الله يعينك ويخفف عنك يا رب
اسمعي ندى اهم شي حاليا تشتغلي عحالك شوي, لازم تحلي موضوع الجنسية وتجتهدي فيه شوي حتى لو اضطريتي تاجلي التفكير في الطلاق حاليا لحد ما تزبطي امورك.. لازم يكون وضعك في البلد مية بالمية وتكوني مواطنة حتى اذا لا سمح الله تطلقتي تقدري تطلبي اعانة من الدولة الك ولولادك.. وحاولي تفتشي عشغل بعرف صعب بس اتوكلي ع الله وفتشي كمان وكمان.. ان شاء الله زوجك يرجعلك والله يهديه بس بنفس الوقت لازم تكوني مستعدة لاسوأ الاحتمالات .. وفكري بينك وبين نفسك اعملي تخيل للحياة بعد الطلاق وشوفي اذا بتكون اسوا ولا احسن من حياتك الحالية.. انتي ادرى بوضعك ووضع اطفالك وللاسف احنا الامهات ولادنا بيضطرونا كتير مرات نتنازل ونضحي بس عشانهم .. انتي فكري منيح منيح بالوضع الحالي واللي جاي واستخيري قبل اي قرار
قلبي معك وبدعيلك
الله يهدي سرك يا رب ويفرحك

هلا بيك روزاليتا
رح أقلك وضعي بعد الطلاق راح يصير مع الأطفال كتيييير سئ لانه كل مرة يسيبني في اسبانيا و يسافر شهور و يبعثلي مصروف أكل و تقريبا ما يكفي و كمان أنا أضل بالشارع مع الأطفال من شراء المستلزمات و طبيب و أوراق و كل يوم ذهاب إياب للمدرسة ضغط رهييييييب و أطفالي لما يوصل وقت اللعب أكون ما فيا طاقة عشان أخرجهم للبارك
............
اليوم بعث قراره انه بنات لا تنازل عنهم و أني أبقى مع الأطفال و أتعذب
او يتنازل عن النسوان و بالمقابل أصير أنا لا احاسبه على اي شيء ذهب سافر سهر تأخر يعمل كل ما بده و ما أشرط عليه شيء من حقوقي او اي شيء يعني خضوع تام
انهرت لما سمعت شروطه
فأرسلت له بعد تفكير طويل:
أنا من يرحل و عندي كل الحق أشوف أطفالي ( زيارات مفتوحة) و انت الله يقدرك و تربيتهم و تعلمهم الدين و اللغة العربية هم أمانة عندك و أنا من جهتي رح اشتغل و اصرف عليهم و كل ما بدعم يشوفني حاضرة
و كلمت الأطفال و. ما فهمو شيء و انهارو بكاء رغم أني طمنتهم أني رح ازورهم كل يوم
لكن أصرو ان يذهب والدهم
أنا أميل لقرار العيش هنا لوحدي و البحث عن شغل و إربي أطفالي عن بعد و يكون تواصل دائم لانه حق لي هنا
شو رأيك حبيبتي قراري صح ولا لي ذنب لو الأطفال ضاعو مع والدهم؟
علما انه له والديه هنا و توأم يدرس سنة نهائية بالجامعة يعني ما عندهم وقت و رح يشتغلو
و له اخت متزوجة (26سنة) و ماشياً في حالها و لا يهمها أطفالي
و لديه اخ ولا على بالو
يعني الأطفال رح يضلو مع الجد و الجدة مؤقتا
ملاحظة ::::
أنا لما دخلت المستشفى اثر وعكة صحية لأسبوع بقوا الأطفال معهم و استاؤو كتييييير من المسؤولية و التربية و الدراسة
لانه الجدة لديها هشاشة العظام و الجد السكري
و التؤم ما بيظلو في البيت بحكم الدراسة
بس قلت زي ما أخد قرار و لا همه الأطفال خلي بنات الشارع ينفعنه يمكن هيك يحس اول مرة بالمسؤولية و يرجع لي لكن بشروطي

لا حبيبتي اوعك تعملي هيك!!! حرام عهالاطفال صدقيني بيضيعو بين الاجرين صدقيني مافي حدا رح يكون احن عليهم منك انتي امهم .. حتى ابوهم ما رح يقدر يكون قد المسؤولية معهم وازا هو مش قادر يوفي مسؤوليته معك فما بالك مع اطفال زغار بدهم اهتمام وحنان?
السيناريو اللي رح يصير ما رح يضيع فيه غير الاطفال.. انتي ازا تركتيلو ياهم ما رح تقدري بعدين تعمليلهم شي ولا تتدخلي ازا هم ضاعو.. جوزك والله اعلم رح يعيش حياته ويترك الولاد لاهلو.. وزي ما انتي قلتي هم ازا فترة مؤقتة وما استحملوهم فما بالك لو يربوهم? ما رح يتحملوهم ورح ينعكس بتعاملهم عالزغار وما تستبعدي يكون في ظلم وقسوة تجاه الزغار..
ولما يكبرو ويصيرو يفهمو رح يلوموكي لاي قسوة تعرضولها منهم .. سدقيني ما رح يتفهمو ظروفك الحالية لانو الطفل بيشوف انو ازا اهلو تخلو عنه لمصلحتهم الشخصية ما عمرهم بيسامحوهم.. الله يسعدك ما كان لازم تحكي للزغار وتخوفيهم هيك نزعتي الامان من قلوبهم وفهمو انو بيتهم وعيلتهم الدافية بخطر
انا متفهمة وضعك عالاخر وما رح احكيلك زي الختايرة عنا كيف بيقولو للمرة اتحملي كلشي واسكتي واستحملي عشان ولادك وجوزك ما بيعيبو شي ومش عارفة ايش.. انا فاهمة ومأيدة حقك كانسانة والك مشاعر وقلب وبتستحقي انسان يحبك ويخاف عليكي ويصونك.. بس لا تنسي انو الاطفال كمان بيستحقو يعيشو مع امهم مهما كانت ظروفها.. حبيبتي في امهات بيتطلقو او بيترملو وبيربو ولادهم لوحدهم بيشتغلو اي شغل شريف لحد ما يكبرو ولادهم .. صعب هلا اقوللك تلغي ذاتك وتضحي بحياتك كلها بس انا اللي شايفتو الافضل واللي عم بشوفه الاحسن من رأيي الشخصي والله اعلم هو:
شوفي حبيبتي,
انتي الان بوضع لا تستطيغي فيه الاستقلال عن زوجك وتربية اطفالك بنفس الوقت .. وزوجك حكى ما رح يترك النسوان
طيب شو بتعملي?
جربي هالخطة.. خليه يضل مع النسوان زي ما بدو,, لا تفتشي وراه ولا تهتمي له اصلا.. كل ما يشوفك بتضيقيعليه رح يركض وراهم اكتر.. طنشي وعيشي لنفسك وولادك.. خلي وجوده بحياتكم يكون امان للولاد ومظلة اقتصادية فقط .. ورجعيه لحبك بدون ضغط عليه .. اتركيه وطنشيه و بنفس الوقت خلي واجباتك كلها مية بالمية قدام ربنا يعني لا تقصري بحقه.. و صدقيني الممنوع مرغوب.. والمسموح بعد شوي بيشبع منه وبيزهق وبيرجعلك.. كونه انو نسونجي لا يمس كرامتك ولا يأثر فيكي بشي هادا عيب فيو هو .. وخليكي دايما واثقة من نفسك.. ابني ذاتك بشغل بهواية باي شي يشغلو عنك.. انشغلي بولادك وحبيهم واستمتعي فيهم .. سدقيني يا عمري ما عم بنظر عليكي او بتفلسف وبعرف يمكن تقولي اللي ايدو بالمي مش زي الي ايدو بالنار بس لا سدقيني كلنا كنساء متزوجات او معظمنا عالاقل مرينا بهاي المرحلة.. وسدقيني لولا اطفالنا كان ما ضل تلات اربع بيوت عمرانة وكان نص النسوان اتطلقو .. بس شو بدنا نعمل الام عظيمة ومكانتها كبيرة مش من فراغ.. من هيك اشياء وتضحيات في سبيل مصلحة ولادهم
انا نصيحتي الاساسية حاليا الك انك تفتشي في النت عن وحدة اسمها د, ناعمة الهاشمي .. فتشي قصص ناعمة الهاشمي.. واقرايها كتير بتستفيدي منها في التعامل مع نوع زوجك.. فتشي عن انماط الشخصيات لدكتورة ناعمة الهاشمي وشوفي كيف طريقة التعامل مع زوجك.. فتشي قصة اسمهت قصة ام بسمة .. في غوغل معبية الدنيا... ودورة د. ناعمة الهاشمي في التعامل مع الزوج الخائن والعشيقات
لو كنتي بالامارات كنت نصحتك تروحي لمركزها لانها والله اعلم ياما انقذت حالات وبيوت اسوا من حالتك
وابقي طمنينا عنك بس الله يخليكي امانة شيلي فكرة انك تتركي الزغار والله ما رح يتشحطط الا هم ورح يروحو بالاجرين وازا ابوهم ما سال فيهم لا تكوني انتي كمان زيو وتتركيهم.. حبيبتي انتي بدعيلك ...

ونسيت اقوللك عنجد نسيت :
قبل كل الحلول االي فوق
لا تنسي سهام الليل والدعاء ... صلي ركعتين حاجة وقيام الليل وادعي لربنا بنية صادقة ادعيلو وانتي بتبكي وانتي موقنة بالاجابة وسدقيني ربنا هو مالك مفاتيح القلوب في ايده ولا يصعب عليه شي.. ادعي ادعي لربنا الله يصلح زوجك ويقر عينك به ويقر عينو فيكي وغيرها من الادعية الزوجية.. حبيبتي اكيد انتي عارفة انو ربنا سبحانه وتعالى اذا اراد شيئا يقول له كن فيكون.. يعني مافي مستحيل .. ادعي بصورة المضطر وربنا ما بيخذل يد انرفعتله بدعاء يا قلبي
الله يخفف عنك يا رب العالمين ويكون نعك ويفرجها عليكم

وكمان شغلة اخيرة.. حبيبتي بعد ما تكتفي من الردود على هادا الموضوع اطلبي من الادارة اغلاقه و افتحي نفس الموضوع في قسم ساعدني.. وحطي مشكلتك كلها واطلبي الاستشارة من استشاريين كتير عندهم خبرة وبيفيدوكي اكتر منا.. زي الافاضل البليغ ورجل الرجال وجذيلها المحك والفاضلة beta2
بيكونو معك خطوة بخطوة وبيساعدوكي باراء proffessional بتستفيدي منها
دعواتي الك

الله يسلمك روزاليتا
ولو أني ضيعت عمري وانا احاول أصلحه و جربت التطنيش و التخويف و الترغيب و هو ثاااااااااابت, و يحلف على المصحف توبة و بيرجع
صح الام بتضحي عشان الأولاد ( زي أمي تركها والدي و اكبرنا ثلاث سنوات و نحن أربعة ) و اشتغلت و تعبت لوحدها عشانا و ممكن تجربة أمي اثرت فيني لانها ما عاشت حياتها كأنثى منذ كانت في سن 28 و قبل ما أتجوز كانت تدعي ما يكون نصيبي زيها لكن الحمد لله
يا حبيبتي أنا بضحي بعيوني عشانهم و صبرت عشانهم بس وجوده بنفس البيت معي ما يخليني اعمل ولا شيء
لا اخرج لا ابحث عن عمل لا صديقات و الله لو بحاول اخرج بيخرج و يسبقني للباب و ماهمه شيء
و غيييير أني ما أشوفه كتير
عشان هيك ما قدرت اشتغل على حالي و لا ادفع أوراق الجنسية ولا أغير دبلومي الى الإسباني عطلني كتييييير
عندك حق مفاتيحه بيد الله
ولو انه ابوه يفشل 66سنة ولا فاد فيه شيء الى يومنا هدا و حماتي نفس المعانات ولا فاد دلعها ولا تطنيشها ولا اي شيء
لكنها هلا ولا على بالها ( 62) رغم اهتمامها بنفسها و اناقتها و صبغات شعر.....
لكن أملي كبير في الله
رح أعطيه اخر فرصة لمدة سنة بس و احاول أشوف مواضيع المختصة و أتابع في ركن ساعدني رح اصبر كمان سنة مشان عيوني حبايبي
و أطمئنك. اول بأول
الله يعطيك و يرضيك حبيبتي و نصير أخوات في الجنة يا رب و كل العضوات اللي هون قول آمين ( رح تصير الجنة ضحك و فرفشة معاكم .....

امين حبيبتي
الله يعينك واحتسبي الاجر عند ربنا وان شاء الله مافي شي بيضيع عند ربنا سبحانه وتعالى
الله يفرج همك ويصلح حالك ويسخر لك زوجك ويخليلك اطفالك يا رب العالمين

أمين يا رب حبيبتي و كل المؤمنات و المسلمات

ندى تالمت كثييير لقصتك ....

استخيري في الطلاق فان كان خير سوف ييسره الله لك وان كان شرا سيصرفه عنك


بالنسبه لاطفالك سلاحك (الدعاء) لهم من الصغر بالرفقه الصالحه وان يكفيهم الله شر من اراد بهم شرا وان يجعلهم الله للمتقين اماما ....

اكثري من الدعاء لهم في سجودك خاصة
لا تنتظري حتى يكبروا وتدعي لهم من خوفك عليهم بل من الان كثفي الدعاء والحي وابكي لله عز وجل ثقي بان الله لن يخذلك ....


أسال الله ان يصلح لي ولك الذريه ..،،،،،،،،

بالنسبه للتصرف الان مع زوجك ،،، أنا اشوف انك تقومي بابنائك فقط اكلهم شربهم نظافتهم وتلتفتي لنفسك دلعيها اتركي الكسل اصطحبي ابنائك معك لا تجعليه كلما يدخل المنزل يراكم مثلا وقت دخوله للبيت اجعليه وقت نومكم جوعيه بما انه مقصر معاك...
اتركيه يغسل ملابسه ...

لاتتحدثي معه كثيراً اطلبي منه فقط ان يضع مصروفكم الشهري في حسابك واجتهدي في تغير نفسك للافضل ...

زوجك لن يسلب انوثتك الا اذا انتي سلبتيها لابد ان تقوي ثقتك بنفسك وتنظري لجسدك نظرة اعجاب ولا يهمك مايقوله عنك واتركي اعياد الميلاد فهي محرمه عزيزتي ...

متفائلة البارحة اخطأت لما رجع و فتحت الموضع لآخر مرة و النتيجة عصب كتييييير و أنا كمان زعلت كتيييير لآني حقي حتى اعف نفسي
و بعدها قلت له ارفض شروطك و غير راضية عن تصرفاتك و هل ترضى المعاملة بالمثل؟؟؟؟؟؟
فانفجر و قام ترك البيت فقلت له أنا من عليها الذهاب كي يثني عن رأيه او كوسيلة ضغط حتى يتأدب و لآني في غربة و ليس لي أهل توقعت رح يحن فلو أهلي معي لذهبت عندهم للراحة
ولكن حدث عكس ما توقعت
أخد الأطفال عند منزل أهله و أخد كل مفاتيح المنزل و جهاز النت و كذلك المصروف و تركتي بالبيت و قال لي هكذا حتى تذهبي و لا ترجعي
و بعدها و أنا أقوم بجمع ملابسي و ادعي أني أكون قد أدبته و انه رح يرجع و يعتذر و يقولي انت الكل حدث العكس
احضر والدته و نصحتني بالبقاء و الصبر على ابنها و ان اتركه يعمل ما يشاء و مصيره يرجع و الحق كانت في صفي
و هو قدامها ما قصر بالتهجم بالضرب باليد و الرجل و ... ضرب خفيف لكنه مؤلم نفسيا و أمه كانت تصده
و تقول حتى يكسب صفها أقاويل و أكاذيب أني أتكلم عنها و عن والده و خاله و أخيه و هو أصلا من كان يخبرني أسرارهم
المهم بعدها. أخذته أمه لانها خافت يضربني
و أخد كما ذكرت كل شيء و خلاني منهارة و مشوشة التفكير بين أطفالي حياتي معه النسوان
فقررت أخد حاجاتي في لحظة ضعف و ذهبت عند صديقة ثقة لي
و هو ما قصر مسجات كلها تهديد و سب و أني النسوان مستحيل اتركهم و ترجعي بشروط تتقبلي سهراتي و النسوان و يعيش حياته وإلا ما بدو يشوفني
و أنا قلت خليه يتحمل الأطفال شوي حتى يعرف قيمتي و ما يقول كل مرة انتي ولا شيء في البيت فقط تغسلي صحنين و أنا اعرف اغسلهم و الأطفال اعرف اربيهم و رح أجيب اللي ترضى بشروطي
و الان فيكم تتخيلو حالي و ما خبرت أمي لانها ما بايدها شيء و ابي تعرفون القصة تركنا و رحل
فشو رأيكم من غير مجاملة احس أني غلطت
شيء ثاني صديقتي لقت لي عمل في مخبزة بدوام متفرق أنا رفضت سابقا لانه الأطفال ليس عندي مع من اتركهم
لكن هلا تجيني فكرة أني اشتغل و أقوي نفسي و أبقى على تواصل مع أطفالي و رح اخليه يربيهم بس و أساعده أكيد لكن يعيشون معه يعني عشان أبقى قريبة منهم بس لكن ما أخطئ بيته و لا طبخ لا غسيل ولا شيء يدبر حاله حتى يعرف قيمة شغل البيت مع شغل الأطفال
قرار صعب. و خائفة أطفالي يكرهني لكن خائفة يكبرو و كل واحد يعمل حياته و أنا يرميني رمية الكلاب فلا أنا عشت حياتي ولا أطفال بقوا معي
خاصة هون الكل يخرج من منزل الوالد في سن 21 تقريبا
نورني و وجهوني