انا اشتريت لولدي الصغير لعبة وجات أمس بالعصر لاني كنت طالبتها من موقع اجنبي
المهم جاء زوجي وشافني مع ولدي العب معاه باللعبه اللي جبتها له ..
ويطالع فيني وهوا رافع حواجبو كأني مسويه جريمه ، ناداني وقال تعالي الغرفه التانيه ابغاكي ضروري جيت وقعد يخاصم فيني يقول ايش دي اللعبه اللي جبتيها له قلت ألعاب طبخ ايش فيها ؟ قال انتي شايفه فلان ولد ولا بنت قلت له ولد قال طيب ليش جايبه له ألعاب زي كدا يلا قومي خذيها وشوفي لك معاها صرفه قلت له سلامات اشبك انت ؟ ترى اللعبة عاديه ومافيها شيء ايش دخل بنت و لا ولد ؟ ليش الطبخ بس للحريم ؟!! قال ايوا انو دا الشيء المتعارف عليه ودي ألعاب بنات مو اولاد قمت جبت اللعبه وكانت ع اللعبة مرسومة صورة ولد مو بنت قلت له شوف هاه هما سوو دي اللعبه للأولاد زعل وعصب وحلف اني أرميها ...
انا قلت له لا تحلف ولا حاجه انا اللعبه اشتريتها بفلوسي وغاليه بـ 400 ريال مع التوصيل و اذا رميتها كاني شت النعمه برجلي و انو ولدي مرا مبسوط فيها وانو انت لازم تراجع نفسك لان اللعبه مافيها شيء وطبعا من أمس لليوم زعلان وعشان ايش ؟ عشان للعبه ؟؟ برأيكم ايش اسوي معاه اطنشو ولا كيف اتصرف معاه؟؟


حلت الرد55

http://66n.com/forums/showpost.php?p...1&postcount=55

لا تطنشيه عشان مايكبر الموضوع لانو مايستاهل من اساسو ^^
كلميه وحاولي تفهميه الموضوع اكثر ولو مارضي حاولي ماتخلين ابنك يلعب باللعبة و هو موجود بالبيت

كم عمر الولد الله يحفظه؟

__________________

خلاص أعطي اللعبه لأحد ، وأشتروا له سياره ، وانتهت المشكله العويصه

حمدلله والشكر زوحك معصب قام حط حره في اللعبه وكبر الموضوع عادي يعني لعبه مافيها شي انا قلل فتره كمان طلبت لولدي فرن مع قدور وكذا وكان ولدي اللي شاف اللعبه واختارها عادي قوليله هو إختار اللعبه وترى الموصوع تسليه وترفيه لا اكثر معليش يعني لو جايبة له لعبة مكياج وكذا يتكلم لكن ادوات طبخ مافيها شي

بيعيها واشتري للولد شي يناسبه
فعلا غريب انك جايبه حاجات طبخ

عندي 3 اولاد ماشاء الله
مستحيل اجيب لهم - لعبة طبخ -
كمان ب 400 ريال ؟؟؟؟؟؟؟

شكله انقهر من طريقة تصرفك بالمال
و على شي ما يستاهل

اللعبة عادي خليه يطبخ من صغره ويتعلم ..
للمعلومية اصلا بادي اشوف الشباب العزاب يطبخون ويعرفون كل الطبخات الاساسية. والبنات العازبات ما يعرفون يسون بيض ! ههههههها

لعبة طبخ ب 400 😲😲.؟!!

معاها إنه مستحيل أشتري لأولادي لعب تخص المطبخ
لأنه في ألعاب كثيره تخص الاولاد

لكن قيمة اللعبه بالعكس أتمنى نخسر في ألعاب تحرك جسد الطفل
ولا آيبادات قيمتها الضعف تلعب في عقول الصغار وقدراتهم