السلام عليكم ورحمه الله وبركاته
اخواني واخواتي عارفه تعبتكم معاي بس عندي مشكله مخوفتني كثيـــــــــــــــــــــر
انا ادرس بالجامعه ومعانا بنات شذوذ والعياذ بالله اشكالهم والله تخوف..
وانا معروفه بالجامعه بشخصيتي القويه والمرحه والمتعاونه مع الكل بشهاده الجميع وانا مايهمني غير دراستي يعني اهتم بلبسي صحيح ومظهري بس مو بزياده ..المشكله ...
وحده من الشذوذ صار لها شهرين وراي بالجامعه وين مااروح الاقيها وراي وانا مو حاطتنها ببالي ابدا
لاني سبق وصار كذا لين يملون لاني مااعطيهم وجهه ويرحون بس هذي ضلت وراي...وصاحباتي لاحظو انها كل وراي وين مااروح واهي بصراحه شكلها يخوف يعني لبسها وشعرها ولد وجهها نظراتها ولد..
امس انا كنت فاضيه لمده ساعه وانا بالعاده اذا كنت فاضيه اجلس اذاكر او اكتب والبنات الي اعرفهم عندهم محاضرات فظليت لوحدي جات جلست جنبي وقالت انتي اسمك.....وفي سنه....قلت لها ايه
قالت وانا اسمي......قلت لها تشرفت خير ان شاءالله قالت لابس ابقى اجلس جنبك وتقرب مني قمت انا حملت كتبي ووقفت وقلت لها مااحب احد يقرب لي كذا وبعدين انا مااعرفك اصلا ولااحب اتعرف على احد كذا قالت بس انا اعرف عنك كل شي قلت لها وانا مااعرف عنك شي ولاابقى اعرف..
قالت بس انا مو بس احبك امووووووت فيك,,قلت والله من متى؟؟قالت من 4شهور وموقادره اتحمل خلاص
قلت لها تتحملي شنو؟؟قالت والله بالحررررررف انتي بس سلميني نفسك وبترتاحي قلت لها بعصبيه ابتعدي عني احسن لي ولك.....والله خفت منها...
قامت تقول والله مااقدر من اشوفك اتولع....قلت لها غمضي عيونك وانتي ماتشوفيني...او روحي تعالجي احسن,.......ردت علي انا كل البنات مااحد رفضني بالعكس اريحهم كثير وجربي ماراح نخسري...
قلت لها بس انا مو من هالبنات..قالت بس انتي عاجبتني ودخلتي مخي طول بعرض...قلت لها عساكي تنجي وش علي منك ولايهمني..حاولت امشي حاصرتي..قلت لها خليني امر بالطيب احسن لك ولي.
قالت شفتي كل الي في الجامعه مايهموني اعمل لك الي يريحني قدام الكل ولايهمني...
قلت لها قربي وشوفي وربي ادفنك مكانك,,,,,,قالت مااخاف انا لانك شكلك رقيقه ماراح تقدري علي واهي طووووووووويله وعرررررررررررريضه....
قلت لهالايغرك المظهر وربي لوتحطي ايدك علي راح اكسرها لك...قالت انا دوامي كل يوم من 10الى 2
واجي من 8الى 3علشانك قلت لها وش ذنبي انا ...وباعدتها بايدي ومشيت وظلت تناديني..وانا امشي ولاكأني اسمعها..

صاحباتي قالو لي ماتروحي مكان فاضي لوحدك ولاتدخلي دورة مياه لوحدك وش يضمنا ماتجيب لك بنات
شنو رأيكم؟؟؟؟
سامحوني طولت عليكم واعذروني لجرأتي في بعض الكلمات بس للتتضح الصورة اكثر..

لا حول ولاقوة إلا بالله العلي العظيم

ظهر الفساد في البر و البحر

اخيتي انا خائفة عليك

اقول لك الله يحفظك من كل سوء و من البشر الذين لا يخافون الله

و انا اؤيد كلام صاحباتك ... كوني دائما مع احد صديقاتك المعروفات بالدين و لا تفارقيهن ابدا و لا تذهبي لأماكن خالية من البشر ..

و كذلك فليكن معك دوما هاتف و اقترح (مجرد اقتراح) ان تخبري أهلك بما يحدث ... أعوذ بالله

اهمليها قدر استطاعتك و حاولي ان ترتدي ملابس بسيطة جدا و غير ملفتة فيبدو ان الذين في قلوبهم مرض قد ينتموا لفئة النساء ايضا المسترجلات و ان علينا ان نحذر من هذه الفئة عند ارتداء ثيابنا

و اقول لك احسنت في طريقة تعاملك معها فهكذا انواع من البشر لا يفهمون إلا بالعنف و القسوة ... لكنني احذرك من ان تبعديها بيديك لأنها قد تتقاوى عليك ... فاحذري من اي اتصال جسدي مهما كان بسيط ..

__________________
اللهم تقبل دعاء

الله يعينك حبيبتي
ويكفيك شرها

صح كلام صحباتك لاتجلسين لحالك ,مثل هالبنات ينخاف منهم ولو كنتي قويه
مدري وش فيهم البنات انقلب حالهم وهالتصرفات انتشرت كثير باخر فتره
مااقول الا الله يهديهم ويصلحهم
ويكفينا شرهم

ونصيحه مني لاتحاولين تسوين مشكله لانك انتي اللي متضرره
حاولي تتجاهلينها وماتردين عليها
وهي انشالله بتمل حتى لو حسيتي ان حالها زايد اكيد بالنهايه بتمل

__________________
( سبحانك اللهم وبحمدك..اشهد ان لا اله الا انت..أستغفرك واتوب اليك)

الحائرة تبي الصراحة والله

والله كلم ابوكي ...انو في وحدة تتحرش فيا ...والله تنجي من كل الهموم ..... او سجلي لها مكالمة اذا تكلمت معاكي وورطيها ... كده انتي نجيتي نفسك ومن بنات تانيات ، وخلي ابوكي يكلم الجامعة هذي البنت وغيرها بؤرة فساد في المجتمع ............. اما اذا سكتي حتتجرأ عليكي وحتزيد

الولهان

الحائره

ما تترك هاذي ابدا ابدا وحاسبي على نفسك وتحملي تدخلين دورة مياه بروحك وخلج كل ويا ربعك وخلك قرب قرفه الاشراف

اعوووذ بالله
هاذي تخوف بجد وما يصحيها غير صطار على صماخها...

الحائره حاسبي قد ما تقدرين ترا هاذي بتقعد تفكر شلون تطيحك في شي انا اخوك احذرك منها


بس هالبنات هاذلين في اي جامعه؟؟ وليش هالكثر عندكم

اعوذ بالله
حاسبي يا اختي

__________________

نصيحتي اختي خبري اهلك وخبري ادارة الجامعه
وكوني حريصه والله يحميكي

الله يهديهم ويصلحهم حالهم مره زايد

__________________

لا حول ولا قوة الا بالله ..... استعيني بالله ... اقرائي وردك صباح مساء
وتعوذي من شياطين الانس كما تتعوذيم من شياطين الجن
بلغي اهلك عن ما حصل واطلب من والدك التدخل لادارة الجامعه

اتصلي بمسؤلات الاشراف بالجامعه في اقرب وقت

لا تتركين هذا النوع من الشواذ يتسلطن عليكن ويعكرن جو الدراسة

عليكي بالصحبة الصالحة

اللهم احفظ بنات المسلمين من شر اهل الفساد ..آمين

والسلام

هلا حيورة حبيبتي والله انا ارتعشت واحس كمت ارجف من حكايتك شنو هل زمن الي وصلناه اعوذ بالله

ديري بالك على روحك وخبري اهلك ترة بعدين ما ينفع الندم هذول كل اسمهم شذوذ يعني الله يعلم شراح تسويلك وشنو قادرة عليه

الله يخليك طمنين عليك

لا حول ولا قوة الا بالله

ربنا يهديها

لا تظلي لوحدك ولو نصف دقيقة ..... والله خايفة عليك من امثال هؤلاء الشذوذ

وايضا لا تدخلي الحمام مرررررررة الا اذا كنتي مضطرة فليكون معاك صاحباتك

واخبري الادارة عنها انها تضايقك

اكيد يحطون لها حد

تحصني بآيات الرحمن وتوكلي على الله وواظبي على صلاة الفجر تكونين في ذمة الله

وربنا يحفظك من شرورهم

طمنيني عنك

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما