رمي صحن الأكل في الشارع
كان لاسباب منها تلفظها علي بالفاظ وكنت زعلان منها فإحنا خارجين تقولي شيل الصحن كاني الخدام حقها في اسلوب اقل شي قلت لها شيليه انت قالت انا برستيجي مايسمح لي اشيله فقلت مشي هذه المرة وحنا راجعين اعطونا في نفس الصحن اكل فقلت لها هيا وانت نازله من السيارة شيلي الصحن انت فقالت انا برستيجي مايسمح لي اشيله فقلت لها ولا انا ورحت رميت الصحن وانا زعلان منها ورحت ونمت في الصالة وتركتها .
8
مشكلة الذهب
صارت مخاصمة بيني وبينها في احد الايام وقالت لي انا ماابقاك وقالت وديني بيت اهلي ورحت ووديتها واخذت الذهب حقها معاها وتقول انه جاء حرامي في البيت وسوت فيلم وانها ماتبقاني المهم وصالحتها في بيت اهلها واخذت ذهبها ورجعهتا البيت ورجعت الذهب مكانه وفي اليوم التالي امها تتصل تقول انا ماجاني نوم رجعلي زوجتك وأنا في العمل قالت لها ابشري ياعمتي اخذت الزوجة ذهبها معاها بدون الكراتين بدون علمي وحطته في الشنطة من غير الكراتين وراحت فيه بيت اهلها ايش اسمه هذا التصرف . !!!!!!!
9
تريد تسيطر وتزلني
حصلت مواقف كثيرة معها منها
1- تريد أخذ راتبي بالكامل عشان تعلمني اشلون اوفر وتتحكم في مصروف البيت ( سيطرة وزل )
2- في أحد المرات انتهى راتبي وانا اصرف على البيت قبل الشهر بخمسة ايام فقلت مالك الا زوجتك توقف معاك ومنها تعرف معدن الزوجة فقلت لها اعطيني الدبله وماقصرت وأعطتني وهي راضية إلا اسمع قدام اهلي وانا جالس تفضحني تقولهم اخذ دبلتي وباعها وقدام اهلها نشر
3- ابقى اخذ مفتاح الغرفة من يدها فأول مأخذ المفتاح تقوم ترميه في الأرض عند رجولها .
4- تروح بيت أهلها ولا تتصل ولا تسأل عني حتى لو جلست اسبوع في احد المرات اخذتها معي إلى البحر وتقولي انا لاأحبك يعني أكرهك . انا من الملكة ماأبغاك بس اخوي محمد وامي جبروني عليك إلى ان خلوني اوفق بالقوة ووافقت .
10
مشكلة
تدخل أهلها في حل مشاكلنا
تدخل ام الزوجة وعلمها بكل تفاصيل حياتي عن طريق الجوال لدرجة تعرف مين جاء عندي اليوم زائر و لدرجة لمن تقولها كلمة مثلا غيري مكان غرفة النوم تريد تغير الزوجة مكان الغرفة لا وتصمم على رأيها مشكلة الأم تأخذها الأسواق ( المول ) والملاهي عشان التمشية وتفتح عيون الزوجة على امور انا ماأريدها وهي بكامل زينتها مكياج وعطر... الخ يعني قاعدة تفسد لي الزوجة وأنا نظامي مختلف عن كذا الأم ماقدرت الزوج وتقول يمكن زوجها مايبقاها تروح تقول نبقى نروح نتمشى وتتصل عليها ولو قلت لا ماتروحي صارت مشكلة كم مرة تقولي وديني مول وملاهي اقولها خلي إلي علمك طريق المول والملاهي يوديكي .
اخوها يتدخل يرفع صوته علي في بيتي يقول لها قفلي باب الشارع بالزرفونه وانا اقول لها لاتقفلي الباب يقولها هذا الرجل مايعرف يقدرك وإلا إنه جلده روحي جيبي ثيابك بيتين مفتوح لك يعني هيا وكالة من غير بواب صح يحسب نفسه أيام خطوبة يريد يحكم الناس في بيتوها
رحت بيته عشان اعايده ومعايا أهله وقدام أهله يقول ان فاروق وهو أحد اصدقائه حلم إن زوجتي حامل في الشهر الثالث ؟؟؟؟ استغربت فقلت في نفسي وفاروق ايش عنده عند حرمة رجال يحلم فيها .
11
مشكلة البيت
بعد المشكلة الطويلة التي صارت في الملكة والحكام الذين حكموا في البيت وقالوا انه شرعي وماعليه خلاف قالت الزوجة لأخوها أمامي بعد سته شهور زواج انا مأبقى هذا البيت فرديت عليها وأنا غير هذا البيت ماعندي ولا أرضى غيره بديل أنتم وافقتم عليه ودخلتيه وسكنتي فيه جايه الحين تتكلمي يرجى مراجعة الورق الخاص بالملكة ( مشكلات قبل الزواج ) ... بيتي شرعي تقول ماابقاه بيتي اربعة غرف ومطبخ وحمام وصالة وغرف واسعة وتقولين ماتبقيه وصار فيلم من جد وجاء حكم من اهلي وحكم من اهلها وحكموا لي الحكام .
12
تقصيرها في البيت
1- لاتقوم بتنظيف المجالس ولو على الاقل في الاسبوع مرة واحدة يوم العيد فقط
2- القمامة نبهتها ان القمامة لاتبات عندي في البيت كل يوم بيومه ووضعها امام باب الشقة
3- لاتقوم بتنظيف ومسح الأرضيات وتنظيف المغسلة والحمام
4- لاتقوم بتنظيف مكان اكلنا بعد الاكل مباشرة بالمكنسة الكهربائية .
5- ثيابي لاتقوم بكويه وتغسيلة . ملاحظة : سالتها هل قمت بكواية الثياب وغسلها فاجبت نعم وراحت بيت اهلها وعند فتحي للدولاب لم اجد ولا ثوب وثيابي لم تغسل مما اضطرني لفتح الغسالة بنفسي وكوي جميع الثياب وعند الاتصال عليها لسوالها قالت كلها عشرة ريال وديها عند الكواي .
6- لاتقوم بواجباتها المنزلية .
13
مشكلة
عدم زيارة أهلي
1 – ماراحت تزور اهلي وتعايدهم في العيد وتعدي من قدام بابهم ولا تدخل تسلم عليهم .
14
جلست مع ابوها ومناقشتي معاه في امور الزوجة
1 – وتفاهمت معاه على موضوع السب ومد اليد + موضوع المولات والملاهي تحب تروح مع اهلها للمولات والملاهي تستانس وانا اغير على زوجتي بهذه العباية الي تلبسها + وناقشت معاه موضوع عدم معايدة أهلي + مشكلة تدخل أخو الزوجة في حياتي. على أساس ان ابوها يشوف لي حل مع البنت فكانت النتيجة على النحو التالي :
- عند وصول البنت عندي للبيت تقول ايش الفيلم الذي ألفته لأهلي .
- اتهامي بالكذب وانها صادقة .
- اخذت الام الزوجة وراحت تمشيها بدل ماتقولها زوجك بيتك أهم شي .
التصرف الي اصرفته هذه بضاعتكم ردت اليكم والمصيبة الكبرى رحت وحللت دم وطلعت حامل يعني على الدنيا السلام رميتها بيت اهلها و طنااااااش
إلى ان تعتذر مابدر منها وتتعهد بهذه الشروط