الله يخليكم مره أكلت حلى عباره بسكويت مطحون وفوقه أنصاف رطب مره كان لذيذ إللي تعرف الطريقه ترشدني وفيه كمان طريقه ثانبه إنه التمر مطحون بسرعه بموت عليها

اختي الحبيبة ريتال 000
انا مره وحده قالت لي على الطريقة بس ما كتبتها لأني بصراحه ما احب ادخل المطبخ
لكن الحين الحمد لله كأني افضل من اوب لكن برضوا ما احب اسوي الحلى الله يخلي محلات الحلى واذا مافيه فلوس بريالين كتكات او تويكس تأدي الغرض
لكن عموما ان شاء الله يوم الثلاثاء راح اقابلها واطلب الطريقة منها واول ما ارجع من الجامعه ان شاء الله طيراااااااان على النت اعطيك الطريقة 00

لك تحياااتي
اختك بالله

__________________
ادعوا لي بالنجاح والزوج الصالح واكمل دراستي

السلام عليكم

تموووتييييين لاحول ولا قوه الا بالله لا تكفين بعدين من ينورلنا المنتدى
ما تبين غير الحلا غااااليه والطلب رخيص بس عاد قوليلنا شي ثاني غير الرطب والبسكوت تراهم كثيره
بس هذا الحلى اقرب شي ولا بصراحه هو اللي خطر على باللي لو ما كان هو علميني وانا لو حصلت طريقه ثانيه باقولك

احنا كم ريتال عندنا

المقادير

بكت بسكوت مطحون

قالب زبدة صغير

كاس من الرطب المقطع انصاف

كاس من التوفي

2 ملعقة حليب بوره

ملعقة صغير نسكافة



الطريقة:

تخلطين البسكوت المطحون مع الزبده بعد ما تسيحينها وتواسينها على صينيه متوسطه (لو تكون صينيه التشيز كيك اسهل لك او لبسي الصينيه العاديه بلاستيك او قصدير اسهل عند التقطيع)
ممكن تحطين مع البسكوت والزبده شوي قشطه علشان تتماسك اكثر وبعدين حطيها في الثلاجه لين تبرد
رصي انصاف الرطب فوق البسكوت وبعدين صبي التوفي عليها بعد ما تحطين مع التوفي ملعقتين حليب ونسكافيه

توضيح للتوفي بعد ما تسيحين السكر على النار وتخلطين معاه القشطه ويصير توفي حطي الحليب والنسكافيه واخلطيهم مع بعض وصبيه فوق الرطب

وبعدين قطعيها مربعات وقدميها مع القهوه

ان شاء الله تكون اللي في بالك






اختك في الله

اممممممممم

وانا بعد مهتمه بهالوصفه باين عليها حلوه ... وطريقة اختكم روعه وتستاهل انجربها

يعطيكم العافيه علي هذى الوصفه

__________________
أكـــــــــــــوان

خواتي في الله شكرا لكم وياحلوتي أشكرك على الإهتمام وأنا في إنتظارك يوم الثلاثاء
أختي أكوان شكرا لمرورك
اختي أختكم في الله جزاك الله خيرا وتسلمي وإنشاء الله أقدر أساعدك بس تدللي في أي حاجه

هذي طرقتي الاحلى000وادعي لي
بسكوت مطحون مفروك بزبده يرص في الصينيه ثم نرص عليه انصاف الرطب ثم نسكب عليه الخليط التالي بعد خلطة في خلاط العصير وهو :2بيض-قليل فانيليا-علبة قشطة-نصف علبه حليب نستلة المحلى المركز-6حبات جبن كيري0
تخلط جدا في الخلاط ثم تسكب فوق الرطب في الصينيه ثم تدخل الفرن ربع ساعه من تحت وربع ساعة من فوق ثم تدخل الثلاجة حتى تتماسك اكثر
وبالعافيه وادعي لي00

ومنكم نستفيد

تحياتي

المقادير :

2 علبة بسكوت شاهي
15 حبة تمر بدون نوى
1 علبة قشطه
نصف علبة حليب نستله وسط
1ملعقة كبيره نسكافيه
ا أصبع زبده
4 او 3 بيضات
رشة فانيليا
طريقة التحضير : يطحن البسكوت ويفرك بالزبده ويرص في صينية تيفال
ثم نضع القشطه والتمر والبيض والفانيليا والنستله والنسكافيه في الخلاط ثم نضعه فوق البسكوت ثم نضعه في الفرن لمدة عشر دقائق حتى يجمد.

هذي طريقتي بالتمر...........رررررررررروعه...
جربيها وشوفي..

بسم الله الرحمن الرحيم

حبيبتي ريتال 00
طبعاً الاخوات ماقصروا جابوا الطريقه قبلي لكن انتي عاد طبي وتخيري المهم ما تموتين علينا الله يحفظك ويرعاك 00
هذي هي الطريقة اللي جبتها لك وان شاء الله ما اكون تأخرت عليك
اول شيء المقادير
بلح لين اللي هو المستوي زياده على اللزوم
كاسه دقيق ابيض
كاسه سكر ناعم
الطريقة
تهرسين البلح بالشوكة في الصينيه
بعدين تاخذي الدقيق وتحطيه على نار هاديه وتحركيه لحد مايصر لونه ذهبي فاتح مره وبعد كذا تنزليه من على النار وعلى طول تحطين السكر المطحون عليه وتقلبيه وبعد كذا راح تلاقين انه لونه بدأ يصير غامق بعد كذا تاخذين قالب زبده صغير ذايب وتحطيه على الدقيق والسكر واذا حسيتي انه الخليط ثقل عليك تحطين عليه شوي زيت المهم ما يكون مره قاسي يكون مايل على انه يكون سايل مثل عجينة البسبوسه وبعد كذا تفردينه على البلح اللي في الصينيه وترجعي تحطيه في الثلاجه ساعه او ساعه ونص
وبالعااااااااااااااافيه ياااااااااارب
ادعي لي اليوم اختبرت اختبار بس الحمد لله على كل حال
تحياااااتي لكم
اختــــــــــكم

__________________
ادعوا لي بالنجاح والزوج الصالح واكمل دراستي

الله حيرتوني الله يعطيكم ألف ألف عافيه والله يوفقك ياحلوه في جميع إختباراتك حفظ الله جميع أخواتي في المنتدى من كل شر وسوء