السلام عليكم, كيفكم
سبحان الله هذا موضوع الحريم الأبدي والأزلي ،، يتركونه فترة ويرجعون يتكلمون فيه مرة ثانية
بس فعلا مشكلة ، كل الطرق فيها عيوب ، ولا وحدة مريحة
الحلاوة تسبب ترهل ،، وكلام ناس مجربين ،،، طبعا بتجي وحدة عمرها 17 او 19وتقول والله ما اشوف انها ترهل ( الجسم يكون في مرحلة نمو لحد عمر 20 بعدين يبدأ العد التنازلي)
بس اسألي وحده عمرها فوق 24وتستخدم الحلاوة من زمان،، خاصة المنطقة الحساسة لانها رقيقة ،
اليدين والرجلين،، تترهل بس بشكل غير ملحوظ لان الجلد يكون سميك (وتنشد بالرياضة ، بس الشي الثاني وشلون
الشي الثاني الموس ما يسمك الشعر، يطلع زي ما هو ، بس لان الحلاوة تنعم وتخفف الشعر ، تحسون ان
الموس يخلي الشعر سميك ، وفعلا الحلاوة تسبب برود ،، لان مع الالم المتكرر اللي تسببه ، تموت الاعصاب ويخف عندك الاحساس
( تجربة بسيطة ، خلي احد يضربك مع يدك 15 مرة بقوة ، تتألمين في البداية ، بس من بعد الضربة 10 ما عاد تحسين بشي)
اللي تعاني من مشكلة في استخدام الموس ،، كثير يستخدمونه خطأ
الموس ما يستخدم الا بعد ما تتروشين وتنظفين المنطقة ولا تستخدمين شي معطر ابدا بعدين ادهني المكان بزيت جونسن حق الاطفال واتركيه 5 دقايق بعدين شيلي ولازم يكون الموس حاد واصلي ( ماركة Gellete ) حلوة غالية شوي بس زينه ولها رؤوس تباع لحالها
بعد ما تشيلين غسلي بصابون ما يكون معطر ( انا استخدم صابون غار) بعدين مسحي بليمون او مسحة طبية او ماء مالح ، واتركيه 3 دقايق وبعدين اشطفيه ودهني بزيت جونسن وخلاص
بيطلع الشعر تقريبا بعد 3 ايام بس بدون التهاب ولا حكة ولا شي
هذي طريقتي وبس