عندي مشكلة واتنمنى من اعضاء هذا المنتدى مساعدتي في حلها مشكورين
تقريبا من سنه اصيب أبو زوجي بجلطة ومن بعدها صار زوجي يتدخل في شؤون خواته الي اعمارهن من 20 – 24 والغير متزوجات
فأصبح كل مالاحظ شي اتصل بأمه بالجوال واخذ يشكو خواته وبأتفعال وبصوت عالي ((ليش بناتك يلبسون بناطلين ليش يلبسون نقابات وسيعه ليش ما يشتغلون في البيت ليش مقابلين التلفزيون والنت وليش يروحون لصديقاتهم وليش وليش ))
الكلام هذا كله بس بالجوال لاكن مستحيل يقوله لامه أو خواته وجها لوجه المشكله أنه يجلس يوم أو يومين ويروح لهم ويسولف مع أمه ولاكأنه رفع صوته عليها
وأصبح كل فتره وفتره أذا لاحظ شي دق على أمه أو أخوه الصغير الغير متزوج وقالهم هالكلام وغير هالكلام
ويشهد ربي أني مره أخذت الجوال منه وهو يكلم أمه وقلت خلاص أمك تعبانه لاتزيدها والله أنه طردني وقال لاتدخلين بيني وبين أهلي
بعدها صار كل مره يكلم امه ويقول لها الكلام هذا اذا رحت ازورهم القاها مبوزه علي وعلى عيالي وأقول في نفسي يحق لها أكيد أنه زعلانه علينا من زعلها على ولدها وصرت أمشي ومره قلت لها تراني يا خالتي أقوله لاتدخل فيهم يقولي ماعليك مني ومن أهلي بس ما صدقتني
بس لاحظت ان الوضع بدا يزود صاروا خواته بعد يبوزون ووحده من خواته ابد معد تسولف معي ولاحتى تناظر عيالي وصاروا يتناغزون ويعلقون بيناتهم وإذا كانوا زوجات أخوانهم الباقين فيه يسولفون معهم ويطنشوني
وأنا على نياتي إلى الان وأنا أفكر أنهم بعد زعلانين علي وعلى عيالي من زعلهم على أخوهم الي هو زوجي علشانه يتدخل فيهم
إلى حد رمضان معاد قدرت أتحمل والي زادني أني سمعت كلام أنهم يقولون أني أنا الي أشحن أخوهم عليهم وأعلمه على كل شي يسونه ويشهد ربي أني عمري ما شحنته عليهم طيب أنتم عارفين أن اخوكم له عيون وبشوف كل شي
في آخر رمضان قلت له خلاص معاد راح أروح لأهلك إلا ألين تقولهم أني ماعمري تدخلت فيكم ولاعمري شحنتك عليهم
بس هو رافض ويقول خذي حقك بيدك
ما أدري وش لون آخذ حقي بيدي ما أدري هو يبيني أتهاوش معهم والا وشلون
أنا أعرف زوجي مستحيل يواجههم والله أنه من يوم قلت لهم ماراح اروح الا الين تقول لهم ان مالي دخل انه هاجرني وحاقرني ولا يطلب مني شي جالس يخدم نفسه بنفسه وينام لحاله لنا أسبوعين على هالحال
انا عارفه طريقته هذي يبيني اتراجع واروح لهم بس انا خلاص مليت وش هالاسلوب تهجرني وتنكد علي من قبل العيد علشان تبيني اروح واتحمل التبويز والشيل في النفس علشان ماتواجههم
تعبت ياناس وش رايكم ؟

فعلا
سبب مشكلتج
انهم متاكدين
انج انتي اللي تشيشينه عليهم
انا اشوف ان لاتقطعين علاقتج فيهم
روحي لهم تادية واجب يعني وماعليج مننهم
يعني لاتصير المشكله مشكلتين تبويز خوات زوجج وهجران زوجج
شي اهون من شي
روحيلهم عشان ترضين زوجك واذا افتحوا الموضوع بيني لهم الحقيقه

__________________
اللهم احفظ لي زوجي وسخره لي واحفظ لي اولادي

شكرا لك يا أخت ناآاني عل تفاعلك
أمه قلت لها من قبل أني مالي دخل ولا صدقت
لو تجربين تجلسين بينهم على هالوضع كان تنفجرين
ألحين الي قاهرني هو أكثر من أهله يعني كأن مالي كرامه ويهيني بعد ترا كلها كلمه كلمتين يقولهم لامه (( ترا مالها دخل )) وش بيضره لو قالها
والله لو أغلط في حق أهله مايسكت لي
بعدين أخاف يشوف طريقته في الهجر نفعت وخلتني اتراجع واروح
بعدين يتعود عليه وكل ما صار شي يهجرني علشان اتراجع
لان زوجي من النوع الي لو يغلط مستحيل يتأسف الا يزعل حتى لو هو غلطان

ياأختي واجهييهم بنفسك ولو تفاجأي زوجك وتواجهيهم أمامه يكون أفضل

إذا كنتوا مجتمعين وزوجك معاكم قولي لأم زوجك ياعمتي ليش أنت وبناتك زعلانيين مني لايكون تظنون أني أنا اللي املي رأس زوجي عليكم؟؟

وقولي لها : ياعمتي ربي يشهد أني عمري ماقلت له شيء وشوفيه ولدك أمامك اسأليه إذا عمري شيشته عليكم

وأنت عارفة ياعمتي أني طول عمري مثل بناتك وبناتك مثل أخواتي وأحب لهم اللي احبه لأخواتي

وإذا ولدك يزعل ترى من حبه لأخواته لأنه حاس انه مسئول عنهم وانه مثل أبوهم ومايقصد يزعلكم بس قصده يخاف عليكم


وخلاص بكذا تكوني بريتي ذمتك وارتحتي وواجهتيهم بنفسك وبنفس الوقت سندتي زوجك ورفعتي رأسه وماحملتيه الغلط وبينتي ان تصرفه من باب حبه لهم وبكذا زوجك بينبسط منك ومن دفاعك عنه وأم زوجك وبناتها بيعرفون أن مالك ذنب.

والله يسعدكم

__________________

جزاك الله خير يا أم جمانه
أنا فعلا فكرت أسوي كذا
بس المشكله أنه اذا رحنا لهم ما يجلس معنا يجلس مع اخوانه
و أقترحت عليه نروح لهم يوم مايكون عندهم احد ونتواجه بس رفض

لاتقولي له أننا بنتواجه لانه بيتهرب

استغلي أي وقت تكوني عارفة انه عند أمه واخواته وادخلي عندهم وفاجئيه بالمواجهة

أو واجهيهم وقولي لأمه نادي أبو فلان (أقصد زوجك) واسأليه بنفسك أمامي وواجههيه بي علشان تتأكدي أن مالي ذنب .

__________________

لازم تواجهيه

قدامهم وزوجك غلطان

دامه جبان ومايقدر يقول كلمة حق لاعاد يدخل في حياتهم

والدليل انة مايواجهم باخطائهم وجها لوجه كلامه كلة على الجوال

على قولتة خذي حقك بايدك ومنة هو مو منهم بالمواجهه




استغفر الله العظيم

جزاك الله خير أختي القانتة
أنا فعلا مصرة على أني ما أروح إلا أذا وافق يواجهني فيهم ولا أقدر أفاجئه بالمواجهة مثل ما أقترحت أختي أم جمانة لان لنا يوم نجتمع فيه عند أهله ولو أقوله بروح لهم في غير هاليوم بيشك أني أبواجهه فيهم وبيرفض يروح
والله لو هو ما اتبع هالاسلوب من الزعل كان والله أستحيت منه وضغطت عل نفسي ورحت لهم علشانه
بس أسلوبه جرحني

انتي الان تنكدي على نفسك وبيتك روحي لهم ووضحي لامه انك مالك دخل في تدخلاته واذا لزم الامر كلامي اخواته ليش تسكتي عن حقك واذا الافعال التي يفعلونها لاتجوز ممكن انتي تنصحيهم فالامر بالمعروف والنهي عن المنكر سفينة الحياة ولكن بطرق ودية

اعانك الله

السلام عليكم
أختي العزيزة , لدي نفس هذه المشكلة وهي أن أخواتي غير المتزوجات في بعض الأحيان يكون لباسهم غير محتشم ويتعرضن من أخواني المتزوجين بالاعتراض والمنع من هذا اللبس , فبدأن بمعاداة زوجات أخواني مثل ما يحصل لديك وذلك لمعرفتهن بتأثير الزوجة على زوجها , وبالفعل بدأ أخواني بالسكوت شيئا فشيئا وتحملت أنا المسؤولية وأنا غير متزوج , وزواجي عن قريب فلا أعلم هل أكون مثلهم ولكني أضع في أذني قول الرسول صلى الله عليه وسلم ( من طلب رضى الناس بسخط الله سخط الله عليه وأسخط عليه الناس , ومن طلب رضى الله بسخط الناس رضي الله عنه وأرضى عليه الناس ) في ما معنى الحديث , فالذي أتوقع أن هذا الذي يحصل لديك ولدي بعض الحلول التي اتمنى ان تحل مشكلتك
1- ان يتكلم زوجك مع أخوانه بالمشكلة ويكون الحل بينهم, فلابد من المواجهة حيث لايمكن ان تكون العدواة لجميع أخوانه و زوجات أخوانك
2- اجعلي علاقتك وكلامك مع زوجات أخوانك
3- كوني عونا لزوجك باصلاح أخواته
4-المعاملة الحسنة والكلام الجميل مع أم زوجك لابد أن تثمر
*