ابي انحف ... ساعدوني سمنت ...>>ادخلي وبتعرفين الحل :) - منتدى عالم الأسرة والمجتمع
logo

الملاحظات

الريجيم والحمية وضبط الوزن برامج الريجيم والحمية وضبط الوزن

موضوع مغلق
قديم 30-10-2011, 12:16 PM
  #1
انفاس العطور
عضو مميز
 الصورة الرمزية انفاس العطور
تاريخ التسجيل: Dec 2009
المشاركات: 979
انفاس العطور غير متصل  
icon45 ابي انحف ... ساعدوني سمنت ...>>ادخلي وبتعرفين الحل :)

يااااااااااه ياربي سمنننتتت <<توها تكتشف انها سمنت


ابي انحف قبل زواج فلانه

مالقيت شي بالسوق يناسبني

والخ ....


وتبداء عاد تقول ابسوي رجيم وتخطط وتسوي جدول وابداء يوم السبت

ويجي السبت وتطنش وخلاص السبت الي بعدو وبرضوا تطنش


ابقولكم تجربتي ومااتوقع انو فييه احد جسمه مثل جسمي اعند جسم بالدنيا
دخلت نادي شهرين ومانحفت مع رياضه في البيت ورجيم اللهم جبر خاطري بنص كيلو <<فرحني خخخ
طلعت من النادي وانا منقهره كل الي حول ينحفون اقل شي 2 كيلو وانا نص ليييه
شيء يازم النفسيه
بعدها بفتره طنشت جسمي ومااصرت احب اطلع للسوق لاني اتعب على مالقى شي يلبق ويخفي مناطق السمنه
هذي تجربتي مع السمنه
ابتكلم شوي عن اشياء مهمه بعدها ابذكر تجربتي مع النحف



اول شي لازم تعرفين اذا فيك أمساك وانتم بكرامه او لا
لانو الامساك يجمع الفضلات بالجسم ويصير جسمك قاسي ومنفوخ
او لاسمح الله فيك مويات
ثاني شي لاوم تعرفين فصيله دمك
ثالث شي وهو الاهم تقنعين نفسك انك ماتسوين رجيم لاني صرت احس انها كلمه منبوذه بصراحه
اقنعي نفسك انو كل الي بتسوينه مجرد انك تخففين اكلك وتعودين جسمك عالمشي وبس
المويه لازم تشربين منها كثير



نجي لتجربتي مع النحف كانت معدتي تتعبني وتجيني حالات امساك وانتو بكرامه فحليت هالمشكله اول شي
ثاني شي عرفت نوعيه فصيله دمي وعرفت ايش الشي الي يسمن جسمي وصرت اقلل منه جداا
مثلا الي يسمني الدجاج صرت مااكله الا في المناسبات او اذا كنت ابطلب من مطعم
قللت اكلي من المطاعم حقه الوجبات السريعه الي تحسين انها بس تنفخخخ
ماحرمت نفس من المطاعم لا صرت اكل مثلا فطاير بيتزاء احيان كثييررره انام خفيفه مجرد سلطه زبادي
وهالشين اهم شي ساعدني اني انحف
صار عندي مبداء اذا اباكل من براء يااكل شي على تمام واالا مو لازم
يعني مثلا اهلي بيتعشون من كودو مطعم عادي صح فماكنت اكل معهم اروح اسوي لي كلوب خفيف واجلس اتعشى معهم <<وترى هالنقطه مهمه لاتعزلين نفسك عن خلق الله لانك تبين تنحفين
وصرت مااكل الا من المطاعم الي احبها وتعتبر شي مميز عندي او اكون مشتهيه اكل من مطعم
وطبعا تكون باوقات متباعده عن بعض نفس الشيء بالحلا والشوكلت
امي كانت كل مغرب قهوه وشوكلت والكل كان يتقهوى صح هي حبه شوكلت بس شوكلاته عاديه ماتسوي اني اكلها وتسمني وهي طعمها عادي <<كيف الاقناع بس
فصرت مو كل يوم اكل الا اذا فيه مثلا حلا احبه شي جديد
لان بعض الاحيان احس صرنا نجلس عالاكل حق وواجب بس من جد بعض الاحيان تصيرن مو مشتهيه تتغدين لاتاكلين مو لازم بس شاركي الناس حطي لك صحن سلطه والحمدلله
اهم شي ماتحرمين نفسك

.........الرياضه
شيء مهممم والمفروض ماتشيلن همه اي وقت تحسن فيه انك فاضيه امشي
حملي بجوالك مقاطع اناشيد محاضرات وامشي وانتي تسمعينها بيروووح الوقت بدون ماتحسييين
كنت امشي ساعتين تقريبا متقطعه باليوم متى مافضيت طلعت بالحوش امشي <<اذكر اي احد يفقدني بالبيت يدورني بالحوش خخخ
كنت بس امشي مااسوي غير هالرياضه وساعدتني انو جسمي ماترهل مره يعني احس نفي ماكان شي مليان صح مو مشدود وبعض المناطق يبي لها رياضه بس افضل بكثييير من انك تسوين رجيم بدون مشي
امشي والمناطق الي تحتاج رياضه سوي لها رياضه كل مابين فتره وفتره يعني مثلا الزنود
كل ماشفتي زنودك وحسيتي انها مضايقتك لاتضايقين عمرك بوقتها تسوي رياضه لمده خمس دقايق بس
<<كنت اسوي هالشي قبل كنت اشوف المناطق الي تكون مو مشدوده واتضااايق واشيل هم طيب ماراح تنحل بالهطريقه فصرت لما اشوف نفسي بالمرايه اسوي رياضه افضل رياضه للزنود والي احسها تشد ارفعي يدك فوق وامسكي معك قاروتين مويه اوبدون عادي ورجعيها ورى بحيث انو تحسين انشدت

تمغطي خخخخ ماادري وش اللهجات الثانيه تسميه بس ابوصف التمغط لما تصحين من النوم مو تمددين يديك ورجولك ايوه هذا هو التمغط <<مسويه اكتشاف
بس خلي تمغط قوي شووي بحيث انو تحركين العضلات الي تبينها

اخر شي ابقوله انو افضل وقت للرياضه وبطنك فاضي لانو بهالطريقه بتحرقين الدهون المخزنه بجسمك فاحرصي انو تسوينها اول ماتقومي من النوم قبل لاتفطرين لو ربع ساعه ترى بتفرررق كثييير

طيب تدورن كم جلست على هالطريقه يمكن 7 شهور <<بس لاحضوا انا جسمي عنيييييييييييد
ونحفت تقريبا 10 كيلو بالنسبه لي انجاااااز

للاجسام العاديه الي مو عنيده بتحف اكثر بكثيييييييير اختي سوت هالنظام معي وجسمها غير عني ونحفت بشكل ملحوووظ :14:
جربوا هالطريقه وراح تدعون لي ان شاءلله





__________________
وعند الله لاتموت الامنيات
قديم 31-10-2011, 12:50 AM
  #2
بعيده هناااك
عضو نشيط جدا
تاريخ التسجيل: Dec 2009
المشاركات: 203
بعيده هناااك غير متصل  
شكرا على المعلومات المفيده ... بالنسبه لي الحمدلله جسمي حلو بس عندي خوف من السمنه وبعدها الانفراط فيها عشان كذا اغلب نصايحك اتبعها احيانا وراح اطبق اللي قلتي بعد .. وعلى فكره لو تجربين الشاهي الأخضر خطير بعد فيه نوع رووعه اسمه اولونج بالدانوب خطيير .. تسلمين و يعطيك العافيه ويارب توصلين للي تبينه بأسرع وقت .
قديم 31-10-2011, 02:43 AM
  #3
ملامح قمر ..]
عضو نشيط جدا
 الصورة الرمزية ملامح قمر ..]
تاريخ التسجيل: Aug 2011
المشاركات: 1,002
ملامح قمر ..] غير متصل  
الحمدالله أنا جسمي ووزني تمام
أول كنت رجيم وكل همي أنحف ألحين الحمدالله وأكل كل شي أبي ومرتاحه اللهم لك الحمد
النحافه يبي لها شوي تمسكين نفسك عن الاكل
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه
قديم 31-10-2011, 07:07 AM
  #4
انفاس العطور
عضو مميز
 الصورة الرمزية انفاس العطور
تاريخ التسجيل: Dec 2009
المشاركات: 979
انفاس العطور غير متصل  
مشكورين عالمرور

اسعدني تواجدكم
بالنسبه للشاهي الاخضر كرهته بصراحه جتني فتره بس اشربه
__________________
وعند الله لاتموت الامنيات
قديم 11-11-2011, 08:37 PM
  #5
بنت مكة2008
كبار شخصيات المنتدى
 الصورة الرمزية بنت مكة2008
تاريخ التسجيل: Apr 2009
المشاركات: 7,516
بنت مكة2008 غير متصل  
تسلمى على المعلوماااااااااات الحلوووة انا زعلانة من اجازة الحج زدت 2 كيلوو من المطاعم والفلة وطول الوقت جيبو اكل وذقو دا طعم ودا خطير ودا مدري ايششش بس يالله الحمدلله على نعمة الدوام يارب انحف بصحة وسلامة والجميع ياررررب
__________________
ياررب ارح قلبي وعوضني خير
قديم 11-11-2011, 08:47 PM
  #6
انثى ابكت القمر
عضو مميز
 الصورة الرمزية انثى ابكت القمر
تاريخ التسجيل: Feb 2011
المشاركات: 1,795
انثى ابكت القمر غير متصل  
ماشاء الله ماشاء الله ماشاء الله
حلووو
مبارك احسن ماسويتي
اما التمغط حتى لو ماله لزوم اسويه خخخخ امزح >> لغة عربية فصحى التمغط اعتقد مالها مصطلح ثاني هههه والله مدري
على العموم انجاز وحافظي عليه عشان فستان الفرح يصير تمام
__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]
قديم 12-11-2011, 09:37 AM
  #7
حنين للامل
عضو متألق
 الصورة الرمزية حنين للامل
تاريخ التسجيل: Aug 2009
المشاركات: 1,587
حنين للامل غير متصل  
ماشاء الله عليك واتوقع اهم شي بالرجييييييم الاراده والصبر

ذكرتيني بوحده تسوي رجيم اليوم من بكرى تقول هاه نحفت!

وعجبتني سالفة التمغط < عاد انا متمغطة على السبت والاحد!


الف شكر أنفاااااااااس




__________________
قديم 13-11-2011, 10:56 AM
  #8
انفاس العطور
عضو مميز
 الصورة الرمزية انفاس العطور
تاريخ التسجيل: Dec 2009
المشاركات: 979
انفاس العطور غير متصل  
[COLOR="DarkOrchid"]بنوته انا مثلك بالاجازه زددت 2 كيلوو
انثى اهم شي التمغط خخخخ يبي لي ارجع اسوي دايت من هالنوع بعد الاجازه

خخخخخخخخخ اخت حنين مافيه مثل اخوي بالصبر يمشي واذا تعب وجلس قال نحفت صح

اسعدني مروروكم وان شاءالله تنحفون بصحه


/COLOR]
__________________
وعند الله لاتموت الامنيات
قديم 13-11-2011, 01:50 PM
  #9
اللقيا في الخلد
كبار شخصيات المنتدى
 الصورة الرمزية اللقيا في الخلد
تاريخ التسجيل: Sep 2011
المشاركات: 1,342
اللقيا في الخلد غير متصل  
مااعرف اسوي رجيم ,,انحف إذا صرت افكر او انقل هم شي
تنسد نفسي من الله انحف ,,ويستلموني العالم وش رجيمك !!
حلو نتبع سنة نحن قوم لاناكل حتى نجوع وإذا أكلنا لانشبع ..
يعطيك العافية خيتو واستمري لاتخربين طريقتك حلوة
__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:11 AM.


images