عليكم السلام أختي هدايه ،،
دعاء يشرح الصدر ويريح القلب ،، الله يجعله ف موازين حسناتك
ويسعدك دنيا واخره ياحي ياقيوم ..

مرحبا أخواني وخواتي ..
قبل كم يوم وصلتني أخبار ان زوجي ساكت طوال هالفتره
لأنه يبغاني أنا اللي أبادر أروح المحكمه عشان يعملها حجه
ويهددني ياخذ البنات .. والكلام اللي قاله لزوج أختي قبل فتره
{ أبي افتك ،، أبي اخلص ،، يبوني أطلق بطلق ... الخ } كان قصده
يوصلنا هالكلام عشان يستفز أهلي ونبادر بأي شيء ،،

وبصراحه لما شفته بجح لهالدرجه وما يبيها تجي منه قلت أنا
بعد بخلي بالي أطول منه وأشوف وش بيسوي ،،

عطوني رايكم ،،

ملاحـــظـــــه :
طوال 5 سنوات زواجنا كان يقول لي انه طليقته هي اللي رمت
أبنها ومارضت تاخذه .. وقريب بس عرفت انه هو اللي اخذ ابنها
منها عناد فيها وكانت لسه نفاس بالولد ،،
وبعدما وصل الولد عمر 7 سنوات راحت وطالبت في ابنها وصارت مشاكل قويه
وصلت للرصاص والسلاح {نظام قبائل } في بلدنا الأم
واخذت ابنها بعدما انحرمت منه 7 سنوات ،.
والحين زوجي ناوي يرد لي نفس الحركه اللي سوتها طليقته فيه
وياخذ مني بناتي بعدما يكبروا ،،

يمكن بعضكم بيقول من حقه ياخذهم بالشرع بس صدقوني لو اخذهم
مارح يربيهم عنده بيرميهم عند أهله ويرجع للغربه وبيكون يرسل
لهم مصروف على أساس انه كذا اتحمل مسؤليتهم ،
ويتكرر نفس الموال اللي صاره مع أبنه ،، لا أب ولا أم

__________________

أخوي أبو مريم ،،
سبب طلاقي الأول ،، كان لعدة أسباب
منها كنت صغيره ف العمر وما افقه شيء في الزواج
وكمان فارق العمر كان كبير بيني وبين طليقي { أنا 17 وهو 40 }
واسباب ثانيه ماكان يصلي ويتفرج أفلام اباحيه ويخليني اتفرج معاه
والغيره عنده كانت معدومه إذا كلمته ف الجوال كان يفتح سبيكر عند
الرجال ويسمعهم صوتي ويقول شوفوا صوتها كيف ناعم ،،
وغيرررررها كثير ولما أكتشفت فيه كل هالأمور انصدمت وبلغت أهلي
وصارت مشاكل ماكان يبي يطلق ولما أصريت ع الخلع راح يقول أني وحده
مو كويسه وراعية حركات بس كل اللي يعرفونا وقفوا ضده وشهدوا في المحكمه
انه انسان له سوابق وعادي عنده يوري صور زوجته لأي أحد وماعنده غيره
وماحد صدق كلامه وكان بس يبغا ينتقم ويلمع صوررته لما أصريت ع الخلع ،،

وبعدما تم الطلاق ارسل بعد فتره يعتذر ويتأسف انه اتكلم فيني وفي عرضي
وشرفي وطلب مني مسامحته بس ،،

بالنسبه لزوجي الحالي ،، سألني مره وحده عن سبب طلاقي الاول
وقلت له الله ماوفق بيني وبينه وبس ماحبيت ادخل معاه ف تفاصيل
كثيره ،،

والحين اللي مشككني بتصرفات زوجي هو سبب طلاقي الأول ،،
والكلام اللي كان طليقي يقوله عني ،، ويمكن زوجي راح سأل
او شيء من هذا القبيل ووصله كلام ،،
واتوقع هذا السبب اللي خلاه يقول لي قبل شهرين { أنا رجال اخاف
على سمعتي وكرامتي }

طيب أنا ايش ذنبي إذا طليقي السابق اتكلم في عرضي
وانا من بيت طيب وأصله طيب ولله الحمد وبشهادة كل اللي يعرفنا
وماعمر احد اتكلم فينا أنا واهلي وخواتي لكن ،،
قدر الله وما شاءالله فعل ،، وحسبي الله ونعم الوكيل

اعذروني لو فيه بعض استفسارات مارديت عليها
لأن ما اقدر اسوي اقتباس للرد من جوالي ،،
اخوي ابو مريم .. أنا ف موضوعي السابق طلبت اغلاق الموضوع
لأني وصلت لحاله نفسيه ماعدت اتحمل فيها أي كلمه ،،
بس هالفتره أنا محتاجه من يوجهني ويرشدني ،،

بالنسه لسؤالك ،، هل زوجي عديم الثقه ب نفسه !
بالعكس انسان واثق من نفسه كثير بس مشكلته مزاجي
وصعب ويفسر أي موقف ويصدر احكام من وجهة نظره بدون ما يتأكد
إذا كان تصرفه صحيح أو لا ..
وانا كنت راضيــــــــــــــه بجميع عيوبه لأني حبيته من كل قلبي وتعلقت فيه
لأنه الرجل الوحيد بحياتي ،، كنت راسمه معاه امال وطموحات وأي شيء
يسعده كان يسعدني ويفرحني مهما كان تافهه ،، اقتنعت فيه وبحياتي معاه
وبعيوبه وكل شيء ،، بس للأسف هو ماشاركني بأي شيء من اللي ذكرته
كان عايش معاي يترصد لي الاخطاء والزلات وصرت ضحية شكوكه اللي مالقيت
لها حل ،،

__________________

الحمدلله أنا على قدر طيب من التدين ولله الحمد
محافظه على صلاتي ف وقتها وقراءتي للقران فيها نوع
من التكاسل لكن لا أترك قراءته بشكل كلي ،،
بالنسبه للزي الشرعي سواء كان العبايه او لبسي العادي
أنا متوسطه ف كل شيء بس بشكل عام ما أحب أظهر مفاتني
بشكل ملفت إلا لزوجي فقط ،،

بالنسبه للأفلام ،، بالعكس كنت أرفض اشاهدها معاه
لدرجة أوقات كنت اقوم من جنبه واروح لغرفه ثانيه واجلس ابكي
وكان يقول لي عادي أنا اخليكي تشوفي عشان {نتعلم نسوي حركات حلوه }
بس أنا ماكنت احس بالراحه معاه ابدا وكنت دايما أشعر بنفور تجاهه من جميع النواحي
وبعدها ماقدرت اتحمل هالوضع وكلمت أهلي ومدة الزواج كانت 4 اشهر فقط ،،

ولما تزوجت للمره الثانيه فرحت كثير ان ربي عوضني بإنسان كنت
مقتنعه وراضيه وفيه ومن شدة إنجاذبي لزوجي اندفعت له بكل مشاعري
واعطيته كل شيء من حب وحنان ودلع حتى أتعلقت فيه وصرت ما يهنا لي
أي شيء أسويه الا بوجوده قربي بس للأسف ماكان يبادلني هالشعور الا شيء
بسيط وأغلب الوقت كنت اعيشه ب مجاملات وتطييب خاطر من قبل زوجي
وكنت أسأله دايما انت ليه ما تبادلني هالأحاسيس اللي اعيشها معاك ،،
وكان رده انه مايحب هالأمور ومايعجبه كلام الحب ومايبغاني اقول له كلام حلو
،، ف كنت أشعر بالإحباط لأني انسانه حساسه وفيني احاسيس ومشاعر وعاطفه
كنت احب افرغها ف زوجي من شدة تعلقي فيه ،، وبعد المشاكل اللي بدت تصير
معانا ودخل فيها الشك وما شك صرت اشوف زوجي زي {الرادار }
يترصد لي أي غلطه وانا وقتها كنت { معميه } بحبه ،،

عذرا عارفه طولت بكلامي ولم أكتفي بأجابتي ع الأسئله ب اختصار
بس هالأمور خطرت ف بالي وحبيت أذكرها لأني بدأت أشعر ان طيبة قلبي
الزايده عن حدها واندفاعي بمشاعري المكبوته في داخلي هي اللي وصلتني
لما أنا عليه الان ،،
الحمدلله على كل حال

__________________