الكل يدخل بلا استثناء تجربتي للمنطقه .... وأخيرا بفايده والحمد لله
موسوعة كااملة لكل مشاكل المنطقة الحساسة (من خلاصة تجاربي في سنين مضت أنا وأخواتي وصديقاتي ومعارفي ويعلم الله كيف كتبتها ونقلتها لكم )
((لا أسمح لمن يأخذ أي موضوع لي أو يقتبسه وينسبه له فسأحاججه به يوم القيامة))
بسم الله الرحمن الرحيم وبه نستعين.....
أخواتي الكريمات في كل مكان أحب أرحب فيكم وما راح أطول عليكم بمقدمات طويلة لكن ألي بقوله والله أني ما خليت شي للمنطقه السفلية ألي أكيد كلكم تعرفونها علشان تفتح
وهي أبدا خبر خير ألين ما ساعدني الله بها لحل ألي ارجوا انه ينفع الجميع لكن ترى البرنامج يبيله صبررررررررر واجد وهمه وعزيمة وتوكل على الله وبإذن الله بتشوفين النتائج بعينك ومن بعدها مابي منك إلا كل ماذكرتي مشكلتك ألي انحلت دعوه حارة لأخت لكم بظهر الغيب إن الله يفرج همها ويعطيها مناتها على خير والبرنامج حصيلة تجارب عديدة ومرور كثير بصفحات النت فالرجاء قراءة الموضوع حتى النهاية المهم بدون إطالة إليك الحل بإذن الله.....
الأدوات :
1-زيت فلبيني أخضرGREEN PEELING OIL قيمته 25 ريال سعودي يوجد عند العطارين على الأغلب بسوق أوشيقر بالرياض وفي حي الكندرة بجده عند العطارين وتراهم يغلون قيمته لين يوصل 40 ريال أحيانا.
2- مقشر من محلات الفلبينين أما بيبي فيس RDL-Baby faceRX3 أو اكسترا ديرم وخوذي أقوى رقم من رقم 3وانتي طالع وقيمته 10 ريال وبالصيدليات ب12 آو 14 ويوجد في محلات الفلبينين بعمارة الراجحي بالبطحاء جيبي حبتين أو ثلاث.
3- فازلين أصلي مو السوري ولا الهندي وطبعا الكل يعرفه ...... وقيمته 12 ريال تقريبا .
4- زيت بيبي جونسون أي نوع بس مو الجل زيت أطفال والسلام قيمته 10 ريال .
5- ليمونيتين _ شويه زيت خروع _ زيت لوز _زيت سمسم_ مغلي مراميه وبابونج وزعتر بري مو حق الأكل .
6- ملح الحليب اليوكو سبا وفيه منه أنواع عديده ولك حرية الاختيار بأي نكهة تحبين قيمته 5ريال سعودي وساعات 6 ريال يوجد في محل الفلبينين برضك وكمان في محلات أبو ريالين الكبيرة.
7- أي صابونه تحبينها بس تكون تبيض مثال Whitening soap أو صابونه الكركم أو البابا يا ولو مرة انعدمت الحلول صابونه ديتول الكبيرة بأربع ريال والصغيرة بريالين وممكن اقل وممكن صابونه الغار السورية المهم أي صابونه بدون عطر وممكن صابونه بيزلين بالعسل .
8- علبة بي كربونات الصوديوم في أي بقالة ب2ريالين ممكن تستخدميها كغسول نسائي بإضافة ملعقة إلى كأس ماء دافي وممكن تستخدمينه حسب الطريقة ألي بقولك عليها تحت..
9-فوطة بيضاء نظيفة ناعمة أو ممكن أي لون .
10-أي مرهم للحساسية ممكن الفوسي كورت أو فيسودين أو كيناكومب مو عارفة أي نوع حلو وغالبا أسعارها حول 20 ريال.
11- أي كريم لما بين الأفخاذ بس لا يكون الدوكين فورت أو الرتين أي انتبهوا بعطيكم أسماء وانتم براحتكم وممكن تسألين الصيدلي أو يكون الدكتور كاتبه مثال:
أسمهاglabridine من ماركةTriodاعتقد سعره 120 والله ناسية من زمان كان عندي.
أو من ماركة بيزلين لأنها ماركة طبية جيبي أي كريم مبيض لهذي المنطقة.
12- علبة جلسوليد الأصلي الكبير معصور عليه فنجانين ليمون.
الحين نجي للطريقة وهي كالتالي.....
الكورس الأول: ( التقشير والتجهيز)
طبعا الكورس يبيله 3 شهور وعلى فكره طوال هال فتره لازم تنسين شي اسمه كلوت تشترين شورتات قطنية وتستعملينها لحالها وبس وإذا اضطررت للكلوت فور انتهائك من غرض لبسه استبدليه بالشورت والبنات بالذات أنصحكم بس بلبس الشورت لين ما تتزوجين ولو عندكم بنات يا لمتزوجات أهم شي الشورتات القطن الأصلية لا تشترين لها كلوت من اصله ولو قالت يقرص ومن ذا الكلام طنشيه أهم شي النظافة وكمان الدهن والشورت ولا بتعرف بعمرها سواد بإذن الله وترى البرنامج ما ينفع إلا للي سوادهم مره قوي مو ألي سوادهم خفيف وممكن ما ينفع وحده استعملته خطأ أو ما ناسبها انتبهوا من الأول والي خايفه من المواد المستخدمة لاتقرب من البداية احسن .
أولا نبدا بشيل المنطقة بالحلاوة أو الآلة بعد نهاية الدورة مباشرة لازم مباشرة ولاحد تقولي الموس تراه أبدا ما ينفع لأن أول ماتبدأين الكورس تلقين الشعر قد طلع وما تستفيدين شي المهم بعد كذا لمدة أسبوع تدهنين المنطقة الداخلية(الشفريين والعانه حول فتحة الشرج وحول المهبل) بالزيت الفليبيني الأخضر واحذري تدخلين شي لداخل فتحة المهبل ترى احذ رو تراني نبهت كل يوم بالليل قبل النوم نظفي المنطقة زين طبعا تغسلينها بصابونك ألي ذكرنها وتجففين المنطقة ومناديل أو فوطة وتتأكدين من جفافها ثم تتدهنين وتنامين فيه والصباح أول ما تقومين سوي نفس الشي بعد يومين بتبدأ حكة وحرقان شوي عاد ابدأي استخدمي المرهم حق الحساسية بالعصر وممكن بالليل بعد ما تحطين الزيت المهم لاجاء يتقشر الجلد اتركيه يطيح من نفسه لا تشدينه بيدك انتبهواااااااا ولا تخافين يحرق بس كلها أسبوع ونص وتنتهي العملية بعدين بعد أسبوع نبدا بالمؤخرة ومابين الأفخاذ نبدأ بالبيبي فيس أو اكسترا ديرم ألي موجود عندك نفس الشي قبل النوم وفي الصباح تغسلين المنطقة بصابونه وتجففيها زين بعدين تصبين في قطنه من المحلول وتمرريه على كل المناطق المطلوب تفتيحها باستثناء المناطق الداخلية ألي خلصنا منها ولاتغيرين القطنه حتى لو امتلت ألي ما تخلصين كل المناطق ارميها وطبعا كل يوم قطنه وحدة لان لو غيرتيها بيروح محلولك في القطن وبعد ثلاث أيام لما تبدا المناطق تتقشر صيري بعد كل استخدام بعد ما يجف المحلول تدهنين كل المناطق بزيت الأطفال حتى الداخلية ادهنيها بزيت الأطفال لمدة أسبوعين.
استراحة إجبارية:
الحين بتكون جتك الدورة يا حلوة ماعليكي إلا تريحين تصيرين تستخدمين فوط قطنيه انتبهي من البلاستك اولويز وما شابهها عندك مثلا سندريلا الكيسة بريالين وهي قطنية ورهيبة لان من ضمن مسببات السواد الفوط البلاستيكية أو النايلون وتصيرين بعد كل حمام تنظفين زين وتدهنين كل المناطق بفازلين ألين ما تخلصين الدورة ترجعين تشيلين المنطقة بالحلاوة أو الاله وتبدئين بالكورس الثاني.
الكورس الثاني: (التبييض والتلميع)
الحين نبدأ بغسل المنطقة يوميا بالصابونه صباح ومساء واحرصي كل يوم لازم تنظيف المنطقة بعدين ترطيبها المهم طبعا بعد ما تغسلينها بالصابونه تخففين المويه مو تجفيف نهائي بعدين تجيبين ملح الحليب وتفركين المناطق الداخلية والخارجية بشكل دائري قد ما تقدرين بعدين تتركينه على الجلد لمدة خمس دقا يق ماعليكي هم كاتبين ثلاث أنتي خليه خمس زيادة الخير خيرين ولما تخلصين تدهنين بالكريم المبيض ألي اختر تيه لمدة ثلاث أسابيع يوميا على هذي الحالة بتكون جتك بعدها الاستراحة الاجباريه وبتسوين فيها نفس ألي سويتي في ألي قبلها . وللحديث بقية في الجزء الثاني.

مشكوره بس الطريقه صعبه ويبغى لها وقت حتى اشتري كل الاغراض

وعندي سؤال ليش ما تبغين احد ينقله حتى يستفيد منه الجميع

حتى لو كتبنا اسمك لمواحزاني
ما راح احد يعرفك ولا يعرفني

انا لما اكتب معلومه استانس لما القاها منقوله في مكان او منتدى اخر

شكرا لك والله يعطيك العافيه باين عليك تعبانه عليه
كذا الواحد ينفع الناس ولا بلاش

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

الله يجزاك الخير ...فعلا انا محتاجه لمثل هذه الكورسات .. وماراح انساك يالغالية من الدعاء....



شـــــــــــــــــــــــــــــــــــكـــــــــــــ ـــــــــــــــــــــرا لــــــــــــــــــــــــــــــك

الله يفرج همك وهم جميع المسلمين



اختك ام تركي

__________________

لاعادي اختي انا ماكتبته الا علشان الفايدة والله بس حرام وحدة تنقله وتنسبه لنفسها وانا الي تعبت عليه كل هالتعب والاهم انها تأخذ الدعوات علي لو بتنقله باي منتدى وتكتب اسمي وتطلبهم يدعولي عيوني للكل وانا بخدمة خواتي المسلمات وباخر الموضوع بالجزء الثاني بتلقيني طلبتهم ينشرونه للفائدة وجزاك الله خير ويالله الهمة اشتري الاغراض وماراح تحسين والله الا وانتي مخلصه وسلمتي ياقمر ....

ينقل لعالم المرأة والأزياء

يسلموووووووووو اناملك يا اختي ويعطيك الف عافيه والله عجزت وانا ادور مثل هالموضوع من زمان وانا اعاني من هالمشكله
وياليت حبيبتي اذا تقولين لي طريقه اشيل فيها المنطقه بالحلاوه بدون الم او على الاقل يخف الالم شوي لاني ما استحمله وعشان كذا استخدم الموس




انتظر باقي الموضوع بلهفه

الكل يدخل بلا استثناء تجربتي للمنطقه .... وأخيرا بفايده والحمد لله (الجزء الثاني)
بسم الله الرحمن الرحيم وبه نستعين.....
نكمل الجزء الثاني ترانا وصلنا عند الكورس الثالث
الكورس الثالث والأخير: (العناية والمحافظة).
طبعا مثل كل مره بتشيلين الشعر وتجيبين قارورة تحطين فيها مقدار فنجان ماء سبق وان غليتيه مع مراميه وزعتر وبابونج وتحطين فيه مقدار نصف فنجان من الزيوت المذكورة في رقم 5من كل زيت تأخذين نصف فنجان وعليهم عصير لميمونتين للتذكير( سمسم –لوز-خروع) وبعد كل دخلة حمام تصيرين تمسحين بقطنه هذي الأماكن أكرمكن الله وطبعا هذا بعد التجفيف للمنطقه من الماء و طبعا كل ما راح تقومين من النوم الصباح بعد قضاء حاجتك تغسلين المنطقة بصابونك وتدهنينها بجلسوليد ألي عليه ليمون وبالليل نفس الشي باقي اليوم أنتي حره بس افضل شي الخلطة ألي قلتلك عليها استمري عليها طول عمرك ما تضر كمان مرتين بالأسبوع أو اكثر سوي ملح الحليب بنفس الطريقة ألي قلتلك عليها وادهني بعده بجلسوليد ترى الخلطة حق الزيوت والجلسوليد استمري عليهم طول عمرك عاد ترى الجلسوليد لازم فيه ليمون للعلبه الكبيرة فنجانين وللوسط فنجان وللصغيره نصف فنجان وتراه مو اللوشن الكريم وفيه اصلي وتقليد الأصلي يكون ثقيل موممكن ينكب من العلبة حتى لو قلبتيها بس التقليد لا سائل افتحوها عند البائع كمان في الأسبوع مره أو مرتين اغلي زعتر في لتر ماء مقدار قبضتين من يدك زعتر وبعد ما يغلي صبيه بطشت ولما يدفى بحيث انك تقدرين تجلسين فيه اجلسي لمدة عشر دقا يق وخذي شهيق وزفير كأنك تدخلين الماء لجوه وترجعين تطلعينه وممكن التشكيل مره بابونج ومره زعتر ومره مراميه لا تستهينون بالشي هذا والله مره منظف ومطهر رائع ولا تحتاجين بعده غسول نسائي ولاشي وقولي للإفرازات وداعا كمان ترى حتى البنات عادي لهم كمان لو تبغين التضييق اغلي قشر رمان وسوي هالشي بس ثلاث مرات بالأسبوع وان شاء الله النتيجة بترضيكي كمان كم مره بالأسبوع جيبي فوطة بيضاء حطي عليها شوية بيكربونات الصوديوم وامسحيها على المنطقة شرط تكون المنطقة رطبه مو مبلولة بس رطبه شوي ترى والله أسباب السواد هي قلة النظافة يعني أحيانا في ناس ما تغسل بالصابونة ولا تنظف زين بعد كل حمام كمان فوط الدورة النايلون وكمان الكلوتات بالأخص للبنات والمصيبة الأكبر أننا ما ندهن ولا نرطب أجسامنا خصوصا المناطق الجافة زي الرياض وغيرها كمان الحف وإزالة الشعر مهم جدا لان لو تكدس الشعر مع الوسخ الله المستعان كمان بعد الحف أو إزالة الشعر حطي عصير ليمونه مع شوية نشأ وماء ورد وشوية حليب باودر اعجنيهم سوا وحطيهم على المنطقة مباشرة بعد الحف قبل تغسلين بعدين اغسليها بصابونه ديتول أو امسحيها بمسحة طبيه أو مناديل ديتول وادهنيها بكريم فيسودين مدة ثلاث أيام لين يخف الالتهاب وعلشان ما تطلع حبوب ولو طلعلك شعر تحت الجلد في أي منطقة بجسمك استخدمي أي واحد من هالكريمات ألي بقولك عليها:
1- calmurid crème1-mg يستخدم مرتين باليوم صباح ومساء لمدة شهرين لونه ازرق وكحلي وراح تتخلصين من المشكلة بإذن الله.
2- أو هذا اللوشن TEND SKIN وانتبهوااااااااااااااااااااااااااااااااااااااااااا اااااااااااااااا يا حريم لبنوتاتكم الصغار علموهم من الطفولة تنظف زين عقب كل حمام وتتدهن وعليكم بالكلوت كفاية إحنا ضيعونا أهالينا بجهلهم وإهمالهم وبالنسبة للغسولات النسائية في كثيرة خذي لك منها استخدميه مرتين بالشهر بعد الدورة ومره على كيفك مو اكثر واليك بعض الأسماء ألي راح تفيدك بأذن الله وبرتبها حسب الأفضلية له :
1-cyteal وهذا اكثر من ممتاز بس معدوم من الأسواق السعودية تقريبا.
2-femfresh ممتاز.
3-aveno fluide حلو ورائع.
4- oil atumبرضك كويسة .
5- صابونه أخذتها من منتدى .... صناعة بيت مره حلوة وتبيض وهي انك تجيبين صابون غار وتبشرينه وتنقعينه بماء ورد بعدين تضيفينله شوية حليب بودرة يعني تقريبا ملعقة أكل وحده وتحطين بقدونس مفروم وتحطينه على النار لين ما يسخن تأخذينه وتوزعينه بقوالب ولاجمد استخدميه بس هذا ترى مو للمنطقة الحساسة للجسم وممكن للمنطقه كغسول عادي ولو كنت مسوية عملية قيصرية أو أي عمليه أخرى وتاركة سواد واثار اليكي هذا المرهم ألي بيفيدك بإذن الله AHA-CONCEPT من ماركةWDMER شرط يكون مر على العملية سنه أو اكثر مو جديده علشان لاتوهقوني معكم وللتشققات مافيه غير الحلول ألي بقولها أو عمليات تجميل تجيبين لتر خل التفاح وتنقعين في كوب لسان البحر مطحون ومعهم كوب قهوة تركيه تتركينهم متغطيين مدة أسبوع بعدين نستخدمهم ولاتقولين بسويهم مع الكورس ترى ما ينفع هذا بعد ما تخلصين المشاكل ما يبقى إلا التشققات تسوين هذا الشي المهم بعدين تحطينه على جسمك وتفركين زين وتتركينه اكثر مدة ممكنة البنات احسن لو تنامين فيه بعدين تغسلينه وتحطين هالمرهم: لوشن الكولاجين والاستين stives elastin collagenأو أي مرهم يحتوي على هالمادتين وتقريبا قيمته 90 ريال أو 60 ناسية والله وبعدين كدهان عادي استخدمي زبدة الكاكاو من شركة بالمرز أمريكية بس الله يأخذهم مفيدة أو الالعن زبدة الكاكاو من ذا بودي شوب اليهود بس نحتسب الأجر انه علاج وبالنسبة للحبوب في المؤخرة تجيبين ملعقتين حليب باودر على شوية ماء ورد مع منقوع المرة وتعجنيها سوا بعد ما تكونين نقعتي المرة قبلها بيوم تغسلين المنطقة المصابة بعدين تنشفيها وتحطين الخلطة واستني لما تجف على نفس المكان بعدين البسي ملابسك وباتي فيها أو خليها مدة ساعات بعدين كأنك تقشرينها بعدها اغسليها بصابونه ديتول وحطي عليها هذا المرهم قيمته 7ريالskinoren يوخر الآثار وعلشان ماترجع كل هالبلاوي عليكي بالشورتات والكيولتات القطن واخيرا تم بحمد الله بعد كتابة سبع ساعات وبالعافية عليكم الموضوع أتمنى أي وحدة تقدر تنشرة بالمنتديات النسائية...................تنقله بس تنسبه لصاحبته وما راح أسامحها ألي تلطشه بدون ما تعلم المنتدى ألي كتبت فيه مو لشي والله بس لحاجة الدعوة ألي بتوصلني ولا الغرض أساسا والله قبل كل شي عموم الفائدة كمان بالنسبة للعرايس هذا أول درس أحطه لكم بعدين فيه دروس ثانية لباقي الجسم لحد ما تصبحين قمر بإذن الله بس حسب تفاعلكم معي إذا عجبكم الموضوع وحسيتكم محتاجينه من عيوني وتراه يناسب المتوسطين الدخل أو الدخل القليل يعني كل ألي قلت عليه يمكن كأقصى حد يوصل 500 ريال بس امانه تدعو لي بالخير وان الله يعطيني ألي في بالي ويرزقني الزوج الصالح والذرية الصالحة بإذن الله أنا وكل أخواتي المحتاجات وبنات المسلمين أجمعين . والعذر والسموحة على الإطالة.

يمنع الدعاية لمنتديات أخرى..ولو على سبيل الذكر..احترامي حائزة الأمل

لكل اخواتي الي ردوا ابشرو لايهمكم مع اني زعلانه ياكثر الي قروووووو ولا ردوا يمكن ماعجبهم
بينحذف موضوعي رغم انه خلاصة كل شي بس براحته كفاياني ردودكم ياعسل وعسى الله لايحرمني منكم .
ملحوظة:
دمجت الموضوعين في وااحد علشان يكون اسهل ياليت الثاني ينحذف بس تبقى الردود هنا وسلامتكم عاد ياليت المشرفات يساعدوني وجزاكمم الله خير.
اختكم لموا احزاني

توحه ياعسل انا ماعرف طريقه بس كنت خوافه زيك وصرت شجاعه وتعودت وبتلقين عند الاخوات كثير طرق وممن تجربين شمع فيت اسهل واسرع او المخدر الي يقولون عليه البنات والله اعلم

مشكورة اختي ما قصرت
بارك الله فيك

__________________