من جدك مهندس بتنزلها السوق بس رمضان والعيد تمزح صح ؟؟؟؟
على بالك حنا نلبس ثياب وشمغ ؟
تقريبا كل شهر شهرين مره ولا مثلا اكرر الفساتين والملابس مليون مره لما انزل للعيد لا طبعا وهالشيء ببيت اهلنا كنا نعمل شوبينق للجامعه وللطلعات وللاجتماعات ولزوارات الصديقات يعني بروح لصحباتي مره كل شهر معقول بكرر اللبس لا !!
لو الشوبينق بس مرتين بالسنه حسب كلامك يسكرو المولات افضل .. بعدين احنا احتياجتنا كثير مرا شوبينق ملابس خرجات ومرا شوبينق بجايم وملابس بيت ومرا للمكياج والعطور والمجموعات العطريه وكذا مو لازم كل مرا انزل اشتري ملابس ولا شنط ممكن انزل اشتري روج واتعشى ونطلع اهم شيء تغيير الجو وشراء الناقص واذا جاك اطفال يووو لازم تنزل تتقضى دوريا لان ملابسهم تصغر وتبلى ... ارخ يدك بالموضوع بالذات ..
ومو كل شيء غالي المولات على حسب القدره الماديه في بشيء بسيط وفي ماركات معقوله وفي الماركات العالميه وكلن على قد لحافه يمد رجليه ..
مطاعم وتمشيه لازم ولا تبي تحبسها بللبيت هي تعطيك حقك كامل وتنظف وتطبخ وتنفخ ولا جاك اطفال ربتهم بالله ماتستحق ترفيه ك سفره سنويا ومطاعم وكوفيات ومولات وتمشي دوريا او كل ويكند مو لازم تشتري من المةل مجرد عشا وتمشيه .. وهذا احسه امر طبيعي محد يدقق فيه ! فقرة حريم اول اللي جالسه بالبيت اربع وعشرين ساعه خلاص اندثرت ذاك جيل الطيبين الان مقابل ما انا اسعدك وادللك واريحك والبس وارقص واهتم وافتح نفس زوجي للحياه برضو ابي مقابل ودلع وعاطفه وفلوس حريم اول كانو فعلا ربات بيوت ممتازات بسس يجهلهم النون ومايعلمون ماتمتعك ابد ولا تتصلح ولا تلبس تهفهف بهالروز ولا قمصان اللبيت الملونه ههههه ولا تهتم لا برشاقه ولا بمكياج ولا بدلع وهذا وقتهم كان مايجوز نلومهم ... الان البنات غيييييييييييييييير وتعرف من اين تؤكل الكتف الله يوفقك ببنت الحلال اللي تسرك وتسعدك طول عمرك

ينقل إلى قسم السعادة الزوجية حيث مكانه الأنسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

انا مستغربة ان الاتهام الاول يكون للمرأة في سبب الطلاق
ثم يأتي احدهم ويقول الحمدلله ان الطلاق بيد الرجل
طيب ليش الحمدلله الطلاق بيد الرجل
لان الرجل اعقل واحكم وماشاء الله عليه
طيب الأعقل والاحكم والماشاء الله عليه ورآه طلق زوجته يوم اصرت على طلب الطلاق
مو هو الأحكم ، يعني من الخطأ انه ياخذ برأي زوجته في مسألة طلاق !!
خلاص يضرب بطلبها عرض الحائط دام انه احكم

مشكلة الطلاق اعتقد سببها جهل بعض الرجال لمعنى القوامة يعتقدها أوامر وبس وسمع وطاعة
رجلين زوجاتهم خرجن لأهلهم غاضبات وكلها على ماقيل اسباب هينه ، وفترة زواجهم قصيرة
الاول راح لأهل زوجته التقا فيهم سمع منهم سمعو منه، وسمعو من بنتهم وسمعت منهم
اهل البنت اخذو كلام الرجل على محمل الجد في كل سلبية ذكرها الزوج عن بنتهم وناقشوها في الامر ، البنت اعتذرت لزوجها عن خطأها ومدري اذا هو اعتذر او لاء
النهاية الرجل أعاد زوجته الى بيتهم واستقبلها خير استقبال والآن لهم سبع سنوات حياتهم مستقره و لله الحمد
نفس السالفة حصلت مع رجل اخر ، اهل البنت التقو بالولد سمعو منه ومن بنتهم ، عاتبو بنتهم باللي صدر منها ، البنت اعتذرت لزوجها ، زوجها ما اعتذر ، زوجها تركها عند اهلها وتدق عليه وجاحدها ، استمر هذا الامر شهووووووور ، تعال وش تبي وتصلح اموركم ، يرد انا الحين قاعد أدور زوجة ، بنتكم اذا تبي ترجع ابيها وأبيها تفعل وتفعل ، ماطلب اعتذار طلب أمور تمس كرامة البنت واهلها قد لا يرضاها لاخته ، مع إرسال عفشها.

(هجر ، إرسال أغراض ، تسفيه ، أدور زوجه ، وش يفهم من هذا )
الا ان الرجل بايع ، بعدما حصل الطلاق وتفرق الطرفين ، قال ماكنت ابي الطلاق كنت بأدبها!!!!



ايهم الان افهم بالقوامة

هههههه
اقسم بالله البوم قريت موضوع
وحدة تقول بنفصل من خطيبي
لان شواربة طوال

__________________
سبحان الله وبحمده سبحان الله العظيم

عذرها مقبول !!
عند اللي يبي يطلق زوجته
لانه توه ينتبه انها قصيرة بعد زواجة !!!!! سلامات
قَص شواربك وش يضرك ، لكن ذي وش يخليها طويله

في النهاية الزواج و الطلاق والزواج بثانية قضا وقدر مكتوبة للنسان

__________________
سبحان الله وبحمده سبحان الله العظيم

غير انها اقدار مكتوبه برضو بيد الشخص العمل بها

انتا دايم تلمح للزواج بالثانيه بالردود الله يستر على ام عيالك ههههه

شكرا على النصايح واحاول اخذ بها
باستثناء اني اتزوج موظفة عندي تحفظ على ذلك
مشكورة اختي

مع كامل احترامي اهل البنت مالهم علاقة يجي يتفاهم معاهم وتعالوا شوفوا سبب ان بنتكم طلعت من بيتي وجات عندكم زعلانه

وين كلامكم مشاكلكم تقعد بالبيت ماتطلع لان اهل الزوج واهل الزوجة يكبرون السالفة

بما انك عطيتيني سالفة الرجلين خذي عندك رجل ثالث زميلي بالعمل

زوجته تلح عليه نبي نسافر قالها السنة القادمة ان شاء الله
جات السنة القادمة وقالت بنسافر طبعاً خارج المملكة قالها تونا انتقلنا وتأثيث البيت اولى
رفضت واصرت على السفر وهو اصر على التأجيل لان البيت والتأثيث اهم من السفر
راحت عند اهلها زعلانه
قالت بسافر مع اهلي قالها اوك مافيه مشكله
غيرت رأيها وقالت بروح مع صديقاتي رفض وقال لست بلا غيرة علشان تسافري الحالك
اصرت على السفر وقال لها لو سافرتي مالك رجعه وورقة طلاقك توصلك
سافرت ولما رجعت جلست فترة تحاول تراضيه لم تستطع وسطت امها وعزمته على قهوة ولم تستطع وسطت ابوها وابوها لم يستطع ثنية عن قرار الانفصال
كلموا اهله وهو خلاص ماعاد يبيها
الآن من الغلطان هو لأنه تسرع وطلق او هي لأنها كسرت كلامه وسافرت الحالها ؟

مع العلم سألته ليه مالغيت تصريح السفر وخليتها تتورط بالمطار وترجع لك غصب عنها قال كنت بشوف هل تسمع كلامي برضاها او بتهون من السفر غصب عنها لان التصريح ملغي
واكتشفت انها ماتحترمني ولا تحترم قوامتي ؟؟
وش رايكم ؟

والله يا اخي تدخل الأهل اذا كان ودي فنتايجه طيبه ، وهذا القرآن قال فابعثو حكم من اهلها وحكم من أهله
بالنسبة لقصتك لاشك الزوجة غلطانة مع العلم ان مشكلة الزوجتين اللي ذكرتهم ماتجي ربع مشكلة هذي
هذي سافرت وأستأنست ورجعت وزيادة سفهت كلمته يوم قال لو سفارتي بنفصل عنك
كنها تقول بكيفك، وتصرفها (شاطح) مع احترامي
ومع ذلك لا ارى الطلاق حل في مشكلتها ، الحل هذي تحطها ببيت اهلها قد المده اللي سافرت وتروح وتسافر انت وتستانس ، وترجع وتقول رجعتك شرطي فيها انك تقطعين تواصلك مع صديقاتك هذول ، ويحاول يضيق عليها ببعض الامور الين تعدل