السلام عليكم ورحمة الله وبركاته

أكتب لكم قصة (أخي ) وكلي ألم .. وقع أبغض الحلال عند الله .. وقع الطلاق

والله ما أدري إيش أكتب ولكن قدر الله وماشاء فعل ....

ما أدري أحزن عليه ولا على بنت الناس .. ولا على الولد اللي بينهم ..

كل اللي أقدر أقوله إنه ما صار توافق بينهم .. وقبل كل شي الله كتب وقدر الفراق .

طلقها بكل هدوووء .. بكل طيب .. وأنسحب وهو راضي عن اللي سواه تمام الرضى .

خمس سنوات مشاكل . خمس سنوات وهما يحاولو يتفاهمو ولكن الله ما أراد .

الان هو يريد الزواج . تعرفو صعب يعيش عزوبي . ما يفكر يرجع لهاأبدا .

ولكن الخبر نزل علينا فجأة . والتدوير يبغاله وقت . شهور تقريبا .

مين بترضى تتزوج مطلق وعنده ولد . ويمكن الولد يكون عندها لما يكبر . أو إذا أمه تزوجت .

نبغ وحده بنت حلال . تساعده ينسى المشاكل ..

وكمان الله يوفق طليقته . ويرزقها بإبن الحلال اللي ينسيها المشاكل .

أبغاكم تساعدوني كيف أدور لأخوي . أمي الفتره هذه تعبانة . ووين بتلاقيله .

هل تنصحوني أبحث عن طريق الخطابات . ؟

المعارف والأهل كلهم مافيهم وحده مناسبة . كل وحده عندها شروط أشكال وألوان

بالرغم من أن أخوي ما ينقصه شي .. ولكن يكفي إنه متزوج وعنده طفل .

شورتكم ...

ليــــــــــه حبيبتي مصعبة الأموور
واذا صاار مطلق الرجال وعنده ولد الرجال ماتعيبه الاأخلاقه
على الأقل هو أحسن من اللي تكون زوجته على ذمته
>>لي عودة توني جايه من الجامعة وما قدرت اطلع بدون ماأرد

__________________

أتمنى ما تكون الأمور صعبة . .

بس إحنا لما خطبنا له الأولى .. دورنا كثييييير .. تقريبا خمس شهور .

اللي تطلب مؤخر . واللي تبغ زواج ماحصل .. تعرفي الشروط كيف والله ..

بالرغم إنه كان موظف وراتبه عالي . وعنده سكن . وكل شي متوفر الحمد لله

الله يزوج كل العزاب يارب

الله المستعااااااااااااان

فرحتواااااااااا

الشيطان أعوذ بالله منه


قبل الحماااااااااااااقة 1000 حل

ما صلح من 1000 شي


يعوض الله كل الطرفين

__________________
[motr1]

من وجد الله فماذا فقد ***ومن فقد الله فماذا وجد

[/motr1]

والله يا اختي حزنت على ابن اخوك لانه هو اللي ضايع بينهم ..

اما عن التدوير على زوجه اخرى فلا ارى انه امر صعب .. وفترة 5 شهور اللي قضيتوها في البحث عن الاولى اعتبرها قصيره جدا .. بالنسبه لما نسمعه من بعض الامهات عن فترات تطول لمدة سنه او اكثر ..

والبنات كثير منهم المطلقه ومنهم الكبيره يعني يمكن في سن اخوك ..

اما الخطابات فما انصحك فيهم ابدا ..

الله يكتب لاخوك الخير

غاليتي

الله يكون بعونكم جميعا


لاتستعجلس وتدوري له

خليه فتره ممكن يفكر ويغير قراره

بعد مرور الاشهر صدقيني راح يحس بفراغ كبير وكمان راح يفكر بولده

واذا انتي تبغي الخير لهم كل فتره بهدوء حاولي تصلحي الامور بينهم


وماتدرين لعل الله يحدث بعد ذالك امرا

ترى الطلاق مو هين لا على الكبار ولا علي الصغار

__________________

^^^^^

حبيبتي أم السوسة شكرا على مرورك ..

لكن ليش أحاول أصلح بينهم .

أنا أحس إن الطرفين راضيين ومبسوطين بالطلاق .

يعني سبحان الله لو في ذرة حب كان واحد فيهم حس . أو أتندم . أو حن للثاني

مو كثر الراحة اللي حسو فيها حتى ولدهم مو مفكرين فيه

كل واحد كأنو هم وأنزاح عنه

عشان كذا أنا مو مفكرة في الصلح

يعني لو طليقتو في بالها الرجعة كان أقل شي جلست العدة في بيت زوجها صح ؟

هي راحت عند أهلها .

والله مدري بس في هذه الحالة أنا أشوف إنه الأنفصال أفضل ..

أفضل من إنو يرجعو ويجيبو كومة أطفال وبعدين يرجعو ينفصلو مرة تانية

الكتاب باين من عنوانه

أهم شي إني أنا ما أحرض أو أحاول أفرق بينهم لو هو يبغ يرجع لها الله ييسر له .. ويوفقهم ..

أما لو كان ما يبغى ولا يتمنى بأحاول أدور له على ثانية

صح ولا لأ ؟؟

لو كان شي في كلامي خطأ أنصحوني أنا ما دخلت هنا إلا للإستشارة

لا حول ولاقوة الابالله الله يهديهم كم عمر الولد

يا اختي الغاليه

اول مايحصل كل من الطرفين يكابر

واكيد المراه بتروح لاهلها

وبتكابر وبتزعل يعني للاسف الاغلب تزعل وتروح عند اهلها نادرا ماتلاقي وحده تجلس ببيت زوجها

يمكن التاثر بالتلفزيون والقصص


لاكن صدقيني اكيد راح يحسوا بالفراق

وطبعا هذا يعتمد علىى كم سنه زواجهم دام وعلى علاقتهم ببعض كيف كانت

وعلى سبب الانفصال


انتي حاولي تقنعي اخوك يفكر بمستقبل ولده

بطريقه هاديه وايضا بنظره لبعديييييييييين


وادعيلهم

الله يهديهم ويكتب لهم الي فيه خير

__________________