دلوعه ومنحوسه

الهي يسعد ايامك ويرزقك الزوج الصالح الي يحطك بعيونه الثنتين

المساله ماهي مساله خوف ابد بالعكس انا من اختار النهايه انا من طلب الطلاق وعلشان كذا هم جالسين يحرموني من اولادي

لاني رفضت ارجع لولدهم

المحكمه احتمال كبير انا ماراح ابد ادخلها برجلي بس راح تنرفع الدعوى وتمشي الامور

انا سالت الشيخ سلمان العوده ومشيت على ماقالي وقالي بلاخير ارفعي دعوى عليهم اذا رفضوا

وهذا الي متوقع انه راح يصير لو ماخلوني اشوفهم

مساله الزواج مومستعجله يعني ماراح افكر فيها بجد الا اذا جاء الانسان الي يستاهل والا الحمد لله عايشه ومعززه ببيت

ابوي بس كنت اتمنىاولادنا يعيشوا بيننا دوم ولاينحروموا من اي طرف وهذا الي كان متفق عليه ببدايه الطلاق

ولكن سبحان الله كل شي تغير

الله يسر الخير يارب ويسعد ايامك على ردك

__________________

يااقلبي ع الدعوات الله يخليك ..
خلااص لاتروحين عند بيتهم اذا ماانتي حاابة بس حااولي بـ اتصالات والماضي والي صار بينكم انسيه اتركيه لربك عشان الاجر وياسعدك يالمظلوم بالجنة ..

والله آنتي الاروع ..

ماافي آروع من التحسب دون الدعاء عليه ولد خالي ظلمني وتحسبت عليه دون ان ادعي واذا دعيت من القهر استغفرت والان لي آجر وربي نصرني عليه وتحسبت عليه لمدة شهر فقط ونصرني ربي ..
والخادمة مادعيت عليها تحسبت فقط وعلى عظم ماحدث لي تحسبت تحسبي فقط ..

وشعور آخوي انا تركت الماضي وسوالف جدتي واحاول نسيانها لكن آخي آخذ حق آمي منهم وكل اسبوعين نروح لها رضت جدتي آم آبت .. بورثه شرى لامي بيت بالرياض .. دايم يعتمر فيها .. وحج فيها .. ومعتبرها مظلومة وجدتي الي اخذتنا منها وسافر يكمل دراسته لانها قالت ابي اشوفك دكتور .. انا اقولك ابي ابر امي لكنها بعيدة عني واذا كنت عندها اسوي اي شيء عشانها والله ذاك اليوم دهنت رجولها وقبلتها وفيها مرهم وكل مرة احلم اشوفها ابي اسوي فيها اعظم من كيذا ..
الله يجعمك فيهم عاجلا غير اجلا وان شاء الله يصومون ويتعيدون برمضاان معك ..

__________________
وإني لأرجو الله حتى كأنني ... أرى بجميل الظن ما الله صانعُ .

هنااوي

حياك الله مره ثانيه ومشكوره على الرد يالغاليه والله يجزاك الف خير

بسراحه مرضك والي صارلك مره ضايقنا والحمد لله على كل حال والله يشفيك ويجعله طهور لك يارب

كل الي قلتيه اكيد راح يصير

وعلى سالفه التحسب والله ان جدتهم ضلمتني قريب في سالفه وصلتني وجلست على سجادتي ورفعتت يدي وقلت

حسبي الله ونعم الوكيل

والحمد لله ان ربي نصرني عليها وتصدقين انها لين هالحين تفكر اني انا السبب في الي صار لها بس مو بدعائي

تفكر اني تدخلت في الموضوع

ووالله اني ماتدخلت ولادريت عن الموضوع الا بعد ان انتهى قلت الحمد لله الي نصرني عليها

وحتى طليقي مره ظلمني بسالفه ودعيت الله ووالله ماعدى اسبوع الا وربي نصرني عليه

وهالحين انا اامل من الله ان ينصرني عليهم نصر عزيز مقتدر

والله اني ادعي الله ان ينصرني على من حرمني منهم لان هذا ظلم انهم يحرموا اولاد من امهم


ياشيخه هذولي ناس في حياتي ماشفت مثلهم كذاااااااااااااااااااااااااابين

في كل شي يوعدون ولايمشون على كلمته

حسبي الله عليهم مع هذا الصباح حسبي الله عليهم حسابا عسير ا عاجلا غير اجل

__________________

الله يفرج لك يارب و الله يجعمك فيهم عاجلا غير اجلا وان شاء الله يصومون ويتعيدون برمضاان معك ..

__________________
وإني لأرجو الله حتى كأنني ... أرى بجميل الظن ما الله صانعُ .

حبيبتي انا عشت بين ام واب منفصلين كنت مشتته بأفكاري
وكنت حساسه جداااااااااااا من امي لدرجه ما اتحمل تقول لي هذا غلط
كانت امي دائما عندما ترانا تعطيني كل ما نريد وتدللنا لذا احببناها اكثر من والدي الذي كان يقسو علينا احيانا كثيره لذا اهم شي الان ان تحسسي ابنائكي بالحنان كل ماشافوكي
والله شعور قاسي جدا لا يحس به الا من جربه لكن ابقي ادعي لهم على طول وخليكي دائما حواليهم
اذهبي للمدرسه شوفي اولادك ترى مررررررررره ينبسطون بس حاولي ما تقولي امام الاطفال الياقين انك مطلقه يمكن يتحسسهو اولادك لانهم رح يحسو انهم مو مثل باقي الاطفال
الله يوفقك للخير
حاولي ان تأخذي اطفالك الى حضانتك حتى لو عن طريق المحكمه
الله يوفقك للخير ويحفظ ابنائك
في رعايه الله ا

__________________
سبحانك اني كنت من الظالمين

الله يهدي طليقك واهله .. والله ما يضيع فيها إلا الصغار .. لا حول ولا قوة إلا بالله .. بعض الناس ما يخافون الله ما يرضون الحرمان لبناتهم لكن على بنات الناس عادي ومثل العسل
الله ينصرك عليهم ويفرج همك في القريب العاجل
إختي أم السوسه كثره التفكير في اولادك راح ترهقك والوساوس مستحيل تتركك طالما هم بعيد عنك
معك حق محد يلومك .. لأنهم هم ثمرة القلب وهم أغلى شئ في الدنيا بعد الأم والأب
من رأي ترفعي قضيه تطالبي فيهم وتأخذيهم عندك طالما إنك ما تزوجت إلى الآن وابوهم لاهي بين حياته وسفرياته
إذا ربنا اكرمك وجاء النصيب خليهم عند اهلك
إذا تزوجتي ورفع عليك قضيه وقتها طالبي بالزياره
خيريه إما يسلمك الأولاد عند كل زياره بكل ادب وبعيد عن المشاكل والمحاكم
أو يكون الإستلام والتسليم عن طريق جهه رسميه

إنت ريحي نفسك وارفعي القضيه عن طريق محامي ..

__________________
Hug

لايلدغ المؤمن من جحره مرتين..غاليتي لي عوده ان شاء الله..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

حبيبتي أم السوسة ..

أخذت ابكي عندما قرأت رد الأخت الغالية هناوي (والله ذاك اليوم دهنت رجولها وقبلتها وفيها مرهم وكل مرة احلم اشوفها ابي اسوي فيها اعظم من كيذا ..)

يالله ....لو كان هذا الشيء الوحيد الذي سيفعله أبنائي لي حينما أكبر لقلت : لابأس فليكونوا بعيدين عني ..!!

سبحان الله ..أحيانا أفكر في نفسي لم يحدث لنا كل هذا ؟؟

فأستعيذ بالله من الشيطان الرجيم وأعود لأقول لنفسي ربما هذا ابتلائي في هذه الدنيا ..لاأدري ربما يكون صبري على هذه المعاناة سببا لدخولي الجنة..

وبعد المعاناة.. ما يدريني لعل الله يحدث بعد ذلك أمراً.

غاليتي ..

في رمضان الماضي وهو آخر شهر قضيته مع زوجي ..

كان لدي بيت وأسرة وأطفالي من حولي وكانت لدي خادمة تحت تصرفي وكانت لدي وظيفة وكانت ..وكانت ..

ورمضان الحالي ..

أقول لنفسي بأي حال عدت يارمضان ؟؟

وحيدة في بيت أهلي ...لامتزوجة ولامطلقة ..

أطفالي بعيدون عني ..

الهموم تعتصرني من كل جهة ..أقلب وجهي في السماء ..أدعو فليس لي غير الله من باب ..

كلما جلست على سجادتي بعد صلاة الفجر وراقبت شمس الصباح وهي تشرق ..

كلما أحسست بالسعادة فإن خلف الليل الطويل فجرا قريبا ..

كلما أحسست بالأمل يشرق في قلبي ..

كلما تأكدت بأن مع العسر يسرا ..

غاليتي ..

أنحزن ومعنا الله ؟؟

أرفعي يدك ..هل تنظرين اليها ؟؟

نعم ..تأكدي أنك سترين أبنائك بحول الله وقوته تماما كما ترين يدك الآن ..

ولكن اصبري فأن الله يحب الصابرين ..

حبيبتي ..

أعلم انك تريدين دواء يسليك ..

ولكن انظري لمن حولك ..

ستجدين المريض والسجين والفقير والأسير ..

انظري لمن فقد غاليا فبل رمضان بسويعات صدقيني ستجدين السلوى ..

لدي كلام كثير قالته لي جدتي - حفظها الله- ولكن لي عودة باذن الله ..

حفظك الله ورعاك ..

وملأ أيامك اشراقا وسعادة ..

ورزقك من حيث لاتحتسبين ..

__________________

أيتها المنتظره القويه باذن الله الواحد الأحد الفرد الصمد سيأتي الوقت الذي تعود فيه الطيور المهاجره لحضن أمها الدافئ وصدقيني لو رفعت عليه قضيه لتعاطيه المخدرات سيحسم الأمر لصالحك لعدم استئمان أبيهم المخدر عليهم..لاتيأسي فما ضاع حق وراءه مطالب ولاتكنسري فالأنكسار أول سلالم الضعف ولاتخشي في الله لومه لآئم..للحديث معك بقيه..وأتمنى لك كل ماهو أفضل وأجمل بالوجود..في رعايه الله..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

اختي ام السوسه
والله حاسه بكل كلمه قلتيها
انا بعد ما طلبت الطلاق كنت طالبته بنفس راضيه وما في قلبي كره بالعكس كنت اقول لازم احافظ على شوي معزه لزوجي واهله في قلبي عشان اربي عيالي على الحب
لكن اللي صار كان صدمه كبيره ما قدرت اعديها الى بصدمه اكبر منها واخرتها يحرموني من عيالي قرابة الشهرين كنت في حاله ما اقدر اوصفها ما ادري هو عشان افتقدت عيالي او من هول الصدمه من الي يصير من اهلهم
الي جاني من ابو عيالي كله في كفه والي صار من امه واخوه وابوه في كفه ثانيه
امتلى قلبي عليهم لدرجة اني كرهت نفسي وحسيت اني تحولت لانسانه حقود قلبها اسود
كنت احاول ادعي لهم بالهدايه لكن كان لساني يقول شيء وقلبي يقول شيء ثاني فصرت اذا رفعت يدي ادعي اجلس ابكي لاني حتى اذا دعيت عليهم اخاف ربي يقبل دعائي واحس بتانيب الضمير لانهم اهلي وقرايبي
فقالت لي وحده ادعي بيارب لا تجعل في قلبي غلاً على الذين امنوا
حبيبتي طالبي بحضانت عيالك وبنفقتهم ولا تترددين وش تخافين منه اذا لجاءتي للمحكمه وش بيسوي اكثر من حرمانك منهم وعلى فكره هو اخطا في حق عياله اكثر من خطأه عليك ولو تركتيه تعتقدين عيالك مو حاقدين عليه عشان حرمهم منك ولا هذا هو اللي تبينه تبين تقولين لهم انه هو السبب وانت مالك ذنب وعشانهم ما شكيتي ابوهم في المحكمه وانت بس الضحيه
انا اسفه اذا قسيت عليك لكن دائما انا نستسلم بسر عه ونقول بنتحمل عشان عيالنا وما نعرف اننا قاعدين نظلمهم معانا بس عشانا لقينا الاستسلام اسهل
ولي عوده ان شاء الله عشان باقي الموضوع