أنا زوجي أولى وزوجي تزوج علي وله سنه من تزوج ، وصراحه ما أخفيكم أني الان صرت ما أكن له اي مشاعر ، وطبعا اول ماتزوج صرت ما اهتم فيه و لا أدور عليه ولا اسأل عنه ، حتى لما يجي بيومي اطلع من البيت لأني مابي شوفة وجهه ، طبعا أنا جميلة ومثقفه وصغيره بعد لكن اللي عندي ماحس بقيمتي الا بعد ماتزوج ومن أعطيته طناااش جاني يركض وراي ويدور رضاي لكن بعد إيش ؟وقبل شهرين جاني خبر ان ضرتي تقول لخوات زوجي ان زوجي ماتزوجها الا وهو يبي الدلع و الحب اللي مالقاه عندي ؟! وماخلت احد وماقالت له كذا ؟! ع الرغم ان زوجي ساحب عليها ويجيني كثير مرات بيومها ولها وجه بعد تقول ذا الكلام ؟والآن زوجي له تقريبا أسبوعين عندي وهي بس تتصل علي وترسل أني ما اخاف الله و أحرض زوجي عليها وتبغاني أقول لزوجي رح لها واعدل بيننا لكن ماحزرت هههههه اجل أنا بعقلي يوم أني ابي الخير لضرتي ؟ و !!!
المهم الأيام هذي صرت أفكر كثير أني أزوج زوجي في وحده من جماعتي انسه عمرها تقريبا 30 سنه وتبي الستر حتى لو معدد ففكرت ان ازوجها لزوجي ابي اكسب اجر فيها وقلت لزوجي عنها وقال اذا أني برضى عنه فيبي يتزوجها قلت آيه فقال توكلي ع الله واخطبي لي و ضرتي سمعت من خوات زوجي أني بزوجه وحده من جماعتي وزعلت وسوت مشاكل وكل شوي ترسل لي رسايل تهديد وأنها بتاذيني وتأذي أولادي ؟!! صراحه خفت منها أنا اهم ماعندي عيالي وش تنصحوني أسوي معها ؟ ابلغ عليها ولا اعلم عليها زوجي واوريه رسايلها ؟

(مستجدات الرد47)

http://66n.com/forums/showpost.php?p...6&postcount=47

(مستجدات الرد60)

http://66n.com/forums/showpost.php?p...3&postcount=60

انا دائما في صف الزوجة الاولى الله يكون في عونكن
المهم هل حقا تريدين تزويجه ابتغاء الاجر؟
ومايدريك انه لن يسحب عليك بعد ذلك وتعرف هذه الأخيرة كيف تجذبه اليها لا تظنين ان كل النساء كضرتك فتعضين اصابع الندم اما ابناءك حصينيهم وادعي الله ان يحفظهم

ضرتك ما عرفت تكسبه زيك ما عرفتي تكسبيه
ف لا تغامري وتزوجيه
وتطلع الثالثه اذكى منكم الثنتين وتكسب قلبه💓

أنا ماهمني زوجي أنا اهم شيء عندي أني أسوي خير في المسيكينه اللي تبي الستر
والله لو يروح لها ويقعد عند الثالثة شهرين أني انبسط والله ماعلي بزوجي من تزوج وانا خلاص غاسله يدي منه

لو همك الخير
دوريلها اعزب لساتها صغيره

ولا تقولي ما همني زوجي
لو ما يهمك ما فكرتي تزوجيه لا ثالثه ولا رابع

طرق الاجر كثيره ما حبكت تنتقمي من زوجك وضرته
على حساب بنت تبي الستر على قولك
ما تبي المشاكل

__________________

رَّبِّ اغْفِرْ لِي خَطِيئَتِي يَوْمَ الدِّينِ

سؤال يا نهال..

ماذا لو رفضت قريبتكِ هذه الزيجة؟

__________________


اللهم طِيبَ الأثر .. وحُسْنَ الرحيل.

انتي الي بتخسري ياعسل

والله أخت صديقتي سوت زيك خطبت لزوجها بسبب انه ضرتها اشتطرت انه مايتزوج عليها الثالثه واختارت له وحده وقالها متأكده مارح تزعلين قالت لا والله ولما تزوج باركت له في كل البرامج وبالفعل حرت الثانيه لكن الثانيه تطلقت وسارت الثالثه ثانيه وطلعت عيووووووونها ومن القهر راحت زعلانه عند أهلها وزوجها انقهر زوجتيني وتزعلي وتركها لما رجعت لوحدها وهاهي تتعذب بقرارها الغبي


دام زوجك يحبك وراجع لك أقضبي أرضك واتركي عنك زوجته ولا تجيبي لنفسك مشاكل انتي في غناء عنها

اذا عاملتي هذي ضره الي بتختاريها بتكون شغاله مثلاً لا حبيبتي بتعاشر زوجك وممكن تخطف قلبه الي ماقدرت تخطفه الثانيه
خاصه انك قلتي بتاخذي أجرها عز الله بتروحي فيها

أنا قلت أني ماعلي بزوجي هو اللي يجري وراي ولا أنا بنفسي كارهته ولا ابي شوفة وجهه وذي وحده من جماعتنا مسيكينه وملتزمه وتبي الستر وانا ابي اكسب فيها اجر

يطرد وراك لانك تغليتي عليه
ولو تغلت ضرتك تركك ورجع يطاردها
هذي معادلة الرجل اللي بعض الحريم مو راضين يفهمونها
الرجل يحب يطرد ما يحب ينطرد وراه

اعيد واكرر
اتركي البنت بحالها
قال اكسب اجر فيها قال
وليش ما فكرتي فيها قبل يتزوج زوجك وزوجتيها له وكسبتي اجرها😆

قال ايش ابي اكسب فيها اجر
اتركيها بحالها وبتكسبين اجر برضو

وتقولين ملتزمه حلو
يعني بكره لو ظلمها زوجك
تدعي عليك دعوه محترمه تصيبك او تصيب عيالك