله عنه
رد مع اقتباس
قديم 23-09-2022, 07:38 AM
  #304
مبتعثة متفائلة
عضو مثالي
تاريخ التسجيل: Mar 2013
المشاركات: 10,013
مبتعثة متفائلة متصل الآن  
رد: البخل دفعني لطلب الطلاق !

توقفي عن اجترار الماضي
توقفي عن الوقوف على الاطلال
تحملي المسؤوليه وخذي قرار وسيري فيه
مااقول تطلقي ولا اقول ارجعي
انتي ادرسي وضعك اتوقع الوقت الي راح كافي
رد مع اقتباس
قديم 23-09-2022, 12:40 PM
  #305
آمال عظيمة
عضو نشيط جدا
تاريخ التسجيل: Oct 2017
المشاركات: 303
آمال عظيمة غير متصل  
رد: البخل دفعني لطلب الطلاق !

ياعمري يا مبتعثة
والله اتخذت قرار
1. من شهر و نصف رجعت رفعت عليه دعوى فسخ نكاح، لكن الى الان القضاء ما حكم بيني و بينه
2. من شهر قطعت تواصلي معه كليا

كل اللي اكتبه هنا للفضفضة

بخصوص بناتي :
غير صحيح انهم خسروا مقاعدهم الجامعية بسبب هالقرار
اكتب في قوقل حقوق ابناء السعوديات
حاليا يتعالجون في مستشفيات حكومية
لهم مقاعد في الجامعة

حتى في التوظيف يحسبون ضمن السعودة
بنتي حتى الروضات الحكومية تقبلها
لكن اساسا الروضات الحكومية ابتداء من هالعام مافيها الا تمهيدي
و هي عندها حب للتعلم
و انا ودي تحفظ قران
دخلتها روضة قرانية خاصة لكن رسومها مقدور عليها
انا اللي كنت متوقعته آن أبوها مستحيل يبخل عليها من ناحية التعليم
خاصة ان روضتها مو بأسعار المدارس العالمية
الحين انا ب اضطر ادفع ..

كلامي عن روضتها و حزني و و
كله من باب الفضفضة

لكن هل ماقدر ادفع رسوم الروضة ب وضعي الحالي ؟
لا الحمدلله اقدر

عندي النفقة اللي يرسلها زوجي
و مصادر دخل كثيرة في هالفترة

الوظيفة ماكنت أتمناها ابدا كخيار دائم " هذا ضمن قيمي مفاهيمي "
لكن عندي كلام كثير ب خصوصها:
- ان كانت لحاجة مادية ، الفترة الحالية الحمدلله وضعي كويس
- ان كانت عشان اغير جو و اختلط بالناس و و
هذا انا اداوم بالمعهد يوميا و ادرس و معاي بنتي
لكن عالمي الداخلي و ضيقتي ما تغيرت
ولا أثر في تقليل حساسيتي تجاه امي او احساسي بالضغط

باختصار لأني لازلت معلقة ..
هذا اللي اكتشفته قبل امس

الخروج من المنزل بحد ذاته ما راح يخفف عني
وضعي نفسه لو تغير راح ارتاح

كذلك اللي اكتشفته و كنت متوقعته من زمان بقرارة نفسي
و صرحت فيه
ان تقريبا نسبة المضايقات اللي تحصل لي في بيت اهلي
10 بالمية
لكن انا بسبب حالتي النفسية
اشعر فيها بنسبة مليون بالمية

اشكرك والله
و اشعر فيك و فيكم انكم تبغون تطلعوني من هالدوامة

الشي الوحيد اللي اقدر اقدمه لنفسي هالفترةً
الاعتصام بالله و ذكر الله
+
تجميع اكبر عدد من الادلة و الشهود

سبق و كتبت حدثت تغيرات كثيرة جدا في موضوعي
خلال اسبوع
لكنها رجحت كفة الطلاق
الشي اللي ماكنت اتمناه للاسف
لكن الظاهر انه هذا هو الحل الوحيد
__________________
إذا أحزنك أمر ، ف تعزّ بالجنة !
رد مع اقتباس
قديم 24-09-2022, 12:10 PM
  #306
abo marym
عضو المنتدى الفخري
تاريخ التسجيل: Dec 2003
المشاركات: 5,713
abo marym متصل الآن  
رد: البخل دفعني لطلب الطلاق !



الابنة الطيبة

لا تيأسى من روح الله

فرج الله قريب

انت قلت لو فتحت
الكلام المباشر مع زوجك
سيوافق ان شاء الله على
كل شروطك

وانت تريدى العودة
ولا ترضى بالطلاق

اذن ارفع الحظر
ورسالة واحدة اليه
وان شاء الله الامور
تنحل

ونحن وضحنا لك زوجك
مصيبة فى المال

ابعدي عن هذه المنطقة
ستعيشى ان شاء الله فى
سعادة


وسبحان من بيده قلوب
العباد يقلبها كيف يشاء

وبين ليلة وضحها
يغير الله من حال إلى حال

استخيرى الله وتوكلى على
الله وان شاء الله الجاى
كله خير
__________________

قال الله تعالى


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً
{10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

رد مع اقتباس
قديم 24-09-2022, 01:08 PM
  #307
VANITY
عضو نشيط جدا
تاريخ التسجيل: Sep 2014
المشاركات: 2,437
VANITY غير متصل  
رد: البخل دفعني لطلب الطلاق !

الله يكتب لك الخير بكل القادم

والله متابعة موضوعك وانا من قلب ادعي لك


لكن لا تزعلين مني استفزيت من نقطة انك تنتظرينه يتصدق عليك بنفقة بناتك ومبالغ مقطوعة عشان تدفعين المدارس وما الى ذلك
بهذي الطريقة انتي قاعدة تبينين ضعف واضح انك واقفة عليه وعلى نفقته!

بهذا الزمن اذا ماعندك مصدر دخل معتمدة فيه على نفسك مستغنية فيه عن اي احد بما فيهم اهلك، انتي تعتبرين ضعيفة ومحد بيعمل لك حساب بالذات امك بما انك ذكرتي هالموضوع!
تدرين انك بتكونين ضعيفة حتى قدام بناتك؟ هذي طبيعة النفس البشرية ترا…


ابوك الله يطول بعمره ماراح يدوم لك، اخوك مثل ماشفتي رايه يتبدل ومستقبلا بيوت اخوانك قد تكون مليانة شباب هل بتقدرين تسكنين معاهم؟ شلون بتطلعين بيت لحالك وانتي ماعندك مبلغ كافي؟

الوظيفة ماهي رهن الاشارة والحياة جدا صعبة ويادوب الواحد يتحمل نفسه…

الواحد مايدري بكرا وش يصير لا قدر الله وحدة من بناتك ما انقبلت بالجامعة شلون بتدفعين اقساط دراستها؟؟؟؟

قبل كل شي اذا تبين تربين بناتك تربية صالحة لازم تكونين مثل اعلى لان البنت مهما اختلفت شخصيتها بتتاثر بامها.. ما اظن انك تبين بناتك يكونون ضعيفات لان بتجنين عليهم!

شلون فكرتي بهذا ووالدهم مشكلتك الاساسية معاه المال!
__________________
اختلافي عنك لا يعني اختلافي معك
رد مع اقتباس
قديم 25-09-2022, 08:19 PM
  #308
آمال عظيمة
عضو نشيط جدا
تاريخ التسجيل: Oct 2017
المشاركات: 303
آمال عظيمة غير متصل  
رد: البخل دفعني لطلب الطلاق !

جزاكم الله خيراً
راح ابلغكم بمستجداتي

اليوم تواصلت مع صديق زوجي الصباح قبل دوامي
و شفته يكلمني ب اكاذيب قالها زوجي
تعبت نفسيتي جداً
لاول مرة انهار و اغيب
لدرجة أثر علي جسديا ارتفعت حرارتي و رحت المستشفى

بعدها تحسنت المسا
و قررت اخلي يومي لجمع اكبر عدد من الشهود
و الاتفاق معهم
وفعلا الحمدلله تواصلت معهم و اتفقنا

كذلك احاول استمر ب دروس القيادة

زوجي حاولنا نوصل لاتفاق مع صديقه
لكنه الان يكذب على صديقه

ف ماعدت اعول عالصلح
قلت خليني اجمع ادلتي و استعد لجلسة المحكمة اول ماتتحدد
__________________
إذا أحزنك أمر ، ف تعزّ بالجنة !
رد مع اقتباس
قديم 25-09-2022, 09:59 PM
  #309
abo marym
عضو المنتدى الفخري
تاريخ التسجيل: Dec 2003
المشاركات: 5,713
abo marym متصل الآن  
رد: البخل دفعني لطلب الطلاق !

لا حول ولا قوه إلا الله

معلش ابنتى الطيبة

اخاف يكون صديق زوجك
يكذب عليك مثلما حدث من
قبل مع خالك

ابنتى لماذا لا تتواصلى مع
زوجك وجها لوجهه
__________________

قال الله تعالى


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً
{10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

رد مع اقتباس
قديم 27-09-2022, 05:21 PM
  #310
abo marym
عضو المنتدى الفخري
تاريخ التسجيل: Dec 2003
المشاركات: 5,713
abo marym متصل الآن  
رد: البخل دفعني لطلب الطلاق !


الابنة الكريمة

اشغلنى غيابك

وخصوصا انك ذكرتى مرضك
اول امس وغيابك عن دوامك
وذهابك الى المستشفى


برجاء تدخلى فقط لكى
نطمئن عليك


حفظك الله وسترك
ويسر آمرك
__________________

قال الله تعالى


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً
{10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:07 AM.


images