أنتي أسأتي لبيئتك بهالكلام
يعني أمي تلبس مثل جدتي وانا البس مثل امي يعني مثل جدتي
على هالحال بنضل متخلفين
الزمن تغير وتبدل
يعني انا بأواخر العقد الثالث وأشوف طالباتي بأواخر العقد الثاني فيه فرق كبير
شلون انتي وامك
ابدا مو عذر لك انك تربيتي كذا
انت محتاجة احد يفوقك من نومتك
يعني كثر خيره زوجك صابر وهو يشوف برا قمة التحضر وداخل بيته العصر الحجري
وتبغينه يجيك مشتاق!!!
الرجل بصري قبل لايكون عاطفي
يعني يثار بمؤثرات خارجية شيء حلو ريحة حلوة لون مبهج و...
المرأة مؤثرتها داخلية حب سلام استقرار..
فيه فرق كبير انتي مااستوعبتيه
المفروض مكافأة اختياره لك تتغيري وتثبتين له ان بنات المحافضين أحسن بنات
شوفي من اليوم روحي لدولابك وفرغيه من كل ملابسك القديمة واللي على طريقة أمك ..
وإذا ميزانيتك تسمح اشتري لك قطعة للبس العادي مثلا بلوزة حمل واسعة مع بنطلون وفيه اقمشة تناسب الحامل
وبيجامة وقميص نوم ولو يكونو نفس اللون علشان الشبشب والاكسسوارات تكون وحدة ولو قدرت على اكثر لاتقصرين على نفسك
واحذري تشترين لأطفالك شيء>>مجربة إحساس الام
هالمرة اشتري لك انتي لأن إصلاح نفسك بينعكس عليهم تربويا ونفسيا
عندك نت وهالشيء لصالحك
أدخلي منتديات التطوير وطوري نفسك سواء الزوجية والا العلمية والا الطبية
أبعدي عن منتديات المشكلات هالفترة بالذات لأنها بتنعكس على حياتك
شوفي نفسك بالمرية وافتحي نافذة حياتك لاجل يدخل النور
جربي المكياج مرة ناعم مرة صارخ مرة الكحل داخل مرة خارجي مرة فوق مرة تحت مرة روج بس مرة قلوس لحد ماتطحي على اللي يناسبك
ابحثي عن صديقة صدوفة تساعدك على تطوير نفسك
ولاتطلعينها على حياتك الزوجية
لأن بعض الحريم إذا شافت الزوجة ماتفهم بحياتها الزوجية ترسم على زوجها لأنه بالنسبة لها فريسة سهلة
أطلعي معاها للسوق
واتمكيجي معها
تعلمي منها الأشياء اللي تنقصك
خلال هالفترة لاتنتظرين أي رد من زوجك
لأنك تحطمت بعينه على مدى سنوات فمحتاجة وقت لاجل ياخذ عنك فكرة جديدة
وأحذري أحذري من النوم خارج الغرفة
أكبر غلط الانفصال بالفراش حتى لو انه مايصير شيء بس مجرد النوم على فراش واحد يأثر على حياتكم ككل
والا ليش بالدين محرم نوم الأولاد بعد 10 سنوات جنب بعض..استحمي وحطي لوشن عطري والبسي لبس غير قميص النوم بس يصير حلو ومريح و تعطري وشعرك رتبيه بحيث مايخرب وقت النوم ونامي وخلي هالشيء كل ليلة ولاتنتظرين منه شيء لأنك بمرحلة البناء
ولما تقومي جهزي فطور رايق ودوري بالنت طرق تقديم حلوة
وتعلمي اتكيت الأكل ولاتهتمي لأي تعليق أو ردة فعل ماتوقعتيها لأنك بمرحلة البناء
بعد مايرجع برضو تكوني مجهزة الغداء بدري ومنظفة أطفالك ومعطرتهم وانتي تحممي قبل مايجي وتهيئي واهتمي بطرق تقديم الأكل
والعشاء بنفس الطريقة وكله بابتسامة
خلي حياتك لوحة حلوة انت تستمتعي بتلوينها بأنتقاء أحلى الألوان
ساعتها لما يكون اللي بداخلك مليان سعادة بينعكس على وجهك وبيلاحظة زوجك وحتى أطفالك بتلاحظين أنك صرتي أكثر هدوء ولطافة معهم
الله يسعدك يارب