زوجي لا يحسسني بأهميتي عنده - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 05-04-2009, 10:57 AM
  #1
يارب الصبر
عضو جديد
تاريخ التسجيل: Apr 2009
المشاركات: 6
يارب الصبر غير متصل  
زوجي لا يحسسني بأهميتي عنده

السلام عليكم ..

انا بصراحه كان ودي من فتره ادخل هنـا واقول اللي عندي بس كله خايفه زوجي بالصدفه يقرا موضوعي وينجرح ,,

لكن باحاول اقول موضوعي .. مع الحرص ع ابقاء بعض الاساسيات مبهمه ..


اكثر من عشر سنوات وانا مسميه له ..

قبل اربع سنين لبست الدبله

قبل 3 سنوات ملكت

قبل سنه وسبع شهور تزوجت ...



مراح افصل كثير اعذروني .. ولن اتكلم في الماضي .. او كيف كانت فتره الخطوبه ... ولكن احب اقولكم انوهـ

الزواج كان اختيار الاهل فقط .. مع علمهم اني مااااااااااااحبه ...




اللي ذابحني .. مافي توافق ..


تفكيره غير تفكيري ..

تعبيره عن الحب .. ( ابدا ابدا مايوصل لاحساسي )

مايعرف يتعامل ويا بنت ..

مايعرف يحسس بنت ( ان هي اهم شي بحياته .. ان هي محط انظاره كل ثانيه )

انا بنت تربيت في اسرة متماسكه .. قويه .. حساسه .. عاطفيه ..

زوجي للاسف .. احسه بعض الاحيان مجرد من العواطف < مع انه يقول يحبني ..

مااخفيكم اني مقصره وياه من ناحية كلام الحب وغيره .. ولكن صدوقني .. ماانلام

انسان ماحسسني بقيمتي عنده .. شلون احبه ؟ شلون ابادله هالشي ؟؟

بالمختصر ( انسان مايعرف يخلي المره تحبه تفكر فيه تتعلق بيه )

حياتي ممله .. فراغ كبير ..

سوالف ..معدومه ( مع اني كثيره هذره ) لكن وياه لا

ليش .. لانه يعتبر سوالفي تافهه .. انكت << مايجامل بضحكه ( يقول ماتضحك وش اسوي لك )

انا بنت ..

ابي انسان يحسسني اني كل شي بحياته

اني اول واخر اهتماماته ..

اني حبيبته .. عمره .. حياته .. اخته . امه .. ابوهـ .. صديقه .. كل دنيته ..


كل هذا مفتقدته ..

ولا اخفيكم .. دايم اقارن بينه وبين ابوي .. في معاملته لي .. شتان بينهم ..

احس مرات اني ندمانه اني متزوجته .. هو طيب وحنون .. ويحبني ..

لكن وش ينفع الحب والحنان والعطف اذا كان في القلب بس

ابي احس بذا كله ..

ودي انسان يحتضني .. باحساسه ..

( مااخفيكم اني قليلة المعاشره وياه في السرير ) اكره اني اكون مهمه فقط بالسرير

ودي يعرف اهميتي في حياته ايضا ..

بصراحه تعبت .. تعبت .. احس اني كبرت عشرين سنه قدام خلال هالسنه والنص اللي تزوجتها ..

حياتي عديمة الاحساس .. مالها طعم ..

( صدقوني ماني محتاجة حب كثر ماني محتاجة شخص يهتم فيني ويفهمني )

الطلاق مشكله .. ادري ماهو الحل الصحيح ( مع اني افكر فيه دوم )

ابي انسان يحس فيني ..

زوجي يفكر الحب انه يقولي حبيني واحبه خلاص .. اقوله انت باسلوبك خلني احبك ..

بأسلوبك تقدر تخليني اتعلق فيك ..

عصبي عصبي لدرجة يجرحني يبكيني .. نتهاوش كل يوم تقريبا ع اسباب تافهه ( حتى الطفل مايهتم فيها )

للاسف زوجي مستعد يعصب دبي النمل ..

احس ساعات انه يفكرني ولد عايش وياه مب بنت ..

انا حساسه .. طيبه .. ( محتاجة انسان يفجر الاحساس اللي بداخلي ) لكن للاسف زوجي يجهل هالشي

انا شخصيتي قووويه .. حكيمه .. اوزن الامور .. لكن خايفه ان الشيطان يلعب بعقلي ( لاني من جد محتاجة انسان يفهمني ) تايهه وخايفه ..



تم تعديل العنوان
الإشراف

التعديل الأخير تم بواسطة cutiepie ; 05-04-2009 الساعة 12:17 PM
قديم 05-04-2009, 11:08 AM
  #2
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
اذا ما تقدرين تواجهي زوجك بهذا الكلام اللي قلتيه لنا .. الحل انك تكتبيه في رساله و تضعينها في السياره

او على مكتبه او في جيب ملابسه عشان يقراها ..

سؤال هل زوجك يضربك او بخيل او اخلاقه سيئه معك ؟؟

ليش علاقتكم الحميمه قليله .. هل انت التي تمتنعين عنه او هو الذي لا يبادر ؟؟؟

انتو الاثنين متوترين عشان كذا دايم تتخانقون مع بعض ..

هل عندك طفل او حامل ؟؟

هل عندك فكره عن بوصلة الشخصيه و نمط شخصية زوجك ؟؟؟


ابعدي الطلاق من تفكيرك اختي ...
قديم 05-04-2009, 11:16 AM
  #3
يارب الصبر
عضو جديد
تاريخ التسجيل: Apr 2009
المشاركات: 6
يارب الصبر غير متصل  
اقتباس:
المشاركة الأصلية كتبت بواسطة أميرات مشاهدة المشاركة
اذا ما تقدرين تواجهي زوجك بهذا الكلام اللي قلتيه لنا .. الحل انك تكتبيه في رساله و تضعينها في السياره

محب هالاسلوب ياختي .. انا ناقشت وياه هالموضوع دايم بس غالبا اثناء الهووووشه وانا ابكي واصيح واصرخ
او على مكتبه او في جيب ملابسه عشان يقراها ..

سؤال هل زوجك يضربك او بخيل او اخلاقه سيئه معك ؟؟


عصبي على اتفه الاسباب .. والله والله اسباب لو اقولها تقولن طفل مب رجال

ضربني للامانه 3 مرات ..


ليش علاقتكم الحميمه قليله .. هل انت التي تمتنعين عنه او هو الذي لا يبادر ؟؟؟


انا امتنع ياختي مابعد يصير جسمي اغلى واحلى وازين شي عنده



انتو الاثنين متوترين عشان كذا دايم تتخانقون مع بعض ..


لاتوافق فكري .. لاتوافق عاطفي .. ( برود )


هل عندك طفل او حامل ؟؟



وربي ادعي ربي ليل ونهار اني احمل ( عشان انشغل في ولدي وابعد عنه )

وعشان ابتعد عن تفكيري بالطلاق


هل عندك فكره عن بوصلة الشخصيه و نمط شخصية زوجك ؟؟؟



زوجي الي اعرفه انه عصبي .. رسمي ( يعني حتى وياي رسمي )

قليل السوالف والحكي والضحك والفرفشه ( عكسي تماما )


ابعدي الطلاق من تفكيرك اختي ...


غصب علي وربي
قديم 05-04-2009, 11:57 AM
  #4
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
نصيحه لك يا اختي لا تحملي دام انك مو مستقره في حياتك .. اجلي مسألة الحمل لحد ما تتأكدي انك

ممكن تقدري تواصلي حياتك مع زوجك ...

بعدين يا اختي فكرة ارسال رساله للزوج تفيد في حالة الازواج العصبيين اللي ما يسمعون زوجاتهم ..

ارسلي رساله يا اختي اكتبي فيها كل مشاعرك .. ما راح تخسري شي ..

بالنسبه لبوصلة الشخصيه شكلك ما عندك فكره عنها .. فمعرفة نمط شخصية زوجك راح يفيدك جدا ..

ادخلي على هذا الرابط واقرأيه بتمعن و جاوبي على الاسئله واذا ما عرفتي راح اساعدك ...
http://www.66n.com/forums/showthread.php?t=167809
قديم 05-04-2009, 12:10 PM
  #5
جناين ورد2008
عضو متألق
تاريخ التسجيل: Oct 2007
المشاركات: 687
جناين ورد2008 غير متصل  
نفس الكلام اللي كتبتيه هنا عدلي فيه وارسليه له صدقيني مافي الا هذه الطريقة كبداية ...

ولاتنسي اختي دايما الدعاء والاستغفار التقرب الى الله يريح النفس لاتجلسي لوساوس الشيطان ورددي (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة )
قديم 05-04-2009, 06:11 PM
  #6
المهره 31
عضو دائم
تاريخ التسجيل: Mar 2009
المشاركات: 96
المهره 31 غير متصل  
عليك بالدعاء اولا ,تقربي لزوجك حبه حبه زي ما يقولون وبالشيء اللى هو يحبه
ولا تيأسين منه ابدا وحاولي
بالتوفيق
قديم 05-04-2009, 06:33 PM
  #7
morning breath
عضو دائم
تاريخ التسجيل: Apr 2006
المشاركات: 73
morning breath غير متصل  
انا رايي انك ما تكبري الموضوع...و حرصك انه ما يقرا الموضوع بالصدفة في البداية عشان ما ينجرح دليل على انك تعزينه. حاولي انك تنمين معزتك له لحد ما يصير حب. انت تقولين انك حكيمة ، يعني قدها و قدود..صدقيني في أزواج اسوأ من زوجك مليون مرة و انت تقولين ان زوجك طيب و حنون....يعني حراااام تخسرينه..وااايد ازواج اسلوبهم جاف و في من أقاربنا نموذج من هالنوع جاف مع زوجته و بناته بس زوجته عرفت تحط حد لهالموضوع و لينت قلبه و صار ما يقدر يعيش يوم واحد اذا زوجته زعلانه...سمعيه انت كلام حلو ، احضنيه و بادري دايما و لا تيأسين و ان شاء الله ما بتصير الأمور الا مثل ما انت تبغينها...لكن لا تفكرين و لو دقيقة وحدة في الطلاق لأن حسب كلامك ما فيه سبب يستاهل....
قديم 05-04-2009, 11:09 PM
  #8
mamona
عضو جديد
تاريخ التسجيل: Aug 2007
المشاركات: 38
mamona غير متصل  
اقتباس:
المشاركة الأصلية كتبت بواسطة يارب الصبر مشاهدة المشاركة

ابي انسان يحسسني اني كل شي بحياته

اني اول واخر اهتماماته ..

اني حبيبته .. عمره .. حياته .. اخته . امه .. ابوهـ .. صديقه .. كل دنيته ..



تم تعديل العنوان
الإشراف
ومن قال أن الزوجة أهم شيئ بحياة الزوج

ماهذا الكلام الفارغ

لماذا تتعمقون في الأشياء إلى هذه الدرجة

يعني الزوجة هي كل شيئ في حياة الرجل ولماذا
قديم 06-04-2009, 04:36 AM
  #9
يارب الصبر
عضو جديد
تاريخ التسجيل: Apr 2009
المشاركات: 6
يارب الصبر غير متصل  
اقتباس:
المشاركة الأصلية كتبت بواسطة أميرات مشاهدة المشاركة
نصيحه لك يا اختي لا تحملي دام انك مو مستقره في حياتك .. اجلي مسألة الحمل لحد ما تتأكدي انك

ممكن تقدري تواصلي حياتك مع زوجك ...

بعدين يا اختي فكرة ارسال رساله للزوج تفيد في حالة الازواج العصبيين اللي ما يسمعون زوجاتهم ..

ارسلي رساله يا اختي اكتبي فيها كل مشاعرك .. ما راح تخسري شي ..

بالنسبه لبوصلة الشخصيه شكلك ما عندك فكره عنها .. فمعرفة نمط شخصية زوجك راح يفيدك جدا ..

ادخلي على هذا الرابط واقرأيه بتمعن و جاوبي على الاسئله واذا ما عرفتي راح اساعدك ...
http://www.66n.com/forums/showthread.php?t=167809

والله ياختي اني اتعالج ( عشان ابي احمل )
ساعات قول خيره .. اني للان ماحملت ..

اما بالنسبه للرساله ( مشكلتي استحي من ذي الطرق ) او بالاصح احب اقول الكلام وجه لوجه

بس بعد استحي ابدا بوهـ
قديم 06-04-2009, 07:36 AM
  #10
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
اقتباس:
المشاركة الأصلية كتبت بواسطة يارب الصبر مشاهدة المشاركة
والله ياختي اني اتعالج ( عشان ابي احمل )
ساعات قول خيره .. اني للان ماحملت ..

اما بالنسبه للرساله ( مشكلتي استحي من ذي الطرق ) او بالاصح احب اقول الكلام وجه لوجه

بس بعد استحي ابدا بوهـ
تدرين يا اختي ان المشكله مو في زوجك .. المشكله فيك انت .. واضح انك انسانه رومانسيه حالمه

لا انت اللي قابله تكتبي له رساله و تبيني له كل مشاعرك على قولتك تستحين .. و لا انت اللي قادره

تواجينه !!! ..و تبغين زوجك يقرأ افكارك و يعلم الغيب بدون ما تتكلمين .. و بعدين تتهمينه انه جاف و لا

يشعر بك .. اختي اصحي من احلامك و عيشي الواقع .. الحياه الزوجيه مو كلها رومانسيه و حب و غرام ..

العلاقات تتطور و تنضج بعد الزواج .. الزواج اكثر هدوء مقارنة بفترة الخطوبه ..

اختي زوجك يحبك لكن بطريقته هو ..

بعدين ليه تقارنين بين زوجك ووالدك ؟؟ كل واحد يختلف عن الاخر .. لذا انا قلت لك ادخلي على موضوع

بوصلة الشخصيه و اعملي الاختبار لتعرفي نمط شخصية زوجك فهذا راح يريحك كثيرا ...
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:33 PM.


images